समाचार

पूर्णपुष्टि, जेठ २५ । नेपाली सेनाका अमलदारलाई श्रीमतीको हत्या आरोपमा प्रहरीले पक्राउ गरेको छ । पक्राउ पर्नेमा सल्यानको कपुरकोट घर भई तुलसीपुर उपहानगरपालिका वडा ६ राप्ती टोलस्थित गोकर्ण चन्दको घरमा डेरा गरी बस्ने ३६ वर्षीय शालिकराम बुढाथोकी रहेका छन् । इलाका प्रहरी कार्यालय तुलसीपुरका डिएसपी ठाकुर प्रसाद पोखरेलका अनुसार ज्वालादल गण बारामा कार्यरत बुढाथोकीले २७ वर्षीया श्रीमती टीकाको धारिलो हतियार प्रहार गरी हत्या गरेका हुन् । शालिकरामलाई नियन्त्रणमा लिएर अनुसन्धान गरिरहेको प्रहरीले जनाएको छ । इलाका प्रहरी कार्यालय तुलसीपुरका प्रवक्ता प्रहरी निरीक्षक प्रकाश थापाले शुक्रबार बिहान सवा ८ः५० बजेतिर शालिकरामले श्रीमतीको हत्या गरेका थिए । यस घटना सम्बन्धमा आवश्यक थप अनुसन्धान भइरहेको प्रहरीले जनाएको छ ।...

पूर्णपुष्टि, जेठ २५ । जनमत पार्टीका सतिश कुमार सिंहले मधेश प्रदेशको मुख्यमन्त्रीमा दाबी पेश गरेका छन् । शुक्रबार बिहान प्रदेश प्रमुख सुमित्रा सुवेदी भण्डारीसमक्ष सत्तारुढ दलसहितको ६ राजनितिक दलले सिंहलाई मुख्यमन्त्रीमा नियुक्ति गर्न दाबी पेश गरेका हुन् । सिंहलाई मुख्यमन्त्रीमा नियुक्ति गर्न एमालेका २४, जनमतका १३, माओवादी केन्द्रका ९, नेकपा एकीकृत समाजवादीका ७, नागरिक उन्मुक्ति पार्टीका १ र नेपाल संघीय समाजवादी पार्टीका १ सांसद गरी ५५ जना सांसदको समर्थन रहेको छ । १०७ सदस्य रहेको मधेश प्रदेशसभामा सरकार बनाउन ५४ सदस्यको समर्थन आवश्यक पर्छ ।...

पूर्णपुष्टि, २५ जेष्ठ । एमालेको नगर तथा गाउँपालिका अधिवेशन उदयपुरमा पनि आज बाट सुरु भएको छ । जिल्लाको आठ ओटै पालिकामा एकै साथ पालिका अधिवेशन हुने भएको छ । जेष्ठ २५ र २६ गते दुई सम्म चल्ने अधिवेशन त्रियुगा नगरपालिकामा ११ बजेदेखी सुरु हुने भएको छ । यहाँ पोलिट व्युरो सदस्य राजेन्द्र गौतमले उद्घाटन गर्ने भएको छ । यस्तै बेलका नगरपालिकामा भने स्थायी कमिटी सदस्य शेरधन राईले उद्घाटन गर्ने भएको छ भने चौदण्डीगढीमा भानुभक्त ढकाल, कटारी नगरपालिकामा स्थायी कमिटि सदस्य बिशाल भट्टराईले गर्ने भएको छ । यस्तैगरी लिम्चुङबुङ गाउँपालिकामा प्रदेश सदस्य देवराज राई, रौतामाईमा जिवन कार्की, ताप्लीमा बेनी बहादुर नेपाली, उदयपुरगढीमा डा. भेषराज थापाले अधिवेशनको औपचारिक उद्घाटन गर्ने भएको हो ।...

पूर्णपुष्टि, २४ जेष्ठ । उदयपुरको चर्चित होम स्टे बहेडुवा थारु होम स्टेले सांस्कृतिक भवन निर्माण सुरु गरेको छ । लामो समयदेखी आगन्तुकहरुलाई सांस्कृतिक मनोरञ्जनमा समेत जोड्ने उदेश्यले भवन निर्माणको लागि पहल कदमी गर्दै आएका होम स्टेले भवन निर्माण सुरु गरेको हो । होम स्टे संञ्चालक समितिका सल्लाहकार उत्तिमलाल चौधरीका अनुसार बिभिन्न संघ संस्थाको अनुदान तथा व्यक्तिगत सहयोगमा भवन निर्माण सुरु गरिएको जनाए । भवनका निर्माणलाई देउसी भैलोको रकम, त्रियुगा नगरपालिकाका मेयर र उपमेयर, साना किसान सहकारी, मनोज फाउन्डेशन, राम प्रसाद राई फाउन्डेसन, सामुदायिक वन र होमेस्टे आफैले आर्थिक सहयोग जुटाएको छ । उक्त भवनमा करिब सय जना पाउनाहरु अटाईने चौधरीले जनाए । भवन निर्माणलाई कोशी प्रदेश पर्यटन वन तथा बाताबरण मन्त्रालयले पनि सहयोग गर्ने सम्भावना रहेको छ । होम स्टेमा आवश्यक अन्य सबै खाले सेवाहरु उपलब्ध भएपनि सांस्...

पूर्णपुष्टि, जेठ २४ । नेकपा एमाले सुनसरीको अध्यक्ष निलम खनालको निधन भएको छ । आन्द्रासम्बन्धी समस्या देखिएपछि उनको उपचार जारी थियो । नेकपा एमाले सुनसरीका नेता रवि खनालका अनुसार थप उपचारको लागी भारतको हैदराबाद लैजाने क्रममा अध्यक्ष खनालको निधन भएको हो । भारतमा निधन भएका खनालको शव नेपाल ल्याउने तयारी भइरहेको नेता खनालले बताए । उनलाई मंगलबार भारत लगिएको थियो । खनाल नेकपा एमाले सुनसरी जिल्लाको आठौं जिल्ला अधिवेशनबाट अध्यक्षमा निर्वाचित भएका थिए । जेठ ५ गते देखि ७ गते सम्म भएको अधिवेशनमा खेमराज पोखरेललाई हराउँदै खनाल अध्यक्षमा निर्वाचित भएका थिए ।    ...

पूर्णपुष्टि, जेठ २४ । मधेश प्रदेशको मुख्यमन्त्रीमा जनमत पार्टीले सतिश सिंहलाई पठाउने तयारी गरेको छ । जनमतले प्रदेश सांसद सिंहलाई मुख्यमन्त्रीमा नियुक्त गर्न सत्ता घटक दलको समर्थनमा बहुमत सहित आजै (बिहिबार) प्रदेश प्रमुख सुमित्रा सुवेदी भण्डारी समक्ष दाबी पेश गर्ने भएको हो । यसअघि मधेश प्रदेशका संसदीय दलका नेता महेशप्रसाद यादवको नेतृत्वमा सरकार बनाउने चर्चा भइरहेका बेला जनमतले सिंहको नाम मुख्यमन्त्रीमा सारेको हो ।  जनमत पार्टीका अध्यक्ष सीके राउतको निर्वाचन क्षेत्र सप्तरी–२ को १ बाट सिंह प्रदेश सांसदमा निर्वाचित भएका हुन् । संसदीय दलका नेता यादव मधेश प्रदेश सरकारमा मन्त्री भइसकेको र सिंह भने राउतकै क्षेत्रको १ बाट निर्वाचित भएकाले मुख्यमन्त्रीमा उनलाई अवसर दिइएको एक नेताले बताए । यादव मधेश प्रदेश सरकारमा यसअघि शिक्षा तथा संस्कृति मन्त्री भइसकेका छन् ।  ...

पूर्णपुष्टि, जेठ २४ । मधेश प्रदेशमा नयाँ सरकार गठन गर्न प्रदेश प्रमुखले आव्हान गरेको छ । प्रदेश प्रमुख सुमित्रा सुवेदी भण्डारीले मुख्यमन्त्री सरोजकुमार यादव पदमुक्त्त भएपछि संविधानको १६८ को उपधारा २ बमोजिम सरकार गठन गर्न आव्हान गरेकी हुन् । प्रदेश प्रमुख भण्डारीले नयाँ सरकार गठनको लागी दुई वा दुई भन्दा बढी दलहरुको समर्थनमा बहुमतसहित मुख्यमन्त्रीमा दाबी पेश गर्न शुक्रबार बिहान १० बजेसम्मको समय दिएकी छन् । बुधबार संविधान २०७२ को धारा १८८ को उपधार २ बमोजिम विश्वासको मत लिएका मुख्यमन्त्री यादवले ५० मत पाए भने विपक्षमा ५३ मत पर्‍यो । २७ पुस २०७९ मा नेकपा एमाले, जनमत, माओवादी केन्द्र, लोसपा, एकीकृत समाजवादी लगायतको दलको समर्थनमा मुख्यमन्त्री बनेका थिए । मधेश प्रदेशमा एमाले, जनमत पार्टी र माओवादी केन्द्रले यसअघि नै जनमत पार्टीको नेतृत्वमा सरकार बनाउने सहमति गरिसकेका छन् । एकीकृत समाजवादी, न...

पूर्णपुष्टि, जेठ २४ । बालयौन दुरुपयोग गरेको आरोपमा इन्स्पेक्टर विदुर शिवाकोटीलाई प्रहरीले नियन्त्रणमा लिएको छ । काठमाडौँ उपत्यका अपराध अनुसन्धान कार्यालयमा कार्यरत शिवाकोटी बिरुद्ध बालयौन दुरुपयोग गरेको आरोप छ । उनिमाथि अनुसन्धान गर्नुपर्ने भएको हुनाले नियन्त्रणमा लिइएको जिल्ला प्रहरी परिसर काठमाडौँका एकजना अधिकृतले बताए । प्रहरी वृत्त सोह्रखुट्टेबाट केही दिनअघि सरुवा भई इन्टेलिजेन्स शाखामा कार्यरत रहेका शिवाकोटीलाई प्रहरी वृत्त स्वयम्भूमा राखिएको छ ।...

पूर्णपुष्टि, जेठ २३ । उदयपुरमा शिक्षकले विद्यार्थिलाई रक्सी लिएर आउन लगाएपछि हंगामा मच्चिएको छ । चौदण्डीगढी नगरपालिका ४ बसामा रहेको श्री महादेवेश्वर आधारभुत विद्यालयका शिक्षक सञ्जिवकुमार यादवले विद्यार्थिलाई रक्सि किन्न पठाए पछि हंगामा मच्चिएको हो । स्थानीयहरुले रक्सि किन्न पठाएको र रक्सि लिएर आएको फेला पारेपछि विद्यालय परिसरमै विरोध जनाएको छ । शिक्षक जस्तो व्यक्तिले विद्यालय समयमै रक्सि विद्यार्थीलाई ल्याउन भनेपछि यो असह्य भएको जनाए । यसले राम्रो शिक्षा नदिएको र विद्यार्थीलाई कुलत तथा मादक पदार्थ जस्ता नकरात्मक कार्यमा शिक्षा दिन खोजिएको जनाईएको छ । उक्त घटना सामाजिक संञ्जालमा यतिवेला फैलिरहेको छ । रक्सी किन्न पठाएपछि स्थानीयहरुले बिरोध गरेको भिडियोमा देखिन्छ । शिक्षकले भने अब बाट यस्तो कार्य नगर्ने जनाईरहेको भिडियामो देखिन्छ भने पटक पटक शिक्षकले यस्तो कार्य गरेको भन्दै माफ नदिन भन्...

पूर्णपुष्टि, २३ जेष्ठ । जिल्ला प्रशासन कार्यालय उदयपुरले पानी उद्योग र पाउरोटी उद्योगमा अनुगमन गरेको छ । त्रियुगा नगरपालिका ३ मोतिगडामा रहेको नेपाल स्प्रिङको पानी उद्योग, रौता पानी उद्योग र त्रियुगा नगरपालिका १३ मा रहेको उदयपुर पानी उद्योगमा अनुगमन गरिएको हो । यस्तै रुक्सना पाउरोटी उद्योग, डोको बेकरी क्याफे र पाथिभारा दुग्धडेरीमा पनि अनुगमन गरेको छ । अनुगमनको क्रममा मापदण्ड बिपरिद संञ्चाल गरिएको उद्योगहरुमा जरिवाना समेत गरिएको छ । नेपाल स्प्रिङ पानी उद्योगलाई रु १० हजार, रौता पानी उद्योगलाई रु २० हजार र रुक्सना पाउरोटी उद्योगलाई ५ हजार गरी रु ३५ हजार जरिवाना गराईएको जिल्ला प्रशासन कार्यालय उदयपुरका सहायक प्रमुख जिल्ला अधिकारी लक्ष्मी प्रसाद रेग्मीले जानकारी दिए । रेग्मीका अनुसार अधिंकाश उद्योगहरुले आवश्यक मापदण्ड र सरसफाईमा ध्यान नदिएको जनाए । नेपाल स्प्रिङले प्याकेजिङ सेक्सन, फ...