Breaking News 3

पूर्णपुष्टि, फागुन ५ ।  भारतीय दूतावासका उपप्रमुख प्रसन्न श्रीवास्तवले उदयपुरको बेलका नगरपालिकामा नवनिर्मित विद्यालय भवनको उद्घाटन गरेका छन् । जनता बेलका माध्यमिक विद्यालयको ४ करोड ३३ लाख रुपैयाँको लागतमा निर्माण भएको तीन तले भवनमा २४ वटा कोठा रहेका छन् । उद्घाटन समारोहमा बोल्दै श्रीवास्तवले नेपाल-भारत सम्बन्धको ऐतिहासिक महत्व औंल्याउँदै शिक्षा, स्वास्थ्य, खानेपानी र भौतिक पूर्वाधार क्षेत्रमा भारत सरकारले गर्दै आएको सहयोगको निरन्तरता रहने प्रतिबद्धता जनाए । कार्यक्रममा पूर्वमन्त्री डा. नारायण खड्काले उदयपुरको विकासमा भारत सरकारको योगदानको प्रशंसा गर्दै विद्यालय भवन, खानेपानी र नदी नियन्त्रणमा महत्वपूर्ण सहयोग प्राप्त भएको बताए । बेलका नगरपालिकाका प्रमुख अशोक कार्कीले भारतीय उपप्रमुख श्रीवास्तवलाई मायाको चिनो प्रदान गर्दै थप सहयोगको अपेक्षा व्यक्त गरे । भारत सरकारले नेपालको विकास निर्माण...

पूर्णपुष्टि, फागुन ५ ।  संसदमा एकैसाथ दर्ता भएका दुई महत्वपूर्ण विधेयकमध्ये भ्रष्टाचार विधेयक पारित हुने क्रममा रहँदा अख्तियार ऐन संशोधन विधेयक भने राज्य व्यवस्था समितिमै रोकिएको छ । यी दुवै विधेयक २०७६ सालमा तत्कालीन प्रधानमन्त्री केपी शर्मा ओलीको कार्यकालमा दर्ता भएका थिए । राष्ट्रिय सभाबाट २०७९ चैतमा पारित भई प्रतिनिधिसभामा पुगेका दुवै विधेयकमाथि २०८० भदौमा सैद्धान्तिक छलफल भएको थियो । त्यसपछि राज्य व्यवस्था समितिमा पठाइएका विधेयकमध्ये भ्रष्टाचारसम्बन्धी विधेयक मात्र अघि बढेको छ । समिति सभापति रामहरि खतिवडाले चालू अधिवेशनमै अख्तियार ऐन संशोधन विधेयक पनि अघि बढाइने प्रतिबद्धता जनाएका छन् । माओवादी केन्द्र र नेपाली कांग्रेसका सांसदहरूले विधेयक रोकिनुको कारण सोधेपछि खतिवडाले यस्तो आश्वासन दिएका हुन् । आगामी सोमबार प्रतिनिधिसभाबाट भ्रष्टाचार विधेयक पारित गर्ने कार्यसूची रहेको छ । तर अख्ति...

पूर्णपुष्टि, फागुन ४ । झापाको भद्रपुर नगरपालिका वडा नं. ८ स्थित जिल्ला प्रहरी कार्यालय परिसरमा एक प्रहरी नायब निरीक्षक (सई) मृत अवस्थामा फेला परेका छन् । मृत फेला पर्नेमा भोजपुरको टेम्केमैयुङ गाउँपालिका घर भई हाल मोरङको कानेपोखरी गाउँपालिका–७ मा बस्दै आएका ४९ वर्षीय सई धनराज खतिवडा रहेका छन् । जिल्ला प्रहरी कार्यालय झापाका निमित्त सूचना अधिकारी विजय चौहानका अनुसार खतिवडाको शव प्रहरी कार्यालयको तीन तले ब्यारेकको माथिल्लो तलामा रहेको पानी ट्यांकी जाने फलामको भर्‍याङमा झुन्डिएको अवस्थामा फेला परेको हो । ‘शव आज बिहान फेला परेको हो । घटनाबारे परिवारलाई जानकारी गराइसकिएको छ,’ चौहानले भने, ‘घटनाको सम्बन्धमा अनुसन्धान कार्य जारी रहेको छ।’ प्रहरीले मृतकका आफन्तलाई घटनाबारे जानकारी गराएर कानुनी प्रक्रिया अघि बढाएको डिएसपी चन्दले बताए । प्रहरीले घटनाका सम्बन्धमा थप अनुसन्धान अघि बढाएको जनाएको छ...

पूर्णपुष्टि, फागुन ४ । उदयपुरको त्रियुगा नगरपालिका वडा नम्बर १५ मा प्रधानमन्त्री रोजगार कार्यक्रम रूपमा सुरु भएको छ । चालु आर्थिक वर्ष २०८१÷०८२ को कार्यक्रम अन्तर्गत शनिबार आयोजित एक कार्यक्रमका बीच प्रधानमन्त्री रोजगार कार्यक्रमको शुभारम्भ गरिएको हो । कार्यक्रमका लागि वडा नम्बर १५ मा २४ जना बेरोजगार व्यक्तिहरूलाई छनोट गरिएको छ । यस अन्तर्गत वडाका चारवटा सडकहरूको विस्तार तथा स्तरोन्नति गरिने योजना रहेको छ । नगर प्रमुख बसन्त कुमार बस्नेतले कामदारहरूलाई परिचयपत्र, सुरक्षा सामग्री र आवश्यक औजारहरू वितरण गरे । उनले स्थानीय बेरोजगारहरूलाई गाउँमै रोजगारी सिर्जना गरी युवाहरूलाई विदेश पलायन हुनबाट रोक्न यो कार्यक्रम सञ्चालन गरिएको बताए । नगरपालिकाले अन्य चार वडाहरूमा पनि यस्तै बेरोजगारलाई रोजगारी दिने र स्थानीय विकास निर्माणमा टेवा पुग्ने योजनाहरू सञ्चालन गर्ने तयारी गरेको मेयर बस्नेतले बताए...

पूर्णपुष्टि, फागुन ३ । आगामी २०८२ सालमा नेपालमा दुई पटक चन्द्रग्रहण लाग्ने भएको छ । भाद्र २२ गते आइतबार भाद्रशुक्ल पूर्णिमाका दिन खग्रास चन्द्रग्रहण लाग्नेछ । यो चन्द्रग्रहण नेपाल, भारत लगायत एसियाका धेरै देशबाट अवलोकन गर्न सकिनेछ । पहिलो ग्रहणका बेला रात्रि १० बजेर ११ मिनेटमा स्पर्श, ११ बजेर १५ मिनेटमा सम्मिलन, ११ बजेर ५६ मिनेटमा मध्य, रात्रि १२ बजेर ३८ मिनेटमा उन्मीलन र १ बजेर ४१ मिनेटमा मोक्ष हुनेछ । कूल तीन घण्टा ३० मिनेट ग्रहण रहनेछ । ग्रहण स्पर्श हुनुभन्दा नौ घण्टाअघि अर्थात् भाद्र २२ गते दिउसो १ बजेर ११ मिनेटदेखि बाल, वृद्ध र रोगी बाहेकलाई शास्त्रीय रूपमा भोजन निषेध गरिएको छ । राशिअनुसार यो चन्द्रग्रहण मिथुन, कर्कट, सिंह, तुला, वृश्चिक, मकर, कुम्भ र मीन राशि भएकाले हेर्नु हुँदैन । अन्य राशि भएका व्यक्तिहरूले हेर्न सक्नेछन् । शतभिषा र पूर्वाभाद्रपदा नक्षत्रमा जन्म भएका र कुम्भ ...

पुर्णपुष्टि, फागुन ३ । बिराटनगर महानगरपालिका–७ स्थित श्री सत्यनारायण माध्यमिक बिद्यालयको सभाहलमा आयोजित महिला आत्मरक्षा (सेल्फ डिफेन्स) सम्बन्धी अनुशिक्षण तालिम सम्पन्न भएको छ । प्रदेश खेलकुद विकास बोर्ड कोशी प्रदेशको आयोजना र समृद्ध समाज नेपालको संयोजनमा फागुन १ गतेदेखि संचालित यस तालिममा १३ वटा विद्यालयका १०२ जना किशोरीहरुले सहभागिता जनाएका थिए । कोशी प्रदेश प्रहरी कार्यालय विराटनगरका प्रशिक्षक प्रहरी निरीक्षक तोरण परियारले सहभागीहरुलाई आत्मरक्षाको लागि प्रतिकार गर्ने विभिन्न तरिकाहरु र सम्बन्धित कानूनी व्यवस्थाबारे सैद्धान्तिक प्रशिक्षण प्रदान गरेका थिए । साथै, प्रहरी सहायक हवल्दार पविता शर्माले किशोरीहरुलाई आत्मरक्षा सम्बन्धी प्रयोगात्मक अभ्यास गराएकी थिइन् । तीन दिनसम्म चलेको यस अनुशिक्षण तालिममा समृद्ध समाज नेपालकी अध्यक्ष तथा सामाजिक अभियन्ता कला डाँगी लगायत अन्य प्रशिक्षकह...

पूर्णपुष्टि, फागुन २ ।  त्रियुगा नगरपालिकामा ३० औँ जनयुद्ध दिवसको अवसरमा माओवादी मजदुर पार्टीले एक काष्ठको फलैचा निर्माण गरेको छ । त्रियुगा नगरपालिका वडा नं. ३ स्थित त्रियुगा पुल नजिकै रहेको पिपलको फेदमा पार्टीले फलैचा निर्माण गरी कोण सभाको गरेको हो । कार्यक्रममा पार्टीका महासचिव हिमाल सिंह राईले जनयुद्धको स्मरणमा फलैचा निर्माण गरिएको बताए । पार्टी प्रवक्ता जगत काटुवालले ३० औँ जनयुद्ध दिवसलाई नेपाली जनताको परिवर्तनको एक महत्वपूर्ण शैक्षिक क्षणको रूपमा लिनुपर्ने धारणा राखे । संगठन प्रमुख प्रदिप फुयालले पार्टीको स्थापनाकालदेखि नै जनयुद्ध दिवस मनाउँदै आएको जानकारी दिए । कार्यक्रममा 'हाम्रो क्रान्ति जारी छ', 'माओवादी मजदुर पार्टी जिन्दावाद', 'नयाँ जनवादी क्रान्ति जिन्दावाद', '३० औँ जनयुद्ध जिन्दावाद' जस्ता नाराहरू लगाइएको थियो । कार्यक्रममा ज्ञानबहादुर तामाङ र झमकबहादुर मगर लगायत पार्टीका ने...

पूर्णपुष्टि, ३० माघ । नेकपा एकीकृत समाजवादीका बरिष्ठ नेता तथा पूर्व प्रधानमन्त्री झनलाथ खनालले वर्तमान सरकार राष्ट्रियता प्रति सिरियस नदेखिएको जनाए । बुधबार गाईघाट आईपुगेका नेता खनालले पत्रकार सम्मेलनमा बोल्दै बिदेशी या जसले जे गरेपनि सरकार चुपचाप बसेको आरोप लगाए । बरु भगेरा कराउँछ तर सरकार कराउँदैन सरकारको आवाज छैन्, “खनालले भने, ” उनले सरकार आफ्नो उदेश्य पुरा गर्नका लागि मात्रै बनेको जनाए । देश र जनताको लागि सरकार निर्माण नभएको समेत उनले बताए । वर्तमान सरकारकै कारण देश खप्ठेरेमा परेको पनि उनले बताए । सविधान संसोधन सहित ७ बुद्धे समहमतिमा बनेको सरकारको गति ठिक नभएको उनले बताए । खनालले अध्यायदेश मार्फत विद्ययेक ल्याउनु पर्ने बाध्यता नभएको भन्दै बिरोध पनि जनाएको छ । दुई तिहाईको सरकारले अध्यायदेश मार्फत विद्ययेक ल्याउनु पर्ने लाजस्पद रहेको पनि उनको भनाई थियो ।...

पूर्णपुष्टि, ३० माघ । त्रियुगा नगरपालिका वडा नं १६ मा प्रधानमन्त्री रोजगार कार्यक्रम सुरु भएको छ । यस कार्यक्रमले वडाको बिभिन्न ४ ओटा महत्वपूर्ण सडक निर्माण गर्ने छ । उक्त कार्यक्रमको आयोजनाले वडा स्थित कुसुमटार धौरी कृषि सडक निर्माण, बरुवा खोला अकर सिम्ले कृषि सडक निर्माण, भोर्ले सिदाली कृषि सडक निर्माण र डिहिटार अम्वोके सिद्रे डहर खोल्सी कृषि सडक निर्माण गर्ने भएको छ । त्रियुगा नगरपालिका प्रधानमन्त्री रोजगार सेवा केन्द्रकी संयोजक निशा घलेले वडाको अम्वोकेबाट कार्यक्रम सुभारम्भ गरेको जनाईन् । बिभिन्न ४ ओटा स्थानमा निर्माण गरिने सडकहरुको एकै ठाउँबाट औपचारिक रुपमा सुभारम्भ गरिएको हो । घलेका अनुसार ४ ओटा सडक निर्माणका लागि ३४ जना श्रमीकहरुलाई रोजगार दिईएको छ । दिनको ६६८ रुपयाँको दरले दिईने पारीश्रमीक ज्यालाको लागि प्रधानमन्त्री रोजगार कार्यक्रमबाट २२ लाख ७१ हजार २ सय र वडाबाट २ लाख गरी जम...

पूर्णपुष्टि, माघ २९ । क्षमता भन्दा बढी चुनढुङ्गा बोकेर सिमेन्ट उद्योगतर्फ जाँदै गरेका १५० भन्दा बढी टिफर सोमबार कारबाहीमा परेका छन् । सिरहाको मिर्चैया स्थित कटारी चोकमा ट्राफिक प्रहरीले चेकजाँचका क्रममा उक्त टिफरहरूलाई नियन्त्रणमा लिएको हो । कोसमस, सौर्य र मारुती सिमेन्ट उद्योगका लागि उदयपुरको कटारी, उदयपुरगढी र सिन्धुलीबाट चुनढुङ्गा ओसार्दै गरेका टिफरहरूले नियमित रूपमा क्षमताभन्दा बढी तौल बोक्ने गरेको पाइएको छ । ट्राफिक प्रहरी पोष्ट लहानका अनुसार सोमबार बिहान गरिएको चेकजाँचमा सबै टिफरहरूले तोकिएको क्षमताभन्दा बढी चुनढुङ्गा बोकेको फेला परेको थियो । यसरी ओभरलोड गरेर टिफर गुडाउने प्रवृत्तिका कारण मिर्चैया-कटारी सडकखण्ड जीर्ण बन्दै गएको छ । यसअघि पनि टिफरहरूले निम्त्याएको प्रदूषणविरुद्ध स्थानीयवासीले आन्दोलन गरेका थिए । सडक क्षेत्र वरपरका बस्तीहरूमा टिफरबाट निस्कने धुलो र ध्वनि प्रदूषणले स्...