संसार

पूर्णपुष्टि, साउन २८ अमेरिकाको राष्ट्रपतीय चुनावमा डेमोक्र्याटिक पार्टीका उम्मेदवार जो बाइडेनले सांसद कमला ह्यारिसलाई उपराष्ट्रपतिको उम्मेदवार बनाउने घोषणा गर्नुभएको छ । ह्यारिस उपराष्ट्रपति पदका लागि चुनाव लड्ने पहिलो अश्वेत र एसियाली–अमेरिकी हुनुहुन्छ । उहाँको आमाको जन्म भारतमा भएको थियो । क्यालिफोर्नियामा महान्यायाधिवक्ता भइसकेकी उहाँ रङ्गभेदविरुद्धको अभियानमा पनि हुनुहुन्थ्यो । आगामी नोभेम्बर ३ तारिखमा हुने चुनावमा बाइडेनले वर्तमान राष्ट्रपति डोनाल्ड ट्रम्पसँग प्रतिस्पर्धा गर्दै हुनुहुन्छ । ह्यारिसले ट्रम्पका उपराष्ट्रपतिका उम्मेदवार वर्तमान उपराष्ट्रपति माइक पेन्ससँग अक्टोबर ७ तारिखमा सल्ट लेक सिटी, युटामा बहस गर्ने अन्तराष्ट्रिय संचारमाध्यमहरुले जनाएको छ । अमेरिकामा अहिलेसम्म दुई जना महिला मात्र उपराष्ट्रपतिका लागि उम्मेदवार बनेका छन् ।  सन् २००८ मा रिपब्लिकन पार्टीका तर्...

पूर्णपुष्टि, साउन २८ आजदेखि न्यूजिल्याण्डको सबैभन्दा ठूलो शहर ओक्ल्याण्डमा पुन तीन दिनका लागि लकडाउन लागू भएको छ । एक सय दुई दिनपछि पुन ४ जनामा कोरोना सङ्क्रमण देखिएपछि लकडाउन लागू भएको अन्तर्राष्ट्रिय सञ्चारमाध्यमले जनाएका छन् । एक सय दुई दिनसम्म न्यूजिल्याण्डका स्थानीयमा कोरोना भाइरसको सक्रमण देखिएको थिएन । यात्रा नगरेका एकै परिवारका चार जनामा हिजो सङक्रमण देखिएपछि लकडाउन गरिएको जनाईएको छ । सङ्क्रमित व्यक्तिसँग सम्पर्कमा आएका व्यक्तिहरुको खोजी भइरहेको छ ।  ओक्ल्याण्डका बासिन्दालाई घरमै बस्न भनिएको छ । ठूलो सङ्ख्यामा मानिस भेला हुन पाउने छैनन् । अत्यावश्यक बाहेकका व्यवसायहरु बन्द गरिने र  देशभर नै सामाजिक तथा भौतिक दूरी कायम गर्नु पर्ने नियम लागू हुने जनाइएको छ । न्युजिल्याण्डमा अहिलेसम्म १५ सय ७० जना कोरोना संक्रमित भईसकेको छ भने २२ जनाको मृत्यु नै भईसकेको छ ।...

पूर्णपुष्टि, साउन २८ रुसले विकसित गरेको कोरोना विरुद्धको खोपप्रति विश्व स्वास्थ्य संगठन (डब्लूएचओ)ले प्रश्न उठाएको छ । रुसले विकसित गरेको खोपबारे जानकारी नभएकाले मूल्याङकन गर्न नसक्ने डब्लूएचओले जनाएको हो । कोरोना विरुद्धको खोप बनाउने जो कोहीले पनि डब्लूएचओले सिफारिस गरेको नियम पालना गर्नुपर्नेमा डब्लूएचओका जरबास बारबोसाले बताउनुभयो । यो नियमले कोरोना विरुद्ध बनाइएको भनिएको खोप सुरक्षित रहने उहाँको दाबी छ । गत हप्ता डब्लूएचओ रुसलाई कोरोना विरुद्धको खोप बनाउन अन्तराष्ट्रिय मापदण्ड पालना गर्न आग्रह गरेको थियो । तर रुसका राष्ट्रपति भ्लादिमिर पुटिनले रुसले विकास गरेको कोरोना भाइरस विरुद्धको खोप अबको दुई महिनाभित्र धेरै मानिसलाई दिने तयारी भएको बताउनुभएको छ । राष्ट्रपति पुटिनले आफ्नो छोरीलाई पनि खोप दिइएको जानकारी गराउँदै कोरोना विरुद्ध रुसले तयार गरेको खोपको सबै परीक्षण सकिएको दाबी...

पूर्णपुष्टि, साउन २८ लकडाउन नियम उलंघन गरेपछि स्कटिस प्रिमियरसिप अन्तर्गत सेल्टिक र एबरडीनबीचको खेल स्थगित गरिएको छ । सेल्टिक र एबरडीनका खेलाडीले लकडाउन उलंघन गरेपछि दुई टोलीबीचको खेल स्थगित गरिएको हो । सेल्टिक र एबरडीनबीचको खेल शनिबार तय भएको थियो । हालै सेल्टिकका डिफेन्डर बोली बोलिनगोलीले स्पेनको भ्रमण गरेपछि क्वरेण्टीनमा नबसी किल्मर्नोकविरुद्ध खेल खेलेका थिए । जसको कारण सेल्टिक आलोचित बनेको थियो र स्कटल्याण्डका मन्त्री निकोला स्टर्जनले खेल स्थगित गर्न निर्देशन दिनुभएको थियो । त्यस्तै गत हप्ता एबरडीनका आठ खेलाडी लकडाउन नियम उलंघन गर्दै बार गएका थिए । सेल्टिक र सेन्ट मिरिन तथा एबरडीन र ह्यामिल्टनबीच बुधबार तय भएको खेल समेत स्थगित गरिएको छ ।...

पूर्णपुष्टि, साउन २७ चीनको सरकारी कम्पनी साइनोफार्मले कोरोना भाइरस विरुद्ध तयार गर्दै गरेको खोपको तेस्रो चरणको परीक्षण सुरु गरेको छ । बहइनको एउटा टापुका मानिसमा  तेस्रो चरणको खोप परीक्षण सुरु गरेको हो । कम्पनीले यो भन्दा पहिला जुलाई महिनामा यूएईको राजधानी आबुधाबीमा खोपको मानव परीक्षण सुरु गरेको थियो । यो खोप चीनको सरकारी कम्पनी साइनोफार्म, चाइना बायोटेक्नोलोजी र आबुधाबीलगायतका कम्पनी मिलेर बनाइरहेका छन् । मानव परीक्षण सफल भए खोप सुरक्षित भएको मानिन्छ । एक दीपको मानिसमा परीक्षण गरेपछि फेरि धेरैमा मानिसमा प्रयोग गर्ने जनाईएको छ । त्यस्तै टर्कीले पनि अमेरिका र चीनपछि खोप बनाउनेमा आफ्नो देश तेस्रो हुने दाबी गरेको छ ।...

पूर्णपुष्टि, साउन २७ युरोपा लिगको अन्तिम चारमा इटालियन क्लव ईन्टर मिलान प्रवेश गरेको छ । जर्मन क्लब बायर लिभरकुसेनलाई २–१ गोलले पछि पार्दै इटालियन क्लब इन्टर मिलान लिगको अन्तिम चरणमा प्रवेश गरेको हो । खेलको १५ औं मिनेटमा निकोलो बरेलाले गोल गरेको थियो । त्सपछि २१ औं मिनेटमा रोमेलु लुकाकुले लिभरकुसेनका डिफेन्डरलाई बिट गर्दै अर्काे गोल गरे । जसका कारण इन्टरले खेलमा दुई शून्यको अग्रता बनाएको थियो । दुई गोलले पछि परेको अवस्थामा चेल्सीमा आउने चर्चामा रहेका केइ हाभेर्टजले गोल गर्दै लिभरकुसेनको अन्तर कम गरेका थिए । उनले खेलको २५ औं मिनेटमा डि–बक्स भित्रबाट पाएको मौकालाई सदुपयोग गरेका हुन ।...

पूर्णपुष्टि, साउन २७ लेबनानका प्रधानमन्त्री हसन दियाबले राजिनामा दिएको छ । आफ्नो सबै मन्त्रीसँगै पदबाट राजीनामा दिएको हो । प्रधानमन्त्री दियाबले राष्ट्रिय टेलिभिजनमार्फत सम्बोधन गर्दै मन्त्रिपरिषद्का सदस्यसहित आफूले राजीनामा दिएको जनाकारी गराएको थियो । यसअगाडि नै राष्ट्रपति माइकल आउनले राजीनामा दिएको समाचार एजेन्सीहरुले बताएका थिए ।  तर आधिकारिक घोषणा भने भएको थिएन । राजीनामा दिनुभन्दा अगाडि केही मन्त्रीले राजीनामा दिइसकेका थिए । लेबनानका नागरिकले सरकारप्रति भ्रष्टाचार गरेको तथा अयोग्य भएको आरोप लगाएका छन् । गत मङ्गलबार लेबनानको एक खाद्यान्न भण्डारणमा आगलागी भएको थियो ।...

पूर्णपुष्टि, साउन २७ अमेरिकी राष्ट्रपति डोनाल्ड ट्रम्पले पत्रकार भेटघाटमा ह्वाइट हाउस बाहिर गोली चलेको बताएका छन् । पत्रकार भेटघाटको क्रममा ट्रम्पका सुरक्षाकर्मीले उनलाई केही भनेपछि उनी पत्रकार भेटघाट छाडेर भित्र गए । केहि मिनटपछि  ट्रम्प बाहिर आएर पत्रकारहरुलाई स्थिति नियन्त्रणमा रहेको बताएका थिए । पत्रकारहरुलाई अमेरिकी सेक्रेट सर्भिसका व्यक्तिले एक हतियारधारी संदिग्ध व्यक्तिमाथि गोली चलाएको ट्रम्पले बताएका छन् । उनका अनुसार यस घटनापछि घाइतेलाई अस्पताल लगिएको छ । ट्रम्पले यो घटनालाई असामान्य स्थिति भनेका छन् । सेक्रेट सर्भिसका व्यक्तिहरुको ट्रम्पले प्रशंसा पनि गरे । तर साच्चै गोली नै चलेको थियो र कसैलाई अस्पताल लगिएको छ । र त्यो व्यक्तिको अवस्थाबारे जानकारी नभएको बताएको छ । ह्वाइट हाउस बाहिर फेन्सिङ्ग भएको स्थानमा गोली चलेको थियो । त्यो स्थानबाट वित्तमन्त्री र अर्का एक अधिकारी...

पूर्णपुष्टि, साउन २६ विश्वमा कोरोना भाइरस सङ्क्रमितको सङ्ख्या दुई करोड नाघेको छ । विश्वका विभिन्न देशमा भाईरस फैलिदा दुई करोड ३१ हजार पाँच सय भन्दा धेरैमा सङ्क्रमण पुष्टि भएको वर्ल्डोमिटरले जनाएको छ । विश्वमा कोरोना सङ्क्रमणबाट सात लाख ३४ हजार एक सयभन्दा धेरैको मृत्यु भएको छ । कोरोना सङ्क्रमण भएका मध्ये एक करोड २९ लाख चार हजारभन्दा धेरै उपचारपछि निको भएको जनाईएको छ । अहिले विश्वमा ६३ लाख ९३ हजार चार सयभन्दा धेरै सक्रिय सङ्क्रमित रहेका छन् । उनीहरुमध्ये ६४ हजार आठ सयभन्दा धेरै गम्भीर बिरामी रहेका छन् ।...

पूर्णपुष्टि, साउन २६ भारतका पूर्वराष्ट्रपति प्रणव मुखर्जीलाई कोरोना सङ्क्रमण पुष्टि भएको छ । पूर्वराष्ट्रपति मुखर्जीले ट्वीट गर्दै आफूमा कोरोना सङ्क्रमण पुष्टि भएको जानकारी दिनुभएको हो । उहाँलाई सोमबार गरिएको जाँचमा कोरोनाको सङ्क्रमण पाइएको जानकारी गराउनु भएको छ । साथै उहाँले पछिल्लो हप्ता आफ्नो सम्पर्कमा आएकालाई छुट्टै बस्न आग्रह गर्दै कोभिड–१९ जाँच गर्न भन्नुभएको छ । केही दिनअघि मात्र भारतीय गृह मन्त्री अमित शाहलाई पनि कोरोना भाइरसको सङ्क्रमण पुष्टि भएको थियो ।...