संसार

पूर्णपुष्टि, जेष्ठ २० चर्चित बलिउड नायक टाइगर श्राफ र नायिका दिशा पटानीका विरुद्ध मुम्बई पुलिसले एफआइआर दर्ता गरेको छ । मुम्बई प्रहरीको आधिकारिक ट्विटर ह्यान्डलमा यी दुइका विरुद्ध धारा १८८ अनुसार एफआइआर दर्ता गरिएको हो । यी दुई कलाकारलाई जुन १ तारिखमा मुम्बइमा घुमफिर गरिरहेको समयमा प्रहरीले सोधपुछ गरेको थियो । यी दुई कलाकार बाहिर निस्कनुको ठोस कारण केही पनि नपाएको मुम्बई प्रहरीले भारतीय मिडियालाई जानकारी दिएको छ । मुम्बइमा जुन १५ तारिखसम्म कफ्र्यू लगाइएको छ भने बिहान ७ बजेदेखि दिउँसो २ बजेसम्म मात्र बाहिर निस्कने छुट रहेको छ । भारतीय मिडियाका अनुसार, मंगलबार जिम सकेर दिशा र टाइगर लामो ड्राइभमा निस्किएका थिए ।...

पूर्णपुष्टि, जेष्ठ १८ चीनले अनुदानमा दिएको १० लाखमध्ये ८ लाख भेरोसेल खोप आज काठमाडौं आइपुगेको छ । आज नेपाल एयरलाइन्सको विमानले ८ लाख डोज खोप त्रिभुवन विमानस्थलमा ल्याएको हो । जेठ १२ गते राष्ट्रपति विद्यादेवी भण्डारीसँग अघिल्लो हप्ता भएको कुराकानीमा चीनका राष्ट्रपति सी जिनपिङले १० लाख डोज खोप अनुदानमा दिने घोषणा गरेका थिए । चीन सरकारले अनुदानमा दिएको ८ लाख डोज खोप लिएर नेपाल वायुसेवा निगमको ए ३३० वाइडबडी आज अपरान्ह काठमाडौं आइपुगेको छ । वाइडबडी खोप लिन सोमबार राति बेइजिङ गएको थियो । उक्त भेरोसेल खोप एक पटक पनि खोप नलगाएका नागरिकलाई दिइने योजना स्वास्थ्य मन्त्रालयले बनाएको छ । चीनबाट ल्याएको खोप लगाउने प्राथमिकतामा शिक्षक, सार्वजनिक सवारीका चालकलगायत रहेका छन् । यसअघि चीनले अनुदानमा दिएको ८ लाख डोज खोप नेपालमा ल्याई प्रयोगसमेत भइसकेको छ ।...

पूर्णपुष्टि, जेष्ठ १५ विवेकशील साझा पार्टीका पूर्व संयोजक उज्जल थापाको उपचारमा परिवारले विएण्डसी हस्पिटलका संञ्चालक दुर्गा प्रसाईको सहयोग अस्वीकार गरेको छ । परिवारले थापाको उपचार पारिवारिक स्रोत बाटै गर्ने जनाउँदै सहयोग गर्ने बचनको लागि प्रसाई प्रति धेरै धन्यवाद व्यक्त गरेको छ । प्रसाईँले यसअघि थापाको उपचारमा लाग्ने सम्पूर्ण सहयोग आफूले व्यहोर्ने घोषणा गरेका थिए । तर थापाको परिवारले मेडिकल व्यवसायी प्रसाईँको सहयोग अस्वीकार गरेको हो । परिवारले शनिवार प्रेस विज्ञाप्ती निकाल्दै सहयोग संकलनको क्रममा उज्वल थापाको उपचार खर्च आफूले व्यहोर्ने भनी श्री दुर्गा प्रसाईंले भन्नुभएको भन्ने सञ्चार माध्यममा प्रकासनरप्रसारण भएको खबर हाम्रो जानकारीमा आएको छ । सहयोगी भावनाको लागि र यहाको सहयोग बचनको उच्च कदर गर्दै आवश्यक खर्च परिवारबाटै गर्ने परिवारले जनाएको छ । परिवारले विज्ञाप्तीमा हाल थापाको प...

बैशाख १२ इराकको एक कोभिड–१९ (कोरोना भाइरस) का सङ्क्रमितको उपचार भइरहेको सघन उपचार कक्षामा आगलागी हुदा ज्यान गुमाउनेको सङ्ख्या ८२ पुगेको छ । राजधानी बग्दादमा रहेको इबन अल–खातिभ अस्पतालमा गतराति भएको आगलागीमा कम्तीमा ८२ जनाको ज्यान गएको अन्तराष्ट्रिय संचारमाध्यमले जनाएको छ । आगलागीमा परि एक सयभन्दा धेरै घाइते भएका छन् । अक्सिजन सिलिन्डर विस्फोटबाट आगलागी सुरु भएको जनाईएको छ । अस्पतालमा अग्नि नियन्त्रणको व्यवस्था नभएकोले अस्पतालभित्रका अरू प्रज्ज्वलनशील सामानहरूमा आगो तत्कालै सल्किएको जनाईएको छ । धेरैजसो बिरामीलाई अन्यत्र सार्नुपरेको र भेन्टिलेटर हटाउँदा बिरामीको ज्यान गएको अस्पतालले जनाएको छ । कतिपयको आगलागीबाट निस्किएको धुवाँले निस्सासिएर ज्यान गएको जर्नाइएको छ । अस्पतालबाट एक सय २० जना बिरामी र उनीहरूका आफन्तमध्ये ९० जनालाई भने सुरक्षित रूपमा बाहिर निकालिएको छ । अस्पतालहरूमा...

बैशाख १२  भारतमा एकैदिन कोरोना सङ्क्रमणबाट दुई हजार सात सय ६७ जनाको ज्यान गएको छ । भारतमा कोरोनाको दोस्रो लहर फैलिएपछि सघन उपचार कक्ष, औषधि र अक्सिजनको अभावले ज्यान गुमाउनेहरूको सङ्ख्या बढिरहेको छ । योसँगै भारतमा कोरोना सङ्क्रमणबाट अहिलेसम्म एक लाख ९२ हजार तीन सयभन्दा धेरै जनाको ज्यान गइसकेको छ । त्यस्तै पछिल्लो २४ घण्टामा अहिलेसम्मकै धेरै तीन लाख ४९ हजार ६ सय ९१ जनामा कोरोना भाइरसको सङ्क्रमण पुष्टि भएको भारतको केन्द्रीय स्वास्थ्य मन्त्रालयले जनाएको छ । भारतमा पछिल्लो दुई हप्तामा मात्रै ३० लाख सङ्क्रमित थपिएको जनाईएको छ । भारतमा अहिले अन्तिम संस्कारका लागि शवदाह गर्ने ठाउँमा घण्टौँ पर्खनुपर्ने बाध्यता आएको छ । शवदाह स्थलमा बसेर केही दिन शव गनिरहेका पत्रकारहरूले सरकारले सार्वजनिक गरेको तथ्याङ्कभन्दा दशौँ गुणा धेरैको ज्यान गइरहेको बताएका अन्तराष्ट्रिय संचारमाध्यले जनाएको छ । अ...

बैशाख ११ सैन्य ‘कू’ गरेर सत्ता हातमा लिएपछि म्यानमारका सैनिक प्रमुख पहिलोपटक विदेश भ्रमणमा गएको छ । सैनिक प्रमुख जनरल मिन आङ लाइङ शनिबार इन्डोनेशियाको राजधानी जकार्ता गएको अन्तराष्ट्रिय संचारमाध्यमले जनाएका छन् । गत फेब्रुअरी १ मा निर्वाचित सत्ता हत्याएर शक्ति हातमा लिएका सैनिक प्रमुखले अन्तर्राष्ट्रिय नेताहरुसँग पहिलो पटक भेटवार्ता गर्न लागेको हो । इन्डोनेशियामा दक्षिण पूर्वी एसियाली देशहरुको एसोसिएशन आसियनको सम्मेलन हुँदैछ । म्यानमारसहित १० सदस्य देशका नेता तथा विदेशमन्त्रीहरु सामेल हुने सम्मेलनमा म्यानमारको अहिलेको संकटबारे औपचारिक रुपमा छलफल सुरु हुनेछ । सैनिकले सत्ता लिएयता म्यानमारमा लगातार प्रदर्शन हुँदै आएको छ । सुरक्षाकर्मीको बल प्रयोगका कारण अहिलेसम्म सात सय भन्दा धेरैको ज्यान गएको छ भने हजारौं पक्राउ परेका छन् ।...

बैशाख ११  भारतको उत्तराखण्डमा फेरि हिमताल फुटेको छ । भारत–चीन सीमा क्षेत्र नजिक चमोली जिल्लामा रहेको हिमताल फुटेको उत्तराखण्ड सरकारलाई उदृत गर्दै अन्तराष्ट्रिय संचारमाध्यमले जनाएको छ । हिमतल फुटेको ठाउँकाबारेमा जानकारी संकलन गर्ने काम भइरहेको उत्तराखण्ड प्रहरीले जनाएको छ । खराब मौसमका कारण सञ्चार सम्पर्क विच्छेद भएकाले सूचना लिन कठिनाइ भइरहेको प्रहरीले जनाएको छ । आधिकारिक पुष्टि नभएसम्मका लागि धैर्य राख्न र अफवाहको पछि नलाग्न प्रहरीले आग्रह गरेको छ । यस क्षेत्रमा आवादी कम भएकाले क्षति कम हुने आकलन गरिएको छ । यसअघि गत फागुनमा उत्तराखण्डमा हिमताल फुट्दा आएको बाढीमा परेर ५० जनाको ज्यान गएको थियो  ।...

बैशाख ११  भारतमा पछिल्लो २४ घण्टामा तीन लाख ४५ हजार एक सय ४७ जना नयाँ सङ्क्रमित थपिएका छन् । गत २४ घण्टामा दुई हजार ६ सय २१ जनाको ज्यान गएको छ । योसँगै ज्यान गुमाउनेको सङ्ख्या १८ लाख ९ हजारभन्दा धेरै पुगेको छ । अहिलेसम्म सङ्क्रमितको सङ्ख्या भने एक करोड ६६ लाखभन्दा धेरै पुगेको छ । गत २४ घण्टामा एक लाख ९२ हजारभन्दा धेरैले कोरोनालाई जितेका भारतीय सञ्चारमाध्यमले जनाएका छन् । योसँगै भारतमा निको हुनेको सङ्ख्या एक करोड ८६ लाखभन्दा धेरै पुगेको छ । त्यस्तै, पछिल्लो तीन दिनमा भारतमा कोरोनाका १० लाखभन्दा धरै सङ्क्रमित थपिएका छन् । तीन दिनमा ६ हजारभन्दा धेरैको ज्यान गएको छ । सक्रिय सङ्क्रमितको सङ्ख्या २५ लाखभन्दा धेरै पुगेको छ ।...

वैशाख १० भारतका मुम्बईको एक कोरोना विशेष अस्पतालमा आगलागी हुँदा १२ जनाको मृत्यु भएको छ । मुम्बईको विरारस्थित विजय वल्लभ अस्पतालको आईसीयू वार्डमा आगलागी भएको भारतीय सञ्चार माध्यमहरुले जनाएका छन् । आगलागीबाट अस्पतालमा उपचाररत १२ जनाको मृत्यु भएको जनाईएको छ । शुक्रबार बिहान करिब साढे ३ बजेतिर आगलागी भएको हो । अग्नि नियन्त्रक र प्रहरीको टोली घटनास्थलमा पुगेका छन् । आगलागीको कारण खुलेको छैन । यसअघि महाराष्ट्रको नासिकमा अक्सिजन लीक हुँदा २४ जना कोरोना संक्रमितको मृत्यु भएको जनाईएको छ ।...

बैशाख १०  भारतको राजधानी नयाँ दिल्लीका अस्पतालहरु कोरोना सङ्क्रमितले भरिएको छ । अस्पतालमा रहेका ९९ प्रतिशत बेडमा सङ्क्रमितहरुलाई राखिएको र अब आउने सङ्क्रमित राख्ने ठाउँको अभाव भएको अन्तराष्ट्रिय संचारमाध्यमले जनाएका छन् । त्यस्तै भारतको दिल्लीमा रहेका ६ वटा अस्पतालमा अक्सिजन सकिएको जनाईएको छ । अरु अस्पतालहरुमा पनि केही समयका लागि मात्रै पुग्ने अक्सिजन बाँकी रहेको भारतीय सञ्चार माध्यमहरुले जनाएका छन् । अहिले दिल्लीबाट अक्सिजन बोकेका ट्याङ्करहरु अरु राज्यमा जान दिइएको छैन । उनीहरुले अक्सिजन भण्डारण गरेर राखेर आपूर्ति रोकेको हुन सक्ने आशङ्का गरिएको छ । भारतमा कतिपय व्यक्तिहरुले अक्सिजन नपाएर ज्यान गुमाएको जनाईएको छ । भारतमा दोस्रो लहरको कोरोना सङ्क्रमण सुरु भएसँगै हरेक दिन विश्वमै सबैभन्दा धेरै कोरोना सक्रमित थपिइरहेका छन् । पछिल्लो २४ घण्टामा मात्रै भारतमा ३ लाख ३२ हजारभन्दा ध...