समाचार

उदयपुर, भदौ ३० गते । बाल दिवसको अबसरमा उदयपुरमा बालबालिकाहरुले सम्बन्धित निकायसंग सवालको जवाफ खोजेका छन् । बालबालिकासंग मेयर कार्यक्रमको आयोजना गरि मेयर लगायत प्रमुख जिल्ला अधिकारी, प्रहरी प्रमुख, उधोग बाणिज्य संघ, मानव अधिकारकर्मीसंग सवाल राखेका थिए । उनीहरुले बाल अधिकार, बाल सहभागिता, बालस्रम, छात्रबृत्ती, बाल क्षेत्रको लगानी बारेमा सवालहरु राखेका थिए । त्रियुगा नगर बालक्लव सञ्जालको आयोजनामा भएको कार्यक्रममा १६ वटै वडाका बालबालिका प्रतिनिधिहरुले सहभागिता संगै विभिन्न सवालहरु राखेका थिए । वालवालिकाले उठाएका सवालहरुको जवाफ मेयर बलदेव चौधरी, प्रमुख जिल्ला अधिकारी ध्रुब खड्का, प्रहरी प्रमुख एसपी बीरबहादुर बुढामगर, नगर शिक्षम समितिका संयोजक मानबहादुर राई, त्रियुगा उद्योग बाणिज्य संघका प्रथम उपाध्यक्ष रमेश रसाइली, मानव अधिकारकर्मी महेश्वरी राई लगायतले जवाफ दिएका थिए । त्रियु...

उदयपुर, भदौ ३० गते । उदयपुरमा महिला हिंसाका घटना बढ्दै गएको एक तथ्यांकले देखाएको छ । महिला सिंसाका घटना तिब्र रुपले बढ्दै गएको ओरेक नेपालको तथ्याङकले देखाएको हो । नेपाल पत्रकार महासंघको सहकार्यमा ओरेक नेपालले सोमबार गाईघामा आयोजना गरेको महिला हिंसा न्युनिकरणमा पत्रकारको भुमिका बिषयक अन्तरक्रियामा गत आर्थिक बर्षमा १ सय ६० वटा घटना घटेको तथ्यांक प्रस्तुत गरिएको थियो । घटनामध्ये सबै भन्दा बढि १ सय २६ जना महिला घरेलु हिंसाबाट प्रताडित भएकाछन् । त्यसैगरी बलात्कार १४, प्रयास ४, यौन दुव्र्यवहार ४, सामाजिक हिंसा ९, हत्या १, वेचविखनको प्रयास १ र हिंसाकै कारण आत्महत्या १ रहेको तथ्यांकले देखाएको छ । सबैभन्दा बढि २६ देखि ३५ बर्ष उमेर समुहका ६८ जना हिंसाको घटना घटेको तथ्याङ्कले देखाएको छ । त्यसैगरी १७ देखि २५ बर्षका ४९ जना, ३६ देखि ४५ वर्षका २५ जना र ५५ बर्षभन्दा माथिका २ जना र १६ बर्षभ...

उदयपुर, भदौ २९ गते ।  बेखर्ची भई अलपत्र परेका यात्रुलाई यहाँका अटो चालकहरुले रकम जुटाई सहयोग गरेका छन् । बेखर्ची भई त्रियुगा बस पार्कमा अलपत्र भएकी ओखलढुंगाकी महिला विष्णु गिरीलाई सिटी स्टार प्रा.लि.मा आवद्ध अटो चालकहरुले आइतबार रकम जुटाई सहयोग गरेका हुन् । तीन बालबालिकासहित अलपत्र परेकी उनलाई चालक तथा व्यावसायीहरुले आ–आप्mनै पहलमा सय, पचास रुपैयाको दरले रकम जुटाई एक हजार तीनसय रुपैया सहयोग दिए । हेर्दा सामान्य भएपनि एउटा समस्यामा परेकी महिलाको लागि ठूलो सहयोग भएको छ । आफुसंग भएको तीन हजार रुपैया चोरी भयो वा कतै हरायो पत्ता नपाएकी उनी एक भदा र दुई छोरीसहित अलपत्र अवस्थामा देखेपछि सहयोग जुटाइ दिएको सिटि स्टारका कोषाध्यक्ष नारायणप्रसाद दाहालले बताए । । बसपार्कमै उनीहरुले सामुहिकरुपमा महिलालाई रकम हस्तान्तरण गरेका थिए । अलपत्र परेको एक यात्रु महिलालाई मानवीय सहयोगको रुपमा पैसा उठा...

संखुवासभा,भदौ २९ गते । संखुवासभाको खाँदवारीमा जेसिवीको ठक्करबाट एक जना बृद्धाको मृत्यु भएको छ । खाँदबारी नगरपालिका–८ तुम्लिङटार चेवावेशी सडक खण्डमा जेसीवीको ठक्करबाट मृत्यु भएको हो । बाटो मर्मत गर्ने क्रममा सडकमा हिडिरहेका खाँदवारी नगरपालिका–७ निबासी ९१ बर्षीय सवरबहादुर राईलाई शनिवार दिउँसो सवा १ बजेको  ठक्कर दिएको प्रहरीले जनाएको छ । घाईते भएका राईलाई उपचारको लागि मनकामना अस्पताल तुम्लिङटार लगि उपचारको क्रममा दिउँसो ३ बजे मृत्यु भएको जिल्ला प्रहरी कार्यालय संखुवासभाले जनाएको छ । जेसीबी र जेसीवी चालक प्रहरीको नियन्त्रणमा रहेको प्रहरीले जनाएको छ ।...

भदौ २९ गते ।  मकवानपुरबाट लागु औषध र कार सहित पाँच जना पक्राउ परेकाछन् । जिल्लाको विभिन्न ठाउँबाट चरेस, गाँजा र लागु औषधमा ओसारपसारमा संलग्न एउटा कारसहित पक्राउ गरेको हो । हेटौँडा उपमहानगरपालिका–१५ रातोमाटेबाट विहान लागु औषध र कारसहति तीन जना पक्राउ परेको प्रहरीले जनाएको छ ।  हेटौँडाबाट विरगञ्ज तर्फ जादै गरेको विआर ०१ पिएफ ७९९८ नम्बरको भारतीय नम्बर प्लेट भएको कार चेक जाँच गर्दा ललुकाई छिपाई लादै गरेको नौ सय ग्राम चरेस बरामद गरेको प्रहरीले जनाएको छ । भारत बिहार जिल्ला मजफ्फरपुर दादर निबासी २८ वर्षीय शिवराज सिंंह, २४ वर्षीय ज्ञानीकुमार पासवान र भारत बिहार जिल्ला छपरा निबासी २४ वर्षीय राजु महतो पक्राउ परेको हो । त्यस्तै राक्सिराङ गाउँपालिका–४ को कालिका दोभानबाट १२ केजी चार सय ग्राम गाँजासहित दुई जना पक्राउ गरेको प्रहरीले जनाएको छ । कैलाश गाउँपालिका– निबासी २६ वर्षीय राजकुमार थिङ र...

भदौ २९ गते । नेपालमै पहिलो पटक ललितपुरको नेपाल मेडिसिटी अस्पतालका इन्टरभेन्सनल रेडियोलोजिष्टहरुले पाठेघरमा भएको फाइबरलाई युटेराइन आर्टरीको इम्बोलाइजेसन गरी उपचार गरेका छन् । पाठेघरलाई आपूर्ति गर्ने आर्टरीलाई बन्द गरी फाइबरलाई निष्क्रिय पार्ने यो पद्वतिलाई युटेराइन आर्टरी इम्बोलाइजेसन भनिन्छ । यस्तो खालको उपचार यसअघि नेपालमा नभएको र पहिलो पटक सफल भएको चिकित्सकहरुले बताएकाछन्  । सफल इम्बोलाइजेसन प्रक्रियामा नेपाल मेडिसिटी अस्पतालको रेडियोलोजी विभाग प्रमुख डा. राम कुमार घिमिरे, इन्टरभेन्सनल रेडियोलोजिष्ट डा. ओम बिजु पन्त, एनेस्थेसियोलोजिष्ट डा. प्रज्वल भट्टराई र डा. हेमन्त अधिकारी संलग्न थिए । इम्बोलाइजेसनले ट्युमरमा रक्तसञ्चार बन्द गराइ ट्युमरलाई घटाउँदै लैजाने काम गर्ने चिकित्सकहरुले बताए । यो बहुसंख्यामा ट्युमर भएको एक ३७ वर्षिय महिलामा गरिएको हो ।...

भदौ २९ गते । इंग्लिस प्रिमियर लिग फुटबलमा नर्विच सिटीले म्यान्चेस्टर सिटीलाई पछि पार्दै जित हात पारेको छ । गतराती भएको खेलमा घरेलु टिम नर्विचले म्यान्चेस्टर सिटीलाई ३–२ गोलले पछि पार्दै जित हात पारेको हो । नर्विच टिमको केनी म्याकलिन, टोड क्यान्टवेल र टेमु पुक्कीले गोल गरेका थिए । म्यान्चेस्टर सिटीको  सर्जियो अगुइरो र रोड्रिगोले गोल गरेका थिए । खेल सुरु भएको १८औं मिनेटमा नर्विचका म्याकलिनले एक गोल गरेका थिए । त्यस्तै  २८औं मिनेटमा क्यान्टवेलले गोल गरेका थिए ५० औँ मिनटमा टेमु पुक्कीले गोल गर्दै टिमलाई विजय बनाएको थियो । म्यान्चेस्टर सिटीको अगुइरोले ४५औं मिनेटमा एक गोल गरेका थिए भने रोड्रिगोले ८८ औँ मिनटमा गोल गरेको थियो ।...

भदौ २९ गते ।  सिन्धुपाल्चोकको चोकी डाँडाका १० घर परिवार बस्ती माथिबाट खसेको पहिरोले विस्थापित भएका छन् । भोटेकोशी गाउँपालिका–२ तातोपानीको चोकीडाँडाका १० परिवार विस्थापित भएका हुन् । बस्ती माथिबाट पहिरो खस्ने र तलबाट भोटे कोशी नदिले कटान गरेपछि उक्त घरपरिवार विस्थापित भएका छन् भने २० घर उच्च जोखिममा परेको छ । ग्रामिण सडक विस्तार गर्न थालेपछि पहिरोको जोखि बढ्दै गएको स्थानियबासीहरुले बताएका छन् ।...

भदौ २९ गते ।  नवलपरासीको एक वडा अध्यक्षको निधन भएको छ । बौदीकाली गाउँपालिका –५ का कार्यवाहक वडा अध्यक्ष कुल सिंह रानाको गतराती निधन भएको हो । ६८ वर्षीय वडाध्यक्ष राना उच्च रक्तचापका कारण भरतपुरमा उपचारको क्रममा निधन भएको आफन्त जनले जनाएको छ  । बौदीकाली –५ को वडा सदस्यमा निर्वाचित भएका राना वडा अध्यक्षको निधनपछि कार्यवाहक वडाध्यक्षका रुपमा काम गर्दै आएको थियो । गत वर्ष वडा अध्यक्ष दलबहादुर खरु मगरको उच्च रक्तचापका कारण निधन भएको थियो । वडा अध्यक्षको निधनपछि रानाले कार्यवाहक अध्यक्षको रुपमा वडाको काम सम्हाल्दै आएको थियो ।...

भदौ २९ गते । सल्यानको एक गाउँपालिकाको गाढी गतराती आगजनी भएको छ । शिद्ध कुमाख गाउँपालिकाको गाडी पार्कीङ गरेर राखेको ठाउँमा नै अज्ञात समूहले आगजनी गरेको प्रहरीले जनाएको हो । पालिकाको कार्यालय अगाडी पार्किङ गरेर राखेको अवथामा राती करिब साढे ११ बजे आगजनी भएको प्रहरीले जनाएको छ । अहिलेसम्म आगजनी गर्ने पक्षको पहिचान नखुलेको जिल्ला प्रहरी कार्यालय सल्यानले जनाएको छ । पालिकाको रा १ झ १०७० नम्बरको डबलक्याप स्कारपियो गाडी आगजनी भएको पालिकाले जनाएको छ । कुनै पक्षले कहि कतैबाट पनि धम्की नदिएका कस्ले गाडीमा आगजनी ग¥यो भनेर पहिचान गर्न नसकिएको पालिकाका अध्यक्ष चित्रबहादुर चलाउनेले बताएका छन् । गाडी पूर्ण रुपमा क्षति भएको छ । प्रहरी टोली घटना स्थल पुगी अनुसन्धान भईरहेको जिल्ला प्रहरी कार्यालय सल्यानले जनाएको छ ।...