खेलकुद

पूर्णपुष्टि, साउन ३१ ।  उदयपुरको कटारी नगरपालिकामा आगामी भदौ ७ गतेदेखि प्रथम हरिचन्द्र साह स्मृति कप फुटबल प्रतियोगिता हुने भएको छ। कटारी टाईगर फुटबल क्लबको आयोजनामा हुन लागेको यस प्रतियोगितामा कक्षा १० सम्मका विद्यार्थीहरूले भाग लिनेछन्। कटारी, उदयपुरगढी, त्रियुगा र दुधौलीका गरी १६ टिमले प्रतिस्पर्धा गर्ने यस प्रतियोगिताको विजेताले नगद रु. ३०,००० सहित ट्रफी, प्रमाणपत्र र मेडल प्राप्त गर्नेछ। उपविजेताले नगद रु. २०,००० सहित ट्रफी, मेडल र प्रमाणपत्र हात पार्नेछ। भदौ २२ गतेसम्म चल्ने यस प्रतियोगितामा उत्कृष्ट खेलाडी, गोलरक्षक, मिडफिल्डर, उदयमान खेलाडी र सर्वाधिक गोलकर्तालाई विशेष पुरस्कार दिइनेछ। साथै दैनिक म्यान अफ द म्याच पुरस्कार पनि रहनेछ। क्लबका अध्यक्ष दिपक राई र प्रशिक्षक रोहन जोशीले आज आयोजित पत्रकार सम्मेलनमा यस प्रतियोगिताको बारेमा जानकारी दिएका हुन्। कटारी-४ निवासी स्वर्गीय हरिचन...

पूर्णपुष्टि, साउन ३१ । स्पेनको प्रतिष्ठित फुटबल प्रतियोगिता ला लिगाको नयाँ सिजन २०२४-२५ आजदेखि सुरु हुँदैछ। एथ्लेटिक विल्वाओ र गेटाफेबीचको खेलबाट यस सिजनको सुरुवात हुनेछ। एथ्लेटिक क्लबको गृहमैदान सान माम्स बारियामा नेपाली समयानुसार राति १०:४५ बजे यो खेल सुरु हुने तालिका रहेको छ। यस सिजन २० टोलीले प्रतिस्पर्धा गर्दैछन्। गत सिजनका विजेता रियल मड्रिड उपाधि रक्षाको लक्ष्यमा छन् भने बार्सिलोना र एट्लेटिको मड्रिडले उनीहरूलाई कडा चुनौती दिने अपेक्षा गरिएको छ। यस सिजन लेगानेस, भाल्लाडोलिड र स्पानयोल दोस्रो श्रेणीबाट बढुवा भई ला लिगामा फर्किएका छन्। अघिल्लो सिजन ला लिगा खेलेका अल्मेरिया, ग्रानाडा र क्याडिज भने रेलिगेसनमा परी दोस्रो श्रेणीमा झरेका छन्। नयाँ सिजनको पहिलो खेलमा एथ्लेटिक विल्वाओ र गेटाफे दुवै विजयी सुरुआत गर्ने लक्ष्यका साथ मैदानमा उत्रने छन्।...

पूर्णपुष्टि, साउन २८ ।  पेरिस ओलम्पिक २०२४ को समापनसँगै अमेरिकाले पदक तालिकामा शीर्ष स्थान हासिल गरेको छ। दुई हप्ताभन्दा बढी चलेको यस प्रतियोगितामा अमेरिका र चीनबीच कडा प्रतिस्पर्धा देखिएको थियो। अन्तिम दिनसम्म दुवै देशले ४०-४० स्वर्ण पदक जितेका थिए। तर अमेरिकाले महिला बास्केटबलमा आयोजक फ्रान्सलाई ६७-६६ को रोमाञ्चक अन्तरले हराउँदै स्वर्ण जितेपछि रजत पदकको संख्याका आधारमा शीर्ष स्थान सुरक्षित गर्‍यो। अमेरिकाले कुल १२६ पदक (४० स्वर्ण, ४४ रजत र ४२ कांस्य) जित्यो भने चीनले ९१ पदक (४० स्वर्ण, २७ रजत र २४ कांस्य) हात पार्‍यो। जापान २० स्वर्णसहित कुल ४५ पदक जितेर तेस्रो स्थानमा रह्यो। अष्ट्रेलिया १८ स्वर्णसहित ५३ पदक जोडेर चौथो भयो भने आयोजक फ्रान्स १६ स्वर्णसहित ६४ पदक जितेर पाँचौं स्थानमा रह्यो। यस ओलम्पिकमा २०६ राष्ट्र सहभागी भएकोमा ९१ राष्ट्रले कम्तीमा एक पदक जिते।...

पूर्णपुष्टि, साउन २७ ।  कर्णाली प्रदेशमा आयोजना हुने दशौं राष्ट्रिय खेलकुदको तयारी तीव्र गतिमा अघि बढेको छ। आगामी मंसिर २ देखि ९ गतेसम्म हुने यस प्रतियोगिताको सय दिने काउन्टडाउन शनिबारदेखि सुरु भएको छ। कर्णाली प्रदेश खेलकुद विकास परिषद्ले वीरेन्द्रनगरमा आयोजित एक कार्यक्रममा प्रतियोगिताको लोगो र मस्कट प्रस्ताव गरेको छ। प्रस्तावित लोगोमा सात प्रदेशका खेलाडी, डाँफे चरा, नेपालको झण्डा र कर्णाली नदी समावेश छन्। मस्कटको रूपमा कर्णालीको हिमाली क्षेत्रमा पाइने दुर्लभ रेडपाण्डालाई प्रस्ताव गरिएको छ। कार्यक्रममा कर्णाली प्रदेशका सामाजिक विकासमन्त्री घनश्याम भण्डारीले प्रतियोगिता तोकिएकै मितिमा आयोजना हुने प्रतिबद्धता जनाए। साथै, कर्णाली खेल गीत पनि सार्वजनिक गरियो। परिषद्का सदस्य-सचिव विश्वामित्र संज्यालले प्रतियोगिताको तयारीमा पूर्वाधार, बसोबास, यातायात, स्वास्थ्य र सुरक्षालाई प्राथमिकता दिइएको...

पूर्णपुष्टि, साउन २७ ।  म्यानचेष्टर सिटीले पेनाल्टी सुटआउटमा म्यानचेष्टर युनाइटेडलाई पराजित गर्दै कम्युनिटी शिल्डको उपाधि जितेको छ। लण्डनको वेम्बली मैदानमा भएको रोमाञ्चक खेलमा सिटीले युनाइटेडलाई ७-६ को नतिजामा हरायो। निर्धारित ९० मिनेटको खेल १-१ को बराबरीमा सकिएपछि खेल सिधै पेनाल्टी सुटआउटमा पुगेको थियो। युनाइटेडका अलेजान्द्रो गार्नाचोले ८२औं मिनेटमा गोल गर्दै टोलीलाई अग्रता दिलाएका थिए। तर खेल सकिन एक मिनेट अगाडि सिटीका बर्नार्डो शिल्भाले बराबरी गोल गरे। पेनाल्टी सुटआउटमा दुवै टोलीले सुरुवाती ५-५ पेनाल्टीमा समान ४ गोल गरेका थिए। युनाइटेडका ब्रुनो फर्नान्डेज, डिएगो डालोट, गार्नाचो र कासेमिरोले गोल गरे भने सिटीका केभिन डे ब्रुएना, एर्लिङ हालान्ड, साभियो र गोलकिपर एडरले गोल गरे। थप पेनाल्टी प्रहारमा सिटीका माथेउज नुनेज, रुबेन डियाज र मानुएल अकान्जीले गोल गरे। युनाइटेडका स्कट म्याकटोमिने र...

पेरिस ओलम्पिक २०२४ को पुरुष फुटबल प्रतियोगितामा स्पेनले स्वर्ण पदक जितेको छ। शुक्रबार राति भएको फाइनलमा स्पेनले आयोजक फ्रान्सलाई अतिरिक्त समयमा ५-३ गोल अन्तरले पराजित गर्यो। यो स्पेनको सन् १९९२ पछिको पहिलो ओलम्पिक स्वर्ण हो। अतिरिक्त समयमा स्पेनका सर्जियो कमेलोले गरेका दुई गोल निर्णायक सावित भए। यो जितसँगै स्पेनले आफ्नो अन्तर्राष्ट्रिय फुटबल वर्चस्व कायम राखेको छ। स्पेनले यसअघि युरो २०२४ को उपाधि जितेको थियो भने मेन्स यू-१९ र महिला विश्वकपमा पनि विजयी भएको थियो। अन्य खेलहरूमा, महिला बक्सिङको वेल्टरवेट वर्गमा अल्जेरियाकी इमाने खलिफले स्वर्ण जितिन्। उनले चीनकी याङ लिउलाई पराजित गरिन्। खलिफ यसअघि लैंगिक योग्यताका कारण विवादमा तानिएकी थिइन्। प्रतियोगिताको १३ औं दिनको अन्त्यमा, अमेरिका र चीन दुवैले ३३-३३ स्वर्ण पदक जितेका छन्। अमेरिका ३९ रजत र ३९ कांस्य सहित कुल पदक तालिकामा शीर्ष स्थानमा छ। ...

पूर्णपुष्टि, साउन २३ ।  काभा वुमन्स नेसन्स लिग भलिबलको उपाधिका लागि आज नेपाल र भारतबीच रोमाञ्चक फाइनल खेल हुँदैछ। फाइनल खेल साँझ ५ बजे त्रिपुरेश्वरस्थित कभर्डहलमा सुरु हुनेछ। नेपाल भलिबल संघका अनुसार प्रधानमन्त्री केपी शर्मा ओली फाइनल खेल हेर्न उपस्थित हुने जनाइएको छ। यस प्रतियोगितामा नेपाल र भारतबीच यो दोस्रो भेट हो। लिग चरणमा नेपालले भारतलाई पाँच सेटको कडा प्रतिस्पर्धामा हराउँदै ऐतिहासिक जित हासिल गरेको थियो। नेपालले पहिलो पटक महिला भलिबलमा भारतलाई हराएको थियो। नेपालका मुख्य प्रशिक्षक जगदिश भट्टले भारतको स्पाइक र ब्लक नेपालभन्दा बलियो रहेको बताउँदै, यसलाई रोक्न सके नेपाललाई जित्न सहज हुने धारणा राखेका छन्। उता नेपालकी कप्तान अरुणा शाहीले भारतविरुद्ध खेल्दा टोलीमा छुट्टै उत्साह आउने बताएकी छिन्। नेपालको मुख्य स्पाइकरहरू निरुता ठगुन्ना र उषा भण्डारी हुन्। भारततर्फ मिडल ब्लकर सूर्या, आउटस...

पूर्णपुष्टि, साउन २० । दोस्रो सेभेन ए साईड फुटबल प्रतियोगिताको उपाधि दमौटी फुटबल क्लबले जितेको छ। शनिबार बोक्से स्थित गंगा खेल मैदानमा भएको फाईनल खेलमा आयोजक ब्रोदर्श फुटबल क्लबलाई ०-३ गोलले हराउँदै दमौटीले उपाधि हात पारेको हो। दमौटी फुटबल क्लबका लागि प्रताभ राई, अन्जन हमाल र पविन राईले एक-एक गोल गरे। खेलको म्यान अफ द म्याच दमौटी फुटबल क्लबका रितेश तामाङ्ग बने । उनले नगद रु. १ हजार सहित मेडल प्राप्त गरे। उपाधि विजेता दमौटीले नगद रु. ४० हजार सहित ट्रफी, मेडल र प्रमाण पत्र प्राप्त गरे। उपविजेता ब्रोदर्शले नगद रु. २० हजार सहित ट्रफी, मेडल र प्रमाण पत्र प्राप्त गरे। प्रतियोगितामा विभिन्न व्यक्तिगत पुरस्कारहरू पनि वितरण गरिएको थियो । बेस्ट डिफेन्स पुरस्कार ब्रोदर्श फुटबल क्लबका पमिन श्रेष्ठले जिते भने बेस्ट स्ट्राइकर पुरस्कार दमौटी फुटबल क्लबका रबि शंकर चौधरीले हात पारे। दमौटीका निम छेरिङ शेर...

पूर्णपुष्टि, साउन १८ । बोक्सेमा जारी दोस्रो सेभेन ए साईड फुटबल प्रतियोगिताको फाईनलमा (आयोजक) ब्रोदर्श फुटबल क्लब प्रवेश गरेको छ । बिहिबार गंगा खेल मैदानमा भएको दोस्रो सेमिफाईनल खेलमा ब्रोदर्श फुटबल क्लबले बुद्ध युनिटि फुटबल क्लबलाई ५–१ गोल अन्तरले हराउँदै अन्तिम दुईमा स्थान बनाएको हो । ब्रोदर्श फुटबल क्लबका लागी जर्सि नं. ११ का सुनिल खड्काले ४ गोल गरे भने जर्सि नं. १५ का सन्दिप लिम्बुले १ गोल गरे । त्यस्तै बुद्ध युनिटि फुटबल क्लबका लागी जर्सि नं. १० का एलन राईले सान्त्वना गोल गरे । यस खेलको म्यान अफ द म्याच ब्रोदर्श फुटबल क्लबका सुनिल खड्का बने । उनले नगद रु. १ हजार सहित मेडल प्राप्त गरे । यस अघि दमौटी फुटबल क्लबले शिशवारी फुटबल क्लबलाई हराउँदै फाईनलमा प्रवेश गरिसकेको छ । फाईनल खेल ब्रोदर्श फुटबल क्लब र दमौटी फुटबल क्लब बिच भोली (शनिबार) हुनेछ । यस प्रतियोगिताको विजेता टिमले नगद ...

पूर्णपुष्टि, साउन १६ । बोक्सेमा जारी दोस्रो ७ए फुटबल प्रतियोगिताको फाईनलमा दमौटी फुटबल क्लब प्रवेश गरेको छ । बुधबार गंगा खेल मैदानमा भएको पहिलो सेमिफाईनल खेलमा शिशवारी फुटबल क्लबलाई २–३ गोलले हराउँदै दमौटी फुटबल क्लबले अन्तिम दुईमा स्थान बनाएको हो । दमौटीको लागी जर्सी नं ९ का प्रताब राई, जर्सि नं १७ का अन्जन हमाल र जर्सि नं ३ का रितेस तामाङ्ले १–१ गोल गरे । त्यस्तै शिशवारीको लागी जर्सि न ४ का निखिल कार्कि र जर्सी नं १० का बिश्वास राईले १–१ गोल गरे । यस खेलको म्यान अफ दि म्याच दमौटी फुटबल क्लबका अन्जन हमाल बने । उनले नगद रु. १ हजार सहित मेडल प्राप्त गरे । भोली हुने दोस्रो सेमिफाईनल खेलबाट फाईनल खेल्ने अर्को टोलीको टुङ्गो लाग्नेछ । यस प्रतियोगिताको वेजता टिमले नगद रु. ४० हजार सहित ट्रफी, मेडल र प्रमाण पत्र प्राप्त गर्नेछ । उपविजेता टिमले नगद रु. २० हजार सहित ट्रफी, मेडल र प्रमाण पत्र प...