स्वास्थ्य

पूर्णपुष्टि, वैशाख २६ । उदयपुरको भुल्केकी कोरोना संक्रमित रोसना खातुन उपचारपछि आज फर्केर गाउँ नजिकैको क्वारेन्टाइनमा बस्नु भएको छ । ५१ वर्षिया खातुन विराटनगर स्थित कोशी कोरोना हस्पिटलमा उपचारपछि ठिक भएर फर्किनु भएको हो । गाउँ फर्किए पनि सिधै घर जान नमिल्ने, कोरेन्टाइनमा बसेर पुनः परिक्षणपछि रिपोर्ट नेगेटिभ आएपछि मात्र घर जान पाउने प्रक्रिया छ । सोही अनुरुप गाउँ नजिकैको मोतिगडा क्वारेन्टाइनमा उहाँलाई राखिएको छ । आज सो हस्पिटलबाट टिस्चार्ज हुने आठ जना मध्ये उहाँ एक महिला हुनुहुन्छ । अन्य डिस्चार्ज हुने भुल्केका २० वर्षिय आजाद आलम, १८ वर्षिय मो. इरजाम अमम्मद, १८ वर्षिय परवेज आलाम, ४१ वर्षिय मुख्तार मिया, मोरनका ७२ वर्षिय अइनुन मिया, ६० वर्षिय इस्राइल मिया र एक भारतीय नागरिक मो. आदिललाई भने विराटनगरस्थित मस्जिद कोरोन्टाइनमै राखिएका छन् ।...

पूर्णपुष्टि, वैशाख २६ नेपाल पत्रकार महासंघ उदयपुरलाई रोटरी क्लव अफ गंगबुले १५ सेट पिपिइ सेटसहित स्वास्थ्य सामग्री आज उपलब्ध गराएको छ । महासंघ शाखा कार्यालयमा क्लवका अध्यक्ष महेश बस्नेतलगायतको टोलीले सामग्री उपलब्ध गराएका हुन् । रोटरीले १ हजार थान मास्क, एकसय जोर पञ्जा र ५० थान सेनिटाइजरसमेत उपलब्ध गराएको हो । नेपालकै सबैभन्दा बढि कोरोना संक्रमित भेटिएको उदयपुरको भुल्के क्षेत्रमा जोखिम मोलेर काम गरिरहेका पत्रकारहरुको स्वास्थ्य सुरक्षालाई ध्यानमा राख्दै पिपिइ सेट तथा स्वास्थ्य सामग्री उपलब्ध गराएको क्लवका अध्यक्ष बस्नेतले बताउनुभयो । महासंघ शाखा अध्यक्ष भरत खड्काले क्लव र त्यसका पदाधिकारीहरुलाई धन्यवाद ज्ञापन गर्नुभयो । अध्यक्ष ख्ड्काले जोखिम क्षेत्रमा अग्रपंतीमा खटिने पत्रकारहरूलाइ उपलब्ध सामग्री उपलब्ध गराउने बताउनुभयो । त्यसैगरी नेपाल पत्रकार महासंघका पूर्व केन्द्रिय अध्यक्ष...

पूर्णपुष्टि, बैशाख २६ गते । आज विराटनगरको कोशि अस्प्तालबाट ८ जना डिस्चार्ज भएपछि नेपालमा डिस्चार्ज हुनेको संख्या ३० पुगेको छ । अहिले रुपन्देहीमा ३ जना, नेपालगंजमा २४ जना, धनगढीमा १ जना, भरतपुरमा १ जना, विरगंजमा २६ जना र विराटनगरमा १७ जना बिरामीहरुको उपचार भइराखेको  स्वास्थ्य तथा जनसंख्या मन्त्रालयले जनाएको छ । प्रदेश १ मा ३१ जना, प्रदेश २ मा ३० जना, वाग्मती प्रदेशमा ७ जना, गण्डकी प्रदेशमा २ जना, प्रदेश ५ मा २७ जना र सूदुरपश्चिम प्रदेशमा ५ जना संक्रमित फेला परिसकेका छन् । अहिलेसम्म १५ हजार ६ सय २४ जना क्वरेन्टीनमा रहेका छन् । यसमध्ये प्रदेश १ मा १ हजार ६ सय ४५ जना, प्रदेश २ मा १ हजार २ सय ९१जना, वाग्मती प्रदेशमा २ सय ७२ जना, गण्डकी प्रदेशमा ५ सय ११ जना, प्रदेश ५ मा ५ हजार ८ सय ७ जना, कर्णाली प्रदेशमा २ हजार ७ सय ५ जना र सूदुरपश्चिम प्रदेशमा ३ हजार ३ सय ९३जना क्वरेन्टीनमा रेका छन...

पूर्णपुष्टि, बैशाख २६ गते ।  नेपालगञ्जमा थप एक जनामा कोरोना संक्रमण पुष्टि भएको छ । भेरी अस्पताल नेपालगञ्जमा परीक्षण गर्दा १६ वर्षका पुरुषमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । नेपालगञ्जमा थपिएपछि नेपालका कोरोना संक्रमितको संख्या १ सय २ पुगेको छ ।

पूर्णपुष्टि, बैशाख २६ गते ।  विराटनगरको कोशी अस्पताल कोभिड १९ उपचार केन्द्रमा उपचारारत उदयुरको भुल्केका ७ जना र एक जना भारतीयसहित थप ८ जना कोरोना संक्रमित उपचारपछि डिस्चार्ज भएका छन् । उनीहरुलाई आज विहान अस्पतालले डिस्चार्ज गरेको छ । डिस्चार्ज भएका मध्ये एक महिलासहित पाँच जना पुरुष नेपाली नागरिक रहेको जनाईएको छ । उनीहरुको लगातार दुई पटक कोरोना परीक्षण गर्दा रिपोर्ट नेगेटिभ आएपछि डिस्चार्ज गरिएको अस्पतालले जनाएको छ । उनीहरुलाई गत बैशाख ८ गते कोरोना संक्रमण देखा परेको थियो । संक्रमण मुक्त भएकाहरुबाट थप जोखिम हुने भएकाले १४ दिन उनीहरुलाई क्वारेन्टाइनमा राखिने छ । डिस्चार्ज भएकाहरुलाई विराटनगर– १५ मा स्थापना गरिएको रानी मर्कज क्वारेन्टाईनमा राखिएको जनाईएको छ ।...

पूर्णपुष्टि, वैशाख २६ । १ नं. प्रदेशमा हाल २५ जनाको कोरोना संक्रमित भइरहेकोमा आज ८ जना डिस्चार्ज हुने भएका छन् । विराटनगरस्थित कोरोना विशेष उपचार केन्द्रमा उपचार गर्राईरहेका मध्ये आठ जना डिस्चार्ज हुने भएका हुन् । उनीहरुको कोरोना रिपोर्ट नेगेटिभ आएपछि आज डिस्चार्ज गर्न लागिएको जनाइएको छ । लगातार तीन पटक गरिएको स्वाब परिक्षणमा रिपोर्ट नेगेटिभ आएको हो । डिस्चार्ज हुनेमा भारतीय एक जना, विराटनगरका दुई जना र उदयपुरको भुल्केका ५ जना रहेका छन् । उनीहरुलाई बैशाख ८, ९ र १० गते संक्रमण पाईएपछि उपचारका लागि कोरोना विशेष उपचार केन्द्रमा ल्याइएको थियो । बुधवार मात्र ६ जनालाई विराटनगरस्थित कोरोना विशेष उपचार केन्द्रबाट डिस्चार्ज गरिएको थियो । उनीहरुलाई विराटनगरस्थित रानी मरकजमा क्वारेन्टिनमा राखिएको छ । कोशी अस्पतालमा भोजपुरको हतुवागढीको १ र झापाको बाह्रदशी र दमकको दुई जना गरी अहिले कूल २...

पूर्णपुष्टि, वैशाख २६ । उदयपुरको रौतामाई गाउँपालिकाको क्यावरेन्टाइनहरुमा मनो परामर्श सेवा सुरु भएको छ । पालिकाले मनोपरामर्शदाताको व्यवस्था गरी नियमितरुपमा मनोपरामर्श सेवाको व्यवस्था गरिएको रौतामाई गाउँपलिकाका प्रमुख प्रशासकीय अधिकृत खम्बराज राईले बताउनुभयो । पालिकाको मुर्कुची, भुटार र आँपटार गरी तीनस्थानमा सरकारले तोकेका मापदण्ड अनुरुप क्वारेन्टाइन निर्माण छन् । जसमध्ये पालिकाको वडा न.ंं ७ मुर्कुचीको जनता माध्यामिक विद्यालयस्थित क्वारेन्टाइनमा हाल ३४ जना मानिस बसेका छन् । उनीहरुलाई मापदण्ड अनुसारकै दुई छाक खाना, दुईपटक नास्ता, नियमित स्वास्थ्य चेकजाँचसहित क्वारेन्टाइनमा बस्दा मनोबैज्ञानिकरुपमा समस्या नआवोस् भन्ने हेतुले मनोपरामर्श सेवा दिइदैछ । रौतामाईमा परामर्श सेवाका लागि ओरेक नेपाल, राजाबासले सहयोग गरेको छ । क्वारेन्टाइनमा बसेकाहरुलाई परामर्शको रुपमा क्वारेन्टाइनलाई सकारात्मकर...

पूर्णपुष्टि, वैशाख २६ । जिल्ला कारागार उदयपुरमा रहेका कैदीवन्दीका लागि रेडक्रस सोसाइटी उदयपुरले शुक्रबार झुल, साबुन, बाल्टी र मास्क प्रदान गरेको छ । विश्व रेडक्रस दिवसको अवसरमा २ सय झुल, २ सय साबुन, २ सय मास्क र २० वटा बाल्टी प्रदान गरेको हो । रेडक्रस उदयपुरका प्रमुख विनोद बस्नेतले त्रियुगा नगरपालिकाका मेयर बलदेव चौधरीलाई कारागारको निम्ति सामान हस्तान्तरण गरेपछि मेयर चौधरीले कारागार प्रमुख कुमार खड्कालाई हस्तान्तरण गर्नुभयो । देशले कारोना संक्रमणको उच्च जोखिमको सामना गरिरहेको अवस्थामा कारागारका कैदीबन्दीहरुलाई केही सहजताका लागि सामान प्रदान गरिएको रेडक्रस उदयपुर प्रमुख बस्नेतले बताउनुभयो । कैदीबन्दीका लागि सामान प्रदान गरेकोमा मेयर चौधरीले रेडक्रसलाई धन्यवाद ज्ञापन गर्नुभयो । कारागार प्रमुख खड्काले सहयोगप्रति धन्यवाद ज्ञापन गर्नुभयो । कारागार प्रमुख खड्का अनुसार हाल कारागारमा १...

पूर्णपुष्टि, बैशाख २६ गते । कपिलवस्तुमा थप दुई जनामा कोरोना संक्रमित पुष्टि भएको छ । राष्ट्रिय जनस्वास्थ्य प्रयोगशाला टेकुमा गरिएको परीक्षणमा १६ र २२ वर्षका पुरुषमा कोरोना भाइरस संक्रमण भेटिएको स्वास्थ्य तथा जनसंख्या मन्त्रालयले जनाएको छ । यससँगै नेपालमा कोरोना संक्रमित हुनेको संख्या एक सय एक पुगेको छ ।...

पूर्णपुष्टि, बैशाख २५ गते ।  विश्वभर महामारीको रुपमा फैलिएको कोरोना भाइरस (कोभिड–१९)बाट संक्रमित भएकामध्ये १२ लाख ९९ सय हजार भन्दा बढी उपचारपछि निको भएका छन् । विश्वको दुई सय १२ वटा देश र दुई वटा अन्तर्राष्ट्रिय पानी जहाजमा भाइरस फैलिँदा ३८ लाख १८ हजार सात सय ९१ ज्ना संक्रमितमध्ये १२ लाख ९९ हजार पाँच सय तीन जना उपचारपछि निको भएका हुन् ।  संक्रमित मध्ये अहिलसम्म दुई लाख ६४ हजार आठ सय जनाको मृत्यु भईसकेको छ । अमेरिकामा मात्रै १२ लाख ६३ हजारभन्दा बढीमा संक्रमण पुष्टि भएको छ । उक्त संख्यामध्ये दुई लाख १२ हजार नौ सयभन्दा धेरै उपचारपछि निको भएका छन् भने ७४ हजार सात सयभन्दा बढीको मृत्यु भएकोे छ । स्पेनमा एक लाख ५९ हजार तीन सयभन्दा बढी, ईटालीमा ९३ हजार दुई सयभन्दा बढी, फ्रान्समा ५३ हजार नौ सयभन्दा बढी, जर्मनीमा एक लाख ३७ हजार ६ सयभन्दा बढी, टर्कीमा ७८ हजार दुई सयभन्दा बढी, ब्राजिलमा ५१...