Month: ५ वर्ष अगाडि

पूणर्पुष्टि, बैशाख २८ पछिल्लो दिनहरुमा दिन प्रतिदिन कोरोना संक्रमितहरुको मृत्यु भईरहेको छ । हिजो मात्रै १३९ जना मृत्यु भई नयाँ रेकर्ड राखेको मृत्युको संख्याले आज फेरी नयाँ रेकर्ड राखेको छ । पछिल्लो २४ घण्टामा मात्रै नेपालमा १२५ जनाको कोरोना संक्रमण बाट मृत्यु भएको स्वास्थ्य तथा जनसङ्ख्या मन्त्रालयले जनाएको छ । आज सहित नेपालमा मृत्यु हुनेको संख्या ४ हजार ८४ पुगेको छ । पछिल्लो २४ घण्टामा २१ हजार ३१६ नमुना परीक्षणमा ९४८३ जनामा संक्रमण पुष्टि भएको छ । यससँगै सक्रिय संक्रमितको संख्या ९७ हजार ८ पुगेको छ । जसमध्ये होम आइसोलेसनमा ८९ हजार ९१४ र संस्थागत आइसोलेसनमा ७ हजार ९४ जना रहेका छन् । संस्थागत आइसोलेसनमा रहेकामध्ये १ हजार ८४ जना आईसीयूमा र २९० जना भेन्टिलेटरमा रहेका छन् । त्यस्तै पछिल्लो २४ घण्टामा ५२२५ जना संक्रमणमुक्त भएका छन् ।...

पूणर्पुष्टि, बैशाख २८ कोरोना संक्रमण भई हस्पिटलमा उपचाररत रहनुभएका केन्द्रिय सांसद सुरेश कुमार राई हस्पिटल बाट डिस्चार्ज हुनु भएको छ । सुमेरु हस्पिटलमा सघन उपचार गराईरहनु भएका राईले करिब १० दिन पछि कोरोनालाई पराजित गर्दै डिस्चार्ज हुनु भएको हो । बैशाख १७ गते आफुलाई कोरोना संक्रमण पुष्टि भएको आम जनताहरुलाई फेसबुक मार्फत जानकारी गराउनु भएको थियो । संक्रमण दखिए लगत्तै उपचारमा रहनु भएको उहाँलाई केहि दिन पछि आइसियुमा राखेर उपचार गरियो । हाल भने कोरोन मुक्त भई हस्पिटल बाट डिर्चाज भएको सुरेश कुमार राईको अफिसियल फेसबुक पेजमा जानकारी गराइएको छ ।...

पूर्णपुष्टि,वैशाख २८ विश्व व्यापीरुपमा फैलिएको कोरोना भाइरस कोभिड–१९ को दोस्रो लहर नेपालमा सुरु भएसंगै प्रदेश १ मा २८ दिनमा १ सय ६ जनाले ज्यान गुमाई सकेका छन् । नयाँ वर्ष वैशाख १ देखि २८ गतेसम्म प्रदेश १ मा कोरोनाबाट ज्यान गुमाउनेको संख्या १ सय ६ पुगेको हो । वैशाख महिनाको अन्तिम साता मृत्युदर अत्याधिक बढेको सामाजिक विकास मन्त्रालयकले जनाएको छ । यो साता दैनिक आठजनाका दरले संक्रमितको मृत्यु भइरहेको छ । वैशाख २२ गते एकैदिन १३ जनाको ज्यान गएको मन्त्रालयले जनाएको छ । त्यस्तै हिजो मात्रै ११ जना संक्रमितको विभिन्न अस्पतालमा उपचारका क्रममा ज्यान गएको मन्त्रालयको तथ्यांकमा उल्लेख छ । संक्रमणको दोस्रो लहरपछि सोमबारसम्म ९७ जनाको ज्यान गएको छ । हिजो बेलुकादेखि आज बिहानमात्रै प्रदेश १ का विभिन्न अस्पतालमा थप ९ जनाले ज्यान गुमाइसकेका छन् । प्रदेश १ मा हालसम्म कोरोनाबाट मृत्यु हुनेको संख्या भ...

पूणर्पुष्टि, बैशाख २८ सोलुखुम्वुमा एक सुत्केरी महिलाले अत्यादिक रत्तश्रावका कारण ज्यान गुमाएको छ । अत्यादिक रक्तश्राव भएपछि रगतको आवश्यक परेको ति महिलालाई समयमै रतग उपलब्ध नहुँदा ज्यान गएको ताम्कु प्राथमिक स्वास्थ्य केन्द्रका प्रमुख डा. भारती पण्डितले जानकारी दिनुभयो । डा. पण्डितका अनुसार दुर्गम सिलिचोङ गाउँपालिका -३ की सुत्केरी महिला २६ वर्षीया सिर्जना कुलुङको रक्तश्राव र साल अड्किएपछि  थप उपचारको लागि जिल्ला अस्पताल खाँदवारी पठाइएको थियो । सदरमुकाम खाँदबारी लैजाने त्रलममा यनको सोमबार राति ७ बजे मृत्यु भएको सिलिचोङ ३ का वडाध्यक्ष प्रतापसिंह तामाङले जानकारी दिनुभयो । अस्पताल लैजाँदै गर्दा कुलुङको खाँदबारी -१० चन्दनपुर आइपुगेपछि मृत्यु भएको वडाध्यक्ष तामाङले बताउनुभयो । ताम्कु स्वास्थ्य केन्द्रमा भर्ना भएको केही घण्टामै कुलुङले साधारण रुपमै शिशु त जन्माइन् तर जन्मिएको केही समयपछ...

पूणर्पुष्टि, बैशाख २८ त्रियुगा नगरपालिका वडा न. १६ ले मजदुर, सुरक्षाकर्मी, कर्मचारी र स्थानीय नागरिकहरुलाई स्वास्थ्य सामाग्री वितरण गरेको छ । मंगलबार वडा अध्यक्ष मान वहादुर राई सहितको जनप्रतिनिधिहरुले बिभिन्न क्षेत्रमा काम गर्ने मजदुर तथा स्थानीय नागरिकहरु लगायत सुरक्षाकर्मी र कर्मचारीहरुलाई स्वास्थ्य सामागी्र वितरण गरेको हो । कोरोना संक्रमणका बिच पनि दैनिक रुपमा अवश्यक कामकार्वाही र निर्माण व्यवसायीको काममा खटिरेहका मजदुर, स्थानीय नागरिक र अग्रपंक्तिमा खटिएका सुरक्षाकमर्मी र कर्मचारीहरुलाई प्राथामिकतामा राखी स्वास्थ्य सामाग्री वितरण गरेको वडअध्यक्ष मानवहादुर राईले बताउनुभयो ।  स्वास्थ्य समाग्री वडा स्तरीय समितिको आयोजनामा वितरण गरिएको हो ।...

पूर्णपुष्टि,वैशाख २८ अस्पतालबाट डिस्चार्ज भएकै रात बर्दियामा एकजना कोरोना संक्रमितको मृत्यु भएको छ । बर्दियाका कोरोना फोकल पर्सन नरेश श्रेष्ठका अनुसार राजापुर–४ का ५५ वर्षीय पुरुषको अस्पतालबाट डिस्चार्ज भएकै राति मृत्यु भएको हो । वैशाख २० गते गरिएको एन्टिजेन परीक्षणमा उनीमा संक्रमण देखिएको थियो । संक्रमण पुष्टि भएसँगै बाँकेको भेरी अस्पतालमा वैशाख २१ गते उनलाई भर्ना गरिएको थियो । स्वास्थ्यमा सुधार आएपछि भेरी अस्पतालले वैशाख २७ गतेमात्रै होम आइसोलेसनमा बस्ने गरी उनलाई डिस्चार्ज गरेको थियो ।...

पूर्णपुष्टि,वैशाख २८ भोजपुरमा करेन्ट लागेर एकजनाकोे घटनास्थलमै ज्यान गएको छ । पौवादुम्मा गाउँपालिका–१ अरुणडाडाका ३० बर्षीय निमा दावा शेर्पाको करेन्ट लागेर ज्यान गएको हो । आज बिहान साढे १० बजे बिजुलीको लाईन बिग्रीएकोले उनी साथीहरुसंग आफ्नै घर छेउमा रहेको ट्रान्समिटरमा भ¥याङ लगाई चड्ने क्रममा करेन्ट लागी अन्दाजी २५ फिट माथीबाट खस्दा घटनास्थलमानै ज्यान गएको छ । घटनाको बारेमा जानकारी पाएलगतै ईलाका प्रहरी कार्यालय तिवारीभंज्याङबाट टोली खटि गई थप अनुसन्धान आगाडी बढाइएको जिल्ला प्रहरी कार्यालय भोजपुरले जनाएको छ ।...

पूर्णपुष्टि,वैशाख २८ मोरङमा सिटी सफारी दुर्घटना हुँदा एक बालिकाको ज्यान गएको छ । सुन्दरहरैचा नगरपालिका–५ तीनपैनी स्थित भित्री सडक खण्डमा सिटी सफारी दुर्घटना हुँदा सिटीमा सवार सोही स्थान बस्ने ५ वर्षीया बालिका रबिना खड्को ज्यान गएको हो । आज बिहान साढे ९ बजे को १ ह ७५५८ नम्बरको सिटी सफारी आफै अनियन्त्रित भई दुर्घटना हुँदा रुद्र खड्काको छोरी रबिना गम्भिर घाईते भएको जिल्ला प्रहरी कार्यालय मोरङले जनाएको छ । घाईते बालिकाको धरान घोपामा उपचारको क्रममा दिउसो ११ बजे मृत्यु भएको प्रहरीले जनाएको छ  । सिटी सफारी र चालक सोही स्थानका हरि नारायण चौधरी प्रहरी चौकी गछियाको नियन्त्रणमा रहेको छ । घटना सम्बन्धमा थप अनुसन्धान अगाडी बढाइएको प्रहरीले जनाएको छ ।...

पूर्णपुष्टि,वैशाख २८ सप्तरीमा सवारी दुर्घटनामा परी एक दम्पितीको ज्यान गएको छ । हनुमाननगर कङ्कालिनी नगरपालिका–३ पोर्ताहास्थित पूर्व–पश्चिम राजमार्गमा आज बिहान दुर्घटना भएको थियो । दुर्घटनामा सोही ठाउँ बस्ने ४५ वर्षीय सत्यनारायण मण्डल र उनकी श्रीमती ४० वर्षीया सुनीतादेवी मण्डलको ज्यान गएको हो । पश्चिमबाट पूर्वतर्फ जाँदै गरेको ना ६ ख ३८६१ नंको ट्रकले विपरीत दिशाबाट आउँदै गरेको साइकललाई ठक्कर दिँदा साइकलमा सवार मण्डल दम्पतीको ज्यान गएको जिल्ला प्रहरी कार्यायल सप्तरीले जनाएको छ । उनका अनुसार साइकलमा सवार मण्डल दम्पती घाइते भई दुवै जनालाई उपचारका लागि जिल्ला अस्पताल भारदह लैजाने क्रममा दुवै जनाको बाटोमा ज्यान गएको प्रहरीले जनाएको छ । शवपरीक्षण लागि गजेन्द्रनारायण सिंह अस्पताल राजविराजमा ल्याइएको छ । ठक्कर दिने ट्रक र चालकलाई प्रहरीले नियन्त्रणमा लिएर थप अनुसन्धान अगडी बढाएको प्रहरीले जन...

पूर्णपुष्टि,वैशाख २८ आँपको रुखमा झुन्डिएको अवस्थामा एक प्रहरी जवानको शव भेटियो छ । महोत्तरी मासोमबार राती प्रहरी चौकी सम्सीबाट करिब सातसय मिटर उत्तर पश्चिमस्थित चौरमा रहेको आँपको रुखमा पासो लागेर झुन्डिएको अवस्थामा प्रहरी जवान a५ वर्षीय जितेन्द्र साहको शव भेटिएको हो । पर्साको बौरामाई नगरपालिका–१ घर भई ढल्केवरमा रहेको प्रहरी गणमा दरबन्दी रहेका उनी विगत ७ महिनादेखि सम्सी प्रहरी चौकीमा कार्यरत थिए । ड्युटी सकेर राति सुतेका प्रहरी जवान साहको बिहान शव भेटिएको थियो । जवान साहले आत्महत्या गरेको हुन सक्ने महोत्तरीका एसपी दिनेश आचार्यले बताए । यद्यपि प्रहरीले विस्तृत अनुसन्धान थालेको उनले बताए । प्रहरी जवान साहको विवाह आगामी जेठ ७ गते हुने तय भएको थियो । बिहेकै लागि बिदा लिएर घर जाने तयारीमा रहेका उनी मृत फेला परेका हुन् । मृतक प्रहरी जवान साहको शव अन्त्येष्टिका लागि परिवारलाई खबर गरिसक...