Author: पूर्णपुष्टि

पूर्णपुष्टि, १३ माघ । सेवा प्रवाहको हकमा जिल्ला अस्पताल उदयपुर उत्कृष्ट सावित भएको छ । कोशी प्रदेश स्वास्थ्य निर्देशनालय धनकुटाले गरेको मूल्यांकनमा अस्पतालमा हुने सेवा प्रवाह, विभिन्न विभागको कार्य सम्पादन लगायतका पक्षहरूको आधारमा जिल्ला अस्पताल उदयपुरले ९० अंक पाएको अस्पतालका सूचना अधिकारी सुरेश पाण्डेले जानकारी दिए । पाण्डेका अनुसार पहिले भन्दा थप ३ अंक थप्दै उत्कृष्ट हासिल गरेको हो । यसअघि अस्पतालले ८६ प्रतिशत अंक प्राप्त गरेको थियो । यस्तो मुल्याँङकने अस्पतालको सेवा प्रवाहबारे थप हौसाला मिल्ने र सेवागाहीहरुलाई सहज सेवा प्रदान गर्ने अस्पतालले जनाएको छ । अस्पताल तथा स्वास्थ्य संस्थाको न्यूनतम सेवा मापदण्ड कायम गर्ने सम्बन्धी २०७७ को कार्य अवधिअनुसार यस्तो मूल्यांकन प्रत्येक वर्ष गरिन्छ । जिल्ला अस्पताल उदयपुरका मेसु डा. बिरेन्द्र मण्डलले आम नागरिकलाई गुणस्तरीय स्वास्थ्य सेवा प्रदान ग...

पूर्णपुष्टि, १३ माघ । पूर्व जनमुक्ति सेना नेपाल त्रियुगा नगर कमिटी उदयपुरको आयोजनामा भएको फुटवल प्रतियोगितामा सिन्धुली बिजयी बनेको छ । पूर्व जनमुक्ति सेना नेपाल उदयपुर र जनमुक्ति सेना नेपाल सिन्धुली जिल्ला बिचको मैत्रिपूर्ण खेलमा १÷० ले सिन्धुली बिजयी बनेको हो । सिन्धुलीको तर्फबाट मरिण गाउँपालिका अध्यक्ष समेत रहेका बिमर्श मोक्तानले गोल गरेका थिए । अन्तत अध्यक्षको मोक्तानको गोलनै निर्णायक बन्यो । लिग चरणमा सिन्धुली र उदयपुरका पूर्व जनमुक्ति सेना, माओवादी नेता, र योङ कम्युनिस्ट लिग (वाईसिएल) गरी चार टिमले प्रतिस्पर्धा गरेका थिए । आयोजक संयोजक अर्जुन तामाङका अनुसार महिला र पुरुष पूर्व लडाकु खेलाडीहरूको समान सहभागिता खेलमा देखिएको थियो । विजेता टिम सिन्धुलीलाई माओवादी केन्द्रीय सदस्य सुरेशकुमार राई (हिमाल), वैकल्पिक केन्द्रीय सदस्य मोहन खत्री (दिपक), जिल्ला सचिव तथा एन्फा महासचिव किरण राई...

पूर्णपुष्टि, माघ ११ । उदयपुरको त्रियुगा नगरपालिका १२ सोनापुरमा एक नवजात मृत शिशु फेला परेको छ । शनिबार बिहान करिब ६ बजे धुर्ब साहको राइस मिल नजिकको वारिमा एक नबजात शिशु मृत अवस्थामा देखेपछि गाउँलेहरुले प्रहरीलाई खबर गरेका थिए । वडा सदस्य लक्ष्मी चौधरीका अनुसार शिशु अवैध सम्बन्धबाट जन्माइएर फालिएको हुन सक्ने शंका गरिएको छ । प्रहरीले घटनाको अनुसन्धान गरिरहेको छ र शिशु फ्याक्नेको खोजी जारी छ । मृत शिशुको शव पोष्टमार्टेमका लागि जिल्ला अस्पताल उदयपुरमा राखिएको छ ।...

पूर्णपुष्टि, १२ माघ । बाघखोर (लिम्चुङबुङ) हलेसी पदमार्गलाई थप व्यवस्थीत बनाउन गाईघाटमा बृहत छलफल गरिएको छ । लिम्चुङबुङ गाउँपालिका र नेपाली सेनाको सक्रियतामा सो पदमार्गको विकास गर्न थालिएको छ । पदमार्गलाई क्रियाशिल बनाउन थप संरचनाहरुको आवश्यक बारे शनिवार पशुपति गण बोक्सेले अन्तरक्रिया तथा छलफल कार्यक्रमको आयोजना गरेका थिए । छलफलमा लिम्चुङबुङ गाउँपालिका अध्यक्ष मेजर कुमार राई, उदयपुरगढी गाउँपालिकाका उपाध्यक्ष जित बहादुर खड्का र रौतामाई गाउँपालिकाको उपाध्यक्ष भुपिन्द्र बहादुर थापा लगायतको उपस्थिति थियो । यो सँगै पर्यटन व्यवसायी र संञ्चारकर्मीहरुको पनि उपस्थिति रहेको थियो । बोक्से गणका गणपति पसुपति प्रसाद वाग्लेले पदमार्गलाई बाह्रै महिना क्रियाशिल बनाउन र आकर्षण गर्न संरचनाहरुको सुधार गर्नुपर्ने जनाए । जस अन्तर्गत छोटोदुरीको पदमार्ग, व्यवस्थीत वास स्थान, रमणीय बातावरण, स्थानीय कला र संस्कृ...

पूर्णपुष्टि, १२ माघ । सशस्त्र प्रहरी बल नेपाल गण ५ हेटक्वाटर गाईघाटले आफ्नो २४ औँ प्रहरी दिवस बिभिन्न कार्यक्रमहरुकाबीच सम्पन्न गरेको छ । सरसफाई, जनचेतना कार्यक्रम, बिपद व्यवस्थापन, रक्तदान, खेलकुद प्रतियोगिता, माल्यार्पण, यात्रु प्रतिक्षालय र पुरस्कार वितरण कार्यक्रमहरु सहित सम्मान कार्यत्रमहरु गरेर आफ्नो दिवस सम्पन्न गरेको हो । कार्यालयले त्रियुगा उच्च माध्यमिक बिद्यालय गाईघाट, देवी माध्यमिक विद्यालय भुल्के, महाकाली मावि चम्पापुर, त्रिबेणी माध्यमिक विद्यालय कटारी, थानपोखरी मावि ज्यामिरे गरि ५ वटा विद्यालयहरुका ४५५ जना विद्यार्थीहरुलाई विपद् ब्यवस्थापन तथा लागु औषध सम्वन्धी कक्षा जनचेतनामुलक कक्षाहरु संचालन गर्यो भने भगवति मन्दिर सरसफाई गरेको छ। यस्तै नेपाल रेडक्रस सोसाईटी कार्यालय बोक्सेमा रक्तदान र अमर शहिदहरुको नाममा नव(निर्मित शिलालेखमा माल्यार्पण गरेको छ । जिल्लाको कटारी नगरपालि...

पूर्णपुष्टी, माघ ११ । उदयपुरको चौदण्डीगढी नगरपालिकामा जिल्ला स्तरीय आठौं मेयर कप ब्याडमिन्टन प्रतियोगिता २०८१ आज (शुक्रबार) देखि सुरु भएको छ।राष्ट्रको लागि खेल्कुद, स्वास्थको लागि खेल्कुद भन्ने मुल नाराका साथ बसाहा ब्याडमिन्टन क्लबद्वारा आयोजित प्रतियोगिता बसाहास्थित स्वर्गीय सनात कुमार राई कबर्ड हलमा सुरु भएको हो । प्रतियोगितामा ए डिभिजनका १६, बि डिभिजनका ५७ र ४५ + भेटान्समा २९ र ५५ + भेटान्समा १६ टिम गरि जम्मा ११८ टिमले सहभागी जनाएकाे छ । ए डिभिजनका प्रथमले नगद रु. २५००० सहित ट्रफी, मेडल र प्रमाण पत्र, दोस्रोले नगद रु. १५००० सहित ट्रफी, मेडल र प्रमाण पत्र र तेस्रोले नगद रु. १०००० सहित ट्रफी, मेडल र प्रमाण पत्र प्रप्त गर्ने छ । त्यस्तै बि डिभिजनका प्रथमले नगद रु. २०००० सहित ट्रफी, मेडल र प्रमाण पत्र, दोस्रोले नगद रु. १०००० सहित ट्रफी, मेडल र प्रमाण पत्र र तेस्रोले नगद रु. ८००० सहित ...

पूर्णपुष्टि, ११ माघ । पूर्व सांस्कृतिक पर्यटन तथा नागरिक उड्यान मन्त्री सुदन किरातीले त्रियुगा नगरपालिका वडा नं १५ बैथुम्की डाँडाँमा हिलस्टेनको सिलन्यास गरेको छ । किरातीले त्रियुगा नगरभित्र पर्ने तिन ओटा वडाहरु १४, १५ र १६ मा निर्माण हुने हिलस्टेनको शुक्रबार एक कार्यक्रमकाबीच सिलन्यास गरेको हो । पर्यटन मन्त्री रहँदा किरातीले उक्त हिलस्टेनका लागि झण्डै तिन करोड बजेट छुटाएका थिए । आज सोही बजेट कार्यन्वयनमा आएर काम अघि बढिसकेको १६ नं वडाअध्यक्ष मान वहादुर राईले जानकारी दिए । २ करोड ९० लाख बजेट रहेकोमा २ करोड ७० लाखमा ठेक्का लागि काम सुरु गरिसकेको अध्यक्ष राईको भनाई छ । त्रियुगाको पहाडी वडाहरुमा पर्यटन भित्राउने लक्ष सहित हिलस्टेनको प्याकेज सहितको निर्माण कार्य सुरु भएको हो । जसमा त्रियुगाको १४ र १५ को सिमानामा पर्ने बैथुम्की डाँडाँमा पिकनिक स्पोर्ट, पार्क, लिँगे पिङ, लगायतका संरचनाहरु...

पूर्णपुष्टि, १० माघ । त्रियुगा नगरपालिका वडा नं १४, १५ र १६ मा बन्ने हिलस्टेशनको सिलन्यास पूर्व मन्त्री तथा माओवादी नेता सुदन किरातीले गर्ने भएको छ । पूर्व सांस्कृतिक पर्यटन तथा नागरिक उड्यान मन्त्री तथा माओवादी केन्द्रका केन्द्रीय सदस्य समेत रहेका राईले उदयपुरको त्रियुगा १५ मा रहेको पर्यटकीय डाँडा बैथुम्की डाँडाँबाट हिलस्टेशनको सिलन्यास गर्ने भएको हो । भोली (शुक्रबार) तिनै ओटा वडाको हिलस्टेशन बाख्खोर बैथुम्की डाँडाँमा एकै साथ गरिने भएको हो । तिनै वडा त्रियुगा १४ साउने, १५ रानिवास र १६ जाल्पा चिलाउनेको संयुक्त आयोजनामा सिलन्यासको काम अघि बढाईएको हो । माओवादी केन्द्र त्रियुगा नगर अध्यक्ष समेत रहेका १६ नं वडाअध्यक्ष मान वहादुर राईले सिलन्यास कार्यक्रममा उपस्थितिका लागि सबैमा आह्वान गरेको छ । त्रियुगा नगरपालिका भित्र पर्ने तिन ओटा पहाडी वडाहरुमा हिलस्टेशन निर्माण गरिने भएको हो । यस स्टेशन...

पूर्णपुष्टि, माघ १० । जलजलेस्थित उदयपुर सिमेन्ट उधोगको परिसरमा रहेको राष्ट्रिय बाणिज्य बैंकको काउन्टर नियमित रूपमा सञ्चालन नहुँदा स्थानीय सेवाग्राही सेवाबाट वञ्चित भएका छन् । हाल बैंकले साताको मात्र दुई दिन काउन्टर खोल्ने गरेको छ, जसले गर्दा स्थानीय बासीहरूले बैंकिङ सेवा लिन कठिनाई भोग्नुपरेको छ । सोमबार बिहान १० बजेदेखि ग्राहकहरू बैंक कार्यालय अगाडि जम्मा भएका थिए । तर मुल गेट बन्द रहेपछि उनीहरू ७ किलोमिटर टाढाको गाईघाट शाखामा कारोबार गर्न बाध्य भए । सुरक्षाकर्मीले कर्मचारी नआएको कारण गेट नखुलेको र काउन्टर बन्द रहेको जानकारी दिए । उद्योगका कर्मचारी तेज प्रसाद ढकालले बैंक कर्मचारीहरूको लापरवाही र गैरजिम्मेवारीको आरोप लगाए । उनका अनुसार, कम्तीमा बाहिरी कम्पाउण्डमा सूचना टाँस्न सकेमा सेवाग्राहीलाई असुविधा हुने थिएन । राष्ट्रिय बाणिज्य बैंक गाईघाट शाखाका प्रबन्धक कृष्ण गोइतले उद्योगम...