Month: ६ वर्ष अगाडि

पूर्णपुष्टि, भदौ २५ आज सुनको भाउ तोलामा चार सय रुपैयाँ बढेको छ । सुन तोलामा चार सय रुपैयाले बढेर तोलाको ९६ हजार ८ सय रुपैयाँ कायम भएको नेपाल सुन चाँदी व्यवसायी महासङ्घले जनाएको छ । हिजो सुन तोलाको ९६ हजार ४ सय थियो । त्यस्तै चाँदी पनि आज तोलामा १० रुपैयाँले बढेर तोलाको १ हजार ३ सय २५ रुपैयाँ पुगेको संघले जनाएको छ ।...

पूर्णपुष्टि, भदौ २५ उदयपुरमा आज थप दुई जनामा कोरोना संक्रमण पुष्टि भएको छ । त्रियुगा नगरपालिका–३ का मोतिगडा क्वारेन्टीनका दुई जनामा कोरोना संक्रमण पुष्टि भएको हो । केहि दिन अगाडी भारतबाट आएर क्वारेन्टीनमा बसेका त्रिनपा–५ का २१ वर्षीय पुरुष र क्वारेन्टीमा डिउटीमा खटेका ४० वर्षीय नेपाल प्रहरीका प्रहरी हवल्दारमा संक्रमण पुष्टि भएको स्वास्थ्य कार्यालय उदयपुरले जनाएको छ । यही भदौ २२ गते उनीहरुसहित २२ जनाको स्वाव संकलन गरी परिक्षणको लागी विपी कोईराला स्वास्थ्य विज्ञान प्रतिष्ठान धरान घोपा पठाईएको थियो । स्वाव परिक्षणमा दुई जनाको रिर्पोट पोजेटिभ आएको कार्यालयले जनाएको छ । उनीहरुलाई चौदण्डिगढी नगरपालिका–६ स्थित उदयपुर कोडिभ १९ अस्पताल पठाएको तयारी भईरहेको जनाईएको छ ।...

पूर्णपुष्टि, भदौ २५ रौतहटबाट विभिन्न प्रलोभनमा युवतीलाई भारत लैजाँदै गरेको आरोपमा ६ जना पक्राउ परेका छन् । दुई वटा मोटरसाइकलमा रहेका उनीहरुलाई प्रहरी चौकी नरकटियाको प्रहरी टोलीले परोहा नगरपालिका–७ बाट गतराति पक्राउ गरेको हो । बिआर ०५ डी ६०३८ र ना ६३ प ४७९९ नम्बरको मोटरसाइकलमा एक युवतीसहित सात जना भारततर्फ जाँदै गरेको अवस्थामा जाँच गर्दा शंका लागेर नियन्त्रणमा लिइएको प्रहरीले जनाएको छ । फतुवा विजयपुर नगरपालिका–५ की यादव थरकी १८ वर्षकी युवतीसहित मौलापुर नगरपालिका–८ का २० वर्षका अनिल पटेल, २० वर्षकै दीपेन्द्र पटेल, वडा नम्बर ५ मौलापुरका १९ वर्षका अरविन्द ठाकुर, २० वर्षका धनञ्जय तिवारी, १७ वर्षका दीपेश यादव र २२ वर्षका रामबालक पटेल रहेको जिल्ला प्रहरी कार्यालय रौतहटले जनाएको छ । पक्राउ परेका सातै जनालाई जिल्ला प्रहरी कार्यालयमा राखेर थप अनुसन्धान भइरहेको प्रहरीले जनाएको छ ।...

पूर्णपुष्टि, भदौ २५ पछिल्लो ५० वर्षमा वन्यजन्तुको सङ्ख्या दुई तिहाइभन्दा बढीले घटेको एक अध्ययनले देखाएको छ । ५० वर्षमा विश्वमा चरा, माछा, स्तनधारी, उभयचर र घस्रने जनावरको सङ्ख्या दुई तिहाइ भन्दा धेरैले घटेको वन्यजन्तु कोष डब्ल्यूडब्ल्यूएफको नयाँ प्रतिवेदनले देखाएको हो । सन् १९७० यता विश्वभर यस्ता जीवको सङ्ख्यामा औसतमा ६८ प्रतिशतले कमी आएको संरक्षणसम्बन्धी वैज्ञानिकले बताएका छन् । वैज्ञानिकले यो कमीलाई विध्वंसकारी भनेर व्याख्या गरेका अन्तराष्ट्रिय संचारमाध्यमले जनाएको छ । चाहिने भन्दा धेरै माछा मारिनु, जङ्गलमा डढेलो लाग्नु र वन्यजन्तुको बसोबास रहेको क्षेत्र विनाश हुनु जस्ता कारणले जीवनको सङ्ख्यामा गिरावट आएको प्रतिवेदनले देखाएको छ । यो एकदमै डरलाग्दो अवस्था भएको जनाईएको छ । प्रकृतिमाथि मानिसले गरेको यस्तो विनाश यसअघि कहिल्यै नदेखिएको प्रतिवेदनमा उल्लेख गरेको छ ।...

पूर्णपुष्टि, भदौ २५ भारतमा एकै दिन ९५ हजार भन्दा बढीमा कोरोना संक्रमण पुष्टि भएको छ । पछिल्लो २४ घण्टामा ९५ हजार ७ सय ३५ जनामा संक्रमण पुष्टि भएसँगै ४४ लाख ६५ हजार ८ सय ६४ पुगेको भारतको स्वास्थ्य मन्त्रालयले जनाएको छ । त्यस्तै भारतमा कोरोना भाइरसबाट मृत्यु हुनेको संख्या ७५ हजार नाघेको छ । पछिल्लो २४ घण्टामा मात्र भारतमा कोरोना संक्रमणबाट १ हजार १ सय ७२ जनाको मृत्यु भएको जनाईएको छ । सबैभन्दा प्रभावित महाराष्ट्रमा अहिलेसम्म नौ लाख ६७ हजारभन्दा बढीमा संक्रमण पुष्टि भईसकेको छ भने २७ हजार ७ सय ८७ जनाको मृत्यु भइसकेको छ । त्यस्तै आन्ध्र प्रदेशमा पाँच लाख २७ हजारभन्दा धेरै कोरोना संक्रमण पुष्टि भएका मध्ये चार हजार ६ सय ३४ जनाको मृत्यु भइसकेको छ । भारतमा अहिलेसम्म ३४ लाख ७१ हजार ७ सय ८४ संक्रमित निको भएका छन् भने ९ लाख १९ हजार १८ संक्रमित निको हुन बाँकी छन् ।...

पूर्णपुष्टि, भदौ २५ भोजपुरमा आजदेखि एक हप्ताको लागी पुनः लकडाउन सुरु भएको छ । कोरोना सङ्क्रमित बढ्न थालेको भन्दै जिल्ला सङ्कट व्यवस्थापन केन्द्र भोजपुरको बैठकले लकडाउन गर्ने निर्णय गरेको हो । लकडाउनमा जिल्ला भरका खाद्यान्न र तरकारी पसल दिउँसो ३ बजेदेखि ५ बजेसम्म खोल्न पाउने गरी एक हप्ता लकडाउन गर्ने निर्णय गरेको जिल्ला प्रशासन भोजपुरले जनाएको छ । लकडाउनका बेला अत्यावश्यक कामबाहेक जिल्लाभर भीडभाड हुने क्षेत्रसहित बजार, होटल, यातायात तथा सीमा क्षेत्र बन्द गरिएको छ । हिजो भोजपुरको षडानन्द नगरपालिकामा ५ जनामा कोरोना संक्रमण पुष्टि भएको थियो ।...

पूर्णपुष्टि, भदौ २५ भारतले अतिक्रमण गरेको नेपाली भूमी लिम्पियाधुरा क्षेत्रबासीलाई नेपाली नागरिकता दिन दार्चुलाको ब्याँस गाउँपालिकाले पहल गर्ने भएको छ । पालिकाले यस विषय आर्थिक वर्ष २०७७/०७८ को नीति तथा कार्यक्रममा समेटेको छ । भारतले द्वारा अतिक्रमित नेपाली क्षेत्रमा बसोबास गर्ने नागरिकहरूले नेपाली नागरिकता लिन चाहेको खण्डमा सिफारिसका लागि पहल गर्ने नीति पालिकाले लिएको छ । सरकारले जारी गरेको लिम्पियाधुरा सहितको नयाँ राजनीतिक तथा प्रशासनिक नक्सा अनुसार उत्तर–पश्चिम छेउको नाबी, कुटी, गुञ्जी नेपालको दार्चुला जिल्लामा पर्छ । त्यहाँका बासिन्दालाई नेपाली नागरिकता दिलाउन पहल गर्ने उद्देश्य व्याँस गाउपालिकाले लिएको छ । २०१५ सालमा भएको नेपालको पहिलो आमनिर्वाचनमा मतदान गरेका र २०१८ सालको राष्ट्रिय जनगणनामा समेटिएका नाबी, कुटी र गुञ्जीवासीले २०३५ सालमा दार्चुला जिल्ला मालपोत कार्यालयमा जग्गा...

पूर्णपुष्टि, भदौ २५ ग्यास उद्योगको नियम विपरीत ग्यास सिलिण्डर कारोबार गर्नेलाई कारबाही हुने भएको छ । नेपाल एलपी ग्यास उद्योग संघले आज सूचना निकालेर कोरोना सङ्क्रमण फैलिएसँगै बजारमा जथाभाबी ग्यास सिलिण्डरको कारोबार भइरहेको पाइएकोले त्यसलाई रोक्न भनेको छ । ग्यास उद्योगको नियमानुसार नियुक्त भएका बिक्रेताहरु बाहेक अन्य कसैले खाली सिलिण्डर ओसार–पसार, भण्डारणमा सट्टापट्टा र खरिद बिक्री गर्नु गैरकानुनी भएकाले यस्तो काम गरे कारबाही हुने संघले जनाएको छ । यस्ता सिलिण्डर जफत गरी कारोबारमा संलग्न हुनेलाई कारबाहीको चेतावनी दिएको संघले जनाएको छ ।...

पूर्णपुष्टि, भदौ २५ काठमाण्डौ उपत्यकामा सार्वजनिक गाडी चल्न थालेको छ । जोर–बिजोर प्रणालीमा गाडी खुलाउने निर्णयअनुसार आज बिजोर नम्बरका गाडी चल्न थालेका छन् । हिजो उपत्यकाका काठमाण्डौ, ललितपुर र भक्तपुरका प्रमुख जिल्ला अधिकारी र सरोकारवाला विचको छलफलपछि जनस्वास्थ्यका सबै मापदण्ड अपनाएर जोर–बिजोर प्रणालीमा सार्वजनिक गाडी चलाउने निर्णय गरेको थियो । आज बिजोर बार बिजोर नम्बरका गाडी चल्न थालेका छन् । निजी र सार्वजनिक सबै  गाडीमा जोर–बिजोर प्रणाली लागू हुनेछ । नियम पालना नगरी गाडी चलाउनेलाई होल्ड गरी बेलुका मात्रै छोड्ने महानगरीय ट्राफिक प्रहरी महाशाखाले जनाएको छ । त्यसका लागि बिहानैदेखि ट्राफिक प्रहरीले कडाइका साथ अनुगमन गरिरहेका महाशाखाले जनाएको छ । जोर–बिजोर प्रणालीमा गाडी चलाउन पाइने भए पनि सार्वजनिक गाडी भने १६ सिट क्षमताभन्दा माथिका गाडी मात्रै चलाउन पाइने छ । त्यस्तै यस्ता गाडीमा ...