समाचार

पूर्णपुष्टि, ८ मंसिर । मुर्कुची नमुना माविका बिपन्न विद्यार्थीहरुलाई शैक्षिक पोसाक वितरण गरिएको छ । उदयपुरको रौतामाई गाउँपालिका ७ स्थित नमुना माध्यमिक विद्यालय मुर्कुचीमा अध्ययनरत बिपन्न ३६ विद्यार्थीलाई शैक्षिक पोसाक बितरण गरिएको हो । उक्त पोसाक पूर्व विद्यार्थी समाज उदयपुरको समन्वयमा शुक्रबार ‘प्रकृति प्रेमी समाज उदयपुर’ले १२ छात्रा र २४ छात्रलाई प्रदान गरेका थिए । उनीहरुको आवश्यकता अनुसार पोसाक सर्ट, पाईन्ट, ट्रयाकसुट र जुत्ता बितरण गरिएको आयोजक प्रकृति प्रेमी समाजका अध्यक्ष दिनेशकुमार श्रेष्ठले बताए । बालबालिकालाई पोसाक वितरण गर्दै प्रमुख अतिथी शिक्षा विकास तथा समन्वय इकाईका प्रमुख शसीकुमार यादवले शैक्षिक अवस्था सुधार गर्न आमनागरिकको समान दायित्व रहने बताए । उनले भने, ‘बिद्यालयबाट मात्र शैक्षिक सुधार सम्भव नभएकाले, नागरिक तवरबाट हुने यस्ता कार्यक्रमले बालबालिकाको शैक्षिक गुणस्तर...

पूर्णपुष्टि, ७ मंसिर । यहि मंसिर १६ गते त्रियुगा नगरपालिका १२ नं वडामा हुने उपनिर्वाचनमा जनता समाजवादी पार्टी नेपाल (जसपा) नेपाल कम्युनिष्ट पार्टी (विप्लव) ले नेकपा माओवादी केन्द्रलाई सघाउने भएको छ । शुक्रबार सम्पर्क कार्यालयमा आयोजित पत्रकार सम्मेलन गर्दै दुई पार्टीले माओवादी केन्द्रका उम्मेदवार नविन वान्तावा राईलाई सघाउने निर्णय गरेको जनाए । जसपा पार्टीका नेताहरु सिद्धान्त राई, घनश्याम कटुवाल, छिवाहाङ राई, हस्त शोभा र जिल्ला अध्यक्ष ओसन घिमिरे र विप्लव बाट नगर सेक्रेटरी बिमल सी लगायतको उपस्थितिमा माओवादी केन्द्रलाई सघाउने जानकारी गराएको हो । माओवादी केन्द्रका नगर अध्यक्ष मानवाहदुर राई, जसपा अध्यक्ष ओसन घिमिरे र विप्लका नगर सेक्रेटरी बिमल सी को संयुुक्त हस्ताक्षर बिज्ञाप्तीमा यी तिनै पार्टीहरु उपनिर्वाचनमा एक भएर उम्मेदवारलाई बिजयी गराउन लागि पर्ने भनिएको छ । त्रियुगा १२ मा एक स्वतन्त...

पूर्णपुष्टि, मंसिर ७ । प्रधानमन्त्री तथा नेकपा एमालेका अध्यक्ष केपी शर्मा ओलीले विदेशी बैंकमा आफ्नो सम्पत्ति रहेको आरोप लगाउनेलाई प्रमाणसहित बहस गर्न चुनौती दिएका छन् । शुक्रबार राजधानीको दरबारमार्गमा आयोजित जागरण सभालाई सम्बोधन गर्दै प्रधानमन्त्री ओलीले आरोपका लागि मात्र आरोप लगाउने प्रवृत्ति रहेको बताए । उनले व्यंग्यात्मक शैलीमा भने, ‘कम्बोडियामा ३२ हजार करोड, स्विस बैंकमा यति हजार रुपैयाँ छ भन्दिए भयो, अमेरिकी बैंकको आधा सम्पत्ति मेरै हो भनिदिए पनि हुन्छ।’ ओलीले अन्य दलका केही नेताहरू भने सामान्य अवस्थाबाट एकाएक अर्बौंको मालिक बनेको भन्दै यसबारे प्रश्न उठाए ।...

पूर्णपुष्टि, मंसिर ७ ।  कोशी प्रदेश सरकारले विगत ७ आर्थिक वर्षमा ५ अर्ब १६ करोड रुपैयाँ बराबरको जिन्सी सम्पत्ति जोडेको छ । प्रदेश कोष तथा महालेखा नियन्त्रकको कार्यालयले बुधबार सार्वजनिक गरेको विवरण अनुसार आर्थिक वर्ष २०८०/८१ सम्ममा प्रदेश सरकारको कुल जिन्सी सम्पत्ति ५ अर्ब १६ करोड ४१ लाख २ हजार ६१५ रुपैयाँ पुगेको हो । सात वर्षको अवधिमा प्रदेश सरकारले ३२१ वटा कार-जिप, १,८७७ वटा मोटरसाइकल र ८,५७१ वटा कम्प्युटर खरिद गरेको देखिन्छ । साथै प्रदेश सरकार मातहतमा ५७४ स्थानमा घरजग्गा रहेको विवरणमा उल्लेख छ । मन्त्रालयगत विवरण हेर्दा भौतिक पूर्वाधार विकास मन्त्रालय र सामाजिक विकास मन्त्रालयको सम्पत्ति सबैभन्दा बढी छ । भौतिक पूर्वाधार विकास मन्त्रालयमा १ अर्ब १७ करोड र सामाजिक विकास मन्त्रालयमा १ अर्ब २२ करोड बराबरको जिन्सी सम्पत्ति रहेको छ । प्रदेश लेखा नियन्त्रक दामोदर खत्रीका अनुसार साविक नेपाल ...

पूर्णपुष्टि, मंसिर ७ । पूर्वाञ्चल विश्वविद्यालयको शिक्षाशास्त्र संकायले नेपालमा पहिलो पटक बालविकास सम्बन्धी दुई दिने अन्तर्राष्ट्रिय सम्मेलन आयोजना गर्न लागेको छ । विराटनगरमा मंसिर २१ र २२ गते आयोजना हुने उक्त सम्मेलनको उद्घाटन कोशी प्रदेशका मुख्यमन्त्री हिक्मत कार्कीले गर्ने कार्यक्रम रहेको छ । शिक्षाशास्त्र संकायका डिन अनिल पोखरेलका अनुसार सम्मेलनमा नेपाल, अमेरिका, बेलायत, मलेसिया, बंगलादेश लगायत १५ भन्दा बढी देशका प्राज्ञ, नीति निर्माता, अनुसन्धानकर्ता र विद्यार्थीहरूको सहभागिता रहनेछ । सम्मेलनमा बालविकासका विविध पक्षमा प्राज्ञिक बहस र विमर्श गरिने छ । कार्यक्रममा बालबालिका लक्षित नीति, विशेष आवश्यकता भएका बालबालिकाको हेरचाह, बालविकास क्षेत्रको जनशक्ति विकास, जलवायु परिवर्तनको प्रभाव र प्रारम्भिक बाल्यकाल विकासमा नवप्रवर्तन लगायतका विषयमा ४० भन्दा बढी सहभागीले आफ्ना अनुसन्धान प्रस्तुत...

पूर्णपुष्टि, ६ मंसिर । उदयपुरमा मंसिर १ गतेबाट सुरु भएको देशव्यापी कर सप्ताह गाईघाटमा सम्पन्न भएको छ । करदता सेवा कार्यालय गाईघाटले १३ औँ राष्ट्रिय कर दिवसको अवसरमा गाईघाट लगायत उदयपुरको बिभिन्न शहरमा एक हप्ते कर सप्ताह कार्यक्रम संञ्चालन गरिएको थियो । करदाता सेवा कार्यालय गाईघाटका सूचना अधिकारी रेख मगरका अनुसार विविध कार्यक्रमको समिक्षा तथा अन्तरक्रिया सँगै १३ औँ कर दिवस बिहिबार भव्य रुपमा सम्पन्न गरिएको हो । कर सम्बन्धी अन्तरक्रिया, विद्यार्थीहरुलाई कर शिक्षा, प्रभातफेरी र्याली, व्यवसायी जनप्रतिनिधि तथा सुरक्षा निकायहरु सित कर सम्बन्धित अन्तरक्रिया र खेलकुद लगायत महत्वपूर्ण कार्यक्रमहरु सप्ताहमा गरिएका थिए । सोहि दिवसको अवसर पारी नियमित र इमान्दारी कर तिर्ने व्यवसायीलाई उत्कृष्ट व्यवसायीलाई सम्मान पनि गरिएको छ । कटारीका व्यवसायी नेपाल माईनिङ एण्ड कन्ट्रकसनका संञ्चालक समेत रहेका प्रया...

पूर्णपुष्टि, ६ मंसिर । झिँगु नेवा पुँच उदयपुरले प्रत्येक दुई बर्षमा गर्दै आएको खाना परिकार मेला पुष १ देखी सुरु हुने भएको छ । मेला बारे बिहिबार पत्रकार सम्मेलन गराउँदै तेस्रो खाना परिकार मेला बारे आयोजक झिँगु नेवा पुँचले जानकारी गराएको छ । “कला, संस्कृति, संरक्षण आन्तिरिक पर्यटन प्रवद्र्धन, पहुँच पहिचान र परिकार स्वरोजगार समृद्धिको मुल आधार” भन्ने नारा सहित मेला आयोजना गर्न लागिएको हो । मेलामा बिबिन्न आदिवासी जनजातिहरुको खाना परिकार प्रदर्शन तथा बिक्रि वितरण सँगै सांस्कृतिक कार्यक्रमहरु झाँकी प्रदर्शन पनि गरिने छ । जस्मा लाखे जात्रा, साकेला, हुर्रा लगायतको जातिय सांस्कृति झाँकी पनि प्रदर्शन र नृत्यु प्रतियोगिता समेत हुने छ । मेलाकै अअसरमा छमछमी सिजन ४ पनि जोडेर नृत्यु प्रतियोगिता समेत गरिने आयोजकले जनाए । गाईघाट स्थित पिपलचोक देखी ट्राफिक चोक सम्म मेलाको लागि स्थान तयारी गरिएको छ । साम...

पूर्णपुष्टि, ५ मंसिर । त्रियुगा नगरपालिका वडा नं १२ मा यहि मंसिर १६ गते हुने उपनिर्वाचनमा एक मात्रै स्वतन्त्र उम्मेदवार परेको छ । डिएमेगट निवासी २६ बर्षिय बजरंङ्गी कुमार दासले वडा अध्यक्षका लागि हुने उपनिर्वाचनमा स्वतन्त्र उम्मेदवारी दिएको हो । दासलाई बुधबार मात्रै मुख्य निर्वाचन अधिकृतको कार्यालयले चुनाव चिन्ह पनि प्रदान गरिसकेको छ । उनले शिक्षा, स्वास्थ्य, सरसफाई, खानेपानी सँगै विकासका पूर्वधारहरुलाई मुख्य जोड गरेको छ । खोनाला नियन्त्रण, वस्ती व्यवस्थापन, विद्यालय निर्माण जस्ता कुरालाई अघि सारेको छ । दास सँगै अन्य आठ दल पनि चुनावी मैदानमा छन् । कांग्रेस, एमाले, माओवादी लगायत प्रमुख दलहरु सँगै अन्य साना दलहरु पनि प्रतिस्पर्धामा छन । दासले १२ नं वडामा विद्यालय पनि खोल्ने जनाएको छ ।...

पूर्णपुष्टि, ५ मंसिर । पहिचानवादीहरुले पूर्वको १४ जिल्लामा फेरी आन्दोलन सुरु गरेको छ । पहिलो चरणको आन्दोलन पश्चात नयाँ चरणको आन्दोलनमा उत्रिएका पहिचानवादीहरुले आम हड्तालदेखी तेस्रो जनआन्दोलन समेत घोषणा गरेको छ । प्रदेश नं १ पून ः नामाङ्कन संघर्ष समितिले आईबार बिरोध प्रदर्शन गर्दै कोशी नाम खारेजीको माग गरेका थिए । सोही दिन देखी समितिले दोस्रो चरणको आन्दोलन सुरु गरेको हो । आन्दोलनमा ८२ प्रदेश सांसद सहित एमालेका केपि शर्मा ओली, महेश बस्नेत र योगश भट्टराई सहित थप तिन नेता गरी ८५ जनालाई सार्वजानिक कार्यक्रममा रोक लगाउने र कोशी लेखेको बोर्ड ब्यानर पनि हटाउने संघर्ष समितिले जनाए । प्रदेश नं १ लाई कोशी नामाकरण गरी पहिचानवादीहरुमाथी अन्याय गरेको भन्दै नाम सच्याएर पहिचानकै आधारमा राख्नु माग सहित पहिचानवादीहरुले आन्दोलन चर्काई रहेको अवस्था छ । एमाले कांग्रेस र माओवादी समेतको सहमतिमा राखिएको कोशी ...

उदयपुर, मङ्सिर ४ । नेपाली सेना र नागरिकबीचको सम्बन्ध सुमधुर बनाउने उद्देश्यले उदयपुरको बोक्सेस्थित पशुपतिप्रसाद गणले उदयपुरगढीदेखि चौदण्डीगढीसम्मको ८५ किलोमिटर महाभारत श्रृङ्खलाको पदमार्गमा पैदययात्राको आयोजना गर्ने भएको छ । आगामी पुस २१ देखि २८ गतेसम्म एतिहासिक स्थल उदयपुरगढीदेखि अर्को एतिहासिक स्थल चौदण्डीगढीसम्मको यात्रा गर्ने भएको हो । यात्रामा नेपाली सेना, नेपाल प्रहरी, सशस्त्र प्रहरी, स्थानीय सरकार र सर्बसाधारणहरुको सहभागिता रहने गणपति शिवप्रसाद वाग्लेले जानकारी दिनुभयो । यसले पर्यटन प्रवर्धनसमेत हुनेछ । तयारी बै‌ठक तथा अन्तरक्रिया कार्तिक ३० गते गरी यात्राको क्रममा बाटोमा पर्ने गाउँबस्ती र विद्यालयहरुमा भेटघाट गर्दै जाने जानकारी दिइएकाे छ । यात्रा पुरा हुँदा उदयपुरगढी, रौतामाई, त्रियुगा र चौदण्डीगढी गरी चार पालिकाको भ्रमण हुनेछ । कार्यक्रमका लागि पालिका अध्यक्षहरु, गणपती, ह...