Month: ५ वर्ष अगाडि

मिलन परियार लिम्चुङ्बुङ, फागुन २० उदयपुरको कर्णली भनेर चिनिने लिम्चुङ्बुङ गाउँपालिकामा माटो परिक्षण शिविर सम्पन्न भएको छ । लिम्चुङ्बुङ गाउँपालिका–३ बाराहामा गाउँपालिका अध्यक्ष कृषि कार्यक्रम अन्तरगत कृषि बिकास शाखाको आयोजना  र कृषि ज्ञान केन्द्र उदयपुरको प्राविधिक सहयोगमा बुधबार माटो परिक्षण शिबिरसम्म्पन भएको हो । माटोमा भएको अवस्था पहिचान गरी त्यस माटोमा कुन बाली लगाउदा राम्रो हुन्छ भन्ने उद्देश्यले शिविरको  आयोजना गरिएको आयोजक लिम्चुङ्बुङ गाउँपालिका कृषि  शाखाले जनाएको छ । पालिकालाई कृषि क्षेत्रमा आत्मानिर्भर बनाउने उद्देश्यले गाउँपालिका अध्यक्ष कृषि परियोजना कार्यक्रम अन्तरगत पालिकाको ५ वटै वडामा माटो परिक्षण शिबिर संचालन गरिएको लिम्चुङ्बुङ गाउँपालिकाका अध्यक्ष मेजरकुमार राईले बताउनुभयो । माटोको पहिचान गरी आधुनिक प्रविधिबाट खेती गर्न आबश्यक भएकाले माटो परिक्षण अनिवार्य रहेक...

पूर्णपुष्टि, फागुन १९  दाङमा एक बालिका बलात्कृत भएकी छिन् । बबई गाउँपालिकामा पर्ने ट्वाङखोलाको जङ्गल हुँदै नजिकैको गाउँमा जाँदै गर्दा बेलुकी करिब ६ बजे बालिका बलात्कृत भएकी प्रहरीले जनाएको छ । बलात्कारको आरोपमा १२ र १३ वर्षका बालकहरुलाई पक्राउ गरेको प्रहरीले जनाएको छ । माछा मारेर फर्कदै गरेका बालकहरुले ११ वर्षीय बालिकालाई जङ्गलको बाटोमा एक्लै भेटेपछि १३ वर्षको बालकले बलात्कार गरेको र १२ वर्षको किशोरले बालिकालाई समातेको प्रहरीको खुल्न आएको प्रहरीले जनाएको छ । बालिकाको राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ ।...

पूर्णपुष्टि, फागुन १९ आज पनि नेप्से परिसूचक घटेको छ । नेप्से १.६ प्रतिशतले घटेको हो । हिजोको तुलनामा ३९.२३ अंकले घटेर नेप्से परिसूचक २ हजार ४ सय १६ विन्दुमा झरेको हो । नेप्से परिसूचक घटे पनि कारोबार रकम भने बढेको छ । आज २ सय १२ कम्पनीको ६ अर्ब २५ करोड ४८ लाख ९ हजार बराबरको १ करोड १३ लाख ९२ हजार १ सय ३५ कित्ता शेयर कारोबार भएको छ । आज सबैभन्दा बढी नेपाल दूरसञ्चार कम्पनीको २९ करोड ९७ लाख ६ हजार बराबरको शेयर कारोबार भएको छ । साल्ट ट्रेडिङ कर्पोरेशन र चन्द्रागिरी हिल्स लिमिटेडको शेयर मूल्य १० प्रतिशत तथा हिमालयन पावर पार्टनरको शेयरमूल्य ८.१६ प्रतिशत बढेको छ । त्यस्तै एशियन लाइफ इन्स्योरेन्स र बरुण हाइड्रोपावर कम्पनीको शेयरमूल्य ६ प्रतिशतभन्दा बढीले घटेको छ ।...

पूर्णपुष्टि, फागुन १९ आजदेखि सरकार र प्रतिबन्धित नेत्र विक्रम चन्द (विप्लव) समूहबीच औपचारिक वार्ता सुरु गर्ने तयारी भएको छ । वार्ताका लागि दुवै समूहले वार्ता समिति गठन गरेका छन् । विप्लव समूहसँग वार्ताका लागि सरकारले गृहमन्त्री रामबहादुर थापाको नेतृत्वमा दुई सदस्यीय सरकारी वार्ता टोली बनाएको छ । त्यस्तै सरकारसँग वार्ताका लागि सर्त र एजेण्डासहित खड्कबहादुर विश्वकर्माको नेतृत्वमा विप्लव समूहले वार्ता टोली गठन गरेको छ । विप्लव समूहले वार्ताका लागि आफूहरुमाथि लगाइएको प्रतिबन्ध फुकुवा गर्नुपर्ने सर्त अघि सारेको छ भने पक्राउ परेका नेता–कार्यकर्ताको रिहाइ र उनीहरुमाथि लगाइएको मुद्दा फिर्ता गर्नुपर्ने भनेको छ । यो समूहले संसदीय व्यवस्थाको विकल्प र सङ्कट समाधानको दिशामा अघि बढ्न सबै राजनीतिक शक्तिको राजनीतिक समीक्षा सभा र वैकल्पिक संयुक्त सरकार बनाउने एजेण्डा बोकेको छ । त्यस्तै वैज्ञ...

पूर्णपुष्टि, फागुन १९  आज सभामुख र सांसदले कोरोनाविरुद्धको खोप लगाउने भएका छन् । नयाँ बानेश्वरमा रहेको सिभिल अस्पतालमा बिहान १० बजे सभामुख अग्नि सापकोटालगायत सांसद र मन्त्रीले खोप लगाउने स्वास्थ्य तथा जनसंख्या मन्त्रालयले जनाएको छ । प्रतिनिधिसभाको बैठक आह्वान भएपछि सभामुखसहित सांसदहरुले कोरोनाविरुद्धको खोप लगाउन लागेका हुन् । आगामी २३ गते प्रतिनिधिसभाको बैठक बस्दै छ । त्यस्तै, आज संसदको रिपोर्टिङ गर्ने केही पत्रकारले पनि खोप लगाउँदै छन् । सरकारले सबै नागरिकलाई खोप दिने भन्दै थप ५० लाख डोज कोरोनाविरुद्धको खोप खरिद प्रक्रिया सुरु गरेको छ । यसअघि सरकारले भारतबाट २० लाख डोज खोप खरिद गरेकामा १० लाख डोज आइसकेको छ । बाँकी १० लाख डोज खोप आउन बाँकी छ । त्यसअघि भारतले अनुदानमा दिएको १० लाख डोज खोप सरकारले स्वास्थ्यकर्मी, सफाइकर्मीलगायत अग्रपङ्क्तिमा खटिनेलाई प्राथमिकतामा राखेर लगाएको ...

पूर्णपुष्टि, फागुन १९  आज नेपाल कम्युनिस्ट पार्टी (नेकपा) प्रचण्ड–माधव समूहको केन्द्रीय कमिटी बैठक बस्दै छ । सचिवालयको निर्णय अनुसार केन्द्रीय कमिटी बैठक बस्न लागेको हो । पार्टी कार्यालय पेरिसडाँडामा दिउँसो १ बजे बस्ने बैठकमा पछिल्लो राजनीतिक घटनाक्रमबारे रणनीति बनाउने जनाईएको छ । सर्वोच्च अदालतले संसद पुनर्स्थापना गरिदिएपछि प्रचण्ड–माधव समूहका नेताले दौडधूप गरिरहेका छन् । आगामी सरकार गठनका लागि कांग्रेस सभापति शेरबहादुर देउवा,जनता समाजवादी पार्टीका नेताहरुलाई समेत भेटेर छलफल गरिसकेका छन् । २३ गते संसद बैठकसमेत आह्वान भैसकेकोले पनि कसरी प्रस्तुत हुने विषयमा प्रचण्ड–माधव समूहले केन्द्रीय समितिबाट रणनीति तय गर्ने बुझिएको छ ।...

पूर्णपुष्टि, फागुन १९  ललितपुरको नख्खुमा जीपको ठक्करबाट एक जना छात्राको मृत्यु भएको छ । स १ ज ५६७ नम्बरको जीपको ठक्करबाट सिन्धुपाल्चोक घर भइ ललितपुरको बागडोल बस्ने  १९ वर्षकी अञ्जु दाहालको मृत्यु भएको प्रहरीले जनाएको छ । बिहान साढे ५ बजेतिर सडक पार गर्दै गर्दा दाहाललाई जीपले ठक्कर दिएको प्रहरीले जनाएको छ । गम्भीर घाइते भएकी दाहालको ६ बजे पाटन अस्पतालमा मृत्यु भएको प्रहरीले जनाएको छ । दाहाल कोटेश्वर मल्टिपल क्याम्पसमा अध्ययनरत थियो । जीप चालकलाई  नियन्त्रणमा लिएको प्रहरीले जनाएको छ ।...

झापा, फागुन–१९ झापा मेचीनगरबाट लागुऔषध खैरोहिरोईनसहित दुई जना पक्राउ परेका छन् । मेचीनगर नगरपालिका–६ स्थित मेची पुलबाट लागुऔषध खैरोहिरोईनसहित दुई जना पक्राउ परेका हुन् । पाँचथर आङना–४ घर भई हाल झापा दमक–१ बस्ने २३ बर्षीय  गणेश खत्री र मोरङ उर्लाबारी–९ का २७  बर्षीय अनुप तामाङ रहेको प्रहरीले जनाएको छ । खत्रीलाई ३ ग्राम खैरोहिरोईन र तामाङलाई १ ग्राम खैरोहिरोईनसहित लागुऔषध नियन्त्रण ब्युरो काँकडभिट्टाबाट खटिएको प्रहरी टोलीले आज दिउसो पक्राउ गरेको प्रहरीले जनाएको छ । पक्राउ परेका दुबैजनामाथी थप अनुसन्धान तथा कानुनी कारबाही अगाडी बढाईएको प्रहरीले जनाएको छ ।...

पूर्णपुष्टि, फागुन १९ इङ्ग्लिस प्रिमियर लिग फुटबलमा शीर्ष स्थानमा रहेको म्यानचेस्टर सिटीले जित हात पारेको छ । वुल्भ्सलाई ४–१ गोल अन्तरले पछि पार्दै म्यानचेस्टर सिटीले जित हात पारेको हो । वुल्भ्सका लिन्डेरले आत्मघाती गोल गरेपछि सिटीले १५ औं मिनेटमा अग्रता लिएको थियो । ६१ औं मिनेटमा कोनर कोडीले गोल गर्दै वुल्भ्सलाई बराबरीमा ल्याएका थिए भने ८० औं मिनेटमा ग्याब्रियल जेससले गोल गरेपछि सिटी २–१ गोलले अघि बढेको थियो । ९० औं मिनेटमा रियाद मेहरेजले गोल थपेका थिए भने अतिरिक्त समयको तेस्रो मिनेटमा जेससले व्यक्तिगत दोस्रो गोल गर्दा सिटी ४–१ गोलले विजयी हुन पुग्यो । उसले दोस्रो स्थानमा रहेको म्यानचेस्टर युनाइटेडसँग १६ अङ्कको अग्रता कायम भएको छ । लिगमा युनाइटेडको ५० अङ्क रहेको छ । म्यानचेस्टर सिटीलाई जिताउन डेन्डंकरले १, ग्राबियल जिसले २ र मारेजले १ गोल गरेका हुन् । जितसँगै म्यानचेस्टर सिटीक...

पूर्णपुष्टि, फागुन १९ अहिलेसम्म विश्वमा ९ करोड १० लाखभन्दा धेरैले कोरोनाले जितेका छन् । ११ करोड २२ लाखभन्दा धेरै कोरोना सङ्क्रमितमध्ये ९ करोड १० लाखभन्दा धेरै जना कोरोनामुक्त भइसकेको वर्ल्डओमिटरले जनाएको छ । अहिलेसम्म कोरोनाबाट विश्वमा २५ लाख ५८ हजार जनाको मृत्यु भएको छ । सङ्क्रमितमध्ये २ करोड १७ लाख जना अहिले विभिन्न अस्पताल र होम आइसोलेशनमा रहेका छन् । सङ्क्रमितमध्ये पनि ९९.६ प्रतिशत अथवा २ करोड १६ लाखभन्दा धेरै जनाको अवस्था सामान्य छ । ०.४ प्रतिशत अथवा ९० हजार ७ सय जनाको अवस्था गम्भीर रहेको छ । त्यस्तै कोरोनाले सबैभन्दा धेरै प्रभावित अमेरिकामा सङ्क्रमित हुनेको संख्या बढ्न थालेको छ । पछिल्लो २४ घण्टामा मात्रै अमेरिकामा १८ सय १३ जना कोरोना सङ्क्रमितको मृत्यु भएको छ । अहिलेसम्म अमेरिकामा कोरोनाका कारण ५ लाख २९ हजारभन्दा धेरै जनाको मृत्यु भईसका छन् भने २ करोड ९३ लाखभन्दा धेरै...