Author: पूर्णपुष्टि खबर

पूर्णपुष्टि, साउन १ । श्रीलंकामा जारी एसीसी इमर्जिङ टिम्स एसिया कपमा नेपालले भारत ‘ए’ लाई १६८ रनको लक्ष्य दिएको छ । कोलोम्बोस्थित आर प्रेमदासा स्टेडियममा टस जितेर पहिला ब्याटिङ गरेको नेपालले ३९.२ ओभरमा अलआउट हुँदै १६७ रन बनाएको हो । कमजोर ब्याटिङ गरेको नेपालका लागी कप्तान रोहित पौडेलले अर्धशतक प्रहार गरे । १० ओभरमा ३७ रन जोड्दा ५ विकेट गुमाएको नेपालका लागि रोहितले सोमपाल कामीसँग छैटौं विकेटका लागि ५३ रन र गुल्सन झासँग सातौं विकेटका लागि ५४ रनको साझेदारी गरेका थिए । चौथो नम्बरमा ब्याटिङ गरेका कप्तान रोहितले सार्वाधिक ६५ रनको योगदान गरे । गुल्सन झाले ३८ रन बनाए भने सोमपालले १४ रन बनाए । देव खनालले १५ रन बनाए । त्यस्तै नेपालका ओपनर कुशल भुर्तेल दोस्रो बलमै रन बिहिन हुँदै आउट भएका थिए भने आसिफले ७ रन बनाए । पवन सर्राफले ६ रन बनाए भने भीम सार्कीले ४ रन बनाए । कुशल मल्ल पनि रन बिहिन आउट भए...

पूर्णपुष्टि, साउन १ । जिल्ला अदालत उदयपुरले एक आर्थिक वर्षमा १ हजार २२६ मुद्दा फछ्र्यौट गरेको छ । आर्थिक वर्ष ०७९÷०८० मा जम्मा २ हजार ३४ मुद्दा मध्ये ६० दशमलब २७ प्रतिशत मुद्दा फछ्र्यौट गरेको हो । तीनजना न्यायाधीससहित ५० जना कर्मचारीको कार्यसम्पादनबाट उक्त संख्याको मुद्दा फछ्र्यौट भएको हो ।८०८ मुद्दा पछ्र्यौट बाँकी रहेको अदालतले जनाएको छ । मुद्दाको प्रकृति हेर्दा देवानीतर्फ १ हजार ३०१ मध्ये १३ वटा फछ्र्यौट भएका छन् । दोस्रोमा सरकारवादी फौजदारी ४१९ मध्ये २५६ वटा मुद्दा मछ्यौट भएका छन् । दुनियावादी फौजदारी २७० मध्ये १२ मुद्दा फछ्यौट भएका छन् । २१ वटा रिट मध्ये १० वटा र पुनरावेदन २३ मध्ये १९ वटा फछ्र्यौट भएका छन् । उक्त आर्थिक वर्षमा विषयगत विवरण हेर्दा सम्बन्ध विच्छेद सबैबन्दा बढि छ । ४५५ मुद्दा मध्ये ३३६ वटा फछ्र्यौट भई ११९ वटा बाँकी रहेका छन् । जबरजस्ती करणी र लागुऔषध बराबरी ६० वटा रहेक...

पूर्णपुष्टि, साउन १ । उदयपुरकाे ताप्ली गाउँपालिका –४ स्थित आधारभुत विद्यालय थुम्की पिपलबजारका प्रधानाध्यापक एकराज पोखरेलले शैक्षिक सामग्रीमा भ्रष्टाचार गरेको आरोप लागेको छ । कम मूल्यका सामानलाई बढि बील देखाई उनले दुईलाख बढि भ्रष्टाचार गरेको आरोप छ । उनले विद्यालयका लागि खरिद गरिएका शैक्षिक सामग्री तथा फर्निचर लगायतमा भ्रष्टाचार गरेको अभिभावकहरुको आरोप छ । प्रअ पोखरेलले आफुखुसी गाउँपालिकाबाट विनियोजित पाँच लाख बजेटको सामान खरिद गरेका थिए । प्रअ पोखरेलका अनुसार दमक पुगेर सामान गरिद गरिएको थियो । उनले खरिद गरेका सामान कम मुल्यको भएपनि बील उच्च मूल्याको ल्याएको जनाइएको छ । अधिकांश सामानमा हिन्दी भाषा लेखिएका छन् । भारतका लागि बनाइएका सामान कम मुल्यमा खरिद गरि ल्याएको प्रष्ट छ । प्रअ पोखरेलले यस विषयलाई आफ्नाे कमजोरीको रुपमा स्विकारेका छन् । केही सामान फिर्ता गरेको र तिरिएको बढि पैसा फिर्ता...

पूर्णपुष्टि, साउन १ । कुवेत र जोर्डन जान लागेका १५६ जना श्रमिकलाई विना कारण त्रिभुवन अन्तराष्ट्रिय विमानस्थल अध्यागमनले फर्काएको भन्दै वैदेशिक रोजगार विभागले असन्तुष्टि जनाएको छ । बैदेशिक रोजगार विभागले आईतबार निकालेको प्रेस विज्ञप्तीमा श्रम स्वीकृती लिई कामको लागी जोर्डन र कुवेत जान लागेका श्रमिकहरुले पेश गरेको कागजात शंकास्पद भनी प्रस्थान अनुमती नदिएको सम्बन्धमा वैदेशिक रोजगार विभागको गम्भिर ध्यानाकार्षण भएको जनाएको छ । विभागका निर्देशक गुरुदत्त सुवेदीले जारी गरेको विज्ञप्तीमा विभागबाट एकै प्रकृतीका कागजातका आधारमा एउटै लटमा श्रम स्विकृती लिई प्रस्थानको लागी एयरपोर्ट पुगेका व्यक्तिहरु मध्ये कसैलाई प्रस्थानको लागी अनुमति दिएको र कसैलाई नदिएको तथ्य देखिएको भन्दै विना आधार श्रमिकलाई अध्यागमनले फिर्ता पठाउनु मानसिव रहेको बताईएको छ । संस्थागत श्रम स्विकृत लिई श्रमिकहरुलाई गलत स्था...

पूर्णपुष्टि, साउन १ । लुम्बिनी प्रदेशका पूर्व भूमिव्यवस्था तथा सहकारी मन्त्री विजयबहादुर यादव बैंकिङ कसुरमा पक्राउ परेका छन् । नेकपा एमालेका नेता यादवलाई बाँके प्रहरीले पक्राउ गरेर बुटवल ल्याउँदै गरेको रुपन्देही प्रहरी प्रवक्ता डिएसपी श्यामु अर्यालले जानकारी दिए । उनिमाथि रकम नभएको खाताको १२ लाख २८ हजार रुपैँयाको चेक काटेर दिएको आरोप छ । यादवले गत माघ १० मा रुपन्देहीको सियारी गाउँपालिका–१ का उमाशंकर यादवलाई बैंक अफ काठमाडौंको उक्त चेक दिएका थिए । सो चेक भजाउन जाँदा खातामा रकम नभएको पाईएपछि यादवविरुद्ध बैंकिङ कसुर मुद्धा परेको थियो । जसपाबाट २०७४ सालमा बाँकेको क्षेत्र नम्बर २ (१) बाट प्रदेशसभा निर्वाचनमा निर्वाचित भएका यादव पार्टीको निर्देशनविपरीत सरकारमा सहभागी भएर भूमि व्यवस्था तथा सहकारीमन्त्री बनेका थिए । पार्टीको निर्देशनविपरीत सरकारमा सहभागी भएका यादवलाई जसपाले कारर्बाही गरे...

पूर्णपुष्टि, १ साउन । दर्शक कुट्ने भलिवल खेलाडी धनबहादुर भट्टलाई भलिबल संघले कार्वाही गरेको छ । नेपाली सेनामा कार्यरत भट्ट आठ वर्षयता राष्ट्रिय टिमका ओपन स्पाइकर समेत हुन् । राष्ट्रिय टिमका सम्भावित कप्तानका रूपमा हेरिएका खेलाडीले दर्शकलाई प्यारापिटमै उक्लिएर मुक्का हानेको भिडियो सामाजिक सन्जालमा आएको छ, खेलवृत्तमै बहसको विषय बनेको छ । कभर्डहलमा गत सोमबार गण्डकीविरुद्ध ३–० को जित हात पारेको थियो । त्यसको तेस्रो सेटमा आर्मी २३–२४ को स्थितिमा चेकआउट हुँदा आर्मीलाई अंक दिएको भन्दै गण्डकीका खेलाडीहरू अम्पायरसँग गुनासो गर्न पुगेका थिए । दर्शकले पनि आर्मीविरुद्ध आक्रोश पोख्न थाले । आर्मी टिम भएको कोर्टतिर पानीको बोतल हाने । आर्मीका खेलाडीहरू भीआईपी प्यारापिट नजिकै रहेका गण्डकीका समर्थकतिर खनिए । औंला तेर्स्याउँदै गालीगलौज गर्दै झम्टिन थाले । धनबहादुरले बार नाघ्दै प्यारापिटको माथिल्लो क्षेत...

पूर्णपुष्टि, १ साउन । आर्थिक वर्ष २०८०८१ आजबाट सुरु भएको छ । नयाँ आर्थिक वर्ष सुरु भएसँगै सरकारले घोषणा गरेका विभिन्न कर सम्बन्धी व्यवस्था कार्यान्वयनमा आएका छन् । आयकर ऐन २०५८ मा सरकारले गरेको संशोधित व्यवस्था अनुसार आज साउन १ गतेदेखि वाषिर्क ५० लाख रुपैयाँभन्दा बढी कमाउनेलाई ३९ प्रतिशत आयकर लाग्ने छ । यसअघि वाषिर्क २० लाख रुपैयाँभन्दा माथि कमाउनेहरुलाई ३६ प्रतिशत आयकर लाग्ने गरेको थियो । सरकारले पहिलोपटक सुरु गरेको विलासिता कर पनि आजैदेखि कार्यान्वयनमा आएको छ । सरकारले पाँचतारे वा सोभन्दा माथिका होटेल, रेस्टुरेन्ट तथा रिसोर्टहरुले प्रदान गर्ने सेवामा २ प्रतिशत विलासिता कर लगाएको छ । साथै सरकारले १० लाखभन्दा बढीको बहुमूल्य धातुमा पनि २ प्रतिशतकै दरले विलासिता शुल्क लगाएको छ । सरकारले आयातित मदिरा र १० लाख रुपैयाँभन्दा बढी मूल्यका हिरा, मोती, पत्थर जडित सुन वा बहुमूल्य धातुका गह...

पूर्णपुष्टि, १ साउन । आज साउने संक्रान्ति पर्व, परम्पराअनुसार स्नान, दान र आफन्तहरु जमघट भई रमाइलो गरी मनाइँदै छ । सूर्यले मिथुन राशिको भोग पूरा गरी कर्कट राशिमा प्रवेश गर्ने पहिलो दिन आज देशभर साउने संक्रान्तिको रुपमा मनाउने परम्परा छ । साउनदेखि नै सूर्य दक्षिण हुँदै हिँड्ने भएकाले आजैदेखि दक्षिणायन सुरु हुन्छ । माघ १ गते सुुरु हुने उत्तरायण र साउन १ गते सुरु हुने दक्षिणायनका दिनलाई विशेष रुपमा मनाइन्छ । अधिकांश नेपालीहरु असार महिनाभर रोपाइँमा व्यस्त हुने भएकाले हिलो मैलोबाट लाग्ने छालासम्बन्धी रोग ठीक पार्न भन्दै साउने संक्रान्तिको दिन लुतो फाल्ने चलन पनि चलिआएको छ । परम्पराअनुसार कागभलायो, कुकरडाइनो, लुतेझार, पानीअमला, कागती, अम्बा, नासपाती आदि औषधिका रुपमा समेत प्रयोग हुने वनस्पति राखेर कण्डारक नाम गरेका राक्षसको पूजा गरी अगुल्टो फालिन्छ । लुतो फाल्दा आआफ्नो कूल परम्पराअन...

पूर्णपुष्टि, असार ३१ । नेपाली राष्ट्रिय भलिबल टिमको कप्तान हरिहजुर थापा निलम्बनमा परेका छन् । गत सोमबार सातौं प्रधानमन्त्री कप एनभीए महिला तथा पुरुष राष्ट्रिय लिगको खेलमा आर्मीबाट खेलेका थापाले कप्तानको भुमिका राम्रोसँग पुरा नगरको र कर्तव्यबाट विमुख भएको भन्दै नेपाल भलिबल संघले निलम्बन गरेको हो । दशरथ रंगशालास्थित कभर्ड हलमा आर्मी र गण्डकीबिच भएको उक्त खेलमा आर्मीका खेलाडीले दर्शकलाई कुटपिट गरेका थिए । घटनापश्चात संघका महासचिव तथा प्रतियोगिता संयोजक समेत रहेका रोशन श्रेष्ठको संयोजकत्वमा ५ सदस्यीय छानबिन समिति गठन गरिएको थियो । समितिले दिएको सिफारिसको आधारमा संघले उनलाई कप्तानबाट हटाएको हो । छानविन समितिमा सचिव सुनकेशरी माली, कोषाध्यक्ष श्यामकृष्ण श्रेष्ठ, सदस्य अन्जु श्रेष्ठ र जुनु पुन थिए । थापामा राष्ट्रिय टिमको जिम्मेवारी सम्हाल्न सक्ने क्षमता नपाएको कारण पदबाट निलम्बन गरिएको मह...

पूर्णपुष्टि, ३१ असार । हाल देशमा मानसुनी वायुको प्रभाव रहनुका साथै मनसुनको न्यून चापीय रेखा सरदर स्थानको आसपास अवस्थित रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । जसका कारण हाल देशभर आंशिकदेखि सामान्य बदली रही, कोशी, बागमती र लुम्बिनी प्रदेशका एक९दुई स्थानमा हल्का वर्षा भइरहेको महाशाखाले उल्लेख गरेको छ । महाशाखाका मौसमविद् सञ्जीव अधिकारीका अनुसार तुलनात्मकरूपमा आगामी सोमबार र मङ्गलबार बढी मनसुनी वर्षा हुनेछ । पछिल्ला दिनमा निरन्तर वर्षा भइरहे पनि आजबाट केही मात्रामा कम वर्षा भएको छ । आज राति पनि भारी वर्षाको सम्भावना छैन । “मनसुन आज र भोलिलाई सामान्य छ । शनिबार र आइतबारको तुलनामा सोमबार र मङ्गलबार बढी वर्षा हुने सम्भावना छ । भोलि दिउँसोका लागि विगतको तुलनामा कमै वर्षा हुने अनुमान गरिएको छ”, उनले भने । उनको भनाइमा मनसुनको न्यून चापीय रेखा सरदर स्थानभन्दा ...