Month: ४ वर्ष अगाडि

पूर्णपुष्टि, असार २५ । जुलाई १६ अर्थात असार ३२ मा गाईघाट कोरा साईक्लिङ च्यालेन्ज २०२२ हुने भएको छ । उदयपुर जिल्ला साईक्लिङ संघले चौथो संस्करणको कोरा च्यालेन्ज गर्न लागेको हो । कोरा भन्नाले साईक्लिङको भाषामा निश्चित क्षेत्रको परिक्रमा हो । घडिको शैलीमा घुम्नु हो । साईक्लिष्टहरुले कोरामा विभिन्न स्थानको भिजिट गर्ने र प्रचार/प्रसार गर्दछन् । यसबाट पर्यटकीय सम्भावनाको खोजी, प्रचार प्रसारसंगै प्रबर्धनमा टेवा पुग्नेछ । संघका अध्यक्ष जितेन्द्र रोईलाका अनुसार यसपटक ५० किलोमिटरको यात्रा तय भएको छ । गाईघाटदेखि सुरु गरि जलजले-चुहाडे-मुर्कुची-सुकौरा-भान्टाबारी-राजाबासहुदै गाईघाटमै आईपुगेर कोरा टुङ्ग्याउनेछ । चुहाडेमा खाजा र सुकौरामा खानाको ब्यवस्था छ । कोरामा ५५/६० जना सहभागी हुने छन् । त्रियुगावाहेक चौदण्डिगडी र धरानसम्मको साईक्लिष्टहरुको सहभागिता रहनेछ । स्वस्थ साइक्लिङ समुदाय निर्माणको लक्षसहित ...

पूर्णपुष्टि, असार २४ गते । असार मसान्तको चटारोमा नियतबस् स्थानीय प्रशासन र नापतौल विभागले दुःख दिने काम भएको भन्दै ब्यापारी, ब्यवासयीहरु सोको विरुद्धमा उत्रिएका छन् । प्रशासन र नापतौल विभाग विरुद्धमा उनीहरुले आज उदयपुरको सदरमुकाम गाईघाट बजार बन्द गराएका छन् । त्रियुगा उद्योग वाणिज्य संघ गाईघाटको अगुवाईमा स्वतस्फुर्त बजार उत्रिएको ब्यापारी, ब्यवसायीहरुले नाराबाजी सहित बजार घुम्दै बजार, पसल बन्द गराए । पसलहरु बन्द गराएर ब्यापारीहरुले आन्दोलनको समर्थन जनाएका थिए । नापतौल विभागले समयमा नविकरण नगरिदिने र उल्टै अहिले प्रशासनसंग मिलेर अनुगमनको नाममा नविकरण छैन भन्दै ब्यापारीहरुलाई दुख दिने काम भएपछि सोको विरुद्धमा आन्दोलित हुनु परेको त्रियुगा उद्योग वाणिज्य संघका अध्यक्ष रमेश रसाईलीले बताए ।...

पूर्णपुष्टि, असार २४ गते । झापाको झापा गाउँपालिका–३ स्थितबाट प्रहरीले लागुऔषध ब्राउनसुगर सहित दुई जनालाई पक्राउ गरेको छ । झापा गाउँपालिका–३ का २२ वर्षीय फरमान अली र झापा गाउपालिका–४ का ३२ बर्षीय मनोज गणेशलाई प्रहरीले पक्राउ गरेको हो । हिजो दिउँसो ईलाका प्रहरी कार्यालय कुमारखोदबाट खटिएको प्रहरी टोलिले चेकजाँचको क्रममा उनिहरुको साथबाट १३ ग्राम ब्राउनसुगर, डिजिटल तराजु १ थान बरामद गरेको हो । ब्राउनसुगर सहित पक्राउ परेका दुवै जनाको जिल्ला प्रहरी कार्यालय झापाबाट थप अनुसन्धान भईरहेको छ ।...

पूर्णपुष्टि, असार २४ गते । १ नं. प्रदेश प्रहरी कार्यालय आरआईटी समुहबाट खटिएको प्रहरी टोलीले मोरङबाट, लेनदेन मुद्धाका फरार प्रतिबादीलाई पक्राउ गरी सम्मानित जिल्ला अदालत बुझाएको छ । पक्राउ पर्नेमा विराटनगर – ०५ का ५० बर्षीय भरौसी चौधरी रहेका छन् । चौधरीलाई सम्मानित जिल्ला अदालत मोरङको २०७८÷१२÷०३ गतेको फैसला आदेशले १ महिना कैद र ५ हजार जरिवाना तोकिएको थियो । अदालतबाट सजाय तथा जरिवाना तोकिएता पनी हाल सम्म फरार रहँदै आएका चौधरीलाई खोजतलास गर्ने क्रममा गाऊघरमानै लुकीछिपि बसेको अबस्थामा बिहिवार बिहान पक्राउ गरिएको थियो । पक्राउ परेका चौधरीलाई सम्मानित जिल्ला अदालतमा दाखिला गरिएकोमा तोकिएको कैद भुक्तानको लागी मोरङ जिल्ला कारागार पठाईएको छ ।...

काठमाडौं, असार २४ गते । जिल्लाका १५ पालिकामध्ये तीन पालिकामा ‘नाइरोबी फ्लाइ’का सङ्क्रमित फेला परेका छन् । मेचीनगर, अर्जुनधारा र विर्तामोड नगरपालिका क्षेत्रमा नाइरोबीका पीडित फेला परेको बताइएको छ । “ बिहीबार मात्र १०० जना ‘नाइरोबी फ्लाइ’का सङ्क्रमित आउनुभयो”, अर्जुनधारा नगरपालिका–६ स्थित महानन्द चोकमा सकुशल औषधि पसल सञ्चालनक स्वास्थ्य सहायक कलम निरौलाले भन्नुभयो, “एक हप्ता जति भयो, शरीरका विभिन्न अङ्गमा डढुवा घाउजस्तो आएका मानिस आउन थाल्नुभएको । बिहीबार मात्र १०० लाई औषधि दिएर पठाएँ ।” उहाँले दैनिक हात, खुट्टा, घाँटीमा स–साना फोका लिएर चिलायो र पोल्यो भन्दै आउनुभएका सोही रोगका संक्रमितहरुलाई ‘एन्टिभाइरल क्रिम’ दिएर पठाउँदै आएको जानकारीदिनुभयो । उहाँका अनुसार सोही क्रिम घाउमा लगाएको दुईदेखि तीन दिनभित्रमा निको हुने गरेको छ । उहाँले स्थानीय मेडिकलहरुमा एन्टिभाइरल क्रिम किन्न आउनेको भी...

काठमाडौं, असार २४ गते । उदयपुर जिल्लाको त्रियुगा नगरपालिका क्षेत्रको वडा नं ५, २ र १, तथा वडा नं १२ स्थित त्रियुगा नदी आसपासबाट हिजोआज दैनिक नदीजन्य पदार्थ दोहन गरी चोरी, निकासी बढ्दै गइरहेको छ । केही ट्र्याक्टर व्यवसायी र नदीजन्य पदार्थ गैरकानुनीरुपमा उत्खनन गर्ने गिरोहले अहिले वडा नं १ को जोगिदह क्षेत्रको त्रियुगा नदी किनार तथा वडा नं १२ को त्रिवेणी तथा आर्यघाटसहित त्रियुगा पुल आसपासका क्षेत्रबाट रात्रिको समयमा र केहीले दिनमै पनि नदीजन्य पदार्थ चोरी निकासी गर्ने कार्यलाई तीव्रता दिँदै आएका छन् । मनपरी नदीजन्य पदार्थ निकासी र दोहन हुँदा पनि यसका सरोकारवाला निकाय मौन बस्ने गरेको स्थानीयवासीको गुनासो छ ।वडा नं २ स्थित खैजनपुरका कृष्ण राजधामी भन्नुहुन्छ, “पन्ध्र दिनदेखियता आएर केही ट्र्याक्टर व्यवसायी र केही अन्य गिरोहको मिलेमतोमा स्थानीय लुहाले खोला आसपासबाट रात्रिको समयमा मनपरी ढङ्गले ढ...

पूर्णपुष्टि, असार २४ गते । स्वयम् सेवाको भावले स्वस्थ्य क्षेत्रमा योगदान दिदै आएका उदयपुरको हरेक स्थानीय तहको एक उत्कृष्ठ महिला सामुदायिक स्वास्थ्य स्वयम्सेविका आज (सुक्रबार) सम्मानित भएका छन् । चार गाउँपालिका र चार नगरपालिका गरी आठ स्थानीय तहका उत्कृष्ठ स्वयम्सेविकाहरु सम्मानित भएका हुन् । त्रियुगा नगरपालिकाकी सीता पोखरेल, कटारी नगरपालिकाकी कमला तामाङ, चौदण्डीगढी नगरपालिकाकी जयन्ती थापा, बेलका नगरपालिकाकी यशोखा खत्री सम्मानित भएका हुन् । त्यस्तै उदयपुरगढी गाउँपालिकाकी लक्ष्मी रेग्मी, लिम्चुङबुङ गाउँपालिकाकी सत्यकला राई, ताप्ली गाउँपालिकाकी गंगाकुमारी खड्का र रौतामाई गाउँपालिकाकी गीता के.सी सम्मानित भएका हुन् । त्यसैगरी स्वयम् सेवासंगै स्वयम्सेवीहरुको हकहितमा लड्दै आएकी टोटला दाहाललाई पनि सम्मान गरिएको थियो । सम्मानित स्वयम्सेवीहरुलाई जिल्ला समन्वय प्रमुख गौरबहादुर विश्वकर्मा, प्रमुख ज...

पूर्णपुष्टि, असार २४ धामीझाँक्री र एलोपेथिक औषधिमा निर्भर हुँदै आएका स्थानीयवासी पछिल्लो समय आयुर्वेदिक उपचारमा अकर्षित भएका छन् । नियमित हेल्थपोष्ट जाने बानी परेका बिरामीमा जडीबुटी मिश्रण औषधिले राम्रो लक्षण देखाएपछि सामान्य उपचारका लागि पछिल्लो समय आयुर्वेदिक स्वास्थ्य केन्द्रतर्फ जान थालेका हुन्। आयुर्वेदिक उपचार सेवाका लागि आयुर्वेद विभागले रसुवाको पारच्याङ, भोर्ले, लहरेपौवा, स्याफ्रु तथा धुञ्चेसमेतको स्थानबाट सेवा प्रदान गरिरहेको छ । जिल्ला आयुर्वेद केन्द्र प्रमुख डा अमूल दाहालका अनुसार आयुर्वेदिक उपचारबाट चालु आर्थिक वर्षमा जिल्लाभर नौ हजार ९३३ पुरुष र तीन हजार २५२ महिला गरी कूल १३ हजार १८५ नागरिकले सेवा लिइसकेका छन् । जिल्लावासीलाई पहिला एउटा सिटामोलसमेत पाउन गारो हुने गरेकामा अहिले दुईवटा अस्पताल, गाउँगाउँमा स्वास्थ्यचौकी, गाउँघर क्लिनिक, महिला स्वयसेविकाको व्यवस्थाका साथै ठाउँ...

काठमाण्डौँ, असार २४ आज देशभर आङ्शिकदेखि सामान्य बदली रही केही स्थानमा मेघगर्जन÷ चट्याङसहित वर्षा हुुने भएको छ । जल तथा मौसम विज्ञान विभागका अनुसार मनसुनी वायुको प्रभावले प्रदेश नं १, बागमती, गण्डकी, कर्णाली र सुदूरपश्चिम प्रदेशका केही स्थानमा तथा बाँकी प्रदेशका थोरै स्थानमा मेघगर्जन÷ चट्याङसहित हल्कादेखि मध्यम वर्षाको सम्भावना रहेको छ । हाल देशको प्रदेश नं १, बागमती, गण्डकी, कर्णाली र सुदूरपश्चिम प्रदेशमा सामान्य बदली रही बाँकी भू–भागमा आङ्शिकदेखि सामान्य बदलीका साथै सोही प्रदेशका थोरै स्थानमा मेघगर्जन÷ चट्याङसहित हल्का वर्षा भइरहेको छ । राति देशभर सामान्यदेखि पूर्ण बदली रही धेरै स्थानमा मेघगर्जन÷ चट्याङसहित हल्कादेखि मध्यम वर्षाको सम्भावना छ । प्रदेश नं १ र मधेस प्रदेशका एक–दुई स्थान साथै बाँकी प्रदेशका थोरै स्थानमा भारी वर्षाको सम्भावना छ । शनिबार गण्डकी, लुम्बिनी, कर्णाली र सु...