Month: ६ वर्ष अगाडि

लिम्चुङबुङ गाउँपालिका नेपालको प्रदेश नं= १ को उदयपुर जिल्लाको पश्चिम–उत्तर हिस्सामा अवस्थित रहेको  छ । यस गाउँपालिकाको नाम साबिकको सुनकोशी भएता पनि स्तानीय सरकार संचालन  एन २०७४, बमोजिम गाउँपालिकको सिफारिसमा लिम्चुङबुङ गाउँपालिका रहन पुग्यो । यस  गाउँपालिकामा हाल बाँस्बोटे, ताम्लिछा, बाराहा, बलाम्ता र जाँते गरि जम्मा ५ वटा वडाहरु रहेका छन् । यस गाउँपालिकाको केन्द्र बाराहामा अबस्थित रहेको छ । यस गाउँपालिकामा कुल क्षेत्रफल १०६=८ वर्ग किलोमिटर रहेको छ भने कुल जनसंख्या ११९९२ रहेको छ ।...

पूर्णपुष्टि, असोज २६ यूईएफए नेशन्स लिग फुटबलमा इंग्ल्याण्डले जित हात पारेको छ । राती भएको खेलमा इंग्ल्याण्डले बेल्जियमलाई २–१ गोल अन्तरले पछि पार्दै जित हात पारेको हो । खेलको १६ औं मिनेटमा रोमेलु लुकाकुको गोलमा बेल्जियमले अग्रता बनाएको थियो । तर ३९ औं मिनेटमा मार्कुस रासफोर्डले इंग्ल्याण्डलाई बराबरीमा पुर्याए । पहिलो हाफ १–१ गोलको बराबरीमा सकिएको खेलको ६४ औं मिनेटमा इंग्ल्याण्डका मासुन माउन्टले गोलसँगै टिमलाई जित दिलाएको थियो । यो जितपछि समूह बी मा रहेको इंग्ल्याण्ड ७ अंकका साथ शीर्ष स्थानमा छ ।...

पूर्णपुष्टि, असोज २६ आज पूर्व र मध्य क्षेत्रका पहाडी भेगमा हल्का पानी पर्ने सम्भावना रहेको छ । प्रदेश नम्बर १, वाग्मती र गण्डकी प्रदेशका पहाडी केही जिल्लामा हल्का पानी पर्ने अनुमान गरिएको मौसम पूर्वानुमान महाशाखाले जनाएको छ । देशका बाँकी भू–भागमा भने सामान्यता मौसम सफा रहनेछ । अब यो वर्षका लागि मौसम सक्रिय भएर ठूलो पानी पर्ने सम्भावना नरहेको महाशाखाले जनाएको छ । भोलि र पर्सिको मौसम पनि सामान्यतया सफा नै रहनेछ । केही दिनयता मनसुन खासै सक्रिय छैन । बिस्तारै चिसो भने बढ्न थालेको छ । केही दिनयता न्यूनतम तापक्रम घट्दै गएको जनाईएको छ । जुम्लाको आज बिहानको न्यूनतम तापक्रम ४.२ डिग्री सेल्सियस मापन गरिएको छ । त्यस्तै काठमाण्डौको १६.५, दिपायलको १७.६,  डडेल्धुराको १३.३,  विराटनगरको १७  र पोखराको १८.५ डिग्री सेल्सियस तापक्रम मापन गरिएको छ ।...

पूर्णपुष्टि, असोज २६  आज नेपाल राष्ट्र बैंकले १८ अर्ब २५ करोड रुपैयाँ बराबरको ट्रेजरी बिल बिक्री गर्ने भएको छ । केन्द्रीय बैंकले बिक्री गर्न लागेकामध्ये ३ अर्बको ट्रेजरी बिल नयाँ हो भने १५ अर्ब २५ करोड रुपैयाँ बराबरको ट्रेजरी बिल भने नवीकरण गर्न लागिएको हो । बैंकले ३ सय ६४ दिने अवधिका लागि ट्रेजरी बिल बिक्री गर्न लागेको हो । राष्ट्र बैंकका अनुसार ३ अर्ब बराबरको नयाँ र १५ अर्ब २५ करोड रुपैयाँ बराबरको नवीकरण गर्न लागिएको ट्रेजरी बिल २०७८ असोज २६ गते परिपक्व हुनेछ । यो ट्रेजरी बिल बोलकबोल विधिमार्फत् बिक्री हुनेछ । यसअघि राष्ट्र बैंकले गत मंगलबार १० अर्ब बराबरको विकास ऋणपत्र बोलकबोल गरेको थियो ।...

पूर्णपुष्टि, असोज २६ ट्राफिक प्रहरीले चाडपर्वको मौका छोपी बढी भाडा असुल्नेलाई ठगी मुद्दा चलाउने भएको छ । महानगरीय ट्राफिक प्रहरी महाशाखाले चाडपर्वका लागि तयार पारेको सुरक्षा रणनीतिमा बढी भाडा लिनेलाई कारबाही गरिने जनाएको छ । चोक–चोकमा सादा पोशाकमा ट्राफिक प्रहरी परिचालन गरेर गाडीमाथि निगरानी बढाउने प्रहरीले जनाएको छ । कोभिड–१९ को सङ्क्रमण बढेसँगै बसको सिट क्षमताको आधाभन्दा बढी यात्रु बोके कारबाही गर्ने जनाएको छ । यसवर्ष उपत्यकाका १४ ठाउँमा नागरिक सहायता कक्ष राख्ने महाशाखाले जनाएको छ । त्यस्तै टिकट काउण्टरका कर्मचारीले अनिवार्य रुपमा परिचयपत्र भिर्नुपर्ने र राजमार्गमा चालकको मादक पदार्थ सेवन (मापसे) परीक्षण हुने प्रहरीले जनाएको छ । लामो दूरीका सार्वजनिक यातायातमा दुई चालक अनिवार्य नराखे कारबाही गरीने भएको छ । त्यस्तै, यौनजन्य अपराध नियन्त्रण गर्न सेफ्टी पिन अभियान सञ्चालन गरिने महा...

पूर्णपुष्टि, असोज २६ अमेरिकी राष्ट्रपति डोनाल्ड ट्रम्पको कोरोनासम्बन्धी पछिल्लो पोष्ट ट्वीटरले लुकाएकोे छ । राष्ट्रपति ट्रम्पले कोरोना भाइरसबाट प्रतिरक्षा भएको दाबी गर्दै ट्वीट गरेको थियो । कोरोनासम्बन्धी भ्रामक जानकारी दिएर ट्वीटरको नियमको उल्लङ्घन गरेकोले देख्न नमिल्ने बनाएको ट्वीटरले जनाएको अन्तराष्ट्रिय संचारमाध्यमले जनाएको छ । यो भन्दा अगाडि पनि अमेरिकी राष्ट्रपति ट्रम्पका कतिपय पोष्टहरुले गलत सन्देश दिएको भन्दै फेसबुक र ट्वीटरले हटाउँदै आएको थियो । यो भन्दा अगाडि फक्स न्यूजसँगको अन्तर्वार्ताका क्रममा पनि राष्ट्रपति ट्रम्पले आफूमा प्रतिरक्षा प्रणालीको विकास भएकोले दोस्रो व्यक्तिमा कोरोना नसर्ने बताएको थियो । राष्ट्रपति ट्रम्पले पटक–पटक विभिन्न औषधिलाई प्रतिरक्षा प्रणालीको विकास गर्ने औषधि भएको दाबी गर्दै आएको थियो । राष्ट्रपति ट्रम्पले आजदेखि चुनाव प्रचार गर्दै छ ।...

पूर्णपुष्टि, असोज २६ कर्णाली प्रदेशका मुख्यमन्त्री महेन्द्रबहादुर शाहीविरुद्ध नेकपाकै १८ जना सांसदले संसदीय दलभित्र अविश्वास प्रस्ताव दर्ता गरेको छ । मुख्यमन्त्री शाहीले संसदीय दल तथा सरकारमा प्रभावकारी भूमिका खेल्न नसकेको भन्दै १८ सांसदले आइतबार अविश्वासको प्रस्ताव दर्ता गराएका हुन् । कर्णाली प्रदेश सभामा नेकपाका ३३ सांसद छन् । सरकारविरुद्ध हस्ताक्षर गर्नेमा पूर्वएमालेका १४ र पूर्वमाओवादीका चार जना छन् । पूर्वएमालेतर्फका यामलाल कँडेल, चन्द्रबहादुर शाही, करवीर शाही, कुर्मराज शाही, अमरबहादुर थापा, सुशीलकुमार थापा, मीना रखाल, दानबहादुर परियार, पदम रोकाया, पद्मा खड्का, कौशिलावती खत्री, खड्कबहादुर खत्री, बहमीक्यादी बोहरा र देवी ओली तथा पूर्वमाओवादी केन्द्रका पुष्पा घर्ती, राजु नेपाली, धर्मराज रेग्मी र डम्बरबहादुर विष्टले हस्ताक्षर गरेका छन् ।...

खोटाङ, असोज २५  खोटाङमा अरिङ्गालले टोकेर एक जनाको मृत्यु भएको छ ।  दिक्तेल रुपाकोट मझुवागढी–६ का २९ बर्षीय पातलसिंह राईलाई अरिङ्गालले टोकेर मृत्यु भएको हो । हिजो जंगलमा घाँस काट्न गएका राईलाई घाँस काटिरहेको अवस्थामा एक्कासी अरिङ्गालले शरिरका विभीन्न भागमा टोक्दा उनी वेहोस भएको थियो । अरिङ्गालले टोकेर वेहोस भएका राईको जिल्ला अस्पताल खोटाङमा उपचारको क्रममा आज विहान ११ बजे मृत्यु भएको जिल्ला प्रहरी कार्यालय खोटाङले जनाएको छ ।...

झापा, असोज २५ झापाबाट लागुऔषधसहित दुई जना पक्राउ परेका छन् । मेचीनगर नगरपालिका–७ मेचीखोला बगरबाट लागुऔषध ब्राउनसुगरसहित दुई जना पक्राउ परेका हुन् । स्थानीय १८ बर्षीय राज सुबेदी शर्मा र मेचीनगर–८ का २० बर्षीय सौगात राई पक्राउ परेको प्रहरीले जनाएको छ । विशेष सुराकका आधारमा लागुऔषध व्युरो काकड्भिट्टाबाट खटिएको प्रहरी टोलीले उनिहरुलाई आज विहान सवाँ ६ बजे पक्राउ गरेको हो । उनिहरुको साथबाट ४ ग्राम ब्राउनसुगर बरामद गरिएको जिल्ला प्रहरी कार्यालय झापाले जनाएको छ । पक्राउ परेका दुबै जनामाथी ईलाका प्रहरी कार्यालय काकड्भिट्टाबाट कानुनी कारबाही अगाडी बढाईएको प्रहरीले जनाएको छ ।...

पूर्णपुष्टि, असोज २५ विश्वकै चर्चित वेबसाइट 'लोन्ली प्लानेट’ ले विश्वकै उत्कृष्ट १० गन्तव्यमध्ये नेपालको अन्नपूर्ण सर्किटलाई समावेश गरेको छ । लोन्ली प्लानेटले कोरोना भाइरसले विश्वभरको पर्यटन क्षेत्र प्रभावित भएको तर अब सुरक्षित तरिकाले भ्रमणको लागि भन्दै विश्वका १० उत्कृष्ट गन्तव्य सार्वजनिक गरेको छ । लोन्ली प्लानेटको उत्कृष्ट १० गन्तव्यमा नेपालको अन्नपूर्ण सर्किट दशौँ नम्बरमा परेको छ । वेबसाइटले अन्नपूर्ण पदयात्रालाई विश्वकै उत्कृष्ट पदयात्रा भनेको छ । मन्दिर, डाँडापाखा, हिमाल, नदी, स्थानीय जनजीवन आदिको दृश्यावलोकन गर्दै अन्नपूर्ण क्षेत्रमा पदयात्रा गर्दा निकै सन्तुष्टि प्राप्त हुने जनाएको छ । अन्नपूर्ण संरक्षण क्षेत्र, तिलिचो ताल, थोरङ्ला पास, माथिल्लो मुस्ताङ, कालीगण्डकी उपत्यकालगायतका ठाउँको वर्णन वेबसाइटमा गरिएको छ । अन्नपूर्ण क्षेत्रको यात्रा चुनौतीपूर्ण, रोमाञ्चक र उत्प्र...