समाचार

पूर्णपुष्टि, जेष्ठ ४ । सुनसरीको रामधुनी नगरपालिका–६ ईचौल स्थितमा लागुऔषध ओसार पसारमा संलग्न २ जनालाई गोली प्रहार गरी प्रहरीले नियन्त्रणमा लिएको छ । लागुऔषध ओसार पसारमा संलग्न सप्तकोशी नगरपालिका–५ सप्तरीका ३५ बर्षिय श्याम सुन्दर खंग र ईटहरी उप–महानगरपालिका–५ सुनसरीका ४० बर्षिय श्याम प्रसाद निरौलालाई गोली प्रहार गरी पक्राउ गरिएको कोशी प्रदेश प्रहरी कार्यालय बिराटनगरले जनाएको छ । । बिहिबार साझँ लागुऔषध ब्राउनसुगरको ओसार पसार भइरहेको भन्ने बिशेष सूचनाको आधारमा खटिएको प्रहरी टोलीले संकास्पद अवस्थामा रहेका उनिहरुलाई चेक जाँच गर्दा प्रहरी माथी नै आक्रमण गरेको प्रहरीको भनाई छ । त्यस पश्चात प्रहरीले प्रतिकार स्वरुप १ राउण्ड गोली प्रहार गर्दा खंगको पिडुँलामा लागि घाईते भएको र संलग्न दुवै जनालाई २१० ग्राम ७३० मिलिग्राम लागुऔषध ब्राउनसुगर सहित नियन्त्रणमा लिएको प्रहरीले जनाएको छ । गोली लागी घाईत...

पूर्णपुष्टि, जेष्ठ ४ । कैलालीको घोडाघोडी नगरपालिका–४ स्थित नयाँ बाटो पुनर्स्थापना केन्द्रमा एक युवकको हत्या गरेको आरोपमा संञ्चालक सहित १७ जना पक्राउ परेका छन् । पक्राउ पर्नेमा पुनस्र्थापना केन्द्रका सञ्चालक बलराम खत्री सहित होम तामाङ, रोशन ऐर, विपुल सापकोटा, विनोद शाही, सुदर्शन अधिकारी, भूपेन्द्र खड्का, आकाश अधिकारी, नविन रावल, नमराज चौधरी, सञ्जिव मन्ने, सुमन भट्ट, गौरव आचार्य, कमल रिजाल र दुई जना नाबालक छन् । वैशाख २५ मा दिउँसो सुधार केन्द्रका सञ्चालक र आश्रितहरूले कुटेर २५ वर्षीय सुनिल शाहीको हत्या गरेको अनुसन्धाबाट खुलेको जिल्ला प्रहरी कार्यालय कैलालीका सूचना अधिकारी (डीएसपी) कवीन्द्र बोहराले जनाएको छ । उनीहरु विरुद्ध ज्यानसम्बन्धी कसुरमा अदालतबाट म्याद लिएर अनुसन्धान भइरहेको डीएसपी बोहराले जानकारी दिए ।...

पूर्णपुष्टि, जेष्ठ ४ । उदयपुरका एक युवाले लबुचे हिमालको सफल आरोहण गरेका छन् । जिल्लाको बेलका नगरपालिका–७ मैनामैनीका जलन राईले बुधबार ६ हजार १ सय ९० मिटर अग्लो लबुचे हिमालको सफल आरोहण गरेका हुन् । खुम्बु क्षेत्रमा २ वर्ष अघि द माउन्टेन मेडिकल ईष्टिच्युटमा ल्याब कक्षमा कर्मचारीका रुपमा पुगेकै कारण आफु हिमालको सफल आरोहण गर्न सफल भएको बताएका छन् । आरोहीहरुको अनुभव र संगतले आफु आरोहणमा जाने जोश पलाएको राईको भनाई छ । ‘यो सफलताका लागि खुम्बु क्षेत्रका कृयाशिल व्यक्तित्व, आफन्तहरुको साथ रहेको छ ‘राईले भने’ उहाँहरुको साथ सहयोगले यो सफलता पाएको हुँ । लबुचेको आरोहणसँगै राईले आगामी लक्ष्य आईशल्याण्ड पिक , आमादब्लम र सगरमाथा चढ्ने रहेको बताए ।...

पूर्णपुष्टि, जेष्ठ ४ । नेकपा एमालेको नेतृत्वको कोशी प्रदेश सरकारमा एमालेले पठाउने तिन जना मन्त्रीको नाम टुंगो लागेको छ । एमाले स्रोतका अनुसार एमालेबाट लिलावल्लभ अधिकारी, पाँचकर्ण राई र एकराज कार्कीको नाम टुंगोमा पुगेको छ । अहिलेसम्म ३ जनाको नाम फाइनल जस्तै छ तर निर्णय भईनसकेको एमाले संसदीय दल स्रोतले जनाएको छ । यस अघि एमालेबाट राम राना बिनाविभागीय मन्त्री बनिसकेका छन् । कोशी प्रदेशमा रहेको ९ मन्त्रालय मध्ये एमालेले मुख्यमन्त्रीसहित ५ र माओवादी केन्द्रले ३ मन्त्रालय लिने सहमति भईसकेको छ । दुबै दलबाट एक–एक जना बिनाविभागीय मन्त्री भईसकेका छन् । उता माओवादी केन्द्र भने आफ्नो मन्त्रीको नाम टुङ्गो लगाउन सकेको छैन् । कोशी प्रदेशमा १३ जना सांसद रहेको माओवादीमा दलका नेता इन्द्रबहादुर आङ्बोबाहेक सबै मन्त्रीका आकांक्षी छन् । यसअघि गणेश उप्रेतीलाई सरकारमा पठाएको माओवादी केन्द्रले अब दुर्गा चापाग...

पूर्णपुष्टि, जेष्ठ ४ । सगरमाथामा बेपत्ता भएका २ मंगोलियन आरोहीमध्ये एकको शव फेला परेको छ । जेठ १ गतेदेखि चौथो क्याम्पबाट बेपत्ता भएका युखजर्गल सिडेनडम्बाको शव फेला परेको पर्यटन विभागका निर्देशक राकेश गुरुङले जानकारी दिए । निर्देशक गुरुङका अनुसार उनिसँगै बेपत्ता भएका मंगोलियाकै अर्का आरोही प्योरभिस्रन खाग्बाजाभको खोजी जारी रहेको छ । प्रतिकुल मौसम पछि ३ दिन यता आरोहण समेत प्रभावित बनेको विभागले जानकारी दिएको छ ।...

पूर्णपुष्टि, जेष्ठ ४ । प्रधानमन्त्री पुष्पकमल दाहाल प्रचण्डले चौथो पटक विश्वासको मत लिने भएका छन् । प्रधानमन्त्री दाहालले यहि जेष्ठ ७ गते विश्वासको मत लिन लागेका हुन् । जनता समाजवादी पार्टी नेपाल ३१ वैशाखमा सरकारबाट बाहिरिएको थियो भने समर्थन समेत फिर्ता लिएको थियो । सत्ता साझेदार दलले समर्थन फिर्ता लिए ३० दिनभित्र विश्वासको मत लिनुपर्ने संवैधानिक व्यवस्था छ । सोही व्यवस्था अनुसार प्रधानमन्त्री प्रचण्डले विश्वासको मत लिन लागेका हुन् । प्रधानमन्त्री प्रचण्डले विश्वासको मत लिन लागेको सभामुख देवराज घिमिरेलाई जानकारी गराईसकेको र प्रधानमन्त्री तथा मन्त्रिपरिषदको कार्यालयले संघीय संसद सचिवालयमा पत्र लेखेर प्रतिनिधि सभाको ७ जेठको बैठकमा विश्वासको मत लिने कार्यसूची राखिदिन भनेको छ । सभामुख घिमिरेका प्रेस सल्लाहकार शेखर अधिकारीले प्रधानमन्त्री कार्यालयबाट विश्वासको मत लिनेबारे पत्र प्राप्त भएक...

पूर्णपुष्टि, जेष्ठ ३ । उदयपुरमा सवारी ज्यान मुद्धाका फरार टिफर चालक ५ बर्ष पछि पक्राउ परेको छ । चितवन भण्डारा राप्ती नगरपालिका–६ बस्ने २६ बर्षीय सरोज प्रजा चेपाङलाई सवारी दुर्घटना गरेको ५ बर्षपछि प्रहरीले पक्राउ गरेको हो । जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार चेपाङलाई बिहिबार ईलाका प्रहरी कार्यालय बेल्टारबाट खटिएको प्रहरी टोलीले चितवनबाट पक्राउ गरेको हो । २०७६÷३÷४ गते बिहान अन्दाजी ९ बजेर ४८ मिनेटको समयमा चौदण्डीगढी नगरपालिका–७ लाटीखोला स्थितमा शनिबारे बाट बेल्टार तर्फ आउँदै गरेको रसुवा कम्पनी प्रा.लि.को वा २ क ७०९ नम्बरको टिफरले सोही दिशा तर्फ जादैँ गरेको स ४ प ३६१ नं. मोटरसाईकललाई ठक्कर दिएको थियो । टिफरको ठक्करबाट मोटरसाईकल चालक चौदण्डीगढी नगरपालिका–४ बस्ने ४७ बर्षीय खगेन्द्र राई र पछाडी सवार ४७ बर्षीय जिवन कुमार साम्पाङ राईको घटन...

पूर्णपुष्टि, जेष्ठ ३ ।  ३१ औं मदन आश्रित स्मृती दिवसको अवसरमा जिल्ला उदयपुर करागारका २३६ जना कैदीबन्दीको नि:शुल्क आँखा जाँच गरिएको छ । बिहिबार मदन आश्रित स्मृती दिवसको अवसरमा मदन भण्डारी फाउण्डेसन र नेपाल नेत्र ज्योति सङ्घ मदन भण्डारी आखाँ अस्पताल उदयपुरद्धारा आयोजित कार्यक्रममा २२४ जना पुरुष र १२ जना महिला गरी जम्मा २३६ जना कैदीको आँखा जाँच गरिएको हो । आँखा जाँच गरिएको मध्ये ५७ जनालाई चस्मा, ९२ जनालाई औषधि सिफारिस गरिएको छ भने ३ जनाको अपरेसन नै गर्नुपर्ने अवस्था रहेको छ । औषधि, चस्मा र अपरेसनको खर्च भन्डारी आँखा अस्पताल र मदन भन्डारी फाउन्डेसले व्यहोर्ने छ । उक्त कार्यक्रममा कोशी प्रदेश सभाकी उप–सभामुख सिर्जना दनुवार, कोशी प्रदेश सभा सदस्य गिता रेग्मी, त्रियुगा नगरपालिकाकी उप–मेयर महेश्वरी राई प्रमुख जिल्ला अधिकारी हरि प्रसाद घिमिरे लगायतको उपस्थिति रहेको थियो । औषधी, चस्मा र शल्यक्...

पूर्णपुष्टि, जेष्ठ ३ । कोशी प्रदेश सरकार निर्माण प्रकृया अघि बढाउने तयारी भएको छ । मुख्यमन्त्री हिक्मतकुमार कार्कीले सम्भव भएसम्म आजै सरकार निर्माण गर्ने तयारी गरेका छन् । मुख्यमन्त्री कार्कीले सरकार निर्माण गर्ने तयारी गरेतापनि सत्ता घटक माओवादी केन्द्रसँग मन्त्रालय भागबन्डाको विषयमा सहमति भईसकेको छैन । कोशीमा माओवादीले आर्थिक मामिला तथा योजना मन्धालयसहित तीन वटा मन्त्रालयमा दाबी गरेको छ भने मख्यमन्त्री कार्की माओवादीलाई उक्त मन्त्रालयम दिन तयार छैनन् । मुख्यमन्त्री कार्कीले माओवादी केन्द्रलाई भौतिक पूर्वाधार मन्त्रालय, पर्यटन वन तथा वातावरण, सामाजिक विकास मन्त्रालय लिन प्रस्ताव गरेका छन् । कोशीमा नौं वटा मन्त्रालय मध्ये एमालेले पाँच मन्त्रालय पाउने सहमति छ भने एउटा मन्त्रालय नेकपा एकीकृत समाजवादी पार्टीका लागि छुट्याइएको छ । तर, केन्द्रीय गठबन्धनमै असन्तुष्टि राखिरहेको एकीकृत समाजव...

पूर्णपुष्टि, जेष्ठ ३ । कञ्चनपुरमा पूर्वशिक्षकको हत्या आरोपमा एक जनालाई प्रहरीले पक्राउ गरेको छ । पक्राउ पर्नेमा कञ्चनपुर बेलौरीका ३५ वर्षीय महेश भण्डारी रहेका छन् । बेलौरी नगरपालिका–६ को विद्यानगरका पूर्वशिक्षक लछी चन्दको ढुंगा प्रहार गरेर हत्या गरेको आरोपमा भण्डारीलई प्रक्राउ गरिएको जिल्ला प्रहरी कार्यालयका प्रवक्ता प्रहरी नायव उपरीक्षक (डीएसपी) उमेश जोशी जानकारी दिए । डिएसपी जोशीका अनुसार मादक पदार्थ सेवनका क्रममा विवाद भएपछि भण्डारीले ढुंगा प्रहार गरी चन्दको हत्या गरेको खुलेको छ । घटना सम्बन्धमा आवश्यक थप अनुसन्धान भइरहेको प्रहरीले जनाएको छ ।...