समाचार

पूर्णपुष्टि, साउन १६ । खोटाङ जिल्लालाई ‘सहयोगापेक्षी सडक मानवमुक्त’ बनाउने अभियान अन्तर्गत जिल्ला प्रहरी कार्यालय खोटाङले तीन अनाथ बालबालिकाको उद्धार गरी बाल सेवा आश्रम बिराटनगरमा पठाएको छ। उद्धार गरिएका बालबालिकाहरूमा रावा वेसी गाउँपालिका वडा नं. २, खार्पा डाँडागाउँ निवासी १० वर्षीया मन कुमारी नेपाली, ९ वर्षीया भुमिका नेपाली र ७ वर्षीय माधव नेपाली रहेका छन्। यी बालबालिकाहरूको लालनपालन गर्ने अभिभावक कोही नभएको र आर्थिक अवस्था अत्यन्तै नाजुक रहेको जानकारी प्राप्त भएपछि प्रहरीले उद्धार गरेको हो। जिल्ला प्रहरी कार्यालय खोटाङले साउन १५ गते बालबालिकाहरूलाई उनीहरूकै घरबाट उद्धार गरी कार्यालयमा ल्याएको थियो। प्रहरी कर्मचारीहरूको आर्थिक सहयोगमा बालबालिकाहरूका लागि लत्ताकपडा, जुत्ता, ज्याकेट, टिसर्ट र ट्राउजर खरिद गरिएको छ। साउन १६ गते बिहान ४स्३० बजे बा ३ ख २९५८ नम्बरको गाडीमार्फत प्रहरी...

पूर्णपुष्टि, साउन १६ । उदयपुरका दुई युवासहित ९ जनालाई प्रहरीले लागुऔषधसहित पक्राउ परेका छन्। कोशी प्रदेश प्रहरी कार्यालय विराटनगरका अनुसार मोरङ, सुनसरी र उदयपुरको विभिन्न स्थानबाट प्रहरीले उनीहरूलाई पक्राउ गरेको हो। पक्राउ पर्नेमा उदयपुरको त्रियुगा नगरपालिका–११ का २४ वर्षीय रमेश देउजा र ३४ वर्षीय बिक्रम भन्ने पूर्णबहादुर परियार, बराहक्षेत्र नगरपालिका ८ शिवशक्ति चोक बस्ने २७ बर्षीया एलिसा महत्तो, मोरङ रतुवामाई नगरपालिका ६ बस्ने २० बर्षीय असिम माझी, रंगेली भई हाल सुन्दरहरैचा नगरपालीका ९ आदर्शचोक बस्ने १९ बर्षीय अभिषेक दमाई महतरा, १८ बर्षीय शुसान्त विश्वकर्मा, सोही स्थान ८ बस्ने मोहम्बद असलम, सुन्दरहरैचा नगरपालीका ९ बस्ने २७ बर्षीय जगत श्रेष्ठ, २३ बर्षीय दिलिप खवास रेहेको प्रहरीले जनाएको छ। प्रहरीले पक्राउ परेकाहरूबाट विभिन्न प्रकारका लागुऔषधहरू बरामद गरेको छ। पक्राउ परेका मध्येबाट ...

पूर्णपुष्टि, साउन १६ । भरतपुर महानगरपालिका–१ पोखरा बसपार्कमा मंगलबार राति भएको सवारी दुर्घटनामा एक सैनिक जवानको मृत्यु भएको छ भने अर्का एक जना गम्भीर घाइते भएका छन्। जिल्ला प्रहरी कार्यालय चितवनका प्रवक्ता भेषराज रिजालका अनुसार, नेपाली सेनाको नम्बर २ विपद् व्यवस्थापन गण रसौलीमा कार्यरत २७ वर्षीय सिपाही निगम नेपाली सार्कीको मृत्यु भएको हो। उनी तनहुँ भानु नगरपालिका–१२ का स्थायी बासिन्दा थिए। दुर्घटनामा सोही गणमा कार्यरत बन्दीपुर गाउँपालिका–३ का २६ वर्षीय दिनेश थापा गम्भीर घाइते भएका छन्। प्रहरीका अनुसार बसपार्कबाट रामनगरतर्फ गइरहेको कारले विपरीत दिशाबाट आइरहेको मोटरसाइकललाई ठक्कर दिएको थियो। दुर्घटनामा परी घाइते भएका दुवै जनाको चितवन मेडिकल कलेजमा उपचार भइरहेको थियो। उपचारकै क्रममा सैनिक जवान सार्कीको मृत्यु भएको हो।...

पूर्णपुष्टि, साउन १६ ।  असुसले नेपाली बजारमा आफ्नो नयाँ एआई ल्यापटप भिभोबुक एस १५ सार्वजनिक गरेको छ। नेपालका लागि असुसको आधिकारिक वितरक नागमणि इन्टरनेशनलले एक कार्यक्रममा यस ल्यापटपको औपचारिक सार्वजनिकीकरण गरेको हो। नागमणि इन्टरनेशनलका निर्देशक अमित सराफका अनुसार यो ल्यापटप १२ कोर भएको आर्ममा आधारित क्वालकमको स्न्याड्रयागन एक्स ईलाइट प्रोसेसरले सुसज्जित छ। यसमा क्वालकमको ओरेन सिपियु र हेक्जागन एनपीयू पनि समावेश छ। भिभोबुक एस १५ मा विन्डोज ११ अपरेटिङ सिस्टम, १६ जीबी र्‍याम (३२ जीबीसम्म बढाउन सकिने), र १ टिबी एसएसडी स्टोरेज रहेको छ। कम्पनीले यस ल्यापटपले १८ घण्टासम्म ब्याट्री ब्याकअप दिने दाबी गरेको छ। अन्य विशेषताहरूमा आरजीबी किबोर्ड, युएसबी, एचडीएमआई, वाईफाई ७, अडियो ज्याक, र माइक्रो एसडी कार्ड रिडर समावेश छन्। असुस भिभोबुक एस १५ को मूल्य रु. २,०९,९०० तोकिएको छ। यसमा २ वर्षको वारेन्टी र ...

पूर्णपुष्टि, साउन १६ । काठमाडौंको बल्खु खोलामा एक जनाको शव फेला परेको छ। प्रहरीका अनुसार बुधबार बिहान बल्खु पुल मुनि अड्किएको अवस्थामा शव भेटिएको हो। मृतक बाँके घर भई सुकुम्बासी बस्तीमा बस्ने ४५ वर्षीय राम सरूप महतो रहेको पुष्टि भएको छ। प्रहरीले खोलामा आएको बाढीले बगाएर उनको मृत्यु भएको हुनसक्ने अनुमान गरेको छ। काठमाडौं प्रहरीले शवको पहिचान गरे पनि घटनाको विस्तृत अनुसन्धान जारी रहेको जनाएको छ।...

पूर्णपुष्टि, साउन १६ । प्रधानमन्त्री केपी शर्मा ओलीसहित नेताहरूको फोटो राखेर अनुष्ठान गरेको आरोपमा पक्राउ परेका धर्मगुरु पुष्कर खतिवडालाई गैरकानुनी थुनामा राखेको भन्दै सर्वोच्च अदालतमा बन्दी प्रत्यक्षीकरणको निवेदन दर्ता भएको छ। खतिवडाको तर्फबाट अधिवक्ता आवास अधिकारीले मंगलबार सर्वोच्चमा निवेदन दर्ता गराएका हुन्। जिल्ला प्रहरी परिसर काठमाडौँले साउन १४ गते खतिवडालाई नियन्त्रणमा लिएको थियो। प्रहरी वृत्त महाराजगन्जको टोलीले उनलाई सोमबार पक्राउ गरेको हो। उनलाई विद्युतीय अपराध अन्तर्गतको कसुरमा पक्राउ गरिएको बताइएको छ। खतिवडाले आफ्नो घरमा यज्ञ गर्दै गरेको भिडिओ सामाजिक सञ्जालमा राखेका थिए। उनले प्रधानमन्त्री ओली लगायत नेताहरूको नाममा यमपूजा गर्दै होम हाल्ने तयारीसमेत गरेको आरोप छ। केही दिनअघि खतिवडाले फेसबुकमा भिडिओ राख्दै ‘देश खाल्डोमा हाल्ने नेताहरू छन्, उनीहरूको फोटोसहित राखेर यमराजको प...

पूर्णपुष्टि, साउन १६ । उदयपुरको कटारी नगरपालिकाले एसईईको ग्रेडवृद्धि परीक्षाका लागि निःशुल्क तयारी कक्षाको व्यवस्था गरेको भए पनि एक विद्यालयले विद्यार्थीहरूबाट अतिरिक्त शुल्क लिएको खुलासा भएको छ। कटारी नगरपालिकाले असार २३ मा सूचना जारी गरी सात विद्यालयमा निःशुल्क तयारी कक्षाको व्यवस्था गरेको थियो। नगरपालिकाले गणित, अंग्रेजी र विज्ञान विषयका शिक्षकहरूलाई पारिश्रमिक दिने गरी अतिरिक्त कक्षाको व्यवस्था गरेको थियो। तर, कटारी नगरपालिका वडा नम्बर १० स्थित जनता कालिका मावि सोरुङ्गले विद्यार्थीहरूबाट थप रकम लिएको पाइएको छ। वडाध्यक्ष क्षेत्रबहादुर खड्काले शिक्षकहरुले अतिरिक्त रकम लिएको सुन्नमा आएकाले यस विषयमा छलफल गरिने बताएका छन् । विद्यालयका प्रधानाध्यापक शंकर कुमार श्रेष्ठले रकम लिएको स्वीकार गर्दै उक्त रकम थप अतिरिक्त कक्षा पढाएवापत अभिभावक र विद्यार्थीहरूसँगको छलफलबाट लिएको बताएका छन् । ...

पूर्णपुष्टि, साउन २५ ।  नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल 'प्रचण्ड' ले देशव्यापी जनसम्पर्क अभियान सञ्चालन गर्ने घोषणा गरेका छन्। मंगलबार सम्पन्न पदाधिकारी बैठकको समापन समारोहमा बोल्दै प्रचण्डले यो अभियानको उद्देश्य जनताको सुख-दुःख बुझ्न र उनीहरूको आवाज सुन्न रहेको बताए। प्रचण्डले जनतासँगको सम्बन्ध कडी टुटेको स्वीकार गर्दै, यस अभियानले पार्टी र जनताबीचको सम्बन्धलाई पुनः सुदृढ बनाउने विश्वास व्यक्त गरे। उनले भने, "म एकपटक देशैभरी जनतासँग एकाकार हुन, उनीहरूको सुखदुःख बुझ्न र कुरा सुन्न जाने इच्छा छ।" पार्टी प्रवक्ता अग्नि सापकोटाका अनुसार प्रचण्डले यस अभियानबाट फर्किएपछि नयाँ विचारको संश्लेषण ल्याउने आशा व्यक्त गरेका छन्। सापकोटाले प्रचण्डको भनाइलाई उद्धृत गर्दै भने, "जनताको कुरा सुनेपछि अर्को तहको विचारको संश्लेषण आउँछ।"...

पूर्णपुष्टि, साउन १५ । नेपाल कम्युनिस्ट पार्टी (माओवादी केन्द्र) ले आगामी २०८४ सालको चुनावमा एक्लै प्रतिस्पर्धा गर्ने निर्णय गरेको छ। शुक्रबारदेखि पाँच दिनसम्म पेरिसडाँडास्थित केन्द्रीय कार्यालयमा बसेको पदाधिकारी बैठकले यो निर्णय गरेको हो। पार्टी प्रवक्ता अग्निप्रसाद सापकोटाका अनुसार यो निर्णयले पार्टीको विचार, राजनीतिक कार्यदिशा र दृष्टिकोणहरू प्रत्यक्ष रूपमा जनतासम्म पुर्याउन सहज हुने अपेक्षा गरिएको छ। उनले अघिल्ला चुनावी गठबन्धनहरूमा पार्टीको सिद्धान्त र विचार प्रचार गर्न कठिनाई भएको बताए। पार्टी अध्यक्ष पुष्पकमल दाहाल (प्रचण्ड) ले सरकारबाट बाहिरिनु परेको परिस्थितिलाई एक्लै चुनाव लड्ने तयारीको अवसरको रूपमा लिएको जनाए। यद्यपि, माओवादी केन्द्रले वामपन्थी सहकार्य र एकताको प्रयास जारी राख्ने बताएको छ। प्रवक्ता सापकोटाले देशभक्त र अग्रगामी शक्तिहरूको संयुक्त मोर्चा निर्माण गर्नुका साथ...

पूर्णपुष्टि, १५ साउन । गित सर्जक देविन बाबु (देविन्द्र राई) को लिङ्दुङ्मा साईली बोलको गित सार्वजानिक भएको छ । चौदण्डीगढी नगरपालिका ४ बसाहाका राईले चाम्लीङ राई समुदायहरुmलाई चित्रण गर्दै लिङ्दुङ्मा साईली सार्वजानिक गरेको हो । गायक परेश राई र गायीका इन्द्रकला राईको स्वरमा सजिएको गितमा मोडल विपना राई सँगै गायक स्वयम परेश राईले समेत अभिनय गरेको छ । उनिहरु सँगै तिमाल राईलाई पनि अभिनयमा देख्न सकिन्छ । देबिन बाबू राईको शब्द ,सङ्गीत रहेको गितमा सागर संसार राईको सङ्गित संयोजन तथा मास्टरिङ रहेको छ। गितलाई विशाल लिम्बूको रेकर्डिङ माहौल स्टुडियोमा रेकर्ड गरिएको छ । गितको शव्द संगित, कलकारको अभिनय र मुन्धुम पदमार्गले परिचित टेम्के मैयुङ क्षेत्रमा गरिएको छायांकनले दर्शकहरुलाई आकर्षित गर्छ । लेकमा बस्ने गोठाले र जिम्वालको छोरी सँग माया बसेको कथा यस गितको अभिनयमा देख्न सकिन्छ । https://youtu.be/hm6...