Breaking News 2

पूर्णपुष्टि, साउन १ गते । उदयपुरको त्रियुगा नगरपालिका–५ देउरीमा स्थित अन्नपूर्ण विद्यालयका विद्यार्थीहरुलाई नेपाल आर्मिले राष्ट्रिय सेवा दल (NCC ) को तालिम दिने भएको छ । विद्यालयका ३६ जना किशोरकिशोरीलाई सय दिन सम्म तालिम दिईनेछ । तालिममा विद्यार्थीलाई राष्ट्रप्रेम, राष्ट्रसेवा, व्यक्तिगत क्षमता अविवृद्धि, मुलुकको इतिहास लगाएतका विषयमा प्रशिक्षित गरिनेछ । अन्नपूर्ण स्कुलमा आयोजित एक समारोहका बीच उक्त तालिमको उद्घाटन भएको थियो । सो कार्यक्रममा बोल्दै प्रमुख सेनानी बिजयी भण्डारीले विद्यार्थीको क्षमता अभिवृद्धि गर्नु तालिममो उद्देश्य भएको बताए । जिल्लाका अन्य सामुदायिक विद्यालयका विद्यार्थीलाई राष्ट्रिय सेवा दलले तालिम दिएपनि नीजि विद्यालयका विद्यार्थीलाई दिएको यो पहिलो तालिम हो ।...

पूर्णपुष्टि, साउन १ गते । जिल्ला प्रहरी कार्यालय मोरङले ३ वटा चोरीको मोटरसाईकलसहित चोरीमा संलग्न रहेका ४ जनालाई पक्राउ गरेको छ । विराटनगर–४ का २२ वर्षीय नविन माझी, विराटनगर–८ का २५ वर्षीय मोहमद हजरत, दुहवी नगरपालिका–९ सुनसरीका १८ वर्षीय मोहमद सलाउदिन र ३४ वर्षीय मोहमद नसुरदिनलाई चोरीका मोटरसाईकल सहित प्रहरीले पक्राउ गरेको हो । बिभिन्न मितिमा बिराटनगरको नोवेल अस्पतालको कम्पाउण्ड भित्र र सोही स्थानको सामुदायिक मेडिकल हल अगाडि पार्किङ गरी राखेको को.६ प ६८०२ नम्वरको डिस्कभर मोटरसाईकल, प्रदेश १–०१–०१३ प ४५०७ नम्बरको पल्सर मोटरसाईकल र नम्बर नखुलेको १५० सिसिको पल्सर मोटरसाईकल चोरी भएको थियो । पक्राउ परेका उनीहरुको जिल्ला अदालतबाट चोरी कसूरमा म्याद थप गरी थप अनुसन्धान भईरहेको जिल्ला प्रहरी कार्यालय मोरङले जनाएको छ ।...

काठमाडौं, साउन १ गते । दिनचाहिँ साउने सङ्क्रान्तिको भए पनि पानीझरी छैन । पानी नपर्दा दुई सातायता धान रोपाइँ बढाउन नसकेका किसान साउने सङ्क्रान्ति पर्वको संस्कृति थेग्न आज ‘लुतो फाल्ने’ तयारीमा छन् । खासगरी युवापुस्ता पर्वविशेषको सो चलनलाई रमाइलो बनाउन आज एकाबिहानैदेखि चहलपहलमा देखिन्छन् । जिल्लाको उत्तरवत्र्ती क्षेत्रका बर्दिवास, गौशाला, औरही र भङ्गाहा नगरपालिका क्षेत्रमा पर्वते मूलका बसोबास बाहुल्यताका बस्तीमा साउने सङ्क्रान्ति परम्परालाई उल्लासमय बनाउन युवायुवती तयारीमा लागेका देखिँदा छन् । खासगरी पर्वते मूलका नेपाली हिन्दू परम्परामा मनाइने यो पर्वमा साउने सङ्क्रान्तिका दिन साँझ लुतेसरो, कुकुरडाइनो, भलायो र कुरिलोसहितका जङ्गली वनस्पतिमा आगो सल्काएर अगुल्टो खोल्सा कटाउने गरी हुत्याउँदै ‘लुतो जा’ भन्दै कराइने चलन छ । सूर्यास्तपछि साँझपख मनाइने यो परम्पराको तयारीका लागि आज एकाबिहानै ब...

पूर्णपुष्टि, असार ३१ गते । त्रियुगा नगरपालिकाको आयोजनामा नगरको सार्वजनिक सुनुवाई कार्यक्रम शुक्रवार सम्पन्न भएको छ । नगर प्रमुख बसन्त कुमार बस्नेतको अध्यक्षतामा आर्थिक वर्ष २०७८/७९ को सुनुवाई कार्यक्रम सम्पन्न भएको हो । सहभागिता, पारदर्सीता,जवफदेहिता र उत्तरदायित्वको लागि सुनुवाई कार्यक्रम गरिएको नगरको सामाजिक शाखा प्रमुख विश्वजीत राईले बताउनुभयो । सुनुवाई कार्यक्रममा सहजिकरण गरेको सुशासनका हिमायती (जी क्यू) का अध्यक्ष भरत खड्काले प्रतिवेदन प्रस्तुत गर्नुभयो । नगरमा सेवा लिन आएका सेवाग्राहीहरुसँग नयाँ प्रविधिको प्रयोग गरि सर्वेक्षण गरिएको खड्काले बताउनुभयो । खड्काका अनुसार ९८ जना सेवा ग्राहीसँग ६० पुरुष र ३८ महिलाहरु संग प्रश्न सोधी विवरण संगलन गरिएको छ । सर्वेक्षणमा मगर, राई , चौधरी, गुरुङ, तामाङ, ब्रामण, धिमाल, दनुवार, सार्की लगाएतका सेवाग्राहीहरु रहेका थिए । प्रतिवेदनमा नगरले दिएको...

काठमाडौं, असार ३१ गते । ताप्लेजुङमा चट्याङ लागेर बिहीबार एकजनाको मृत्यु भएको छ भने दुई घाइते भएका छन् । मृत्यु हुनेमा मेरिङदेन गाउँपालिका–२ सान्थाक्राका १५ वर्षीय लालकुमार शेर्पा छन् । मकै गोड्ने क्रममा चट्याङ लागेर शेर्पाको घटनास्थलमै मृत्यु भएको जिल्ला प्रहरी कार्यालयले जनाएको छ । चट्याङ लागेर सोही ठाउँका १९ वर्षीय निमतेम्वा शेर्पा र १२ वर्षीय निमल्हमु शेर्पा घाइते भएका छन् । घाइते दुवै जना स्थानीय स्वास्थ्यचौकीमा उपचारपछि घर फर्किएको प्रहरीले जनाएको छ । रासस...

पूर्णपुष्टि, असार ३० गते । उदयपुरको कटारीमा बुधवार दिउँसो ३ः१५ बजेको समयमा बोलेरो दुर्घटना हुँदा एकजनाको ज्यान गएको छ, भने आठ जना घाईते भएका छन् । जिल्ला कटारी नगरपालिका–१३ बिष्णु राउतको उपचारको क्रममा ज्यान गएको हो । घाईते हुनेमा कटारी–८ का २० वर्षीय राजु ठकुरी, २२ वर्षीय मनोज ठकुरी, ५५ वर्षीया उर्मिला ठकुरी, ३५ वर्षीय कृष्ण बहादुर बुढाथोकी रहेका छन् । यता कटारी–११ का ५० वर्षीय इन्द्रबहादुर मगर र १८ वर्षीय दिबस बस्तेका साथै कटारी–४ का दिपेश कोईराला घाईते भएका छन् । कटारी नगरपालिका–४ अडा कुन्ना स्थित सिद्धिचरण राजमार्गमा प्रदेश २–०१–००१ च ०२४३ नम्बरको बोलेरो कटारीबाट मैयाँखु तर्फ जादैँ गर्दा आफै अनियन्त्रत भई दुर्घटना भएको थियो । सो दुर्घटनामा घाईते भएकालाई कटारी अस्पतालमा सामान्य उपचार पश्चात थप उपचारको लागी धरान घोपा पठाईएको उदयपुर प्रहरीले जनाएको छ । चालक जिल्ला कटारी नगरपालिका–१३ मै...

पूर्णपुष्टि, असार २९ गते । विराटनगरमा रहेको एउटा घर भित्र किरा परेको अवस्थामा एक पुरुषको शव फेला परेको छ । विराटनगर महानगरपालिका–१३ स्थित हिमालय आँखा अस्पतालको उत्तरतर्फ रहेको एउटा घरभित्र किरा परेको अवस्थामा मंगलबार पुरुषको शव भेटिएको हो । मोरङ प्रहरी डिएसपी राजन कार्कीका अनुसार मृतकको पहिचान नखुलेको प्रहरीले बताएको छ । सडक निर्माण गर्ने कामदार बस्नका लागि ट्रष्ट लगाएर बनाइएको घरभित्र अन्दाजी ४५–५० वर्षीय पुरुषको शव भेटिएपछि अनुसन्धान सुरु गरेको प्रहरीले बताएको छ । उनका अनुसार सडेर दुर्गन्धित भएको अवस्थामा शव फेला परेको हो ।...

पूर्णपुष्टि, असार २८ गते । उदयपुर सिमेन्ट उद्योग १९ दिनदेखि बन्द छ । उद्योग सञ्चालनका लागि आवश्यक विजुली आपूर्ती नहुदा बन्द भएको हो । गत असार ९ गतेदेखि भोल्टेजमा हुने गबढीले उद्योगले सिमेन्ट उत्पादन गर्न सकेको छैन । उद्योग सञ्चालनका लागि ६ मेघावाट विद्युत आवश्यक पर्नेमा २ मेघावाट मात्र आपूर्ती भएकाले सिमेन्ट उत्पादनको काम बन्द भएको महाप्रबन्धक गोपीकृषण न्यौपानेले बताए । सिमेन्टको बढी माग हुने समयमा उत्पादन बन्द हुदा उद्योगलाई दैनिक करोडौ घाटा लागिरहेको छ । गैंडा छाप सिमेन्ट उत्पादन गर्ने आएको यो उद्योगले दैनिक ६ सय टन क्लीङकर उत्पादन गर्दै आएको थियो ।...

पूर्णपुष्टि, असार २७ गते । उदयपुरको त्रियुगा नगरपालिका वडा नं. २ मोतियाहीको सार्वजनिक सुनुवाई कार्यक्रम आइतवार सम्पन्न भएको छ । नगरको आयोजना तथा सुशासनका हिमायती (जी क्यू) को सहजिकरणमा करिब ७० जनाको उपस्थिती बीच सुनुवाई कार्यक्रम सम्पन्न भएको हो । सुनुवाई कार्यक्रमको उद्घाटन नव निर्वाचित उप–मेयर महेश्वरी राईले ब्यानर बढेर गर्नुभएको थियो । सहभागीता, पारदर्शिता, जवाफदेहिता र उत्तरदायित्वका लागि आर्थिक वर्ष २०७८/७९ का कामबाट नागरिक सन्तुष्ट छ छैन् विश्लेषण गर्न सुनुवाई कार्यक्रम गरिएको हो । सुनुवाई कार्यक्रममा जी क्यूका अध्यक्ष भरत खड्काले वडाबाट संकलन गरिएको नागरिक अभिमत प्रतिवेदन प्रस्तुत गर्नुभयो । गुनासा सुनाउने क्रममा कृषकहरु अत्यधिक मारमा परेको र समयमा कृषीजन्य मल, विउविजन नपाईएको स्थानीय लिल बहादुर वोगटीले बतानुभयो । उनका अनुसार कृषि सहकारी संस्थामा बीउ भएको तर कृषकले बीउ नपाएको ब...

पूर्णपुष्टि, असार २७ गते । जिल्लाको एकमात्र सरकारी अस्तताल उदयपुर अस्पतालमा बिरामीको अत्याधिक चाप देखिएको छ । भाइरल ज्वरो, झाडा–पखाला लगायतका समस्या लिएर बिरामी अस्पताल आएका छन् । यस्तै प्रसुती वार्डमा समेत बिरामीको चाप देखिएको छ । अस्पतालको वेड क्षमता ५० भएपनि दैनिक ४५० बढी बिरामी उपचार गराउन आउने गरेको मेडिकल सुपरिटेन्डेट मुकेशकुमार झाले बताए । उनकाअनुसार अस्पतालमा आवश्यक भौतिक पूर्वाधार नहुँदा बिरामीको उपचारमा समस्या भैरहेको छ । अस्पतालमा क्षमताभन्दा बढी बिरामी आएसँगै बाहिर राखेरसमेत बिरामीको उपचार भैरहेको छ । जिल्ला अस्पतालमा आवश्यक जनशक्तिको अभावले उपचारमा समस्या भएको संघ र प्रदेशले बजेटको व्यवस्था गर्नुपर्ने जिल्ला समन्वय समिति उदयपुरका प्रमुख गोर बहादुर विश्वकर्माले बताएका छन् ।...