Breaking News 2

पूर्णपुष्टि, बैशाख १२ । उदयपुरमा कोशी प्रदेशका उपसभामुख सिर्जना दनुवारले एकल महिला छाहारी भवनको शिलान्यास गरेका छन् । बुधबार जिल्लाको त्रियुगा नगरपालिका वडा नं. ४ फर्सेटमा उपसभामुख दनुवारले मानव अधिकारका लागी महिला एकल महिला जिल्ला समिति उदयपुरको भवन शिलान्यास गरेका हुन् । प्रदेश सरकारको आर्थिक बर्ष २०८०÷०८१ बाट एकल महिला छाहारी भवनको लागी २५ लाख बजे विनियोजन गरिएको थियो । उक्त बजेटबाट १६ लाख ६३ हजार १ सय ९० रुपैँयामा तिन कोठे भवन निर्माण गर्न लागिएको हो । भवनको शिलान्यास पश्चात बोल्दै उपसभामुख दनुवारले तिन तलाको ठुलो भवन बनाउने इस्टिमेट र नक्सा तयार गरेतापनी बजेटको अभावले सम्भव नभएको बताईन् । एकल महिलालाई छाहारी दिन र यस भवनमा बसेर एकल महिलाले आफ्नो कामलाई सुरुवात गर्न आज यो भवन शिलान्यास भएकोे बताईन् । यो भवनले एकल महिलाको संस्थालाई जिवन्त दिनको निम्ति महत्पुर्ण भुमिका खेल्ने विश्व...

पूर्णपुष्टि, बैशाख ११ । शिक्षा, विज्ञान तथा प्रविधि मन्त्रालयले दलमा आबद्ध सामुदायिक विद्यालयका शिक्षकलाई कारबाही गर्न देश भरका शिक्षा विकाश तथा समन्वय ईकाईलाई निर्देशन दिएको छ । आईतबार मन्त्रालयले शिक्षा तथा मानवस्रोत विकास केन्द्रमार्फत निर्देशन दिएको हो । शिक्षामन्त्री सुमना श्रेष्ठले वैशाख ४ मा दलमा आबद्ध शिक्षकलाई कारबाही गर्ने निर्णय गरेकी थिइन् । उक्त निर्णयको आधारमा केन्द्रले त्यस्ता शिक्षकलाई हटाउन ७७ वटै जिल्लाका इकाइलाई पत्राचार गरेको हो । केन्द्रका शाखा अधिकृत हरिबहादुर श्रेष्ठले गरेको पत्राचारमा पदबाट हटाएको जानकारी मन्त्रालयमा पठाउन भनिएको छ । कारबाहीमा आवश्यक सहयोग र सहजीकरणका लागि ७ सय ५३ वटै स्थानीय तहलाई बोधार्थसमेत पठाइएको छ । मन्त्रालयले राजनीतिक दलमा सक्रिय शिक्षकका विषयमा उजुरी गर्न आग्रहसमेत गरेको छ । केन्द्रले उजुरीका आधारमा कारबाही प्रक्रियालाई निरन्तरता दिन ...

पूर्णपुष्टि, बैशाख ११ । उदयपुरको त्रियुगा नगरपालिका–११ साकेला टोलमा प्रथम स्वर्गीय दिपक राई (दोर्पाली) स्मृती फुटबल प्रतियोगिता २०८१ हुने भएको छ । स्वास्थ्यको लागी खेलकुद राष्ट्रको लागी खेलकुद भन्ने मुल नाराका साथ जिल्ला फुटबल संघको प्राविधिक सहयोगमा साकेला युवा समुहले दोर्पाली स्मृती फुटबल प्रतियोगिता आयोजना गर्न लागेको हो । साकेला खेल मैदानमा यहि बैशाख २२ गते देखी २९ गते सम्म प्रतियोगिता सञ्चालन हुने आयोजकले जनाएको छ । प्रतियोगिताको विजेताले नगद रु. २० हजार सहित ट्रफी, मेडल र उपविजेताले नगद रु. १० हजार सहित ट्रफी, मेडल प्राप्त गर्ने आयोजकले जनाएको छ । जिल्ला स्तरिय खेलाडी समेत रेहेका दोर्पालीको सम्झनामा फुटबल प्रतियोगिता सञ्चालन गर्न लागिएको आयोजकले जनाएको छ ।...

पूर्णपुष्टि, बैशाख ११ । उदयपुरमा एक बाख्रा फममा आगलागी भएको छ । जिल्लाको बेलका नगरपालिका वडा नं ५ घुम्ने बस्ने २९ बर्षीय सन्तोष मगरको काठ टाटिबेराले बनेको फुसको छानो भएको बाख्रा फममा आगलागी भएको हो । जिल्ला प्रहरी कार्यालय उदयपुरका प्रहरी उपरिक्षक राजन चापागाइका अनुसार सोमबार दिउँसो १ बजेको समयमा बाख्रा फममा जंगलबाट आएको डढेलोबाट फममा आगो सल्कन गई पुर्णरुपमा जलि नष्ट भएको हो । फममा आगलागीबाट ३ लाख बराबरको क्षती भएको र मानवीय तथा चौपायामा क्षति नभएको डिएसपी चापागाईले बताए । उक्त आगलागी प्रहरी चौकी लालबजार उदयपुरबाट खटिएको प्रहरी टोली, दमकल र स्थानिय बासिको सहयोगमा दिउँसो ४:५० बजे नियन्त्रणमा आएको प्रहरीले जनाएको छ ।...

पूर्णपुष्टि, बैशाख १० । उदयपुरको विभिन्न स्थानमा आगलागी भएको छ । आईतबार जिल्लाको दुई पालिकामा आगलागी हुँदा १५ लाख १५ हजार बराबरको क्षती भएको जिल्ला प्रहरी कार्यालय उदयपुरले जनाएको छ । जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार जिल्लाको उदयपुरगढी गाउँपालिकामा एक घर र लिम्चुङबुङ गाउँपालिकामा तिन वटा घर आगलागीबाट जलेर नष्ट भएको छ । उदयपुरगढी गाउँपालिका वडा नं–६ रातमाटे बस्ने निर बहादुर कटुवालको इटाको गाँह्रो र टिनको छानो भएको १ तले घर सहित ग्वाली गोठमा सोमबार दिउँसो १ बजेको समयमा आगलागी भएको थियो । आगलागीबाट घर, ग्वाली गोठ सहित अन्नपात, भाँडावर्तन, काठपात, ३ वटा खसि, ३ वटा बोका जलेर पुर्ण रुपमा क्षति हुँदा करिब ८ लाख ६५ हजार रुपैँया बराबरको क्षति भएको डिएसपी चापागाईले बताए । उक्त आगलागी अस्थाई प्रहरी पोष्ट नेपालटारबाट खटिएको प्रहरी टोली, दमकल, स्...

पूर्णपुष्टि, बैशाख १० । गोरखामा एक पूरुषको मलद्धारमा एक महिना देखी अड्किएको बोतल शल्यक्रिया गरी निकालिएको छ । गोरखा नगरपालिका–३, नारेश्वरका ५७ वर्षीय पुरुषको मलद्वारमा अड्किएको बोत्तल आईतबार शल्यक्रिया गरी निकालिएको हो । सर्जन डा. जीतेन्द्र सिंह र विश्वराज खड्का र एनेस्थेसिया डा. शम्भु अधिकारीको टिमले उनको सफल शल्यक्रिया गरेका हुन् । एक महिनाअघि देखि किटनाशक औषधीको मेटलको बोत्तल अड्किएको र अलि सिरियस भएपछि आज अस्पताल ल्याइएको अस्पतालका निमित्त मेडिकल सुपरिटेन्डेन्ट डा. सिद्धार्थ खनालले जनाकारी दिए । करिब ३ घण्टाको अप्रेशन पश्चात १० सेन्टिमिटर लामो र ७.५ सेन्टिमिटर चौडाइको बोत्तल निकाल्न सफल भएको सुपरिटेन्डेन्ट खनालले बताए । लामो समयदेखी बोतल अड्किएकोले पेटमा संक्रमण पनि फैलिसकेको र संक्रमण पनि सफा गरिदिएको डा. खनालले बताए । बोत्तल कसरी उनको मलद्वारभित्र अड्कियो भन्ने विषयमा आफूहरुले ...

पूर्णपुष्टि, बैशाख ९ । माओवादी केन्द्रको भातृ संगठन रिटर्नी सेन्टर नेपालको प्रथम महाधिवेशन सम्पन्न भएको छ । शनिबार सम्पन्न प्रथम महाधिवेशनबाट अध्यक्षमा पाँचथरका देवेन्द्र सम्वाहाङ्फे विजयी भएका छन् । सम्वाहाङ्फेले आफ्ना प्रतिष्पर्धी उदयपुरका मेजरकुमार राईलाई १८ मतले पछि पार्दै अध्यक्षमा चुनिएका हुन् । सम्वाहाङ्फेले ४७ मत पाएका थिए भने राईले २९ मत पाएका थिए । ७८ जना उपस्थित निर्वाचनबाट अध्यक्षमा सम्वाहाङ्फेसहित १७ सदस्यीय पदाधिकारी चयन भएको छ । वरिष्ठ उपाध्यक्षमा डोरबहादुर कार्की तथा ४ जना उपाध्यक्षहरुमा भिम रोकाय (मुस्कान), कृष्णकुमार सिंह (अस्मित), चेतना श्रेंग र नविराज खान चुनिएका छन् । यसैगरी महासचिवमा घनश्याम भट्टराई तथा दुई जना उपमहासचिवमा विशाल भण्डारी र निमेषकुमार ओली चयन भएका छन् । एकमात्र कोषाध्यक्ष पदमा धनध्वज मल्ल ठकुरी चयन भएका छन् । यसैगरी सातै प्रदेशबाट एक–एक जना गरी ७ ...

पूर्णपुष्टि, वैशाख ५ । उदयपुरमा ट्रक दुर्घटना हुँदा चालकको मृत्यु भएको छ । मृत्यु हुनेमा चितवन राप्ति नगरपालिका–६ बस्ने २८ बर्षीय समिर चौधरी रहेको छन् । जिल्ला प्रहरी कार्यालय उदयपुरका (एसपी) रमेश थापाका अनुसार मंगलबार राति १० बजे उदयपुरगढी गाउँपालिका–७ अधेरी स्थित मदन भण्डारी राजमार्गमा ट्रक दुर्घटना भएको हो । चितवनबाट इतहरी तर्फ रंग बोकर आउदै गरेको ग १ ख ४७५३ नंम्बरको ट्रक ओरालोमा ब्रेकफेल भई सडकमा पल्टिदा चालक चौधरी घाईते भएका थिए । दाहिने खुट्टामा र शरिरको भित्री भागमा चोट लागेका चालकलाई जिल्ला अस्पताल उदयपुरमा ल्याई उपचार पश्चात थप उपचारको लागी राति १२ बजे बिराटनगर रेफर गरिएको एसपी थापाले बताए । चालक चौधरीको उपचारको क्रममा बिराटनगरमा मृत्यु भएको प्रहरीले जनाएको छ । दुर्घटना ग्रस्त सवारी साधन भने दुर्घटना स्थलमा नै रहेको प्रहरीले जनाएको छ ।...

पूर्णपुष्टि, वैशाख ५ । माओवादी मजदुर पार्टीको केन्द्रिय संगठन समिति विघटन भएको छ । पार्टीका महासचिव हिमाल शिंह राईले मंगलबार एक विज्ञप्ती निकाल्दै समिति विघटन गरिएको जानकारी दिए । राईले नयाँ शान्तिपूर्ण कमिटी गठन गर्ने भन्दै पुराना कमिटी बिघटन गरेको जानकारी दिए । राईलाई चैत्र ३० गते शुक्रबारका दिन प्रहरीले पक्रेर ४ दिन हिरासतमा समेत राखेका थिए । चन्दा उठाउँदै हिडेको आरोपमा राईलाई प्रहरीले पक्राउ गरेका थिए । उनले किसानहरुको आवाजका लागि खोलिएको पार्टीमाथी सरकारको शक्ति प्रदर्शन खेद जनक रहेको जनाए । नेपाली जनताहरुलाई भ्रममा पारेर सरकारले जुटको खेती गरिरहेको आरोप लगाउँदै यसको बिरोधमा निरन्तर उत्रिरहने राईले जनाए । उनले आफ्नो अर्को कमिटी निर्माण पश्चात सरकार र सरकारका भ्रष्ट शक्तिहरु प्रति निरन्तर आवाज जारी राख्ने जनाए । राईलाई बैशाख ३ गते हिरासतबाट निकालिएका थिए । पत्रकार हरि कुमार राई, गजे...

पूर्णपुष्टि, चैत्र २६ । उदयपुरको रौतामाई गाउँपालिका ४ मालवासेमा आगलागीबाट एक घर जलेर नष्ट भएको छ । आगलागीबाट मिन्द्र बहादुर सार्कीको घर जलेर नष्ट भएको वडा सचिव लिला भक्ता कार्कीले जानकारी दिए । सचिव कार्कीका अनुसार शनिबारदेखी काउले जंगलबाट सल्केको आगो गाउँपस्दा सार्कीको घर सहित गुवाली जलेर नष्ट भएको थियो । आगलागीमा परी लत्ताकपता, नगद ६० हजार र १ तोला सुन समेत जलेर नष्ट भएको छ । आगलागीबाट पशुचौपायमा भने क्षती नपुगेको सविच कार्कीको भनाई छ। बाँधीएको पशु चौपायालाई भने स्थानीयहरुले दाम्ला काटेर आगोबाट सुरक्षीत स्थानमा सारिएको थियो । सोही ठाउँमा आईतबार गोविन्द भुजेलको गुवालीमा समेत आगलागी भएको छ। शनिबार देखी काउले जंगलमा भिषण आगलागी भैरहेको र निभाउन सकस परिरहेको सचिव कार्कीले जनाए । घरमा लागेको आगो अझै पनि निभाई नसकेको अवस्था छ । रौताबाट प्रहरी टोली घटना स्थल तर्फ पुगेको र प्रहरी सहित स्था...