शिक्षा

पूर्णपुष्टि, फागुन १६ एक जिल्लाबाट अर्को जिल्लामा शिक्षकहरुलाई सरुवा हुन बाटो खुला भएको छ । शिक्षा तथा मानव स्रोत विकास केन्द्रले आइतबार सूचना जारी गर्दै गत पुस २० गतेदेखि रोकिएको शिक्षकहरुको जिल्लान्तर सरूवा खुला गरिएको जनाएको छ । स्थानीय तह तथा जिल्लाभित्रकै एक स्थानीय तहबाट अर्को स्थानीय तहमा सरूवा गर्दा सम्बन्धित स्थानीय तहले दरबन्दी मिलानको कार्य सम्पन्न गरेको प्रतिवेदन प्राप्त भएपछि मात्र सरूवा गर्न सक्ने केन्द्रको सूचनामा उल्लेख छ । शिक्षा विकास तथा समन्वय इकाइले जिल्लान्तर सरुवा भई आउने शिक्षकहरुको विवरण पाक्षिक रुपमा केन्द्रमा अनिवार्य पेश गर्नुपर्ने उल्लेख छ । केन्द्रका सूचना अधिकारी माधवप्रसाद दाहालका अनुसार विभिन्न शर्तहरूको अधीनमा रहेर शिक्षक सरूवा गर्न सकिने व्यवस्था गरिएको छ ।...

पूर्णपुष्टि, फागुन १६ आगामी असार १ गतेदेखि नयाँ शैक्षिक सत्र सुरु हुने भएको छ । ढिलो गरी विद्यालय खुलेसँगै चालु शैक्षिक सत्र लम्बिने भएपछि आउँदो शैक्षिक सत्र पनि ढिलो गरी सुरु हुने भएको हो । नयाँ शैक्षिक सत्रको पठनपाठन र परीक्षा साविकमा झैँ चैत मसान्तसम्ममा सम्पन्न गर्ने गरी विद्यालयले शैक्षिक कार्यतालिका बनाएर कार्यान्वयनमा लैजान सरकारले आग्रह गरेको छ । शिक्षा तथा मानव स्रोत विकास केन्द्रले सार्वजनिक सूचना निकालेर कोरोना महामारीका कारण शैक्षिक सत्र २०७७ को विद्यालय तहका पठनपाठन आउँदो वैशाख मसान्तसम्ममा सकेर सबै तहका परीक्षा जेठ मसान्तसम्ममा गर्न पनि निर्देशन दिएको छ । कोरोनाका कारण विद्यालयबाट स्थानान्तरण हुनु परेका विद्यार्थीलाई स्थानान्तरण भएर आउन चाहेको ठाउँको विद्यालयमा ब्यहोरासहित निवेदन दिन केन्द्रले आग्रह गरेको छ ।  ...

पूर्णपुष्टि, फागुन १४  काठमाडौंको दरबार हाइस्कुललाई चीन सरकारले शैक्षिक सामग्री प्रदान गराएको छ । चिनियाँ नयाँ वर्षको उपलक्षमा चीन सरकार र चिनियाँ जनताको तर्फबाट स्टेशनरी सामग्री, खेलकुद सामग्री, स्वास्थ्य सामग्री, ड्रेस सहयोग गरेको हो । शुक्रबार विद्यालयमा विशेष कार्यक्रम आयोजना गरी नेपालका लागि चिनियाँ राजदूत होउ यान्छीले शैक्षिक सामग्री हस्तान्तरण गरेकी हुन् । सो अवसरमा शिक्षा, विज्ञान तथा प्रविधि मन्त्री कृष्णगोपाल श्रेष्ठले चीन सरकारले आफैंले पुनर्निर्माण गरेको विद्यालयमा चिनियाँ नयाँ वर्षको उपलक्षमा खेलकुद, स्वास्थ्य सामग्री, स्टेसनरी तथा ड्रेस सहयोग गरेको बताउनुभयो ।...

पूर्णपुष्टि, फागुन १४ दक्षिण एसिया फाउन्डेसनले दशवटा लोक कथाका चित्रपुस्तकलाई अर्चुअल माध्यमबाट लोकार्पण गरेको छ । समुदायमा रहेका लोककथाहरूलाई विभिन्न सर्जकहरूद्वारा सङ्कलन गरि बालबालिकाको पठन मैत्री चित्रपुस्तकहरू तयार गरी सोमबार लोकार्पण गरिएको हो । कोरोना भाईरसको कारण भर्चुअल रूपमै लोककथा संकलन कार्यशाला भएको थियो भने भर्चुुअल रूपमै लोक कथाको लोकार्पण कार्यक्रम गर्नु परेको कार्यक्रमका संयोजक अनुराधाले बताउनुभयो । उहाँले भन्नुभयो, “यो नयाँ अनुभव भयो । कार्यशालादेखि डिजिटल पुस्तक प्रकाशनसम्म भर्चुअल रूपमा नै गरियो । यो सफलताले उत्साहित तुल्याएको छ ।” फाउन्डेसनको लेट्स रिड एउटा डिजिटल पुस्तकालय हो । यसमा धेरै भाषा र देशका विभिन्न बालपुस्तकहरू पढ्न पाइन्छन् । बालबालिकाले आफ्नै भाषा, परिवेश, विषय र पात्रहरू भएका सिर्जना गरिएको छ । लोकार्पित दश लोककथाका बालपुस्तक पनि एकै पटक विश्व...

पूर्णपुष्टि, फागुन १२ राष्ट्रिय परीक्षा बोर्डले कक्षा १० को माध्यमिक शिक्षा परीक्षा (एसईई) जेठ तेस्रो साता र कक्षा १२ को अन्तिम वार्षिक परीक्षा अन्तिम साता लिने गरी आन्तरिक तयारी सुरु गरेको छ । बोर्डले २०७८ सालको जेठ तेस्रो साता एसईई र अन्तिम साता कक्षा १२ को अन्तिम परीक्षा लिने गरी तयारी थालेको हो । चैतभित्र औपचारिक परीक्षाको कार्यतालिकाबारे औपचारिक रूपमा निर्णय गरिने बोर्डले जनाएको छ । अहिले दुवै तहको परीक्षाका लागि विभिन्न चरणको काम भईरहेकाले तयारी कार्यान्वयन हुन सके विद्यार्थीको शैक्षिक सत्रमा दुई÷तीन महिनाको हाराहारीमा मात्र क्षति हुनेछ । विगतका वर्षमा चैतमा एसईई र वैशाखमा कक्षा १२ को परीक्षा सञ्चालन गर्ने गरिएको थियो । एसईईका लागि देशभरका विद्यार्थीले रजिस्ट्रेसन फाराम भर्ने म्याद फागुन ६ गते सकिएको छ । अहिले जिल्ला–जिल्लामा विद्यार्थीको अभिलेखीकरण गर्ने कार्य भइरहेको...

पूर्णपुष्टि,फागुन ६ परीक्षामा टिकटक बनाएर सामाजिक सञ्जालमा राख्ने एक विद्यार्थीको परीक्षा रद्द भएको छ । दैलेखको कालीका मा.वि.सिंहासैनबाट कक्षा १२ को  परीक्षा दिएका रोशनकुमार शाहीको परीक्षा रद्द गरिएको राष्ट्रिय परीक्षा बोर्डले जनाएको छ । गएको मंसिरमा भएको परीक्षामा उनले परीक्षा दिएकै बेला टिकटक बनाएकाले उनको चालु खण्डको सम्पूर्ण विषयको परीक्षा रद्द गरिएको राष्ट्रिय परीक्षा बोर्डले जनाएको छ । त्यसैगरी विद्यालयमा निरीक्षकका रुपमा खटिएका शिक्षक कमलबहादुर शाही र केन्द्राध्यक्ष चक्रबहादुर शाहीलाई पनि बोर्डले ३ वर्षसम्म कुनै पनि परीक्षामा सहभागी हुन नपाउने गरी विभागीय कारबाही गर्न शिक्षा, विज्ञान तथा प्रविधि मन्त्रालयलाई सिफारिस गरेको छ ।...

पूर्णपुष्टि,फागुन ४ बालबालिकाहरुको स्वास्थ्यलाई मध्य नजर गर्दै सरकारले देशभरका सबै सामुदायिक विद्यालयमा ‘जंक फुड’ खुवाउन निषेध गरेको छ । ‘जंक फुड’ खानाले बालबालिकाको शारिरीक तथा मानसिक स्वास्थ्यमा नकारात्मक समस्या पर्ने भएकाले केन्द्रले स्थानीयस्तरमा उत्पादन हुने खानेकुरालाई नै प्राथमिकतामा राख्दै विभिन्न ६० प्रकारका ‘मेनु’ तयार गरेर पुस्तिका सार्वजनिक गरेको हो । शिक्षा तथा मानव स्रोत विकास केन्द्र सानोठिमीले प्रकाशन गरी सोमबार सार्वजनिक गरेको ‘विद्यालय दिवाखाजा व्यवस्थापन सहयोगी पुस्तिका’ मा सामुदायिक विद्यालयका प्रारम्भिक बालविकासदेखि कक्षा ५ सम्मका विद्यार्थीलाई दिवाखाजामा ‘जंक फुड’ खुवाउन निषेध गरिएको छ । सरकारले विद्यार्थीलाई दिवाखाजाका लागि रु ७ अर्ब ७२ करोड ९३ लाख ३० हजार विद्यालयमा पठाइसकेको कार्यक्रममा जानकारी दिएको छ । सोअन्तर्गत देशभरिका २९ लाख ४० हजार ७ सय ८९ विद्यार्थ...

पूर्णपुष्टि,फागुन ४ आज श्रीपञ्चमीको दिन विद्याकी अधिष्ठात्री देवी माता सरस्वतीको पूजाआरधना गरि मनाईदै छ । आजका दिन विषेश गरी शिक्षा क्षेत्रमा लागेका शिक्षक र विद्यार्थी वर्गको लागि महत्व पूर्ण मानिन्छ । आज सरस्वती पूजाको अवससरमा स्कुल,कलेजहरुमा पूजा गर्नुका साथै विभिन्न सांस्कृतीक कार्यक्रमहरु गरिन्छ । सूर्य उत्तरतिर लागि दिन लामो हुने र वसन्त ऋतु सुरु हुने विश्वासका साथ आजको दिनलाई ‘वसन्त पञ्चमी’ पनि भनिन्छ । आजका दिन सरस्वतीको पूजा गरी विद्यारम्भ गरेमा सर्वसिद्धि प्राप्त हुन्छ भन्ने विश्वास छ । श्रीपञ्चमीका दिन विवाह, व्रतबन्ध, गुफा राख्ने र बेलविवाह जस्ता सामाजिक तथा धार्मिक कार्य गर्न साइत हेर्नुपर्दैन भन्ने मान्यता छ । विद्या र सिर्जनाकी देवी भएकाले विशेष गरी साहित्यकार, कलाकार, पत्रकार, शिक्षक र विद्यार्थी आ–आफ्ना कला–साधनाका वस्तु कलम, कापी, कूची र वाद्ययन्त्र आदिलाई सरस्वत...

 पूर्णपुष्टि, माघ २५ चौदण्डीगढी नगरपालिकाको एक बिद्यालयमा शैक्षिक सामाग्री प्रदान गरिएको छ । चौदण्डीगढी स्थित वडा नं ८ सिद्धिपुरको शारदा आधारभूत विद्यालयलाई २ लाख ५० हजार बराबरको शैक्षिक सामाग्री प्रदान गरिएको हो । शैक्षिक सामाग्री नगर प्रमुख खगेन्द्र राई र उपप्रमुख रिताकुमारी चौधरीले संयुक्त रुपमा प्रदान गर्नुभयो । समाग्री (आईसिटी) कार्यक्रम अन्तर्गत प्रदेश नं.१ को सामाजिक विकास मन्त्रालयको आर्थिक वर्ष ०७६र०७७ को विनियोजित रकमबाट उपलब्ध गराएको नगर प्रमुख खगेन्द्र राईले बताउनुभयो । सामाग्री हस्तान्तरण सँगै बिद्यालयको भौतिक संरचना सुधारका लागि घेराबेरालाई पनि २ लाख ७५ हजार बराबरको सहयोग जुटाएको छ । घेराबेरा निर्माणका लागि नगर प्रमुख राई र उपप्रमुख चौधरीले संयुक्त रुपमै सिल्यान्यास गर्नुभयो ।  ...

पूर्णपुष्टि, माघ १९ लामो समयदेखि प्रकाशन हुन नसको कक्षा १२ को नतिजा आज सोमबार प्रकाशन गर्ने निर्णय राष्ट्रिय परिक्षा बोर्डले गरेको छ । बिभिन्न समस्या देखाउँदै बोर्डले १२ को नतिजा प्रकाशनमा ढिलाई गरेको थियो । परिक्षा सकिएको १५ दिन भित्रै नतिजा प्रकाशन गर्ने भनिए पनि बोर्डले समयमा नतिजा प्रकाशन गर्न सकेन । उसै पनि कोरोनाले ढिलाई गरेको परिक्षा नतिजा प्रकाशनमा पनि ढिलाई भएको थियो । आइतबार बसेको बोर्ड बैठकले सोमबार नतिजा प्रकाशित गर्ने निर्णय गरेको हो । नतिजा प्रकाशनको अन्तिम तयारीका लागि भन्दै सोमबार बिहान १० बजेपछि बोर्डको बैठक बोलाएको छ । चाँडो नतिजा प्रकाशित गर्न विद्यालयमै विषय शिक्षकले उत्तरपुस्तिका परीक्षण गरेका थिए । विद्यार्थीको प्राप्तांक बोर्डको प्रदेश कार्यालयहरूबाटै नजिता प्रकाशनको सिस्टममा इन्ट्री गराउने व्यवस्था मिलाइएको थियो । यसअघि उत्तरपुस्तिका प्रदेश कार्याल...