समाचार

भदौ १२ गते । बेलायत सरकारले संसद निलम्बन गर्ने सिफारिस महारानी एलिजाबेथले स्वीकृत गरेकी छन् । आगामी १४ अक्टुबरसम्मका लागि संसद निलम्बन गर्ने निर्णय गर्दै स्वीकृतिका लागि प्रधानमन्त्री बोरिस जोन्सनले महारानी समक्ष पेश गरेको थियो । सेप्टेम्बर महिनाबाट बेलायतको संसद निलम्बन हुने छ । त्यसपछि कुनै सम्झौता विना बेलायत ३१ अक्टुबरमा युरोपेली युनियन (ईयू)बाट बाहिरिने छ । संसद नै निलम्बन हुने भएकाले त्यसबारे संदनमा कुनै प्रकारको बहस हुने छैन । सम्झौता ईयूबाट बेलायत बाहिरिने प्रक्रिया रोक्ने लगायतका विधेयकहरु अब निष्कृय हुनेछन् । सम्झौता विना ईयूबाट बेलायत बाहिरिने (ब्रेक्जिट) प्रक्रिया रोक्ने कानुन पारित हुन नदिन प्रधानमन्त्री जोनसनले संसद निलम्बनको निर्णय गरेको भन्दै विपक्षी र सत्तापक्षीय सांसदहरुले केहि आलोचना गरेका छन् । सरकारको यो कदमलाई सत्ताधारी टोरी पार्टीले समेत अपमानजनक भनेको छ ...

भदौ १२ गते । जाजरकोटको कुशे गाउँपालिकाले दुई वटा वडालाई समेतटेर सिकार आरक्षण बनाउन अघि बढेको छ । पालिकाको ३ र ८ नम्बर वडाका वन क्षेत्रलाई समेटेर ‘कुशे पाटन सिकार आरक्ष’ बनाउने अघि बढाएको हो । आरक्षको लागि पालिकाले वडाको माथिल्लो भूभागमा रहेको जलजला पाटन वन क्षेत्र र वरिपरिको क्षेत्रको विस्तृत अध्ययन पनि गरेको छ । गाउँपालिकाले आर्किटेक्ट डिजाइन एन्ड सिभिल कन्स्ट्रक्सन प्रालिसँग सम्झौता गरी उक्त क्षेत्रको विस्तृत अध्ययन गरेको हो । सिकार आरक्ष प्रस्तावित ४३८८ उचाइमा कुशे पाटन क्षेत्र जुम्लासँग जोडिएको छ । यो समाचार आजको कान्तिपुर दैनिकमा छापिएको छ ।...

उदयपुर, भदौ ११ गते । उदयपुरको रौतामाई गाउँपालिकाले बाढीपहिरोले पूर्ण प्रभावितलाई रातो रंगको जस्तापाता वितरण गर्ने भएको छ । पालिकाका अध्यक्ष गजेन्द्रबहादुर खड्काका अनुसार गाउँ कार्यपालिकाले मंगलबार यस्तो निर्णय गरेको हो । पूर्णरुपले क्षती भई घर पुन निर्माण गर्नुपर्ने अवस्थाका परिवारलाई रातो रंगको जस्तापाता वितरण गरिने भएको हो । पालिकामा ८० घर बाढीपहिरोले पूर्णरुपले क्षती भई पुन निर्माण गर्नुपर्ने अवस्था रहेको छ । उनीहरु सबैलाई एकै किसिमको रातो रंगको जस्तापाता वितरण गरिने भएको छ । जस्तापाताको रातो रंगलाई २०७६ सालको बाढीपहिरो प्रभावित घरपरिवारको संकेतकै रुपमा राखिएकाले सबैलाई एकै किसिमको वितरण गरिने अध्यक्ष खड्काले बताए । “कुन वडामा कति प्रभावित थिए भन्ने कुराको सूचक रातो जस्तापाता नै हुनेछ ।” अध्यक्ष खड्काले भन्नुभयो “आठै वडामा एकै किसिमको जस्तापाता वितरण हुनेछ ।” पालिकाका व...

ऋषि राई कटारी/भदौ ११ गते । उदयपुरको कटारीमा फैलिएको डेंगु नियन्त्रण गर्नका लागि जनचेतना पैmलाउनु पर्ने चिकित्सकले जनाएको छ । सामाजिक विकास मन्त्रालय प्रदेश नम्बर १ को आयोजना र कटारी नगरपालिकाको समन्वयमा सम्पन्न डेंगु र ज्वरो नियन्त्रण सम्बन्धि अन्र्तकृयामा सहभागी चिकित्सकहरुले यस्तो बताएका हुन् । कार्यक्रमको सहजिकरण गर्दै मन्त्रालयका वरिष्ठ जनस्वास्थ्य प्रशासक डा.शुरेस मेहताले डेंगु लाग्नुका कारण र रोकथामका उपायहरु बताउँदै यो रोग सफा पानी जम्नेस्थानहरुमा हुने लार्भाकै कारण पैmलिने भएकाले यसको नियन्त्रण गर्न जनचेतना पैmलाउनु पर्ने बताए । दिउँसो टोक्ने लामखुट्टेको टोकाईबाट सर्ने भएकाले हरेक घर घर सम्म लामखुट्टे उत्पादन हुने घर वरपर सरसफाई गर्ने, पानी जम्न नदिने चेतना पैmलाउन सकेमात्र डेंगु नियन्त्रण हुने पनि डा. मेहेताले बताए । कार्यक्रममा बोल्दै कटारी अस्पत्तालका प्रमुख मेडिकल सु...

भदौ ११ गते । प्रदेश न. १ को नाम किरात खाख्न नेपाल कम्युनिष्ट पार्टी (नेकपा) सम्बद्ध सामुदायिक मोर्चा किराती राष्ट्रिय मुक्ति मोर्चाले दबाब मुलक कार्यक्रम गर्ने भएको छ । पार्टी कार्यालय कोटेश्वर पेरिषडाँडामा बसेको मोर्चा केन्द्रीय पदाधिकारीको बैठकले १ नम्बर प्रदेशको नाम किरात राख्न क्रियाशीलहुने निर्णय गरेको हो । प्रदेश संसदमा दवाव दिने उदेश्यले भेटघाट, अन्तरक्रिया, सांस्कृतिक तथा सभाहरु गर्ने निर्णय भएको मोर्चाको अध्यक्ष राजन किराती (बासु)ले बताए । मोर्चाले यस अघि पनि नेकपा अध्यक्ष प्रचण्डको प्रमुख आतिथ्यमा बृहत अन्तरक्रिया गर्नुको साथै प्रदेश प्रमुख गोविन्द लिम्बू, मुख्यमन्त्री शेरधन राई, सभामुख प्रदिपकुमार भण्डारी, प्रतिपक्ष दलका नेता र सांसदहरुलाई ज्ञापनपत्र बुझाएको थियो । प्रदेशको नाम किरात राख्न छलफल तथा दवाव दिने उदेश्यले संविधान दिवसको अवसर पारेर अशोज ४ गते काठमाडौं र...

भदौ ११ गते । भोजपुरको पिखुवा खोलाको पक्कि पुल निर्माणस्थलमा राखिएको एक्जाभेटर अज्ञात समूहले आगजनी गरेको छ । भोजपुर नगरपालिका–१२ र रामप्रसाद राई गाउँपालिका–५ मानेभञ्याङ जोड्ने पुलको काममा प्रयोगका लागि राखीएको एक्जाभेटरमा अज्ञात समूहले आगजनी गरेको हो । मार्सेली निर्माण सेवाले निर्माण गर्दै गरेको पुलको कामका लागि राखिएको एक्जाभेटरमा पेट्रोल छर्केर आगजनी गरिएको जिल्ला प्रहरी कार्यालय भोजपुरले जनाएको छ । उक्त स्थानमा शंकास्पद वस्तु समेत फेला परेकाले नेपाल प्रहरीले सुरक्षा घेरा भित्र राखी नेपाली सेनाको विज्ञ टोली बोलाईएको प्रहरीले जनाएको छ । स्थानको पिखुला खोलामा प्रदेश सरकारको ६ करोड ५३ लाख रुपैयाँको लागतमा करीब एक हप्ता अगाडि पुल निर्माण शुरु गरिएको थियो । थप अनुसन्धान भईरहेको र अज्ञात समूहको खोजी कार्य भईरहको प्रहरीले जनाएको छ ।...

मोरङ, भाद्र ११ गते । मोरङको बेलवारीमा रुखबाट लडेर एक जनाको मृत्यु भएको छ । बेलारी नगरपालिका–२ निबासी ३२ बर्षीय जिवन श्रेष्ठको रुखबाट लडेर बुधबार मृत्यु भएको हो । घर नजिकै रहेको सामुदायिक बनमा घाँस काट्न रुख चढ्ने क्रममा दिउँसो १२ बजे रुखबाट लडेर गम्भीर घाईते भएका श्रेष्ठको नोबेल अस्पताल बिराटनगरमा उपचारको क्रममा दिउँसो १ बजे मृत्यु भएको ईलाका प्रहरी कार्यालय बेलवारीले जनाएको छ ।...

भदौ ११ गते । संविधान दिवसको दिन नयाँ पुस्तालाई जागरण पैदा गर्ने उद्देश्यले घरघरमा राष्ट्रिय झण्डा फहराईने भएको छ । राष्ट्र, राष्ट्रियता, लोकतान्त्रिक आन्दोलन र संविधानप्रति वन पिढीलाई जागरण गर्ने उद्देश्यले संविधान दिवसमा झण्डा फहराइने भएको हो । नेपालको संविधान जारी भएपछि प्रत्येक वर्ष असोज ३ गते संविधान दिवस मनाउँदै आएको छ । दिवसको मूल समारोह समिति अन्तर्गत गठित प्रचार प्रसार उपसमितिको बुधबार बसेको बैठकले राष्ट्रिय झण्डा र राष्ट्रियतालाई केन्द्रमा राखीएको समितिले जनाएको छ । राष्टिय झण्डा र राष्ट्रियतासँगै संविधानको महत्व झल्काउनको लागि घरघरमा झण्डा राख्ने तयारी भएको समितिले जनाएको छ । सरकारले राष्ट्रिय झण्डा र राष्ट्रिय गानको प्रयोगसम्बन्धी कार्यविधि, २०६९ परिवर्तन गरी राष्ट्रिय झण्डालाई निजी घरमा पनि राख्न पाइने गरी निदेर्शिका समेत परिवर्तन गरेको छ । २०७२ असोज ३ गते संविधा...

भदौ ११ गते । भारतसँग पाकिस्तानले पुन एक पटक हवाई मार्ग बन्दको भएको छ । पाकिस्तानले भारतसँग पूर्ण रुपमा हवाई मार्ग बन्द गर्नेबारे सोचिरहेको विज्ञान तथा प्रविधि मन्त्रालयले जनाएको छ । भारतले अफगानिस्तानसँगको कारोबारमा पाकिस्तानको भूमि प्रयोग गर्ने गरेको छ । त्यसमा पनि प्रतिबन्ध लगाउने मन्त्रालयले जनाएको छ । त्यसका लागि कानुनी प्रक्रियाहरु पूरा गर्ने काम भइरहेको र छिट्टै कार्यान्वयन गर्ने जनाएको छ । उक्त कुराको केहि खण्डन समेत भएको छ । यसअघि पनि भारतले पाकिस्तानको बालाकोटमा हवाई हमला गरेपछि हवाई क्षेत्रको प्रयोग गर्नबाट भारतलाई प्रतिबन्ध लगाएको थियो । भारते जम्मू–कश्मीरको संवैधानिक स्वायत्तता अन्त्य गर्ने निर्णय प्रति पाकिस्तानले असन्तुष्टि जनाउँदै त्यसविरुद्ध अन्तर्रा्ष्ट्रिय मञ्चमा विरोधका स्वरहरू उठाइरहेको छ ।...