Month: ६ वर्ष अगाडि

पूर्णपुष्टि, कात्तिक १८ नेपालमा आज थप ३ हजार १ सय ४२ जनामा कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको संख्या १ लाख ४१ हजार १ सय ३४ पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा नेपालमा ३ हजार १ सय १४ जनामा कोरोना संक्रमण भएपछि संक्रमितको संख्या १ लाख ७९ हजार ६ सय १४ जना पुगेको मन्त्रालयले जनाएको छ । त्यस्तै गत २४ घण्टामा कोरोना संक्रमणबाट थप २० जनाको मृत्यु भएसगै मृत्यु हुनेको संख्या १ हजार ४ पुगेको मन्त्रालयले जनाएको छ ।...

पूर्णपुष्टि, कात्तिक १८ नेपालमा आज थप ३ हजार १ सय १४ जनामा कोरोना संक्रमण पुष्ट भएको छ । योसँगै नेपालमा संक्रमितको संख्या १ लाख ७९ हजार ६ सय १४ जना पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा घण्टामा ११ हजार एक सय ६६ जनाको नमुना परीक्षण गरिएको थियो । त्यस्तै गत २४ घण्टामा ३ हजार १ सय ४२ जना सङ्क्रमणमुक्त भएर घर फर्किएसँगै डिस्चार्ज हुनेको सङ्ख्या १ लाख ४१ हजार १ सय ३४ पुगेको मन्त्रालयले जनाएको छ । अब ३७ हजार ४ सय ७६ जना सक्रिय सङ्क्रमित आइसोलेशनमा रहेका छन् भने १ हजार २ सय ७७ जना क्वरेण्टीनमा रहेका छन् । त्यस्तै गत २४ घण्टामा कोरोना संक्रमणबाट थप २० जनाको मृत्यु भएसगै मृत्यु हुनेको संख्या १ हजार ४ पुगेको मन्त्रालयले जनाएको छ ।...

पूर्णपुष्टि, कात्तिक १८ आज शेयर बजार परिसूचक नेप्से साढे ५ अंकले बढेको छ । नेप्से ५.४० अङ्कले बढेर १६ सय ४३.०४ विन्दुमा पुगेको छ । बैंक र विकास बैंक बाहेक सबैजसो समूहको शेयर बढेको छ । निर्जीवन बीमा समूहको शेयर १ सय ७६, व्यापारको ५५ र अन्य समूहको शेयर १४ अङ्कले बढेको छ । १ सय ९८ कम्पनीका ७७ लाख ५७ हजार कित्ता शेयर २ अर्ब २३ करोड ७९ लाख रुपैयाँमा किनबेच भएका छन् । सबैभन्दा धेरै नेपाल टेलिकमको शेयर १० करोड ३ लाख रुपैयाँको शेयर कारोबार भएको छ । विशाल बजार कम्पनी, समिट लघुवित्त वित्तीय संस्था, पाँचथर पावर कम्पनी र शिवश्री हाइड्रोका लगानीकर्ताले ९ प्रतिशतभन्दा धेरै कमाएका छन् । समग्र बजार बढे पनि महालक्ष्मी बैंक र दिव्येश्वरी जलविद्युतका लगानीकर्ताले साढे २ प्रतिशतभन्दा धेरैका दरले गुमाएका छन् ।...

पूर्णपुष्टि, कात्तिक १८ आज सुनको भाउ बढेको छ । सुन तोलाको चार सय रुपैयाँले बढेर सुनको तोलाको ९५ हजार ४ सय रुपैयाँ पुगेको नेपाल सुनचाँदी व्यवसायी महासंघले जनाएको छ । त्यस्तै आज चाँदी पनि तोलामा ५ रुपैयाँले बढेर १२ सय १० रुपैयाँमा कारोबार भइरहेको महासंघले जनाएको छ ।

पूर्णपुष्टि, कात्तिक १८ १ करोड रुपैयाँसहित अवैध कारोबार हुन्डी कारोबारमा संलग्न तीन जना पक्राउ परेका छन् । केन्द्रीय अनुसन्धान ब्यूरो (सीआईबी)को टोलीले ओमबहालबाट उनीहरुलाई पक्राउ गरेको हो । झापाका विकास मित्तल, कमल मित्तल र पर्वतका गणेश पौडेललाई पक्राउ गरेको सीआईबीले जनाएको छ । पक्राउ परेकाहरुमाथी थप अनुसन्धान भइरहेको सीआईबीले जनाएको छ ।...

पूर्णपुष्टि, कात्तिक १८  अफगानिस्तानमा करिब ४० हजार बालबालिका नियमित खोप सेवा वञ्चित भएका छन् । ५ वर्षमुनिका करिब २ लाख ६५ हजार बालबालिकालाई नियमित खोप दिनुपर्नेमा तालिवानी विद्रोहीको पकड रहेको क्षेत्रमा ४० हजार बालबालिका नियमित खोपबाट वञ्चित भएको सरकारको दाबी रहेको अन्तराष्ट्रिय संचारमाध्यमले जनाएको छ । वादखशान प्रान्तमा तालिवान समूहले लगाएको प्रतिबन्धका कारण सरकारी गतिविधि सञ्चालन हुन नसक्दा ती बालबालिका नियमित खोप लिनबाट वञ्चित भएका प्रान्तीय जनस्वास्थ्य कार्यालयले जनाएको जनाईएको छ । तालिवान समूहको प्रभावक्षेत्रमा खोप कार्यक्रम प्रभावित भएको जनाईएको छ । सरकारले ४० हजार बालबालिकालाई घर घरमा पुगी खोप दिने अभियान थालेको थियो । तर यमगन, रघुस्तान, दारा–ए–खुस्तक, जुर्म र वारजुजका केही क्षेत्रमा खोप कार्यक्रम प्रभावित हुँदै आएको छ । तालिवानीले सरकारको दाबी आधारहीन रहेको र केही बालबालिक...

पूर्णपुष्टि,कार्तिक १८ डोटीमा प्रहरीबाट १५ बर्षिय बालिका बलात्कृत भएकिछिन् । डोटीको जोरायल गाउँपालिका ५ गडसेरामा कार्यरत एक प्रहरी जवानले बालिका बलात्कार गरेको हो । गाउँमा अशान्ति हुन लाग्यो भन्दै स्थानीयले प्रहरी चौकीको माग गरेपछि सुरक्षाका लागि अस्थायी प्रहरी पोष्ट राखिएको थियो । तर सोहि चौकीमा कार्यरत प्रहरी जवान आफैले बालिका बलात्कार गरी शान्ति सुरक्षामा प्रश्न उठाएको छ । कक्षा १० मा पढ्दै गरेकी बालिका एसईईको तयारीकै लागि घरको अलग्गै कोठामा बसेकी थिइन ।  बझाङ्ग स्थायी घर भई गडसेरा अस्थायी प्रहरी पोष्टमा कार्यरत २४ वर्षीय प्रहरी जवान सुशील सिंहराति ११ वजे उनको कोठामा छिर्यो । उनि सुतिरहेको थिए उनले बालिकालाई ब्युँझाए, मुख थुनिदिए बलत्कार गर्यो । बलात्का गरेपछि घटना ढाक छोप गर्न उनले बालकालाई हत्या गर्ने निर्णय गर्यो र बालिकाकै सलले उनको घाँटी थिच्यो । बालिका बेहोस भएपछ...

 पूर्णपुष्टि,कार्तिक १८ अर्घाखाँचीमा कोरोना संक्रमणबाट मृत्यु भएकाको एक पुरुषको शव गाडेको ठाउँबाट उत्खनन् गरेर हिन्दु परम्परा अनुसार  ५ महिनापछि दाहसंस्कार गरिएको छ । मालारानी गाउँपालिका ४ खनका ५७ वर्षीय यमप्रसाद खनालको शव दाहसंस्कार गरिएको हो । खनालको गत जेठ २८ गते बुटवलमा उपचार गरेर फर्कने क्रममा बाटोमा मृत्यु भएको थियो । मृत्यु पछि उनमा कोरोना संक्रमण देखिएको थियो । त्यतिबेला परिवारले चाहेको ठाउँमा शव व्यवस्थापन र परम्परा अनुसार काजकिरिया गर्न पाएका थिएनन् । अहिले ५ महिनामा शव उत्खनन् गरेर हिन्दु परम्पराअनुसार अन्त्येष्टि गरिएको आफन्त प्रकाश खनालले बताए । उनको शव करीब ५ महिनापछि उत्खनन् गरेर  दाहसंस्कार गरिएको आफन्त जानकारी दिए । कोरोना पोजेटिभ देखिएपछि शव व्यवस्थापनबारे विवाद हुँदा शव दुई दिनसम्म खुल्ला चौरमा राखिएको थियो ।...

पूर्णपुष्टि,कार्तिक १८  विराटनगरको न्युरो अस्पतालमा आज एकै दिन २ जना कोरोना संक्रमित पुरुषको मृत्यु भएको छ । धरान–१५ का ६३ वर्षीय पुरुष र विराटनगर– ११ का ४९ वर्षीय पुरुषको मृत्यु भएको हो । कोरोना भाईरस कोभिड–१९ का विरामिहरुको उपचार सुरु गरीएको अस्पतालमा आज दुईजना कोरोना संक्रमितको मृत्यु भएको अस्पतालले जनाएको छ । धरानका पुरुषको आज बिहान ३ः३० बजे मृत्यु भएको थियो भने विराटनगरका पुरुषको आज बिहान ३ः५० मृत्यु भएको थियो । उनीहरुको २० मिनेटको अन्तरमा मृत्यु भएको थियो । धरानका पुरुषमा असोज २७ गते कोरोना पुष्टि भएको थियो । उनलाई कात्तिक १२ अस्पताल भर्ना भएका थिए । विराटनगरका पुरुष कात्तिक १४ मा अस्पताल भर्ना भएका थिए । उनमा भर्ना भएकै दिन कोरोना पुष्टि भएको थियो ।...

पूर्णपुष्टि, कात्तिक १८ वरिष्ठ संगीतकार उदय शमशेर राणाको निधन भएको छ । नारायण गोपाल र गोपाल योञ्जनका समकालीन, मीतज्यू नाइटका एक वाद्यवादक राणाको गतराती अमेरिकामा निधन भएको हो । शमशेरको संगीतमा प्रेमध्वज प्रधान, उदीतनारायण झा, हेमगोपाल, मधु क्षेत्री, प्रकाश श्रेष्ठ, मीरा राणा, उर्मिला मानन्धर, प्रदीपराज पाण्डे लगायतका धेरै गायक गायिकाहरुले स्वर दिनु भएको छ । संगीतकार राणाका श्रीमती, दुई छोरा र एक छोरी छन् ।...