Breaking News 2

पूर्णपुष्टि, चैत्र ८ । उदयपुरको त्रियुगा नगरपालिका वडा नं. १२ का वडा अध्यक्षले समयमा कार्यालय नआउने कर्मचारीलाई गेटमै रोकिदिएका छन् । वडा अध्यक्ष नविन वान्तावा राईले ११ बजिसक्दा पनि कार्यालय नआउने कम्प्युटर अप्रेटर अन्जु समाललाई गेटमै रोकिदिएका हुन् । उनि चौथो तहको करारका कर्मचारी हुन् । सामाजिक परिचालिका बबिता यादव र कार्यालय सहयोगी पर्मिला कार्की पनि कार्यालय नआएकोले उनिहरु समेतलाई गेटमा रोक्ने वडा अध्यक्ष राईले बताए ।उनिहरुले वडामा आउने नआउने बारे केहि पनि जानकारी नदिएकोले आएमा गेटमै रोक्ने र समयमा नआउने सबैलाई हाजिरी समेत गर्न नदिने वडा अध्यक्ष राईले बताए ।कर्मचारीलाई कार्यालय आउन ५ देखी १० मिनेटसम्म ढिलो हुन्छ केही छैन ‘उनले भने’ घण्टै ढिलो गरेर आउने त्यही भएर मैले गेटमा ताला लगाएर कार्यालय प्रवेश निषेध गरेको हो । कर्मचारीबाट कार्यालय ढिलो आउने काम  पटक पटक दोहोरिएको कारणले गेटम...

पूर्णपुष्टि संवाददाता ६ चैत्र, २०८२ । उदयपुर युद्ध चलिरहेको देश इरानमा उदयपुरको एक युवा त्यहाँको सेनाको नियन्त्रणमा परेका छन् । उदयपुरको त्रियुगा नगरपालिका ११ गाईघाट निवासी अमृत झा नियन्त्रण परेको परिवारले जनाएको छ । गएको छ दिनदेखि उनी नियन्त्रणमा परेको उनका भिनाजु राजेश झाले जानकारी दिनुभयो। पारिवारिक स्रोतकाअनुसार वैदेशिक रोजगारको सिलसिलामा दुई वर्षअघि उनी इरान गएका हुन् । इरानमा उनी पानीजहाज चलाउने पाइलट हुन् । पानीजहाज चलाउने कामकै सिलसिलामा उनी नियन्त्रणमा परेको जनाइएको छ । दुबईबाट पानीजहाज लिएर इरान जाने क्रममा इरानको बन्दर अब्बास बन्दरगाहबाट नियन्त्रणमा परेको र कारागारमा राखिएको परिवारले जनाएको छ । नियन्त्रणमा पर्नुको कारण भने प्रष्ट हुन सकेको छैन । तत्काल उद्धार गरिदिन  परिवारले नेपाल सरकारलाई आग्रह गरेको छ ।  उनकी दिदी पूजा झाले परराष्ट्र मन्त्रालयमा उद्धारका लागि निवेदन  द...

पूर्णपुष्टि सम्बाददाता बेल्टार । ६ चैत्र २०८२ । उदयपुरको चौदण्डीगढी नगरपालिका – १ ज्यामिरेमा केराको दाम्चाबाट धागो उत्पादन थालनी भएको छ । ज्यामिरेस्थित हिमचुली सामुदायिक वन उपभोक्ता समूहले स्थानीय स्तरमा रोजगारी र आयआर्जन सिर्जना गर्न केराको दाम्चाबाट धागो उत्पादन थालनी गरेको नगरपालिकाका मेयर कालुमान लामाले बताउनुभयो । धालो उत्पादन हुने भएपछि गाउँघरमा त्यसै खेरो गइरहेको केराको दाम्चाको सदुपयोग हुने भएको छ । मेयर लामाले दाम्चाबाट धागो बनाउने मेसिनको एक समारोहकाबीच आज उद्घाटन गर्नुभयो । “कुहेर खेरो गइरहेको केराको दाम्चाबाट धागो बन्ने र आयस्रोत हुने देखेपछि स्थानीय खुसी छन् ।” मेयर लामाले भन्नुभयो । अहिले नमुना परिक्षणको रुपमा थालनी भएको दाम्चाबाट धागो बनाउने काम प्रभावकारी भएमा थप विस्तार गर्दै लगिने भएको छ । उदयपुर केराखेतीका लागि उपयुक्त जिल्ला हो । चौदण्डीगडी नगरपालिका पनि केराको पके...

पूर्णपुष्टि, चैत्र ६ । उदयपुरको चौदण्डीगढी नगरपालिका–५ सिवाई र बेल्हा जोड्ने त्रियुगा नदीमा बाढीले भत्काएको पक्की पुलमाथि झोलुङ्गे पुल निर्माण गरिएको छ । २०६७ सालमा रु ११ करोड २७ लाख विनियोजित बजेटबाट निर्माण थालिएको पक्की पुल २०७८ साल असार महिनामा आएको बाढीले निर्माण सम्पन्न हुनै लागेको पुलको तीन पिलर र स्ल्याब भत्काएपछि सोही स्थानमा झोलुङ्गे पुल निर्माण गरिएको हो । चौदण्डीगढी नगरपालिकाका प्रमुख कालुमान लामाका अनुसार २८० मिटर लम्बाइ र पाँच मिटर चौडाइ भएको सो पुल निर्माण गर्न करिब रु ६० लाख खर्च भएको छ । सो स्थानमा पक्की पुल निर्माण नहुँदा चौदण्डीगढी नगरपालिकाका त्रियुगा नदी पारीका वडा नं १०, ५ र ९ का बासिन्दालाई कठिनाइ भएको थियो । बर्खामा डुङ्गाको प्रयोग गरेर नदी तर्नुपर्ने बाध्यता थियो । झोलङ्गे पुल निर्माण भएपछि उक्त क्षेत्रका झण्डै पाँच हजार बासिन्दालाई बेल्टार बजार आवतजावत गर...

पुष्टिपुष्टि संवाददाता उदयपुर । ६ चैत्र, २०८२ । सशस्त्र प्रहरी बल नेपाल नम्बर ५ गण हेडक्वाटर त्रियुगा उदयपुरको १९ औ स्थापना दिवस आज एक विशेष समारोहका बीच सम्पन्न भएको छ । सशस्त्र प्रहरी बल नेपाल नम्बर १ बराह बाहिनी, मुख्यालय सुनसरीका बाहिनीपति सशस्त्र प्रहरी नायब महानिरीक्षक मनिष थापाको प्रमुख अतिथ्यमा कार्यक्रम भएको हो । प्रमुख अतिथि सशस्त्र प्रहरी महानिरीक्षक थापाले दीप प्रज्वलन तथा इष्टदेवी देवताको फोटोमा पुष्प अर्पण गर्दै कार्यक्रमको उद्घाटन गर्नुभयो । स्थापना दिवसको खुसियालीमा उहाँले केकसमेत काट्नुभयो । त्यसअघि उहाँले त्रियुगामाता मन्दिर दर्शन तथा सहिद स्मारिकामा पुष्प गुच्छा अर्पण गर्नुभयो । विविध मनोरञ्जनात्मक सांस्कृतिक कार्यक्रमसहित भएको कार्यक्रममा उत्कृष्ट कार्य गर्ने सशस्त्र प्रहरीहरू, विभिन्न खेलकुद प्रतियोगिताका सर्वोत्कृष्टहरूलाई पुरस्कृत गरिएको थियो भने अमरसहिद परिवारका...

पूर्णपुष्टि संवाददाता गाईघाट । ५ चैत्र, २०८२ जिल्ला प्रहरी कार्यालय उदयपुरमा गत फागुन महिनामा २७ वटा मुद्दा दर्ता भएका छन् । जसमा २४ वटा सामान्य, एकवटा गम्भीर र दुईवटा जघन्य मुद्दा रहेको कार्यालयले जनाएको छ । २७ जना प्रतिवादीमध्ये २० जना पक्राउ परेको जनाइएको छ । फागुन महिनामा ९५ वटा ठाडो उजुरी जिल्ला प्रहरीमा फागुन महिनामा ९५ वटा ठाडो उजुरी परेको जनाइएको छ। जसमा ८८ वटा मिलापत्र भएको र सातवटा बाँकी रहेको जनाइएको छ। महिला बालबालिका तथा जेष्ठ नागरिक विरुद्धसम्बन्धी कसुरका १० मुद्दा महिला बालबालिका तथा जेष्ठ नागरिक विरुद्धको १०वटा मुद्दा दर्ता भएका छन्। ५ वटा महिला, ३ बालबालिका, २ जेष्ठ नागरिक गरी १० वटा मुद्दा दर्ता भएका हुन्। घरेलु हिंसाका आठ उजुरी फागुन महिनामा घरेलु हिंसाका आठवटा उजुरी परेका छन्। शारीरिक तथा मानसिक यातना दिइएको घरेलु हिंसाका आठ उजुरीमा आठ जना पीडित  र त्यति नै सं...

पूर्णपुष्टि संवाददाता उदयपुर । ५ चैत्र, २०८२ नेपाल सरकार गृह मन्त्रालयले आज नेपाली नागरिकहरूलाई सतर्कताका लागि अनुरोध गरेको छ । तीव्र हुरी बतास र बर्सातले क्षति हुन सक्ने भन्दै सतर्कता गराएको हो। गृह मन्त्रालयको राष्ट्रिय विपद जोखिम न्यूनीकरण तथा व्यवस्थापन प्राधिकरणले भोलि ६ गते कर्णाली र सुदूरपश्चिम प्रदेशको पहाडी र हिमाली क्षेत्रमा भारी वर्षा र हिमपातको सम्भावना हुने जनाएको छ भने पर्सि ७ गते शनिबार पूर्वी क्षेत्रका विराटनगर धनकुटा र धरान आसपासका जिल्लामा तीव्र हावाहुरी झन्डै (११९ किलोमिटर प्रतिघण्टा) चल्ने सम्भावना रहेको जनाएको छ । जल तथा मौसम विज्ञान विभागबाट जारी आगामी तीन दिनको मौसम पूर्वानुमान अनुसार सतर्क गराएको हो । "प्रिमनसुनको अवधि पनि रहेकोले तीव्र हावाहुरीका कारण रुख ढल्ने कमजोर संरचना र छाना उड्ने विद्युत तथा सञ्चार सेवा प्रभावित हुने लगायतका जोखिम रहन्छ पछिल्ला केही दिन...

पूर्णपुष्टि संवाददाता उदयपुर । ५ चैत्र, २०८२ । जनकपुरमा हुन लागेको प्रधानमन्त्री कप क्रिकेट प्रतियोगिताका लागि कोशी प्रदेश टिममा १५ जनामध्ये उदयपुरका ३ खेलाडी परेका छन् । एकजना वैकल्पिक र एकजना फिजियो गरी कुल ५ जना छनोटमा परेका छन्। छनोटमा रहेका उदयपुरे खेलाडीहरूमा सोनु अन्सारी, सुमन श्रेष्ठ र प्रभातकिरण हाङखिम राई रहेका छन् । वैकल्पिकमा सोनु शर्मा रहेका छन् भने फिजियोमा बिपिन भट्टराई छनोटमा परेका छन् । यस अघि टिम छनौटका लागि इटहरी र विराटनगरमा सेलेक्सन गेम सञ्चालन भएको थियो। छनोटमा परेका खेलाडी सहितको टिम भोलि जनकपुरतर्फ जाने बताइएको छ । कोशी प्रदेश टिममा क्याप्टेन सुजन थपलिया, सायक क्याप्टेन सकीव हक, विकेट किपरहरूमा <span;>सिवान्स बजगाई र प्रभातकिरण हाङखिम राई  रहेका छन् । अन्य खेलाडीहरूमा अङ्कित सुवेदी, फिर्तोस अन्सारी, दिपेश कँडेल, बिपिनकुमार महतो, समिर कार्की, प्रेम कामत,...

पूर्णपुष्टि सम्बाददाता ५ चैत्र, २०८२ । उदयपुर उदयपुरमा हावाहुरीले ठुलाे धनजनकाे क्षती भएकाे छ । भाैतिक क्षतीतर्फ एक करोड २० लाख ६६ हजार पाँचसय बराबरको क्षती गरेको छ । गत चैत्र २ गतेरातीको बर्षातसंगैको हुरीबतासले जिल्लाको विभिन्न ठाउँमा क्षती गर्दा उक्त क्षती भएको जिल्ला प्रहरी कार्यालय उदयपुरले जनाएको छ । जिल्ला प्रहरी कार्यालय उदयपुरले संकलन गरेको क्षती विवरण अनुसार हुरीबतासले जिल्लाको छवटा स्थानीय तहका विद्यालय, सामुदायिक भवन र ब्यक्तिहरुको घरगरी १३५ संरचनामा क्षती पुर्याएको छ । सबैभन्दा बढि ब्यक्तीहरुको घरमा क्षती पुर्याएको हो । दुई विद्यालय, पाँचवटा सामुदायिक भवनमा क्षती पुर्याउदा १२८ घरमा क्षती पुर्याएको हो । सबै संरचनाको छानो आंशिक तथा पूर्णरुपमा उडाएर क्षती पुर्याएको जिल्ला प्रहरी कार्यालय उदयपुरका सुचना अधिकारी प्रहरी नायव उपरिक्षक निरञ्जन थापाले बताउनुभयो । जिल्लामा धेरै जनधनक...

पूर्णपुष्टि, चैत्र ५ । उदयपुरको बेलका नगरपालिका–४ हरिपुर शिसवारी स्थितमा गुडिरहेको स्कुल बसबाट लडेर एक बालकको मृत्यु भएको छ । मृत्यु हुनेमा सोही ठाउँ बस्ने कृष्ण बस्नेतको ९ बर्षीय छोरा सफल बस्नेत रहेको प्रहरीले जनाएको छ । जिल्ला प्रहरी कार्यालय उदयपुरका अनुसार बुधबार दिउँसो ४ बजे स्कुल छुट्टि भएपछि जहडाबाट हरिपुर तर्फ जाँदै गरेको को १ ख ३५१६ नं को बेलका बोर्डिङ स्कुलको बसबाट सोही बोर्डिङमा अध्ययनरत बालक अचानक खसि घटनास्थलमै मृत्यु भएको हो । घटनाको सूचना पाएलगत्तै तत्काल इलाका प्रहरी कार्यालय रामपुरठोक्सिलाबाट प्रहरी टोली खटि गई लाशको कानूनी प्रकृया पश्चात पोष्टमार्टमको लागि वि.पि. कोईराला स्वास्थ्य विज्ञान प्रतिष्ठान धरान घोपा पठाइएको प्रहरीले जनाएको छ । बस चालक बेलका–८ सिसौली बस्ने ३४ बर्षीय प्रेम तामाङलाई नियन्त्रणमा लिई थप अनुसन्धान भइरहेको प्रहरीले जनाएको छ ।...