Month: ६ वर्ष अगाडि

पूर्णपुष्टि, असोज २६ । विरामी श्रीमतीलाई छाडेर उदयपुरबाट एक पुरुष वेपत्ता भएका छन् । झापा घर भई त्रियुगा नगरपालिका ११ गाईघाटमा डेरागरी बस्ने चुडाप्रसाद फुयल गम्भिर अवस्थाकी श्रीमती अनिता फुयललाई छाडेर बेपत्ता भएका हुन् । व्यवसायको सिलसिलामा गाईघाट बस्दै आएका फुयलले एकवर्षदेखि श्रीमतीको हेरचाह र भेटघाट नगरी बाहिर बाहिरै वेपत्ता हुदै आएको ससुरा काँशीनाथ बरालले बताउनुभयो । श्रीमान्बाट वेवारिसे अवस्थामा छाडिएकी अनिताको भने विमारका कारण स्वास्थ्य अवस्था गम्भिर बनेको छ । उनी प्यानक्रिज विमारी (आन्द्राको सातपत्रे ड्यामेज) का कारण चार महिनादेखि थलिएकी छिन् । हिड्डुल गर्न सक्दिनन् । खान खान र चर्पी जानसमेत अरुकै साहारा चाहिन्छ । काठमाडौं टिचिङ अस्पतालमा आइसियुमै राखेर उपचार गरिएको थियो । हाल खर्चको अभावले गाइघाटमै ल्याएर राखिएको छ । उनको पेट चिरेर पाईपबाट नै दिसा पिसाव गराइन्छ । माइतीबाट...

पूर्णपुष्टि, असोज २६ ५० करोड रुपैयाँ बराबरको जग्गा किर्ते गरेर ठगी गरेको आरोपमा केवलप्रताप जङ्गबहादुर राणा पक्राउ परेको छ । पर्साको वीरगञ्ज महानगरपालिकामा कमलादेवी राजभण्डारीको नाममा रहेको कित्ता नम्बर ३, ७१, १४३, १८६ गरी जम्मा पाँच कठ्ठा, पन्ध्र धुर, नौ कन्वा किर्ते कागजात बनाइ आफ्नो नाममा गरी अर्कै व्यक्तिलाई बेच्नका लागि ५० लाख रूपैयाँ बैनासमेत लिइसकेका राणालाई काठमाण्डौ महानगरपालिका–७ रातोपुलबाट पक्राउ गरिएको केन्द्रीय अनुसन्धान ब्युरोले जनाएको छ । ब्युरोका अनुसार उनले जग्गा किर्ते गरेर ठगी गर्न नागरिकताको प्रमाणपत्रमा समेत किर्ते गरेको प्रहरीले जनाएको छ । राणा ललितपुर महानगरपालिका–१३ कुसुन्तीका बासिन्दा हो ।...

पूर्णपुष्टि, असोज २६ सन् २०२० को अर्थशास्त्रतर्फको नोबेल पुरस्कार अर्थशास्त्री पउल आर मिलग्रोम र रोबर्ट बी विल्सनलाई दिइने भएको छ । नोबेल पुरस्कार समितिले यस वर्षको छैटौँ र अन्तिम पुरस्कार विजेताहरुको घोषणा गरेको हो । मिलग्रोम र विल्सनलाई यो पुरस्कार अक्शन थ्योरी (लिलामी) मा सुधार र अक्शनको नयाँ तरिका अविष्कार गरेको भन्दै यो पुरस्कार दिइने भएको हो । पउल आर मिलग्रोम र रोबर्ट बी विल्सन दुवै जना अमेरिकाको स्ट्यानफोर्ड विश्वविद्यालयका प्राध्यापक हुन् । यिनीहरुले अक्शनको प्रक्रियाले कसरी काम गर्छ भनेर अध्ययन गरेका थिए । यिनीहरुले यस्ता वस्तु र सेवाको लागि (जस्तै रेडियो फ्रिक्वेन्सी) नयाँ अक्शन प्रक्रिया तयार गरे, जसलाई पारम्परिक तरिकाबाट बेच्न मुश्किल छ । यी दुईको खोजले विश्वभरका बिक्रेता, खरिदकर्ता र करदाताहरुलाई सहज भएको छ । लिलामी प्रक्रियामा बढी मोल तिर्न इच्छुकलाई सामान बिक्री ग...

केदार राना, गाइघाट, उदयपुर भावनाका लहडहरू महासागरको लहर बनेर जब आकासको उँचाइ नाप्न थाल्छ एक जब्बर सपना उद्वेगहरुसँगै उडान भर्छ चाहनाको पोको लिएर हुँइकन्छ मान्छे अनवरत खुट्ट्याउन अगम्य गन्तव्य मृगतृष्णामा बाँचेकाहरू जुनेली रातमा गाम-बेँसी छाडदै झुल्के घाममा पखेरो-खहरे छिचोल्छन् जिजिविषाको भारी सपनाको फ्लाइओवरहरुमा गुडाउदै लिकसँगै उद्देश्य छिचोल्छ अजङ्गको जीवन यात्रामा छचल्किन्छ कल्पना जब पानोरामिक दृश्य बनेर चिहाउँछ मान्छे झ्यालबाट क्षित्तिजमा स्वप्निल गन्तव्य अजम्मरी यात्राहरु यामहरु फेरिए जस्तै चाहेनन्, चिसो सिरेटोमा लुटपुटिरहन न्यानो उच्छवासभित्र जेठको हुरहुरे घाममा बसिरहन सिमली छाँयाको परिधिभित्र अनुरागले उन्मत्त स्खलित हुन कसिएर मायाको बाहुलिभित्र परम्पराको आडम्बरमा खुम्चिन बाँधिएर अत्याचारको पराकाष्ठाभित्र अन्तर-कुन्तरमा आशाले हौस्याइरह्यो, शरदको पतझड बोटम...

पुर्णपुष्टि, असोज २६ आज नेप्से परिसूचक सामान्य बढेको छ । हिजो १३.३७ अङ्कले घटेको नेप्से आज १.७४ अङ्कले बढेर १५ सय ७८ अङ्कमा पुगेको नेपाल स्टक एक्सचेन्ज लिमिटेडले जनाएको छ । त्यस्तै ’क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि १.३७ अङ्कले बढेको छ । सबैभन्दा धेरै विकास बैंक समूहको उपसूचक ७९.१२ अङ्कले बढेको छ । बैंक, व्यापार, होटल र माइक्रोफाइनान्स समूहमा पनि सुधार आएको छ । दिनभर एक अर्ब ९४ करोड ९० लाख रुपैयाँ बराबरका ६८ लाख १५ हजार कित्ता शेयर किनबेच भएका छन् । सोमबार मुक्तिनाथ विकास बैंक लिमिटेडको सबैभन्दा धेरै १६ करोड ५० लाख रुपैयाँ बराबरका शेयर कारोबार भएको छ । बजार सामान्य बढेको दिन मुक्तिनाथ विकास बैंक लिमिटेडका शेयर लगानीकर्ताले झण्डै १० प्रतिशत कमाएका छन् । सबैको लघुवित्त वित्तीय संस्था लिमिटेडका शेयर लगानीकर्ताले भने ६ प्रतिशत गुमाएका छन् ।...

पुर्णपुष्टि,असोज २६ नेपालमा आज थप ४ हजार ४७ जनामा कोरोना संक्रमण पुष्टि भएको छ । यो संगै नेपालमा कोरोना ंसंक्रमितको सङ्ख्या १ लाख ११ हजार ८ सय २ पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा १४ हजार ५ सय ३० जनाको नमुना परीक्षण गरिएको मन्त्रालयले जनाएको छ । त्यसैगरी वितेको २४ घण्टामा १ हजार ४ सय ७३ जना निको भएर घर फर्किएसँगै डिस्चार्ज हुनेको सङ्ख्या ७७ हजार २ सय ७७ पुगेको छ । नेपालमा ३३ हजार ८ सय ८० जना सक्रिय सङ्क्रमित आइसोलेशनमा रहेका छन् । त्यस्तै ४ हजार ८ सय ३१ जना क्वरेण्टीनमा रहेको मन्त्रालयले जनाएको छ । त्यस्तै पछिलो २४ घण्टामा ९ जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या ६ सय ४५ पुगेको मन्त्रालयले जनाएको छ ।  ...

पूर्णपुष्टि, असोज २६ त्रिभुवन विश्वविद्यालयको समाजशास्त्र केन्द्रीय विभागका उप–प्राध्यापक प्रेम चलाउनेलाई कुटपिट गर्ने दुई जना पक्राउ परेको छ । उप–प्राध्यापक चलाउनेलाई घरेलु हतियारले आक्रमण गरी गम्भीर घाइते बनाउने सिरहाका रुपेश साह काठमाण्डौको कोटेश्वरबाट र सिरहाकै रविन लामा उनको घरबाटै पक्राउ परेको महानगरीय प्रहरी परिसर टेकुले जनाएको छ । उनीहरुमाथि कानुनी कारबाही अघि बढाइएको प्रहरीले जनाएको छ । गत असोज २० गते उनीहरुले उप–प्राध्यापक चलाउनेलाई आक्रमण गरेर गम्भीर घाइते बनाएको थियो । चलाउनेको अहिले उपचार भइरहेको छ ।...

पूर्णपुष्टि, असोज २६  काठमाण्डौँबाट यूएईमा चलिरहेको इण्डियन प्रिमियर लिग (आईपीएल) क्रिकेटमा सट्टेबाजी गर्ने सात जना पक्राउ परेका छन् । भारत घर भएका कुलदीप शारणको कोठामा सट्टेबाजी भइरहेको सूचनाका आधारमा छापा मारेर एक लाख ८५ हजार रुपैयाँ र विभिन्न ठाउँबाट सात जनालाई पक्राउ गरिएको महानगरीय प्रहरी परिसर टेकुले जनाएको छ । आइतबार पक्राउ परेका शारणको बयानका आधारमा सट्टेबाजीमा संलग्न भारतकै सञ्जिव शारण, अजय गौतम, नवीन जैन, सिन्धुपाल्चोकका प्रदीप घिमिरे, कुलेश्वरको उत्तम सापकोटा र सोल्टीमोडका कुमार बमसललाई पक्राउ गरिएको प्रहरीले जनाएको छ ।...

पूर्णपुष्टि, असोज २६ उदयपुरमा थप एक जनामा कोरोना संक्रमण पुष्टि भएको छ । चौदण्डिगढी नगरपालिका–७  को प्राथमिक स्वास्थ्य केन्द्र बेल्टारमा कार्यरत एक जना डाक्टरमा कोरोना संक्रमण पुष्टि भएको हो । उनी आफ्नो जिनीकाममा काठमाण्डौ गएर यहि असोज २२ गते बेल्टार आएर सेल्फ क्वारेन्टाईनमा बसेको थियो । उनको स्वाव संकलन गरी प्रदेश जनस्वास्थ्य प्रयोगशाला विराटनगरमा परिक्षण गर्दा कोरोना संक्रमण पुष्टि भएको स्वास्थ्य कार्यलय उदयपुरले जनाएको छ ।...

विकास बस्नेत उदयपुरगढी, असोज २६ उदयपुरमा भिरबाट लडेर एक जनाको मृत्यु भएको छ । उदयपुरगढी गाउँपालिका–६ निबासी ५७ वर्षीय दलबहादुर सुवेदी भिरबाट लडेर मृत्यु भएको हो । आईतबार विहान करिब १० बजे घरमा कसैलाई केहि नभनि हिडेका सुवेदी घर नजिकैको तिनटाट्ने भिरमा लडेर मृत्यु भएको प्रहरीले जनाएको छ । घरदेख करिब ५ सय मिटरको दुरीमा  रहेको भिरबाट करिब ६० मिटर तल लडेर वैजनाथ खोलामा खसी खोलाले करिब ५० मिटर बगाई अड्किएको अवस्थामा फेला परेको प्रहरीले जनाएको छ । खोला विचमा अड्किएको अवस्थमा माछा मार्नेहरुले देखेर गाउँमा खबर गरेपछि स्थानीयले प्रहरीलाई जानकारी गराएको प्रहरीले जनाएको छ । मृतकको ठाउकोमा गहिरो चोट लगोको छ । शव पोष्टमार्टमका लागी जिल्ला अस्पताल उदयपुर लगिएको प्रहरीले जनाएको छ ।...