समाचार

पूर्णपुष्टि, साउन २६ । उदयपुरको सदरमुकाम गाईघाटमा शनिबार एक दिने स्वास्थ्य परीक्षण शिविर सम्पन्न भएको छ। 'स्वास्थ्यका लागि साइकल' नाराका साथ उदयपुर जिल्ला साइकलिङ संघको आयोजना र वशिष्ठ पोलीक्लिनिकको समन्वय तथा प्राविधिक सहयोगमा शिविर संञ्चालन गरिएको हो । शिविरमा ४० जना साइकल राइडर र १० जना प्राविधिक गरी कुल ५० जनाको सहभागिता रहेको थियो। उदयपुर जिल्ला साइकलिङ संघका अध्यक्ष माधव बानियाको अध्यक्षतामा आयोजित यस कार्यक्रममा जिल्ला अस्पताल उदयपुरका डाक्टर रन्दिप राउतले स्वास्थ्य परीक्षण सेवा प्रदान गरेका थिए। १३ वर्षदेखि ६५ वर्षसम्मका साइकल राइडरहरूले यस अवसरमा स्वास्थ्य परीक्षण गराउने मौका पाएका थिए। आयोजकहरूका अनुसार यस अभियानले साइकल चलाउने बानीलाई प्रोत्साहन गर्दै स्वस्थ जीवनशैली अपनाउन प्रेरित गरेको छ। साथै, नियमित स्वास्थ्य परीक्षणको महत्त्वबारे जनचेतना फैलाउन पनि यो कार्यक्रम सफल रहेको ...

पूर्णपुष्टि, २६ साउन । उदयपुरमा पहिलो पटक हुन लागेको उदयपुर आईडलको अडिसन यहि साउन ३० देखी हुँदैछ । आयोजक उदयपुर कलकार समाजका अनुसार साउन ३० देखी भदौ ७ सम्म उदयपुरका बिभिन्न स्थानहरुमा अडिसन हुने भएको हो । अडिसन जिल्लाको सदरमुकाम गाईघाट, कटारी, रामपुर, बेल्टार र नेपालटार गरी ५ शहरमा हुने आयोजकको भनाई छ । आयोजकका अनुसार ३० गते रामपुरको नेपाल आदिवासी जनजाति महासंघको भवनबाट अडिसन सुरु हुने छ । त्यस पश्चात क्रमश : भाद्र १ गते बेल्टारको उदयपुर डान्स स्टुडियो, भाद्र ३ गते नेपालटारको सामुदायिक भवन, भाद्र ४ गते कटारीको होटल म्याजेस्टी, र भाद्र ७ गते गाईघाटको होटल टाउन हलमा अडिसन सम्पन्न हुने छ । स्थानीय कलकारहरुलाई आईडलको रुपमा ब्राण्ड गर्दै उदयपुरे आवाजलाई व्यवसायी रुपमा अघि बढाउने उदेश्य सहित पहिलो पटक उदयपुर आईडलको आयोजना गरिएको आयोजकको भनाई छ ।...

पूर्णपुष्टि, २६ साउन । नेपाल आदिवासी जनजाति पत्रकार महासंघ (फोनिज) को २५ औं स्थापना दिवस ९रजत वर्ष० उदयपुरको उदयपुरगढी गाउँपालिकामा मनाईने भएको छ । भोलि ९आईतबार० १ नं। प्रदेश समितिद्वारा आयोजित रजत वर्ष कार्यक्रमलाई प्रदेशसभा सदस्य नारायण बुर्जा मगरले उद्घाटनगरी रजत वर्ष मनाउन लागिएको हो । रजत वर्षको अवसरमा शुभकामना आदनप्रदानसँगै उदयपुरगढीको पर्यटन प्रवद्र्धनमा टेवा पुग्नेगरी प्रचारप्रसार हुने आयोजकले जनाएको छ । कार्यक्रममा महिला पुरुषगरी दुई जना पत्रकारलाई पहिचनन पत्रकारिता पुरस्कारबाट पुरस्कृृत गरिने फोनिजका प्रदेश अध्यक्ष सन्तवीर लामाले बताए । कार्यक्रम गाउँपालिकाको सहयोग, फोनिज उदयपुर शाखाको समन्वयमा हुने कार्यक्रम सो क्षेत्रमा भने पहिलो पटक आयोजना गरिएको कार्यक्रम संयोजक तथा प्रदेश उपाध्यक्ष राजेन्द्र दुष्टले जानकारी दिए ।  ...

पूर्णपुष्टि, साउन २६ ।   हालसम्म पाँच जिल्लामा हैजा फैलिएको छ। इपिडिमियोलोजी तथा रोग नियन्त्रण महाशाखा (ईडीसीडी) का अनुसार ललितपुर, काठमाडौँ, कैलाली, प्युठान र रुपन्देहीमा गरी कुल ४७ जनामा हैजा संक्रमण पुष्टि भएको छ। संक्रमितहरूको विवरण हेर्दा ललितपुरमा सबैभन्दा बढी ३४ जना, कैलालीमा ८ जना, काठमाडौँ र प्युठानमा २-२ जना तथा रुपन्देहीमा १ जना रहेका छन्। चिकित्सकहरूले बर्खायाममा खानेपानीसँग दूषित पानी मिसिने सम्भावना बढी हुने भएकाले विशेष सावधानी अपनाउन आग्रह गरेका छन्। दूषित पानीका कारण हैजासहित अन्य पानीजन्य रोगहरू फैलिन सक्ने जोखिम रहेको उनीहरूको भनाइ छ। यस परिस्थितिमा खानेपानीको शुद्धता सुनिश्चित गर्न र व्यक्तिगत सरसफाइमा विशेष ध्यान दिन स्वास्थ्य अधिकारीहरूले जोड दिएका छन्।...

 पूर्णपुष्टि, साउन २६ । जल तथा मौसम पूर्वानुमान महाशाखाले आज देशभर वर्षाको सम्भावना रहेको जानकारी दिएको छ। मनसुनी वायुको प्रभावका कारण हाल नेपालभर आंशिकदेखि साधारणतया बदली मौसम रहेको छ। मनसुनको न्यूनचापीय रेखा अझै पनि सरदर स्थान आसपास रहेकोले यसको प्रभाव देशभर देखिने अनुमान गरिएको छ। दिउँसोको समयमा देशका विभिन्न भागहरूमा फरक-फरक मौसमी अवस्था रहने पूर्वानुमान गरिएको छ। कोशी, वाग्मती, लुम्बिनी, कर्णाली र सुदूरपश्चिम प्रदेशका केही स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ। मधेश र गण्डकी प्रदेशका केही स्थानहरूमा पनि वर्षा हुन सक्ने देखिन्छ। विशेषगरी लुम्बिनी, कर्णाली र सुदूरपश्चिम प्रदेशका थोरै स्थानहरुमा तथा कोशी, वाग्मती र गण्डकी प्रदेशका एक-दुई स्थानमा भारी वर्षाको सम्भावना रहेको महाशाखाले जनाएको छ। रातिको समयमा मौसमी गतिविधि अझै बढ्ने अनुमान छ। देशभर आंशिक...

पेरिस ओलम्पिक २०२४ को पुरुष फुटबल प्रतियोगितामा स्पेनले स्वर्ण पदक जितेको छ। शुक्रबार राति भएको फाइनलमा स्पेनले आयोजक फ्रान्सलाई अतिरिक्त समयमा ५-३ गोल अन्तरले पराजित गर्यो। यो स्पेनको सन् १९९२ पछिको पहिलो ओलम्पिक स्वर्ण हो। अतिरिक्त समयमा स्पेनका सर्जियो कमेलोले गरेका दुई गोल निर्णायक सावित भए। यो जितसँगै स्पेनले आफ्नो अन्तर्राष्ट्रिय फुटबल वर्चस्व कायम राखेको छ। स्पेनले यसअघि युरो २०२४ को उपाधि जितेको थियो भने मेन्स यू-१९ र महिला विश्वकपमा पनि विजयी भएको थियो। अन्य खेलहरूमा, महिला बक्सिङको वेल्टरवेट वर्गमा अल्जेरियाकी इमाने खलिफले स्वर्ण जितिन्। उनले चीनकी याङ लिउलाई पराजित गरिन्। खलिफ यसअघि लैंगिक योग्यताका कारण विवादमा तानिएकी थिइन्। प्रतियोगिताको १३ औं दिनको अन्त्यमा, अमेरिका र चीन दुवैले ३३-३३ स्वर्ण पदक जितेका छन्। अमेरिका ३९ रजत र ३९ कांस्य सहित कुल पदक तालिकामा शीर्ष स्थानमा छ। ...

पूर्णपुष्टि, साउन २६ । ब्राजिलको साओ पाउलो नजिक एक विमान दुर्घटना हुँदा ६१ जनाको मृत्यु भएको छ। भोपास एयरलाइन्सको एटीआर ७२-५०० विमान दक्षिणी राज्य परानाको कास्केभेलबाट साओ पाउलो सहरको ग्वारुल्होस विमानस्थलतर्फ उडिरहेको थियो। यात्राको क्रममा विमान भिन्हेडो सहरमा दुर्घटनाग्रस्त भयो। सामाजिक सञ्जालमा प्रसारित भिडियो फुटेजमा विमान अनियन्त्रित भई ठाडो रूपमा तल खसेको देखिन्छ। विमानमा ५७ यात्रु र चालक दलका चार सदस्य सवार थिए। दुर्घटनास्थल आवासीय क्षेत्रमा भए पनि जमिनमा कसैलाई गम्भीर क्षति नपुगेको अधिकारीहरूले जनाएका छन्। एउटा स्थानीय कन्डोमिनियम कम्प्लेक्समा रहेको घरमा मात्र केही क्षति पुगेको छ। ब्राजिलका राष्ट्रपति लुइज इनासियो लुला डा सिल्भाले यस दुःखद घटनाप्रति गहिरो दुःख व्यक्त गर्दै पीडित परिवारहरूप्रति समवेदना प्रकट गरेका छन्। साओ पाउलो राज्यका गभर्नर टार्सिसियो गोम्स डे फ्रेटासले तीन दिन...

पूर्णपुष्टि, २५ साउन । रक्तदान जीवन दान भन्ने मुल नाराका साथ प्राधिकरणको ३९ औं बार्षिकोत्सबको अबसरमा गनेपाल बिधुत प्राधिकरण उदयपुर बितरण केन्द्रको आयोजनामा आज रक्तदान कार्यक्रम सम्पन्न गरेको छ । उक्त रक्तदान कार्यक्रमको अध्यक्षता केन्द्र प्रमुख बिजयबाबु हुनुहुन्थ्यो भने प्रमुख अतिथी नेपाल रेडक्रस सोसाइटीका सभापती मदन कटुवाल हुनुहुन्थ्यो । नेपाल बिधुत प्राधिकरणले केही बर्ष देखि उज्यालो नेपाल अभियानलाई सफल पार्ने उदेश्य संगै विभिन्न रचनात्मक कार्यक्रमहरु संचालन गर्दै आएको छ ।विभिन्न रचनात्मक कार्यक्रमहरु मध्ये नेपाल बिधुत प्राधिकरण उदयपुर बितरण केन्द्रले आज पहिलो पटक रक्तदान कार्यक्रम गरेको हो । उक्त रक्तदान कार्यक्रममा प्राधिकरणका कर्मचारी ,सेबाग्राही ,शिक्षक ,उधोगी ब्यबसायी लगायत २४जनाले रक्त दान गरेका थिय । उक्त रक्तदान कार्यक्रम नेपाल रेडक्रस उदयपुरको प्राबिधिक सहयोगमा भएको थियो ।...

पूर्णपुष्टि, साउन २५ ।  नेपाल विद्युत प्राधिकरणको ३९ औं वार्षिकोत्सवको अवसरमा रक्तदान कार्यक्रम सम्पन्न भएको छ। शुक्रबार उदयपुरको गाईघाटस्थित नेपाल विद्युत प्राधिकरण वितरण केन्द्रको भवनमा यो कार्यक्रम आयोजना गरिएको थियो। नेपाल विद्युत प्राधिकरण वितरण केन्द्र गाईघाट, उदयपुरले आयोजना गरेको यस कार्यक्रममा नेपाल रेडक्रस सोसाइटी उदयपुरले प्राविधिक सहयोग प्रदान गरेको थियो। वार्षिकोत्सवको अवसरमा आयोजित यस रक्तदान कार्यक्रमले समाजप्रतिको उत्तरदायित्व र मानवीय सेवाको भावना प्रतिबिम्बित गरेको छ। यस्ता कार्यक्रमहरूले रगतको आपूर्तिमा योगदान पुर्‍याउनुका साथै सामाजिक एकता र सहयोगको भावना बढाउन मद्दत गर्छन्। नेपाल विद्युत प्राधिकरणले आफ्नो वार्षिकोत्सवलाई यसरी सामाजिक कार्यमा जोड्नु सराहनीय कदम हो।...

पूर्णपुष्टि, साउन २५ ।  राष्ट्रिय तथ्यांक कार्यालयले शुक्रबार सार्वजनिक गरेको राष्ट्रिय जनगणनाको तथ्यांक अनुसार नेपालमा १८ वर्षमुनिका बालबालिकाको संख्या ९८ लाख ६९ हजार ५८३ रहेको छ। यो कुल जनसंख्याको ३३.८ प्रतिशत हो। तथ्यांक अनुसार बालबालिकामध्ये बालकको संख्या बढी छ। कुल बालबालिकामध्ये ५१.८ प्रतिशत बालक र ४८.२ प्रतिशत बालिका रहेका छन्। यद्यपि, कुल जनसंख्यामा भने महिलाको संख्या पुरुषको तुलनामा ६.५ लाखले बढी देखिएको छ। उमेर समूहअनुसार १० देखि १४ वर्षका बालबालिकाको संख्या सबैभन्दा बढी छ, जुन कुल बालबालिकाको २९.५ प्रतिशत हो। त्यसपछि क्रमशः ५ देखि ९ वर्ष, ४ वर्षमुनि र १५ देखि १७ वर्ष उमेर समूहका बालबालिकाको संख्या रहेको छ।...