खेलकुद

पूर्णपुष्टि, कात्तिक २८  अन्तर्राष्ट्रिय मैत्रीपूर्ण खेलमा नेपाली राष्ट्रिय फुटबल टिमले आज बंगलादेशसँग प्रतिस्पर्धा गर्दैछ । नेपालले बंगलादेशसँग ढाकामा रहेको बंगबन्धु रङ्गशालामा प्रतिस्पर्धा गर्नेछ । मुजिब वर्ष ’फिफा अन्तर्राष्ट्रिय फुटबल सिरिज’ अन्तर्गतको नेपाल र बंगलादेशको पहिलो खेल नेपाली समयअनुसार बेलुकी पौने ५ बजे सुरु हुने जनाईएको छ । नेपालले अर्को खेल आउँदो मङ्सिर २ गते खेल्ने कार्यक्रम तय भएको छ । मैत्रीपूर्ण खेलका लागि बंगलादेश गएका टोलीमध्ये एक जना खेलाडीलाई भने कोरोना सङ्क्रमण देखिएकाले उनलाई अस्पतालको आईसीयूमा राखिएको छ । उनको अवस्था सामान्य नै भए पनि यो खेल भने गुमाउने भएका छन् । विश्वभर फैलिएको कोरोना महामारीले गर्दा ८ महिनादेखि नेपाली टिमले फुटबल खेल्न पाएको छैन । बंगलादेशसँग खेल्दा नेपालले २०२१ मा हुने फिफा विश्वकप छनोट र फिफा वरीयतालाई ध्यानमा राख्ने खेलाडीले बताएक...

पूर्णपुष्टि, कात्तिक २७  फिफा विश्वकप छनोट र एसियन कप छनोटको दोस्रो चरण अन्तर्गतका बाँकी खेलहरु नेपालले सन् २०२१ को जुन महिनाभित्र सकिने भएको छ । एसियन फुटबल कन्फेडेरेसन एएफसीले विश्वकप र एसियन कप छनोटका बाँकी खेलहरु जुन १५ सम्म सकिने जनाएको हो । एएफसीको प्रतियोगिता समितिको भर्चुअल बैठकले विश्वकप छनोट र एसियन कप छनोटका बाँकी खेल जुन १५ भित्र सक्ने निर्णय गरेको हो । कोरोना भाइरसको महामारीले यसअघि अक्टोबर र नोभेम्बरमा तय गरिएका छनोट खेलहरु स्थगित गरिएको थियो । छनोट अन्तर्गत बाँकी रहेको खेल मार्च र जुनमा हुने एएफसीले जनाएको छ । कतारमा २०२२ मा हुने विश्वकप र चीनमा २०२३ मा एसियन कप छनोटमा नेपालले अब ३ घरेलु खेल खेल्न बाँकी रहेको छ । नेपालले अष्ट्रेलिया, जोर्डन र चाइनिज ताइपेसँग खेल्न बाँकी रहेको छ । छनोटको तयारीमा रहेको नेपाल मैत्रीपूर्ण खेलका लागि बंगलादेशको ढाकामा छ । नेपालले ...

पूर्णपुष्टि, कात्तिक २३  बंगलादेशसँगको मैत्रीपूर्ण खेलका लागि ढाकामा रहेको नेपाली राष्ट्रिय फुटबल टिमले आजदेखि प्रशिक्षण सुरु गर्ने भएको छ । ढाका पुगेपछि गरिएको कोरोना परीक्षणमा सबैको रिपोर्ट नेगेटिभ आएपछि नेपाली टिमले बंगलादेशको स्वास्थ्य मन्त्रालयबाट प्रशिक्षणका लागि स्वीकृति पाएको छ । नेपालले आज शेख जमल धनमुण्डी फुटबल मैदानमा प्रशिक्षण गर्ने भएको छ । नेपाली फुटबल टिमले आज बिहान साढे १० बजेदेखि १२ बजेसम्म प्रशिक्षण गर्नेछ । यो मैत्रीपूर्ण खेलका लागि नेपालबाट २५ खेलाडीसहित ३६ जनाको टोली ढाका पुगेको छ । ढाका पुगेको तीन दिनमा नै नेपाली टिमले प्रशिक्षण सुरु गर्ने मौका पाएको हो । प्रशिक्षक बालगोपाल महर्जनको प्रशिक्षणमा रहेको नेपाली फुटबल टिमले ढाका पुगेपछि दुई दिनको आइसोलेशनमा समय बिताएको थियो । नेपाल र बंगलादेशबीचको पहिलो मैत्रीपूर्ण खेल नोभेम्बर १३ अर्थात् कात्तिक २८ तथा दोस्रो न...

पूर्णपुष्टि, कात्तिक २३  नेपाल क्रिकेट संघ (क्यान)ले राष्ट्रिय क्रिकेट टिमका पुरुष र महिला खेलाडीको वर्गीकरण परिमार्जन गरेको छ । यसअघि गरेको खेलाडी वर्गीकरणको चौतर्फी विरोध भएपछि क्यानले वर्गीकरण परिमार्जन गरेको हो । नयाँ वर्गीकरण अनुसार पुरुषतर्फ २० र महिलातर्फ २२ खेलाडी सेन्ट्रल कन्ट्रयाक्टमा परेका छन् । खेलाडी वर्गीकरण छनोट समितिले तयार गरेको नयाँ वर्गीकरणलाई हिजो बसेको क्यानको भर्चुअल बैठकले पारित गरेको हो । बलर सोमपाल कामी ’ए’ श्रेणीमा परेका छन् । यसअघि उनी ’बी’ श्रेणीमा परेका थिए । त्यस्तै सी मा रहेका अविनास बोहरालाई ’बी’ मा राखिएको छ । यसअघि सेन्ट्रल कन्ट्रयाक्टमा नपरेका ललित नारायण राजवंशीलाई ’बी’ र सन्दीप जोहरालाई ’सी’ मा राखिएको छ । महिलातर्फ सरस्वती चौधरीलाई ’बी’ तथा ममता चौधरी र सुमन खतिवडालाई ’सी’ श्रेणीमा राखिएको छ । यसअघि असोज ६ गते चितवनमा बसेको क्यानको बोर्ड बैठकले...

पूणर्पुष्टि, कार्तिक, १४ राष्ट्रिय फुटवल टोलीका चार खेलाडीलाई कोरोना संक्रमण पुष्टि भएको छ । कोरोना देखिएका चारै खेलाडी सेल्फ आइसोलेसनमा बसेका छन् । नेपालले बङ्गलादेशसितको मैत्रीपूणर् खेलका लागि बिहीबारदेखि प्रशिक्षण सुरू गरेको ४ खेलाडीमा संक्रमण पुष्टि भएको हो । अखिल नेपाल फुटबल सङ्घ (एन्फा) ले बिहीबारदेखि प्रशिक्षणमा बोलाइएका ३४ खेलाडीमध्ये चार जना कोरोनाबाट सङ्क्रमित भएको जनाएको छ । त्रिपुरेश्वरस्थित दशरथ रङ्गशालामा सुरू भएको प्रशिक्षणमा ३० खेलाडी उपस्थित भएका थिए। नेपालले बङ्गलादेशसित ढाकास्थित बङ्गबन्धु रङ्गशालामा पहिलो मैत्रीपूणर् खेल यही कात्तिक २८ गते तथा दोस्रो मैत्रीपूणर् खेल आगामी मङ्सिर २ गते खेल्ने तय भएको एन्फाले जनाएको छ ।...

पूर्णपुष्टि, कात्तिक ४ उदयपुरको विकट पहाडी गाउँपालिका लिम्चुङ्बुङमा पहिलो पटक ब्याडमिन्टन प्रतियोगीता सम्पन्न भएको छ । लिम्चुङ्बुङ स्पोर्टस क्लवको आयोजना र एसवीआई बैंक बाराहा शाखाको प्रायोजनमा भएको प्रतियोगीतामा द ब्याच्लरले उपाधी  हात पारेको हो । द ब्याच्लरका विनय श्रेष्ठ र अनिल राईको जोडिले प्रतियोगीताको उपाधी चुमेका थिए भने थारु ब्रोदरका सरद चौधरी र दिलीप चौधरीले दोस्रो स्थान हाँसिल गरेको आयोजकले जनाएको छ । प्रतियोगीताको प्रथम र द्धितियलाई ¥याकेट प्रदान गरीएको थियो । गाउँपालिकाको केन्द्र बाराहामा यही कात्तिक २ गतेदेखि सुरु भएको ब्याडमिन्टन प्रतियोगीता आज सम्पन्न भएको हो । प्रतियोगीतामा पालिका भित्रका कर्मचारी र शिक्षक गरी ७ टिमले सहभागिता जनाएको लिम्चुङ्बुङ गाउँपालिकाका लेखा अधिकृत ताराकिरण राईले बताउनुभयो । पालिकाले ब्याडमिन्टन कोटको स्तरउन्नती गरेर ब्याडमिन्टन खेलको सुरुवात ...

पूर्णपुष्टि, असोज २६ यूईएफए नेशन्स लिग फुटबलमा इंग्ल्याण्डले जित हात पारेको छ । राती भएको खेलमा इंग्ल्याण्डले बेल्जियमलाई २–१ गोल अन्तरले पछि पार्दै जित हात पारेको हो । खेलको १६ औं मिनेटमा रोमेलु लुकाकुको गोलमा बेल्जियमले अग्रता बनाएको थियो । तर ३९ औं मिनेटमा मार्कुस रासफोर्डले इंग्ल्याण्डलाई बराबरीमा पुर्याए । पहिलो हाफ १–१ गोलको बराबरीमा सकिएको खेलको ६४ औं मिनेटमा इंग्ल्याण्डका मासुन माउन्टले गोलसँगै टिमलाई जित दिलाएको थियो । यो जितपछि समूह बी मा रहेको इंग्ल्याण्ड ७ अंकका साथ शीर्ष स्थानमा छ ।...

पूर्णपुष्टि, असोज २५ पोल्याण्डकी इगा स्विटेकले फ्रेन्च ओपन टेनिसको महिलातर्फको उपाधि हात पारेकी छिन् । पेरिसमा भएको फाइनलमा अमेरिकी खेलाडी सोफिया केनिनलाई ६–४ र ६–१ को सेटमा पछि पार्दै स्विटेकले पहिलो पटक उपाधि जितेकी हुन् । १९ वर्षीया स्विटेक ग्राण्डस्लामको फाइनलमा पहिलो पटक पुगेकी हुन् । उनले चौंथो वरियताकी केनिनलाई हराएर उपाधि हात पारेकी जनाईएको छ । ५४ औं वरीयताकी स्विटेक सन् १९७५ पछि महिलातर्फ फाइनल पुग्ने तल्लो वरीयताकी पहिलो खेलाडी हुन् ।...

पूर्णपुष्टि, असोज २४ सातभञ्ज्याङ सक्रिय समाज ताप्लिले खुल्ला भलिबल प्रतियोगीताको उपाधी हात पारेको छ । रौतामाई गाउँपालिका–५ को ईमो आम्का बोखामा खाम्मातीमा टोल सुधार समिति धोद्रे र रौगापा–६ को रौता बजारको संयुक्त आयोजनामा भएको खुल्ला भलिबल प्रतियोगीताको उपधी ताप्लिले हात परेको हो । यहि असोज २२ गतेदेखि सुरु भएको प्रतियोगीतामा छिमेकी जिल्ला खोटाङको बाराहा पोखरी द्धितिय भएको छ भने रौगापा–३ लाफागाउँले तृतिय स्थान हात पारेको आयोजकले जनाएको छ । शनिबार भएको फाईन खेलमा बाराहालाई ताप्लिले १७–२५ को अन्तरले जिते भने दोस्रो सेटमा ताप्लिलाई बाराहाले २१–२५ को अन्तरले जित हात पारेको थियो । तेस्रो सेटमा बाराहालाई ताप्लिले २८–३० र चौथो सेटमा बाराहालाई ताप्लिले २१–३२ को अन्तरले जित हात पार्दै उपाधी चुमेको आयोजकका अध्यक्ष सितामार राईले बताए । प्रतियोगीतामा प्रथम, द्धितिय र तृतिय टिमलाई २० हजार, १० ह...

पूर्णपुष्टि, असोज १३ माछापुच्छ्रे हिमालको फेदमा निर्माणधीन पोखरा अन्तर्राष्ट्रिय रङ्गशालाको भौतिक निर्माणको काम ८६ प्रतिशत सम्पन्न भएको छ । एक अर्ब २८ करोड ५० लाख रुपैयाँको लागतमा निर्माण भइरहेको रङ्गशाला निर्माणको काम ८६ प्रतिशत सम्पन्न भएको हो । निर्माणाधीन रंगशलाको निर्माण कार्य सम्पन्न भएपछि नेपालकै ठूलो रङ्गशाला हुनेछ । पछिल्लो समय निर्माण सामग्रीको अभावमा केही कामहरु रोकिएको पश्चिमाञ्चल खेलकुद विकास समितिले जनाएको छ । भारतबाट ल्याउनुपर्ने सामग्री नआउँदा पीई बिल्डिङको निर्माण कार्य रोकिएको छ । स्टेडियमको पश्चिमतर्फ भीआईपी सिटमध्येको छानो निर्माणको काम पनि रोकिएको छ । अहिले पोखरा रङ्गशाला निर्माणमा २० जना नेपाली कामदारले काम गरिरहेको जनाईएको छ । चेन्जिङ्ग रुम, मिडिया सेन्टरलगायतको काम सकिएको छ । अब छतसँगै बिजुली जडान गर्ने काम बाँकी रहेको छ । स्टेडियमको चारैतिरको पिच निर्माणा...