समाचार

कात्तिक १८ गते ।  इंग्लिस प्रिमियर लिगमा लेस्टर सिटीले चेल्सीलाई पछि पार्दै तालिकाको तेस्रो स्थानमा पुगेको छ । गतराति भएको खेलमा लेस्टरले क्रिष्टल प्यालेसलाई २–० गोलले पछि पार्दै उक्त स्थानमा पुगेको हो । खेलको ५७ औं मिनेटमा लेस्टर सिटीको सोयुनकुले गोल गरेको थियो भने ८८ औँ मिनटमा भर्डिले अर्को गोल थप्दै आफ्नो टिमलाई जित दिलाएका थिए । जितसँगै तालिकामा २३ अंक बटुल्दै लेस्टर समान अंक भए पनि चेल्सीभन्दा अगाडी रहेको हो ।...

कात्तिक १८ गते ।  मुलुकको सात ठाउँमा सरकारले सुरुङमार्ग निर्माण गर्ने गरी तयारी थालेको छ । चालू आर्थिक वर्षभित्र विस्तृत परियोजना प्रतिवेदन (डीपीआर) को काम सकिने गरी सरकार तयारीमा जुटेको हो । चित्लाङ, टोखा–छहरे, लामाबगर, सिद्धबाबा, खुर्कोटलगायतका सात स्थानमा सुरुङमार्गको डीपीआर बनाउने काम गरिरहेको छ । हाल डीपीआरका लागि अध्ययनको काम भइरहेको भौतिक पूर्वाधार तथा यातायातमन्त्री रघुवीर महासेठले बताउनुभयो । यो समाचार आजको राजधानी दैनिकमा छापिएको छ ।...

कात्तिक १७ गते । सातवटै प्रदेशका प्रदेश प्रमुखहरुलाई सरकारले पदमुक्त गरेको छ । आईतबार बसेको मन्त्रिपरिषद्को बैठकले प्रदेश प्रमुखहरुलाई पदमुक्त गर्ने निर्णय गरेको हो । मन्त्रिपरिषद्को सिफारिसमा राष्ट्रपति विद्यादेवी भण्डारीले पदमुक्त गर्नु भएको हो । संविधानको धारा १६५ को उपधारा १ (ख) बमोजिम प्रदेश प्रमुखहरुलाई पदमुक्त गरिएको हो । प्रदेश न. १ का प्रदेश प्रमुख प्रा. डा. गोविन्दबहादुर तुम्बाहाङ, प्रदेश न. २ का प्रदेश प्रमुख रत्नेश्वरलाल कायस्थ, प्रदेश न. ३ का प्रदेश प्रमुख अनुराधा कोइराला, गण्डकी प्रदेशका प्रदेश प्रमुख बाबुराम कुँवर, प्रदेश न. ५ का प्रदेश प्रमुख उमाकान्त झा, कर्णाली प्रदेशका प्रदेश प्रमुख दुर्गाकेशर खनाल र सुदूरपश्चिम प्रदेशका प्रदेश प्रमुख मोहनराज मल्ल पदमुक्त भएका हुन् । तत्कालीन शेरबहादुर देउवा नेतृत्वको सरकारले २०७४ साल माघ ३ गते प्रदेश प्रमुखहरु नियुक्त गरेको थिय...

कात्तिक १७ गते ।  दोलखाबाट काठमाण्डौँ जादै गरेको बस सिन्धुपाल्चोकमा दुर्घटना हुदा मृत्यु हुनेको संख्या १५ पुगेको छ । – दोलखाको मागा देउरालीबाट काठमाण्डौ जाँदै गरेको बा २ ख ७२४५ नम्रबो यात्रु वहाक बस सिन्धुपाल्चोकको सुकुटेमा दुर्घटना हुँदा ज्यान जानेको संख्या १५ पुगेको हो । बस सुनकोशीमा खसेर दुर्घटना भएको प्रहरीले जनाएको छ । दुर्घटनामा ज्यान गुमाएका मध्ये पाँच जनाको सनाखत भएको प्रहरीले जनाएको छ । शैलुङ गाउँपालिका–३ निबासी ५१ वर्षीया रत्नकुमारी रावत, ३ महिने शिशु सिसम तामाङ, भीमेश्वर नगरपालिका–९ निबासी २४ वर्षीया रञ्जिता केसी, सिन्धुपाल्चोकको त्रिपुरा सुन्दरी गाउँपालिकाकी २७ वर्षीया चमेली श्रेष्ठ र उनकी छोरी ६ वर्षीया साइरामी श्रेष्ठको ज्यान सनखत भएको प्रहरीले जनाएको छ । दुर्घटनामा घाइते भएका ५० जनाको धुलिखेल अस्पताल र सिन्धुपाल्चोकको सिन्धु सदाबहार अस्पतालमा उपचार भैरहेको छ भने ...

मोरङ, कार्तिक १७ गते । मोरङको कटहरीमा पोखरीमा डुबेर एक जना बालकको मृत्यु भएको छ । कटहरी गाउँपालिका–२ निबासी कृष्ण मण्डलको छोरा ४ बर्षीय काले मण्डलको मृत्यु भएको हो । धनपालथान गाउँपालिका–७ मा फुपुको घरमा बसेका बालक खेल्ने क्रममा घर नजिकै रहेको माछा पोखरीमा दिउँसो पौने ३ बजेको डुबेर घाईते भएका बालकको उपचारको क्रममा मृत्यु भएको प्रहरीले जनाएको छ । पोखरीमा डुबेको बालकको उपचारको लागि कोशी अस्पताल बिराटनगर लगी उपचारको क्रममा दिउँसो साँढे ३ बजे मृत्यु भएको ईलाका प्रहरी कार्यालय रंगेलीले जनाएको छ । घटनाको थप अनुसन्धान भईरहेको प्रहरीले जनाएको छ ।...

विक्रम राई उदयपुर, कात्तिक १७ गते । उदयपुरको एक पालिकाले योजना बनाए धार्मीक तथा पर्यटकिय स्थल ताप्लि पोखरी र पर्यटकिय क्षेत्रको संरक्षण तथा प्रवद्र्धनमा लागि परेको छ । सन् २०२० लाई विशेष प्राथमिकतामा राख्दै पर्यटकिय क्षेत्रको संरक्षण तथा प्रवद्र्धनमा ताप्लि गाउँपालिका लागि परेको हो । सरकारले लिएको लक्ष्यलाई टेवा पु¥याउने उद्देश्यका साथ पालिकाले १० लाख बजेट विनियोजन गरी ताप्लि पोखरी संरक्षण तथा प्रवद्र्धनमा जोड दिएको पालिकाले जनाएको छ । गत असार अन्तिदेखि परेको अविरल वर्षाले विकासको पूर्वधार सडक पूर्णरुपमा क्षती गरेको थियो । समुन्द्रि सतहदेखि करिब १७ सय उच्चाईमा रहेको धार्मिक तथा पर्यटकिय स्थल ताप्लि पोखरी रहेको छ । पोखरी पुग्न कटारीबाट करिब ३५ किलोमिटर दुरी पहाडी सडक प्रयोग गर्नुपर्दछ । यस पोखरीको संरक्षण तथा प्रवद्र्धनको लागि गत वर्ष ५ लाख बजेट विनियोजन गरी घेराबेराको काम भएको थि...

कात्तिक १७ गते । सत्तारुढ नेपाल कम्युनिष्ट पार्टी सम्बद्ध राष्ट्रिय युवा संघ नेपालको केन्द्रमा एकता भएको पाँच महिनापछि जिल्ला कमिटीको एकीकरण टुंगो लगाएको छ । शनिबार बसेको बैठकले भागबण्डाका आधारमा एकीकरण टुंगो लगाई आइतबार विज्ञप्ति जारी गर्दै युवा संघले एकताको काम सकिएको जनाएको हो । तत्कालीन एमाले निकट युवा संघले ४२ र माओवादी निकट वाईसीएलले ३५ जिल्ला अध्यक्ष पाउने गरी ७७ जिल्ला मध्ये भागबण्डा टुंग्याएको संघले जनाएको छ । तत्कालिन दुई पाटी भित्रका एकले अध्यक्ष पाउँदा अर्को इन्चार्ज रहने प्रावधान सहमतिबाट जुटाइएको हो । सय आधारमा ४२ मा तत्कालीन माओवादी निकट वाईसीएलले इन्चार्ज पाएको छ भने एमाले निकट युवा संघले ३५ जिल्ला इन्चार्ज पाउने भएको छ । कुन जिल्लामा कस्ले पाए अध्यक्ष तल हेर्नुहोस् ।...

कात्तिक १७ गते ।  आज सवै विदेशी मुद्राहरुको भाउ घटेको छ । नेपाल राष्ट्र बैंकले आईतबार १ अमेरिकी डलरको खरिददर १ सय १३ रुपैयाँ र बिक्रीदर १ सय १३ रुपैयाँ ६० पैसा तोकेको छ । त्यस्तै १ साउदी रियालको खरिददर ३० रुपैयाँ १३ पैसा र बिक्रीदर ३० रुपैयाँ २९ पैसा रहेको छ । कतारी रियाल १ को खरिददर ३१ रुपैयाँ ०४ पैसा र बिक्रीदर ३१ रुपैयाँ २० पैसा रहेको छ भने ओमानी रियाल १ को खरिददर २ सय ९४ रुपैयाँ २८ पैसा रहेको छ । त्यस्तै यूएई दिर्हाम १ को खरिददर ३० रुपैयाँ ७७ पैसा र बिक्रीदर ३० रुपैयाँ ९३ पैसा छ । रिंगिट १ को खरिददर २७ रुपैयाँ १३ पैसा बिक्रीदर २७ रुपैयाँ २७ पैसा तोकेको छ भने वन १ सयको खरिददर ९ रुपैयाँ ६९ पैसा र बिक्रीदर ९ रुपैयाँ ७४ पैसा रहेको छ । त्यस्तै कुवेती दिनार १ को खरिददर ३ सय ७२ रुपैयाँ ५८ पैसा र बिक्रीदर ३ सय ७४ रुपैयाँ ६५ पैसा रहेको छ । बहराइन दिनार १ को खरिददर २ सय ९९ रुपैयाँ ७५...

झापा, कात्तिक १७ गते ।  झापाको नवज्योति सामुदायिक वन भित्र हात्ति धपाउन राखिएको करेन्ट लागेर दुई जनाको मृत्यु भएको छ । बुद्ध शान्ति गाउँपालिका–४ को सामुदायिक वन भित्र रहेको पानीको खोल्सामा हात्ती धपाउनका लागि राखेको बिजुलीको तारबाट करेन्ट लागेर दुई जनाको मृत्यु भएको हो । स्थानीय १८ वर्षीय अभिनाश राई र भोजपुरको साल्पासिलिछोङ गाउँपालिका–५ घर भई हाल बुद्ध शान्ति गाउँपालिका–४ को पेरिस राईको घरमा पाहुना आएका ३८ वर्षीय मणिराम राईको मृत्यु भएको प्रहरीले जनाएको छ । स्थानीयबासीले प्रहरीलाई घटनाको जानकारी गराएपछि तत्काल प्रहरी घटना स्थल पुगी थप अनुसन्धान भइरहेको प्रहरी जनाएको छ ।...

उदयपुर, कात्तिक १७ गते ।  छैठको अन्तिम दिन उदाउँदो सूर्यलाई विधि पूर्वक अर्घ दिएर आईतबार छैठ समान भएको छ । तराईका विभिन्न नदि, ताल, पोखरी, खोला लगातका पानीको स्रोत भएका ठाउँहरुमा राती जागामबसी विहान उदाउँदो सुर्यलाई अर्घ चढाएर छैठको समापन गरिएको हो । कार्तिक शुक्ल चतुर्थी देखि सप्तमीसम्म मनाइने यस पर्वमा सूर्य देवको पुजा, आराधना, उपासना बस्ने चलन छ । छैठको मुख्य दिन शनिबार बेलुकी अस्ताउँदो सूर्यलाई अघ्र्य दिइएर रातभर जागराम बसेका थिए भने आईतबार उदाउँदो सुर्यलाई अघ्र्य दिएर समापन गरिएको थियो । सूर्यदेवको उपासना गरिने छठ पर्वको दोस्रो दिन पञ्चमी तिथिमा व्रतालुले दिनभरी निराहार व्रत बसी राति सख्खरमा पकाइएको खीर मात्र खाएर ‘खरना’ विधि गरेका थिए ।यस पर्वमा ढिकी–जाँतोमा परम्परागत तरिकाले कुटिएको र पिसिएको गहँु तथा चामलको पीठोबाट बनाइएका ठकुवा, भुसुवा, मिष्टान परिकार, माटोको भाडामा जमाइएको ...