Author: पूर्णपुष्टि

पूर्णपुष्टि, १४ चैत्र । किरात राई यायोख्खा त्रियुगा नगर कार्यसमितिमा १६ कार्यसमिति चयन भएको छ । शनिवार गाईघाट साकेला टोलमा भएको तेस्रो नगर सम्मेलनले इन्द्र राईको अध्यक्षतामा १६ कार्यसमिति चयन गरेको हो । समितिको उपाध्यक्षमा सुकुम राई, सचिवमा पेशल राई, कोषाध्यक्षमा सुमित्रा राई र सहसचिवमा सुस्मिता राई रहेकी छिन् । यस्तै सदस्यहरुमा सशिकला राई, लाल वहादुर राई, बिवेक राई, विन्दा राई, जै वहादुर राई, अमृत राई, यच्छा कुमार राई, दिल कुमार राई, निमेश राई, प्रवधन राई, दिल कुमारी राई र दुर्गा बहादुर राई रहेका छन् ।...

पूर्णपुष्टि, बैशाख १२ । उदयपुरको त्रियुगा नगरपालिका क्षेत्रमा भोली (शनिबार) बिहान देखी बेलुका सम्म विद्युत अवरुद्ध हुने भएको छ । नेपाल विद्युत प्राधिकरण उदयपुर वितरण केन्द्रले एक सुचना जारी गर्दै बिहान ८ बजेदेखी बेलुका ४ बजेसम्म विद्युत अवरुद्ध हुने जानकारी दिएको हो । सुचनामा भनिएको छ ‘उदयपुर वितरण केन्द्र अन्तर्गतको ११ के.भी. गाईघाट फिडर, जोगिदह भिडर, चुहाडे फिडर अन्तर्गतका स्थानहरु जलजले, देउरी, बगाहा, दमौटी, मोतिगडा, हडिया, बोक्से, गाईघाट बजार, असारी, राजावास, चुहाडे, साउने, रानिबास  लगायतका क्षेत्रहरुमा लाईन संरचनामा परेका रुख विरुवाका हाँगाबिँगाहरु काटछाट गर्नु पर्ने भएकोले विद्युत अवरुद्ध रहनेछ ।’ उल्लेखित समय अगावै कार्य सम्पन्न भएमा सोही अनुसार लाईन सुचारु हुने समेत प्राधिकरणले जनाएको छ ।...

पूर्णपुष्टि, बैशाख १२ । उदयपुरको उदयपुरगढी गाउँपालिका वडा नं. ७ नेपालटार स्थित संगम चोक नजिकबाट दुई थान बरुवा बन्दुक सहित एक जनालाई प्रहरीले पक्राउ गरेको छ । पक्राउ पर्नेमा स्थानिय सन्तोष मगर रहेको जिल्ला प्रहरी कार्यालय उदयपुरले जनाएको छ । प्रहरीका अनुसार बिहिबार दिउँसो गाईघाटदेखि नेपालटार तर्फ जादै गरेको प्र ३–०२–०१३ प ३३८४ नम्बरको मोटरसाइकल चेकजाचको क्रममा लुकाएर लादै गरेको अबस्थामा एक नाल लोड तयारी र अर्को बट र नाल छुट्टाछुट्टै पुर्ण रूपमा तयारी नभएको अबस्थामा भरुवा बन्दुक बरामद गरिएको हो । भरुवा बन्दुक सहित पक्राउ परेका मगरलाई जिल्ला प्रहरी कार्यालय उदयपुरमा राखेर अनुसन्धान भैरहेको कार्कीले बताए ।...

पूर्णपुष्टि,११ बैशाख । अन्तर्राष्ट्रिय नेपाली सेफ सोसाइटीको केन्द्रीय सचिवमा उदयपुरका बलराम खतिवडा निर्विरोध चयन भएका छन । अन्तर्राष्ट्रिय नेपाली सेफहरूको साझा संस्था International Nepali Chef Society (INCS) को २०२५–२०२७ कार्यकालका लागि नयाँ कार्यसमिति चयन गरिएको थियो । वैशाख ६ गते सम्पन्न अधिवेशनमार्फत गठन गरिएको ३६ सदस्यीय कार्यसमितिमा उदयपुरका बलराम खतिवडा सचिव पदमा निर्वाचित भएका छन् । साइप्रसस्थित एक प्रतिष्ठित रेस्टुरेन्टमा Vegan Chef का रूपमा कार्यरत खतिवडा यसअघि INCS को साइप्रस च्याप्टरका उपाध्यक्ष थिए। नेपाली सेफहरूको अन्तर्राष्ट्रिय प्रतिनिधित्व, पेशागत विकास र संस्थागत सशक्तिकरणमा सक्रिय भूमिका निभाउँदै आएका खतिवडा अब केन्द्रीय सचिवका रूपमा थप जिम्मेवारी वहन गर्नेछन्। यसै अधिवेशनबाट अध्यक्षमा अरुण अधिकारी, वरिष्ठ उपाध्यक्षमा श्याम अमगाईं, उपाध्यक्षहरूमा सूर्य भण्...

तपाईं हरुलाइ लागेको होला अस्थायी, राहत, करार इत्यादि शिक्षकहरु स्थायी बनाइदे भनेर सडकमा उफ्रेका छन् । उनिहरु पढेर शिक्षक सेवा पास गर्न नसकेर आन्दोलन गर्न आएका हुन् । यस्तै भ्रममा हुनुहुन्छ हैन तपाईंहरु ? कुरोको चुरो नबुझी बोल्ने, लेख्ने नकारात्मक टिप्पणी गर्ने संस्कार हामीमा हाबी भै सकेको छ त्यसकै परिणाम स्वरुप आज शिक्षकलाई गाली गर्दै हुनुहुन्छ तपाईं । सरु पाैडेल धेरैजसो व्यक्तिले अहिलेको शिक्षक आन्दोलनलाई नकारात्मक टीका टिप्पणी गरिरहनु भएको छ । झन झाक्री जस्ता धेरै झाक्रा-झाक्रीले त रमिता देखाएको नै भन्न भ्याइसक्नु भयो । हुन त रमितै देखाएर सत्ता र सदनमा पुगेकाहरुले यसलाई रमितै देख्छन् । उहाँहरुको चक्षुले देखेको भन्न र सामाजिक संजालमा लेख्न कुनै रोकटोक लगाउन शैक्षिक बर्ग उत्रिदैन किनभने प्रत्येकलाई वाक स्वतन्त्रता छ । तर समाजमा आफ्नो प्रभुत्व जमाउन र आफुलाइ बौद्धिक वर्गमा गन्न चाहाने ...

पूर्णपु्ष्टि, १० बैशाखा । उदयपुरको उदयपुरगढी गाउँपालिका ८ बाखोरबाट सुरु भएको बाखोर–लिम्चुङबुङ–हलेशी “ढाक्रे पद यात्रा” मंगलबार खोटाङको हलेशी मन्दिर पुगेर समापन भएको छ । ४ दिन सम्म चलेको यात्रा उदयपुरमा शनिवार उद्घाटन गरिएको थियो भने हलेशी पुगेर मंलगलबार समापन गरिएको हो । यो पद यात्राले हलेशी र उदयपुरलाई जोड्न पनि उदेश्य राखेको छ । उदयपुरको तिन ओटा पालिका लिम्चुङबुङ, रौतामाई र उदयपुरगढी गाउँपालिकालाई छोएर पद यात्रा गरिएको छ । यी तिनै पालिकाहरुको परिकल्पना र समन्वय तथा पशुपति प्रसाद गणकाको प्राविधिक सहयोगमा पद यात्रा आयोजना गरिएको थियो । यस गोरेटो हुँदा बिगतका पुर्खाहरुले ढाकरमा नुन तेल बोक्ने गरेका थिए । पहाडी इलाकाबाट खाद्यन्न नुन तेलका लागि यो गोरेटोलाई प्रयोग गरेर मधेश लाहान सम्म जाने गरेका थिए । बाजे पुर्खाहरुले प्रयोग गरेको पुरानो पाईलाहरुलाई अहिलेको पुस्ताहरुले जिवित बन...

पूर्णपुष्टि, ९ बैशाख । बाखोर–लिम्चुङबुङ– हलेशी “ढाक्रे पद यात्रा” का यात्रीहरु ४ दिनमा हलेशी महादेव थान पुगेको छ । शनिवार देखी सुरु गरिएको यात्राको ६० किलोमिटर दुरी छिचोल्दै मंगलबार खोटाङको हलेशी पुगेको हो । यात्रालाई रैथाने खाना र रैथाने बासले मनोरञ्जन बनाएको थियो । लिम्चुङबुङ, रौतामाई र उदयपुरगढी गरी तिन ओटा पालिकालाई समेट्दै यात्रा तय गरिएको थियो । उदयपुरगढी ७ बाखोरबाट सुरु गरिएको यात्राको पहिलो दिन १० किलोमिटर यात्रा गरिएको थियो भने दोस्रो दिन १७ किलोमिटर र तेस्रो दिन २२ किलो मिटर र चौथो दिन ११ किलो मिटर यात्रा गरेका थिए ।...

पूर्णपुष्टि, ७ बैशाख । उदयपुरको लिम्चुङबुङ गाउँपालिकाले जातिय पोशाक लगाउन सुरु गरेको छ । आईतबार र सोमवार हप्ताको दुई दिन अनिवार्य जातिय पोशाक लगाउने पालिकाको निर्णय अनुसार पोशाक लगाउन सुरु गरेको हो । पालिकामा राई, नेवार, चौधरी, ब्रामण, क्षेत्र लगायतका कर्मचारीहरु रहेका छन् । पछिल्लो समय जातिय पोशाक लोपन्मुख भएको भन्दै पोशाक लगाउने पालिकाबाट निर्णय भएको प्रमुख प्रशासकीय अधिकृत ताराकिरण राईले बताउनुभयो । राईका अनुसार यसले पर्यटन प्रवद्र्धनमा समेत टेवा पुराउने र पोशाक बाट सेवा दिँदा नौलो पन देखिने बताउनु भयो । जातिय पोशाक लगाउँदा कर्मचारीहरु निकै उत्साहित छ भने सेवाग्राहीरु पनि खुसी छन् । पोषाकले आफ्नो जातको पहिचान गराउने र गर्व महशुस गराउने अधिकृत राईले बताउनुभयो । यो पालिकाको निकै उदाहरणीय निर्णय र काम पनि हो ।...

पूर्णपुष्टि, ७ चैत्र । बाखोर–लिम्चुङबुङ–हलेशी पद यात्राको पहिलो दिन १० किलोमिटर पद यात्रा तय भएको छ । उदयपुरगढी गाउँपालिका ७ बाखोर बाट सुरु भएको ६० किलोमिटर पद यात्राको पहिलो दिन १० किलोमिटर यात्रा तय भएको हो । लिम्चुङबुङ गाउँपालिकाका अध्यक्ष मेजर कुमार राई, उदयपुरगढी गाउँपालिकाको उपाध्यक्ष जित बहादुर खड्का लगायत सम्मिलित यात्रामा सहभगी यात्रीहरु उत्साहित छन् । यात्रा सुरु गरिएको स्थान बाखोरबाट सितले, तल्लो चुरुम्फा, बैजनात खोला हुँदै गोगनेमा पुगेर यात्रीहरुले पहिलो दिनको यात्रा सम्पन्न गरे । आईतवार दोस्रो दिन गोगने देखी यात्रा सुरु गरेको छ । यात्राको क्रममा रैथाने खाना, गाउँघरको वसाई बिषेश रहेको छ । पर्यटन प्रवद्र्धन तथा पुर्खाहरुको गोरेटेलाई सम्मान गर्ने उदेश्य सहित सुरु गरिएको पद यात्रा ४ दिनको रहेको छ । उक्त यात्रा खोटाङको हलेशी तुवाचुङ नगरपालिकाको महादेव थानमा टुँगिने छ ।...

पूर्णपुष्टि, ७ चैत्र । त्रियुगा नगरपालिकाले आईतवार एक दिने सोक विदा दिएको छ । नगरपालिकामा कार्यरत नगर प्रहरीको रुखबाट लडेर निधन भएपछि सोक विदा दिएको हो । त्रियुगा नगरपालिका १४ नं वडा पुङमाङ निवासी त्रियुगा नगरपालिकामै कार्यरत नगर प्रहरी ५० बर्षिय राम कुमार थापा मगरको निधन प्रति एक दिने सोक विदाको घोषणा गरिएको थियो । मगरको शनिबार दिउँसो घाँस काट्ने क्रममा रुखबाट लडेर निधन भएको थियो । घाँस काट्दै गर्दा चिप्लेर लडी ज्यान गएको थियो । उनको घट्नास्थलमै निधन भएको वडाध्यक्ष हिमराज मगरले बताएका छन् ।    ...