समाचार

पूर्णपुष्टि, पुष ११ । कोशी प्रदेश सरकारले उदयपुरको कटारी नगरपालिकामा दुई वटा पक्की पुल निर्माण गर्ने भएको छ । प्रदेश सरकारको भौतिक पूर्वाधार मन्त्रालयको लगानीमा मरुवा खोलामा ११ करोड र तावाखोलामा १७ करोड लागतमा पुल निर्माण हुन लागेको हो । पहिलो पुल कटारी वडा नम्बर ४ को जहडी र तित्रिबोट जोड्ने मरुवाखोलामा निर्माण हुनेछ । दोस्रो पुल कटारी वडा नम्बर ५ को तीनतले र वडा नम्बर ६ को चुहाड जोड्ने तावा खोलामा बन्नेछ । यी दुवै पुलहरू नगरपालिकाको सबैभन्दा पुरानो सडक मार्गमा पर्दछन् । प्रदेश सरकारका पूर्व उद्योग कृषि तथा सहकारी मन्त्री रामकुमार खत्रीका अनुसार लागत स्टिमेट तयार भई वातावरणीय अध्ययन प्रतिवेदनको काम भइरहेको छ । उहाँले यस क्षेत्रको सबैभन्दा समस्याग्रस्त क्षेत्रमा पुल निर्माणको काम थालिएको जानकारी दिनुभयो । कटारी वडा नम्बर ४ का वडाध्यक्ष भूपेन्द्रसिंह तामाङका अनुसार वर्षायाममा विद्यार्थ...

पूर्णपुष्टि, पुष १० । प्रथम वडा अध्यक्ष कप अन्तर विद्यालय स्तरिय फुटबल प्रतियोगिताको उपाधि प्याराडाईज बोर्डिङले जितेको छ । बिहिबार त्रियुगा नगरपालिका १३ स्थित थरुहट रंगशालामा भएको फाईनल खेलमा श्री बाल मन्दिर माध्यामिक विद्यालयलाई ० को विरुद्ध १ गोल गर्दै प्याराडाईज बोर्डिङले उपाधि हात पारेको हो । प्याराडाईजको लागी जर्सि नं. ७ का अभिषेक अधिकारीले गोल गरे । उनले खेलको अतिरिक्त थप २ औं मिनेटको समयमा गोल गर्दै प्याराडाईजलाई उपाधि बिजेता बनाए । उपाधि विजेता प्याराडाईजले नगद रु. ५० हजार सहित ट्रफी, मेडल, प्रमाण पत्र प्राप्त गरे भने उपविजेता बालमन्दिरले नगद रु. २५ हजार सहित ट्रफी, मेडल, प्रमाण पत्र प्राप्त गरेका छन् । यस खेलको म्यान अफ द म्याच बालमन्दिरका जर्सी नं. १ का गोल किपर न्युसन सोनम बने । त्यस्तै बेस्ट कोच प्याराडाईका सोइसन राई, बेस्ट मिडफिल्डर प्याराडाईजका जर्सी नं. ११ का दिपेश श्र...

पूर्णपुष्टि, पुष १० । उदयपुरको पहाडी क्षेत्रमा खानेपानीको गम्भीर समस्या देखिएको छ । जिल्लाको ताप्ली, लिम्चुङबुङ्ग र रौतामाई गाउँपालिकाको पहाडी क्षेत्रका बासिन्दाले पर्याप्त पिउने पानी पाउन सकेका छैनन् । अनौपचारिक सेवा केन्द्र (इन्सेक) को तथ्याङ्क अनुसार स्थानिय खोलानाला, कुवा पँधेराहरुबाट खानेपानी उपभोग गर्दै आएका नागरिकहरुले २०७२ सालको भुकम्पपछि पानीका मुहान सुक्न थालेपछि खानेपानीको समस्या यो बर्षको अन्त्य सम्म झनै जटिल बनेको छ । राष्ट्रिय जनगणना २०७८ अनुसार खानेपानीकै कारण उदयपुरमा १३.९ प्रतिशत बसाइँसराइ भएको छ । स्थानीयले बिहान ५ बजेदेखि नै पानीको जोहो गर्न डेढ घण्टा टाढाको कुवामा जानुपर्ने बाध्यता छ । दैनिक तीन घण्टा खानेपानी संकलनमै बिताउनुपर्ने अवस्थाले विद्यार्थीहरूको पढाइमा समेत असर परेको छ । उर्भर भुमी पानी अभावले मरुभुमिमा परिणत हुन थालेको इन्सेकको तथ्याङ्ले देखाएको छ । ...

पूर्णपुष्टि, पुष १० । उदयपुरको पहाडी क्षेत्रमा शैक्षिक संकट बढ्दै गएको छ । जिल्लामा ३३३ आधारभूत र ११५ माध्यमिक विद्यालय रहेका छन्, जसमध्ये ९ वटा मात्र अपाङ्गतामैत्री विद्यालय छन् । यस वर्ष ताप्ली गाउँपालिका र त्रियुगा नगरपालिकाले स्थानीय पाठ्यक्रम लागू गरेका छन् । स्थानीय पाठ्यक्रममा धार्मिकस्थल, कला, संस्कृति, कृषिलगायत आठ विषयवस्तु समावेश छन् । अनौपचारिक क्षेत्र सेवा केन्द्र (इन्सेक) को तथ्याङ्कका अनुसार जिल्लाका पहाडी क्षेत्रका विद्यालयहरूमा स्वच्छ खानेपानी, बालमैत्री शौचालय, विज्ञान प्रयोगशाला र पुस्तकालय जस्ता आधारभूत सुविधाको अभाव देखिएको छ । विद्यार्थीहरू १–२ घण्टा हिँडेर विद्यालय पुग्नुपर्ने बाध्यता छ । यसका कारण विद्यार्थी बीचैमा पढाई छाड्ने समस्या गम्भीर बन्दै गएको छ । रौतामाई, ताप्ली, लिम्चुङबुङ्ग, उदयपुरगढी गाउँपालिका र कटारी, बेलका तथा चौदण्डीगढी नगरपालिकाका पहाडी क्षेत्...

पूर्णपुष्टि, पुष १० । उदयपुर जिल्ला अस्पतालमा दक्ष जनशक्ति र स्रोतसाधनको अभावका कारण ४ बेडको आईसियु र २ बेडको भेन्टिलेटर प्रयोगविहीन अवस्थामा छन् । यसले गर्दा गम्भीर बिरामीहरू धरान र विराटनगर जान बाध्य छन् । अनौपचारिक क्षेत्र सेवा केन्द्र इन्सेकको तथ्याङ्क अनुसार कोभिड–१९ को समयमा जिल्ला अस्पतालमा प्रदेश सरकारको ७९ लाख लागतमा स्थापना गरिएको अक्सिजन प्लान्ट बिग्रेको २ वर्ष बितिसक्दा पनि मर्मत हुन सकेको छैन । बेलका नगरपालिकाको अक्सिजन प्लान्ट पनि बन्द रहेकोले अस्पतालले लहान र विराटनगरबाट प्रतिसिलिन्डर ७ सय रुपैयाँमा अक्सिजन खरिद गर्नुपरेको इन्सेकले जनाएको छ । भौगोलिक विकटताका कारण यातायात सेवा नियमित नहुँदा स्वास्थ्य सेवामा गम्भीर असर परेको अनौपचारिक क्षेत्र सेवा केन्द्र (इन्सेक) ले जनाएको छ । यसको ताजा उदाहरणको रूपमा रौतामाई गाउँपालिका–६ का ७ वर्षीय एञ्जल मगरको मृत्यु रहेको छ । गत असो...

पूर्णपुष्टि, पुष ९ । उदयपुर जिल्लामा सन् २०२४ मा मानव अधिकार उल्लङ्घन र ज्यादतीका ७४४ घटनामा ७८८ जना पीडित भएका छन् । अघिल्लो वर्षको तुलनामा यस वर्ष मानव अधिकार उल्लङ्घनका घटनामा वृद्धि भएको पाइएको छ । अनौपचारीक क्षेत्र सेवा केन्द्र इन्सेकको अभिलेखअनुसार सन् २०२३ मा ५५६ वटा घटना भएका थिए । यस वर्ष भएका घटनामध्ये घरेलु हिंसाका ५३६, बालिका बलात्कार प्रयास तथा यौन दुर्व्यवहारका ७२, महिला बलात्कार, बलात्कार प्रयास तथा यौन दुर्व्यवहारका ३६ र बहुविवाहका १८ घटना रहेका छन् । त्यस्तै, हत्या, हत्या प्रयास र अङ्गभङ्गका ३१, कुटपिटका २८, बालविवाहका १४ र मानव बेचबिखन तथा अपहरणका ९ वटा घटना भएको इन्सेकले जनाएको छ ।...

पूर्णपुष्टि, पुष ९ । क्रोएसिया र साइप्रस पठाइदिने भन्दै १० लाख ३५ हजार रुपैयाँ ठगी गरेको आरोपमा दुई जना पक्राउ परेका छन् । काठमाडौं उपत्यका अपराध अनुसन्धान कार्यालयले उदयपुर रौतामाई–३ का यादवबहादुर बुर्जामगर र बारा पचरौता–८ का सञ्जय साह बानियाँलाई पक्राउ गरेको हो । ५३ वर्षीय मगरले क्रोएसिया पठाइदिने भन्दै दुई जनाबाट ५ लाख ७५ हजार रुपैयाँ र ३५ वर्षीय बानियाँले साइप्रस पठाइदिने भन्दै एक जनाबाट ४ लाख ६० हजार रुपैयाँ लिएर सम्पर्कविहीन भएका थिए । पीडितहरूको उजुरीपछि प्रहरीले मगरलाई काठमाडौंको गोकर्णेश्वर–८ बाट र बानियाँलाई टेकुबाट पक्राउ गरेको हो । उनीहरूलाई थप अनुसन्धान र कारबाहीका लागि वैदेशिक रोजगार विभाग ताहाचल पठाइएको अपराध अनुसन्धान कार्यालयले जनाएको छ ।...

पूर्णपुष्टि, ९ पुष । गाईघाट निवासी कालिदास राई (किसान) ले उदयपुर ब्याटमिनटन संघलाई ५ लाख रुपयाँ रकम सहयोग गरेका छन् । राईले संघका समिति कोषाध्यक्ष बादल खतिवडालाई मंगलबार बोक्से कवर्डहलमै बृहत कार्यक्रम गरी सहयोगवापदको चेक हस्तान्तरण गरेको हो । समाजसेवी राई जिल्ला ब्याडमिन्ट संघ उदयपुरका अध्यक्ष समेत हुन । उनले आफ्नो बुबा स्वर्गीय जगत राईको ८ औँ स्मृति र स्वर्गीय आमा बसन्ती राईको ६ औँ स्मृति दिवसको अवसरमा संघलाई रकम सहयोग गरेका हुन् । राई लामो समय ब्याडमिन्टन खेलमा आबद्ध हुँदै हाल ब्याडमिन्ट सँघ उदयपुरको अध्यक्ष हुन् । आफु स्वयम अधयक्ष रहेको संघलाई थप व्यवस्थीत पार्न राईको सहयोग महत्वपूर्ण रहेको भन्दै खेलाडीहरु उत्साहित र खुसी बनेको छ । राईको सहयोग सँगै कोष नै स्थापना गरी अन्य रकमहरु पनि सहयोगबापत उठ्न थालेको छ । राईले बोक्सेमा रहेको जिल्लाकै पुरानो र ठुलो कवर्डहलाई पार्केटिङ निर्माणक...

पूर्णपुष्टि, पुष ९ । कोशी प्रदेश सरकार स्थापना भएको ८ वर्ष बितिसक्दा पनि आफ्नो स्थायी संरचना निर्माण गर्न सकेको छैन । अधिकांश मन्त्रालय र कार्यालयहरू संघीय सरकारका पुराना क्षेत्रीय कार्यालय र भाडाका भवनमा सञ्चालन हुँदै आएका छन् । मुख्यमन्त्री कार्यालयसमेत तत्कालीन क्षेत्रीय कृषि कार्यालयको भवनमा सञ्चालन छ । प्रदेश सरकारले विगत ७ आर्थिक वर्षमा ५ अर्ब १६ करोड रुपैयाँ बराबरको जिन्सी सम्पत्ति जोडे पनि आफ्नो नाममा कुनै जग्गा छैन ।कोशी प्रदेश सरकारका प्रवक्ता तथा आन्तरिक मामिला मन्त्री रेवतीरमण भण्डारीका अनुसार प्रदेशको स्थायी संरचना निर्माणका लागि कम्तीमा २० बिघा जग्गा आवश्यक छ । यसका लागि विराटनगरबाट १० किलोमिटर भित्रको क्षेत्रमा जग्गा खोजी गरिने उनले बताए । यसअघि केदार कार्की मुख्यमन्त्री रहँदा विराटनगर–५ र ६ मा ७ बिघा जग्गा प्राप्त गर्ने निर्णय भएको थियो । तर त्यसको कार्यान्वयन हुन सके...

पूर्णपुष्टि, पुष ९ । उदयपुर र खोटाङ जिल्ला जोड्ने सगरमाथा राजमार्गअन्तर्गत दिक्तेल–गाईघाट सडकखण्डको सुनकोशीस्थित फोक्सिङटारमा अस्थायी बेलिब्रिज जडान कार्य सुरु भएको छ । गत असोज १२ गते आएको अविरल बर्षा सहितको बाढीले उदयपुरको रौतामाई गाउँपालिका–६ आँपटार र खोटाङको खोटेहाङ गाउँपालिका–९ लिच्कीराम्चे जोड्ने मोटरेबल पक्की पुल बगाएपछि यातायात सेवा अवरुद्ध भएको थियो । सङ्घीय सडक सुपरीवेक्षण तथा अनुगमन कार्यालय उदयपुरले फोक्सिङटारमा अस्थायी बेलिब्रिज जडान गर्न र खोल्नका लागि रु १.२९ करोड लागतमा निर्माण कम्पनीसँग सम्झौता गरेको छ । ठेकेदार कम्पनीले नदीमा पानी बढेपछि उक्त बजेटबाटै अस्थायी बेलिब्रिज खोलेर स्टोर गरी राख्नुपर्ने सम्झौतामा उल्लेख छ । सडक विभाग उदयपुरका प्रमुख इञ्जिनियर पशुपति ज्ञवालीका अनुसार निर्माण कम्पनिले पुष महिनाभित्र ५० मिटर लामो अस्थायी बेलिब्रिज जडान गरी यातायात सुचारु गर्नुपर्...