Month: ६ वर्ष अगाडि

पूर्णपुष्टि, जेठ ३२ गते । सुनसरीमा आगलागी हुदा दुई घर जलेर नष्ट भएको छ । जिल्लाको सदरमुकाम इनरुवामा आगलागी हुँदा दुईवटा घर र चारवटा पसलमा क्षति पुगेको हो । आज बिहान कबिर ५ बजे हनुमान वस्त्रालयबाट सुरु भएको आगोले वस्त्रालय रहेकै घरमा रहेको पसल र सँगै रहेको हार्डवेर पसलमा क्षति पुगको प्रहरीले जनाएको छ । सुरु भएको आगो ५ वटा दमकलको सहयोगले नियन्त्रणमा लिएको जिल्ला प्रहरी कार्यालय सुनसरीले जनाएको छ । आगलागीको कारण र क्षतिको विवरण खुलिनसकेको प्रहरीले जनाएको छ ।...

पूर्णपुष्टि, जेठ ३२ गते । पश्चिम नवलपरासीको एक गाउँपालिकाका अध्यक्ष सवारी दुर्घटनामा मृत्यु भएको छ । जिल्ला विपद् व्यावस्थापन समितिको बैठकका लागी परासी जाने क्रममा जिप दुर्घटना हुदा प्रतापपुर गाउँपालिकाका अध्यक्ष राजकुमार शर्माको मृत्यु भएको हो । लु १ झ ३७० नम्बरको जिप बर्दघाटको लक्ष्मीनगर पुलदेखि तल खोलामा खसेर दुर्घटना भएको प्रहरीले जनाएको छ । दुर्घटनामा घाइते भएका अध्यक्ष शर्मालाई उपचारका लागि चिसापानी अस्पताल पु¥याएपनि अस्पतालले मृत्यु भएको घोषणा गरेको प्रहरीले जनाएको छ  । शर्मासँगै जिपमा सवार गाउँपालिका–५ का हरिलाल राजधर घाइते भएको प्रहरीले जनाएको छ ।...

पूर्णपुष्टि, जेठ ३२ गते । कोरोना भाइरस संक्रमणले विदेशमा रहेका नेपालीको मृत्यु हुने क्रम रोकिएको गैरआवासीय नेपाली संघ (एनआरएनए)ले जनाएको छ । विश्वका विभिन्न देशमा करिब ८ साता लगातार कोरोना संक्रमणबाट नेपालीहरुले मृत्यु भएको थियो । तर यो साता भने संक्रमणबाट कुनै नेपालीले मृत्यु नभएको एनआरएनएले जनाएको छ । डेनमार्क, नेदरल्याण्ड, अष्ट्रेलिया, जापान, म्यानमार, पोल्याण्ड, रुस, न्युजिल्याण्ड, क्यानाडा, फिनल्याण्ड, आयरल्याण्ड, जर्मनी, स्वीडेन, फ्रान्स, बेल्जियमलगायतका १५ देशमा बस्ने नेपालीहरु कोरोना संक्रमणबाट मुक्त भएको एनआरएनए स्वास्थ्य समितिले जनाएको छ । समितका अनुसार यो साता विदेशमा ९ हजार भन्दा बढी नेपालीहरु कोरोना संक्रमणबाट मुक्त भएका छन् । विदेशमा रहेका १७ हजार ७ सय ९२ जना नेपालीहरु कोरोना भाइरसबाट संक्रमित छन् ।...

पूर्णपुष्टि, जेठ ३२ गते ।  प्रहरीले चलाएको गोली लागी कालो वर्णका एक जना मानिसको मृत्यु भएपछि अमेरिकाको एट्लान्टाका प्रहरी प्रमुखले राजीनामा दिएका छन् । प्रहरीले चलाएको गोली लागेर २७ वर्षीय रेशर्ड ब्रुक्सको शुक्रबार आफ्नै कारमा मृत्ययु भएपछि प्रहरी प्रमुख एरिका शिल्ड्सले राजीनामा दिनुभएको  अन्तर्राष्ट्रिय संचारमाध्यमहरुले जनाएको छ । प्रदर्शनलाई नियन्त्रणमा लिने क्रममा प्रहरीले चलाएको गोली बु्रक्सलाई लागेको जनाएको छ । घटनापछि प्रहरी प्रमुख एरिकाले हिजो राजीनामा बुझाउनुभएको हो । कालो वर्णका जर्ज फ्लोयडको प्रहरी नियन्त्रणमा ज्यान गएपछि अमेरिकाभर प्रदर्शन भैरहेको छ । प्रदर्शनका बीच अर्का कालो वर्णका व्यक्तिको प्रहरीले चलाएको गोली लागेर ज्यान गएपछि दोषीलाई कारबाहीको माग गर्दै एट्लान्टामा प्रदर्शन भएको छ ।...

पूर्णपुष्टि, जेठ ३२ गते ।  सरकारले लकडाउनका कारण विद्यालय जान नपाएका विद्यार्थीहरुका लागि असार १ गतेदेखि रेडियो र टेलिभिजनबाट पढाउन सुरु गर्ने भएको छ । एफएम,  टेलिभिजन र इन्टरनेट सेवा प्रदायक कम्पनीहरुमार्फत् सरकारले विद्यार्थीहरुलाई पढाउन सुरु गर्ने भएको हो । टेलिभिजनमा कक्षा एकदेखि आठ कक्षासम्मको पढाइ भोलिदेखि सुरु हुने रुटिन निकालिसकेको शिक्षा तथा मानव स्रोत विकास केन्द्रले जनाएको छ । असार १ गतेदेखि असार ३१ गतेसम्म विषयगत पाठहरु नेपाल टेलिभिजनको एनटिभी प्लसबाट पढाइ हुने छ । यस्तै कक्षा ९ र १० को विषयगत पाठहरु भने डिस होम, नेट टिभी, म्याक्स टिभीको स्कुल एजुकेसन च्यानलबाट प्रसारण हुने छ । विद्यालयहरु तत्कालै खुल्ने अवस्था नरहेकाले वैकल्पिक विधिबाट पढाउन क्रियाकलापमा आधारित सिकाइ सहयोगी सामग्री पनि बनाइएको केन्द्रले जनाएको छ । आठ कक्षासम्मकालाई हुने एउटा–एउटा पुस्तक बनेको छ ...

पूर्णपुष्टि, जेठ ३२ गते ।  कैलाली जिल्लाको नेपाल–भारत सीमा क्षेत्रमा सशस्त्र प्रहरीले निगरानी बढाएको छ । सीमा अतिक्रमण रोक्न, अवैध ढंगले नेपाल–भारत प्रवेश गर्न नदिन, अवैध क्रियाकलाप नियन्त्रण गर्न, चोरी निकासी बन्द गर्न तथा सीमा क्षेत्रका नागरिकलाई सुरक्षाको प्रत्याभूति दिलाउन निगरानी बढाएको सशस्त्र प्रहरीले जनाएको छ । १०१ किलोमिटर खुल्ला सिमाना रहेको कैलालीमा पछिल्लो समय ६ वटा बोर्डर आउट पोस्ट (बीओपी) स्थापना गरिएको छ । पछिल्लो एक सातामा मात्रै ५ वटा बीओपी स्थापना गरेको सशस्त्र प्रहरीको न. ३४ गणले जनाएको छ । सीमा क्षेत्रमा हुने समस्याको नियन्त्रण गर्न सशस्त्र प्रहरीले निगरानी बढाएको छ । नेपाल–भारत सीमामा थुप्रै समस्या छन् । ती समस्या अन्त्यका लागि सरकारले बीओपी बढाउने निर्णय गरेको हो । कैलालीमा बीओपीको संख्या बढेको छ । अब सीमा सुरक्षा एवं सीमा क्षेत्रका नागरिकले सुरक्षाको प्रत...

पूर्णपुष्टि, जेठ ३२ गते । आज एमसीसी परियोजनाबारे छलफल गर्न नेकपा सचिवालयको बैठक बस्दै छ । दिउँसो ४ बजे प्रधानमन्त्री निवास बालुवाटारमा बैठक बस्ने भएको छ । एमसीसी कार्यदलका सदस्य भिम रावल र प्रदीप ज्ञवालीका साथै अर्थमन्त्री डा. युवराज खतिवडालाई पनि बैठकमा आमन्त्रित सदस्यको रुपमा बोलाइएको छ । यसअघिको बैठकमा पनि रावल, ज्ञवाली र खतिवडालाई बोलाएर एमसीसीबारे नेकपाले छलफल गरेको थियो । आजको बैठकबाट एमसीसीबारे टुंगो लगाउने नेकपाको तयारी छ । यसै अधिवेशनबाट एमसीसी पारित गर्ने कि नगर्ने भनेर टुङ्गो लगाउन नेकपा माथि दबाव छ । पार्टीभित्र एमसीसी पारित गर्न नहुने पक्ष हाबी छ । पार्टीले गठन गरेको कार्यदलले एमसीसी जस्ताको त्यस्तै पारित गर्न नहुने सुझाव दिएको छ । सुरुसुरुमा एमसीसी पारित गर्नै पर्ने पक्षमा देखिएका प्रधानमन्त्री केपी शर्मा ओली पछिल्लो समय भने यसलाई पारित गराउन जोडबल नगर्ने पक्षम...

पूर्णपुष्टि, जेठ ३२ गते । सरकार विरुद्ध प्रदर्शन स्थलबाट पक्राउ परेका ६ जना विदेशी नागरिकलाई कारबाही हुने भएको छ । पक्राउ परेका मध्ये एक जनाको संलग्नता नदेखिएपछि छाडिएको छ । प्रदर्शनमा सहभागी भएका ६ जना विदेशी नागरिकलाई अध्यागमन ऐन अनुसार कारबाही गर्ने प्रहरीले जनाएको छ । प्रहरीका अनुसार छाडिएका व्यक्ति अन्य कारणले त्यहाँ गएको देखिएपछि छाडेको छ । प्रहरीले विदेशी नागरिकलाई पक्राउ गरेलगत्तै भृकुटीमण्डप स्थित नगर प्रहरीको कार्यालयमा लगेर राखेको थियो । साँझ स्क्रीनिङ गरेर अध्यागमन विभागमा बुझाइएको प्रहरीले जनाएको छ ।...

पूर्णपुष्टि, जेठ ३२ गते ।  गुल्मीमा थप एक जना कोरोना संक्रमितको मृत्यु भएको छ । रेसुंगा नगरपालिकाको आइसोलेसनमा उपचार गराइरहेका धुर्कोट गाउँपालिकाका ३६ वर्षीय पुरुषको गत राति मृत्यु भएको रेसुंगा नगरपालिकाका स्वास्थ्य शाखाले जनाएको छ । गत जेठ १२ गते कोरोना संक्रमण पुष्टि भएपछि रेसुंगा नगरपालिकाको आइसोलेशनमा राखेर उपचार भैरहेको थियो । क्यान्सर रोगले पीडित पुरुषको स्वास्थ्य अवस्था गम्भीर थियो । शवलाई राति नै नेपाली सेनाको सहयोगमा व्वस्थापन गरिएको पनि स्वास्थ्य शाखाले जनाएको छ । गुल्मीको मदाने गाउँपालिका–६ का एक शिक्षकको पनि कोरोनाका कारण उपचारको क्रममा मृत्यु भएको थियो ।...

पूर्णपुष्टि, जेठ ३२ गते । पर्वतको कुश्मामा पहिरोमा परि ३ जनाको मृत्यु भएको छ भने ६ जना वेपत्ता भएका छन् । कुश्मा नगरपालिका–३ दुर्लुङमा गगराती आएको पहिरोमा पुरिएर ३ जनाको मृत्यु भएको हो भने ६ जना वेपत्ता हुन् । भीषण वर्षासँगै आएको परिहोमा स्थानीय तुलबहादुर थापा र कमला विकको घर पुरेको थियो । तुलबहादुर, उनको श्रीमती नीलकुमारी थापा र छोरीतर्फकी नातिनी १० वर्षीय विविशा थापाको शव भेटिएको प्रहरीले जनाएको छ । वर्षा र अध्यारोले खोजी गर्न कठिन भएकाले विहानैदेखि नेपाल प्रहरी, सशस्त्र प्रहरी, नेपाली सेना र स्थानीयको सहयोगमा खोजीकार्य जारी राखिएको जनाईएको छ । बिहानैदेखि नेपाल प्रहरी, सशस्त्र प्रहरी, नेपाली सेना र स्थानीयको टोली उद्धारमा खटेको जिल्ला प्रहरी कार्यालय पर्वतले जनाएको छ । २ घरमा रहेका तुलबहादुरका छोरा, २ नाती र कमला विकको घरका उनी सहित ३ जना वेपत्तँ रहेकाले खोजी कार्य जारी रा...