समाचार

पूर्णपुष्टि, असोज २६ । आज आफुभन्दा अग्रजबाट टिका जमरा लगाएर विजया दशमी पर्व मनाईदै छ । नेपाल पञ्चाङ्ग निर्णायक विकास समितिले टीका लगाउने उत्तम साइत ११ बजेर ३६ मिनेटलाई तोकेको छ। समितिका पूर्वअध्यक्ष प्रा.डा. रामचन्द्र गौतमका अनुसार टीका र जमरा देवीको प्रसाद भएकोले जुनसुकै समयमा लगाउन सकिन्छ । उनले बिहान ८ बजेर ३३ मिनेटमा देवी विसर्जन गरेपछि दिनभर नै टीका लगाउन सकिने बताए । यस पर्वमा घरघरमा आमा बुवा तथा अग्रजबाट टिका थापेर मिठो परिकार, नाचगानमा रमाउने गरिएको छ । घरका साथै आफन्त, नरनाताकोमा समेत टिका थाप्न घुम्ने चलन छ । माइती, मावली, ससुरालीमा विशेष पाहुनाको रुपमा आउजाउ गर्ने नेपाली चलन हो । पाहुना जाँदा कोशेली बोक्ने चलन छ । पहुनालाई घरको विशेष परिकार मासु, सेलरोटी, खाना, फलफुल आदि खुवाउने गरिन्छ । यो पर्व विशेष भेटघाटको पर्वको रुपमा पनि हुन्छ । बर्षौ पछिको भेटघाट हुन्छ यतिबेला । टाढ...

पूर्णपुष्टि, असोज २५ । खोटाङको दिप्रुङ चुइचुम्मा गाउँपालिका र उदयपुरको रौतामाई गाउँपालिका जोड्ने झोलुङ्गे पुल मर्मतपछि बिहीबारदेखि सञ्चालनमा आएको छ ।गत असोज १२ गते सुनकोसी नदीमा आएको भीषण बाढीले क्षतिग्रस्त बनाएको पुल दिप्रुङ चुइचुम्मा गाउँपालिकाले एक लाख ४५ हजार रूपैयाँको लागतमा मर्मत गरेको हो । दिप्रुङ चुइचुम्मा–४ बतासेको भडारेघाट र रौतामाई–३ लाई जोड्ने झोलुङ्गे पुल मर्मत भएपछि दुई गाउँपालिकाबीच पैदल यात्रु तथा सामान आवतजावत सहज भएको छ । गाउँपालिका अध्यक्ष लोकेन्द्र राईका अनुसार बाढीले फोक्सिङटारको पुल लगायत अन्य झोलुङ्गे पुल पनि बगाएको थियो । फोक्सिङटारको पुल अझै बन्न नसके पनि यो झोलुङ्गे पुल मर्मत गरिएकाले तराईसँगको सम्पर्क पुनः स्थापित भएको राईले बताए ।  ...

पूर्णपुष्टि, असोज २५ । उदयपुरको कटारी–घुर्मी सडकखण्डमा सुख्खा पहिरो खसेर सडक पूर्णरूपमा अवरुद्ध भएको छ । सिद्धीचरण राजमार्गअन्तर्गत कटारी नगरपालिका–१४ भदौरेमा खसेको पहिरोले करिब सय मिटर सडक पुरेको जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईंले बताए । सडक खुलाउन ओखलढुङ्गाको सडक कार्यालयले बिहानैदेखि डोजर लगाएको छ । एउटा डोजर अपर्याप्त भएकाले कटारीबाट थप एउटा डोजर पहिरो स्थलमा पुगेर काम सुरु गरिरहेको डिएसपी चापागाईले बताए । डिएसपी चापागाईंका अनुसार एकतर्फी सडक खुलाउन करिब ४ घण्टा लाग्ने अनुमान गरिएको छ । पहिरोको कारण दशैंको समयमा कोशी प्रदेशका पूर्वी सहरबाट खोटाङ, ओखलढुङ्गा र सोलुखुम्बु जाने यात्रुहरू अलपत्र परेका छन् । कटारी–घुर्मी सडक पहाडी जिल्लाहरूलाई तराईसँग जोड्ने महत्त्वपूर्ण मार्ग हो । ओखलढुङ्गाको हर्कपुरस्थित सडक कार्यालयसँग समन्वय गरी सडक खुलाउने ...

पूर्णपुष्टि, असाेज २४ । सशस्त्र प्रहरी बल नेपाल नं.५ गण हेडक्वाटर त्रियुगा (उदयपुर)ले सर्बसाधारणसमेतका लागि पिङ्ग बनाएकाे छ । त्रियुगा नगरपालिका-९ बाेक्से स्थित हे.क्वा.<span;>को मुख्यगेट अगाडी रहेको खालि जग्गामा पिङ्ग बनाएकाे हाे । बडा दशै तथा शुभ दिपावली २०८१ अवसरमा सशस्त्र प्रहरी कर्मचारी र सर्वसाधरणलाई लक्षित गरी लिङ्गे पिङ्ग बनाएकाे सशस्त्र प्रहरी उपरिक्षक सराेज बस्नेतले बताउनुभयाे । पिङ्गकाे आज बिधिवत उद्‍घाटन भयाे । पिङ्ग दशैं, तिहारमा खेल्ने चलन छ । यहि चलनलाई जगाउन पिङ्ग बनाईएकाे जनाईएकाे छ ।...

पूर्णपुष्टि, असोज २४ । रौता स्पिङ वाटर प्रा.लि. (रौता खानेपानी) का सञ्चालक पर्शुराम चौधरीले पत्रकारहरु समक्ष माफी मागेका छन् । उनले पत्रकार माथि गरेको भौतिक आक्रमण र क्यामेरा तोडफोड आबेगमा गरिएको गल्ती भन्दै आगामी दिनमा गल्ती नदोहोर्याउने गरी माफि मागेका हुन् । कम्पनीको सिलप्याक खानेपानी जारभित्र कुखुराको प्वाँख भेटिएको विषयमा रिपोर्टिङ गर्न गएका पत्रकारद्वय बिक्रम राई र सुनिल राईमाथि हिजो आक्रमण गरी क्यामेरा तोडफोड गरेका थिए । घटना लगत्तै बेपत्ता भएका चौधरी, पत्रकारले प्रहरीमा उजुरी दिएपछि उपस्थित भएर माफी मागेका हुन् । उनले पत्रकारको क्षती भएको क्यामेरा लगायतको सामानको क्षतिपूर्ती तिरेका छन् । नेपाल पत्रकार महासंघ उदयपुरका अध्यक्ष भरत खड्का, त्रियुगा उद्योग वाणिज्य संघका अध्यक्ष रमेश रसाईली, स्वतन्त्र पत्रकार सेनानी हरिकुमार राई, प्रेस सेन्टर नेपाल प्रदेश सचिव गजेन्द्र राई, पत्रकार...

पूर्णपुष्टि, असोज २४ । नेपाल विद्युत प्राधिकरणले उदयपुर सिमेन्ट उद्योग लगायत ५० वटा ठूला उद्योगहरूलाई डेडिकेटेड र ट्रंकलाइन उपभोग बापतको बक्यौता रकम कार्तिक ८ गतेभित्र तिर्न निर्देशन दिएको छ । प्राधिकरणले बिहीबार गोरखापत्रमा सार्वजनिक सूचना जारी गर्दै यो जानकारी दिएको हो । उदयपुर सिमेन्ट उद्योगले मात्रै ४४ करोड ७४ हजार ५३३ रुपैयाँ बक्यौता तिर्न बाँकी रहेको छ । विद्युत प्राधिकरणका अनुसार २०७२ माघदेखि २०७५ बैशाखसम्म उद्योगहरूले डेडिकेटेड तथा ट्रंकलाइन मार्फत उपभोग गरेको विद्युतको शुल्क तिर्न बाँकी छ । यसअघि बक्यौता रकम नबुझाएपछि प्राधिकरणले ती उद्योगहरूको विद्युत आपूर्ति समेत काटेको थियो । पटक-पटक तिर्न आग्रह गर्दा समेत उद्योगहरूले बेवास्ता गर्दै आएका छन् । अब कानून बमोजिम कारबाही गरी रकम असुल उपर गरिने भन्दै प्राधिकरणले सार्वजनिक सूचना जारी गरेको छ ।...

पूर्णपुष्टि, असाेज २४ ।  सिलप्याक खानेपानी बोतलमा किरा भएको अर्को भिडियो हामीलाई प्राप्त भएको छ । रौता स्प्रिङ वाटर प्रा.लि. मोतिगडाले उत्पादन गरेको खानेपानीभित्र किरा भएको अर्को बोतल फेला परेको हो । एक उपभोक्ताले केही समय अघि फेला परेको यो बोतलको भिडियो हामीलाई उपलब्ध गराएको हो । उपभोक्ताको स्वास्थ्यमाथि खेलवाड प्रष्ट हुने भिडियो पूर्णपुष्टिले सार्बजनिक गरेको छ । भिडियो : https://www.youtube.com/shorts/h874ra9B_h4...

पूर्णपुष्टि, असोज २४ । उदयपुरको त्रियुगा नगरपालिका वडा नं। १४ साउनेको बाढी पिडितलाई राहत वितरण गरिएको छ । गत असार १२ गते पन्चकोशीमा आएको भिषण बाढीले आसपासका बस्तिहरु मुक्सार, बलौटे, बाजगरा, घिर्लिङ, सिम्ले, ढुङ्ग्रे सम्म मानविय क्षेति बाहेकको घर सहित ठुलो धन बालिको क्षती भएको थियो । बुधबार नगर प्रमुख, उपप्रमुख, नेपाल रेडक्रस सोसाइटी र ह्याबिटाट नेपालका प्रतिनिधिहरुको उपस्थितिमा पीडित परिवारलाई राहत सामग्री वितरण गरिएको हो । विपद् व्यवस्थापन समिति, राहत संकलन समिति, विभिन्न संघसंस्था, टोल विकास समिति र सामुदायिक वन उपभोक्ता समूहको सक्रियतामा राहत संकलन गरिएको थियो । राहत वितरण कार्यक्रममा बोल्दै वडा अध्यक्ष बाढी पीडितहरुलाई दशैं पर्वको अवसरमा सकेसम्म सहज वातावरण सिर्जना गर्न प्रयास गरिएको बताए । यस वर्षको दशैं विपद्का कारण प्रभावित भए पनि सुखद् रुपमा मनाउन सबैलाई आग्रह गरिएको छ ।...

उदयपुर, असोज २३ । बजारमा लगिएको खानेपानीको सिलप्याक जारभित्र कुखुराको प्वाँख भेटिएपछि उपभोक्ताको स्वास्थ्यमाथिको सम्बेदनशिलतालाई ख्याल गर्दै आज रिपोर्टिङमा गएका उदयपुरका दुई पत्रकारमाथि आक्रमण तथा क्यामेरा तोडफोड भएको छ । पत्रकार बिक्रम राई र सुनिल राईमाथि रौता स्पिङ वाटर प्रा.लि.का सञ्चालक पर्शुराम चौधरी लगायतले आक्रमण गरी क्यामेरा खोसेर फुटाइदिएका हुन् । पत्रकार राईद्वय पूर्णपुष्टि मिडिया र एभिन्युज टेलिभिजनको उदयपुर सम्बाददाता हुन् । कोष तथा लेखा नियन्त्रण कार्यालय उदयपुरको चमेनागृहमा लगिएको जारभित्रको पानीमा कुखुराको प्वाँख भेटिएको थियो । उक्त जार स्थानीय प्रशासनले नियन्त्रणमा लिएको छ । सो बारे सोधपुछ गर्न र कम्पनीको भिडियो खिच्न गएका पत्रकारद्वयमाथि सञ्चालक चौधरीले नखिच्न धम्कीमात्र दिएनन् क्यामेर खोसेर फुटाइ दिए । मोवाईल कब्जामा लिए र हेल्मेटले आक्रमण गरेको पत्रकार बिक्रमले बताए ।...

पूर्णपुष्टि, २३ असोज । पत्रकार महासंघ उदयपुरले पत्रकार माथी दुव्र्यवहार गर्ने रौता पानी फ्याक्ट्रीका संञ्चालक पर्शुराम चौधरी र संलग्न श्रीमती र छोरामाथी तत्काल कार्वाही गर्न माग गरेको छ । बुधबार साँझ पानी फ्याक्ट्रीले बिक्रि गर्दै आएको शिल्ड प्याक जार भित्र कुखुराको प्वाँख फेला परेपछि त्यस सम्बन्धी समचार संकल गर्न भिडियो खिच्न फ्याक्ट्री पुगेका पूर्णपुष्टि मिडियाको सम्वाददाता बिक्रम राई र सुनिल राईलाई लछार पछार गर्दै क्यामेरा तोडफोड गरेका थिए । सोही घटनालाई उचित अनुसन्धान सहित कार्वाहीको माग गर्दै बिज्ञाप्ती जारी गरेको छ । समचार संकलन गर्न गएका पत्रकारमाथी भएको दुव्र्यवहार प्रति घोर भर्तसना गर्दछौँ । दोषीलाई कडा कार्वाही र तोडफोड भएको सामाग्रीको उचित क्षतीपूर्ति नभएका कडा आन्दोलनमा उत्रिने छौँ, बिज्ञाप्तीमा भनिएको छ ।...