Author: पूर्णपुष्टि खबर

पूर्णपुष्टि, साउन ३१ ।  उदयपुरको कटारी नगरपालिकामा आगामी भदौ ७ गतेदेखि प्रथम हरिचन्द्र साह स्मृति कप फुटबल प्रतियोगिता हुने भएको छ। कटारी टाईगर फुटबल क्लबको आयोजनामा हुन लागेको यस प्रतियोगितामा कक्षा १० सम्मका विद्यार्थीहरूले भाग लिनेछन्। कटारी, उदयपुरगढी, त्रियुगा र दुधौलीका गरी १६ टिमले प्रतिस्पर्धा गर्ने यस प्रतियोगिताको विजेताले नगद रु. ३०,००० सहित ट्रफी, प्रमाणपत्र र मेडल प्राप्त गर्नेछ। उपविजेताले नगद रु. २०,००० सहित ट्रफी, मेडल र प्रमाणपत्र हात पार्नेछ। भदौ २२ गतेसम्म चल्ने यस प्रतियोगितामा उत्कृष्ट खेलाडी, गोलरक्षक, मिडफिल्डर, उदयमान खेलाडी र सर्वाधिक गोलकर्तालाई विशेष पुरस्कार दिइनेछ। साथै दैनिक म्यान अफ द म्याच पुरस्कार पनि रहनेछ। क्लबका अध्यक्ष दिपक राई र प्रशिक्षक रोहन जोशीले आज आयोजित पत्रकार सम्मेलनमा यस प्रतियोगिताको बारेमा जानकारी दिएका हुन्। कटारी-४ निवासी स्वर्गीय हरिचन...

पूर्णपुष्टि, साउन ३१ । उदयपुरको कटारी नगरपालिकामा १ करोड ७६ लाख ५८ हजार रुपैयाँ खर्चको विषयमा विवाद चर्किएको छ। उपमेयर गीता खड्काले बिहीबार पत्रकार सम्मेलन गरी मेयर राजेश चन्द्र श्रेष्ठले टिप्पणी आदेशको भरमा उक्त रकम मनोमानी ढंगले खर्च गरेको आरोप लगाएकी छन्। उपमेयर खड्काका अनुसार मेयर श्रेष्ठले नगरसभालाई छलेर टिप्पणी आदेशबाट खर्च गरेको रकम अनुमोदन गराउन खोजेका थिए। "हाम्रो विवाद भनेको एक करोड ७६ लाख पैसा नियमित रुपमा सिस्टमबाट चल्नुपर्ने हो, अनियमितता नहोस् र सही ठाउँमा प्रयोग होस् भन्ने हो," उपमेयर खड्काले भनिन्। उनले यो रकम संघीय सरकारबाट प्राप्त खानी तथा वन रोयल्टी बापतको राजश्व रहेको जानकारी दिइन्। साथै उनले मेयर र प्रमुख प्रशासकीय अधिकृतले गरेको पत्रकार सम्मेलनमा दिएको अभिव्यक्तिप्रति गम्भीर ध्यानाकर्षण भएको बताइन्। यसअघि बुधबार मेयर श्रेष्ठले पत्रकार सम्मेलन गरी साउन २७ मा सम्पन्न ...

पूर्णपुष्टि, साउन ३१ ।  कोशी प्रदेश सरकारको अकर्मण्यताका कारण प्रदेश लोकसेवा आयोगबाट सिफारिस गरिएका १,७७९ कर्मचारीको योगदानमूलक निवृत्तिभरण कोष अझै स्थापना हुन सकेको छैन। यसले गर्दा ती कर्मचारीहरूको मासिक तलबबाट कट्टा हुने ६ प्रतिशत रकम कहाँ जम्मा भइरहेको छ भन्ने विषय अन्योलग्रस्त बनेको छ। कोशी प्रदेश लोकसेवा आयोगका सूचना अधिकारी केदारनाथ रिजालका अनुसार प्रदेश र स्थानीय तहमा गरी १,७७९ जना कर्मचारी सिफारिस भएका छन्। तर यी कर्मचारीहरूको निवृत्तिभरण कोष स्थापना नहुँदा उनीहरूको भविष्य अनिश्चित बनेको छ। कर्मचारी सञ्चय कोष शाखा कार्यालय विराटनगरका प्रमुख रामशरण अर्यालले प्रदेशका कर्मचारीको निवृत्तिभरणको विषयमा प्रदेशले कानुन बनाउनुपर्ने भएकाले अन्योल देखिएको बताए। "प्रदेशका कर्मचारीको निवृत्तिभरणको विषय प्रदेशले कानुन बनाउने भनेको कारण अन्योल देखिएको हो," उनले भने। नेपाल राष्ट्रिय कर्मचारी मह...

पूर्णपुष्टि, साउन ३१ । उदयपुरको कटारी नगरपालिका-१४ घुर्मीमा गएराति पहिरोले एक ट्रक बगाएको छ। ओखलढुंगाबाट इटहरीतर्फ जाँदै गरेको प्र ०२-००२ ख ०१२६ नम्बरको ट्रक पहिरोमा परेको हो। जिल्ला प्रहरी कार्यालय उदयपुरका प्रहरी प्रवक्ता राजन चापागाईका अनुसार घटनामा मानवीय क्षति भएको छैन। उनले भने, "पानी परिरहेको अवस्थामा बाटो साँघुरो देखेर चालक र सहचालक बाटो हेर्न झरेको बेला ट्रक सडकसँगै भासिएर १५ मिटर तल खसेको हो।" संखुवासभाका चालक ललित विश्वकर्माले उत्तिसको काठ बोकेर ल्याउँदै गरेको ट्रक दुर्घटनामा परेको प्रवक्त्ता चापागाईले बताए । चालक र सहचालक सडकको अवस्था हेर्ने क्रममा ट्रक दुर्घटना भएको प्रहरीले जनाएको छ। प्रवक्ता चापागाईले भने, "हाल उक्त सडकखण्डमा यातायात सुचारु रहेको छ।" प्रहरीले घटनाको थप अनुसन्धान गरिरहेको जनाएको छ।...

पूर्णपुष्टि, साउन ३१ । उदयपुरको कटारी नगरपालिका-१४ घुर्मीमा गएराति पहिरोले एक ट्रक बगाएको छ। ओखलढुंगाबाट इटहरीतर्फ जाँदै गरेको प्र ०२-००२ ख ०१२६ नम्बरको ट्रक पहिरोमा परेको हो। जिल्ला प्रहरी कार्यालय उदयपुरका प्रहरी प्रवक्ता राजन चापागाईका अनुसार घटनामा मानवीय क्षति भएको छैन। उनले भने, "पानी परिरहेको अवस्थामा बाटो साँघुरो देखेर चालक र सहचालक बाटो हेर्न झरेको बेला ट्रक सडकसँगै भासिएर १५ मिटर तल खसेको हो।" संखुवासभाका चालक ललित विश्वकर्माले उत्तिसको काठ बोकेर ल्याउँदै गरेको ट्रक दुर्घटनामा परेको प्रवक्त्ता चापागाईले बताए । चालक र सहचालक सडकको अवस्था हेर्ने क्रममा ट्रक दुर्घटना भएको प्रहरीले जनाएको छ। प्रवक्ता चापागाईले भने, "हाल उक्त सडकखण्डमा यातायात सुचारु रहेको छ।" प्रहरीले घटनाको थप अनुसन्धान गरिरहेको जनाएको छ।...

पूर्णपुष्टि, साउन ३१ । स्पेनको प्रतिष्ठित फुटबल प्रतियोगिता ला लिगाको नयाँ सिजन २०२४-२५ आजदेखि सुरु हुँदैछ। एथ्लेटिक विल्वाओ र गेटाफेबीचको खेलबाट यस सिजनको सुरुवात हुनेछ। एथ्लेटिक क्लबको गृहमैदान सान माम्स बारियामा नेपाली समयानुसार राति १०:४५ बजे यो खेल सुरु हुने तालिका रहेको छ। यस सिजन २० टोलीले प्रतिस्पर्धा गर्दैछन्। गत सिजनका विजेता रियल मड्रिड उपाधि रक्षाको लक्ष्यमा छन् भने बार्सिलोना र एट्लेटिको मड्रिडले उनीहरूलाई कडा चुनौती दिने अपेक्षा गरिएको छ। यस सिजन लेगानेस, भाल्लाडोलिड र स्पानयोल दोस्रो श्रेणीबाट बढुवा भई ला लिगामा फर्किएका छन्। अघिल्लो सिजन ला लिगा खेलेका अल्मेरिया, ग्रानाडा र क्याडिज भने रेलिगेसनमा परी दोस्रो श्रेणीमा झरेका छन्। नयाँ सिजनको पहिलो खेलमा एथ्लेटिक विल्वाओ र गेटाफे दुवै विजयी सुरुआत गर्ने लक्ष्यका साथ मैदानमा उत्रने छन्।...

पूर्णपुष्टि, साउन ३१ ।  उदयपुरको कटारी नगरपालिकामा हालै सम्पन्न १३औं नगर सभापछि उठेका विवादहरूलाई सम्बोधन गर्न मेयर राजेश चन्द्र श्रेष्ठले बुधबार पत्रकार सम्मेलन गरेका छन्। सामाजिक सञ्जाल र मिडियामा उठेका प्रश्नहरूको जवाफ दिँदै मेयर श्रेष्ठले नगर सभामा पारित भएका निर्णयहरूको वैधानिकता र पारदर्शिताको पक्षमा आफ्नो धारणा राखे। मेयर श्रेष्ठले नगर सभामा उपमेयर गीता खड्काद्वारा प्रस्तुत आगामी आर्थिक वर्षको नीति, कार्यक्रम र बजेट सर्वसम्मतिले पारित भएको दाबी गरे। उनले गत आर्थिक वर्षको आय-व्यय र आगामी वर्षको बजेटबारे संक्षिप्त जानकारी दिए। साथै, सभापछि उठेका विवादहरूप्रति चिन्ता व्यक्त गर्दै सामाजिक सञ्जालमा फैलिएका अफवाहहरू, विशेषगरी एक करोड ७६ लाख रुपैयाँको खर्चबारे स्पष्टीकरण दिए। मेयरले कुनै अनियमितता प्रमाणित भए राजनीति छोड्ने चेतावनी दिँदै नगरपालिकाको कामकारबाहीमा पारदर्शिता र जवाफदेहिताको...

पूर्णपुष्टि, साउन ३० ।  धरान उपमहानगरपालिका क्षेत्रमा पूर्वाधार सडक सेवा उपभोग शुल्कका नाममा जबरजस्ती कर असुली गरिएको विरोधमा व्यवसायीहरूले मेयर तथा उपमेयरलाई ज्ञापनपत्र बुझाएका छन्। ए.वि. रात देऊ निर्माण सेवा राम धुनीले दैनिक रूपमा प्रति सवारी साधन ७५ रुपैयाँ शुल्क लिने गरेको व्यवसायीहरूको आरोप छ। धरान वितरक संघका अध्यक्ष तथा मदिरा व्यवसायी संघ कोशी प्रदेश अध्यक्ष नवीन तामाङका अनुसार यो शुल्क गुण्डागर्दी शैलीमा असुली गरिएको छ। गत वर्ष एक फर्म एक ढुवानी सवारी साधनलाई दिइएको छुट यस वर्ष हटाइएको छ। व्यवसायीहरूले यो कर कानुन विपरीत भएको र व्यवसाय सञ्चालनमा कठिनाई उत्पन्न गरेको बताएका छन्। उनीहरूले नियमित रूपमा अन्य सबै करहरू तिरेको दाबी गर्दै, यस प्रकारको अतिरिक्त कर असुली तत्काल बन्द गर्न माग गरेका छन्। धरान वितरक संघ, मदिरा व्यवसायी संघ, भवन निर्माण व्यवसायी संघ लगायत ६ व्यावसायिक संगठनहर...

पूर्णपुष्टि, साउन ३० । सुनसरी र उदयपुरबाट लागुऔषध सहित ५ जनालाई प्रहरीले पक्राउ गरेको छ । कोशी प्रदेश प्रहरी कार्यालय विराटनगरका अनुसार हिजो सुनसरीको कोशी गाउँपालिका-१ स्थितमा इलाका प्रहरी कार्यालय लौकहीबाट खटिएको प्रहरी टोलीले चेकजाँच गर्दा लिम्चुङबुङ गाउँपालिकाकी २० वर्षीया राजमिका राईको साथबाट १ ग्राम ब्राउन सुगर फेला पारी पक्राउ गरेको छ । साथै ईटहरी उप-महानगरपालिका-१७ का २० वर्षीय अब्बास मिया र २८ वर्षीय मो. सफरुद्दीनलाई समेत नियन्त्रणमा लिएको छ । त्यसैगरी प्रहरी चौकी भगलपुर उदयपुरबाट खटिएको प्रहरी टोलीले प्रदेश २-०१-००३ प ७०७० नम्बरको मोटरसाइकलबाट लुकाई छिपाई ल्याउँदै गरेको ८ किलोग्राम गाँजा बरामद गरेको छ । यस क्रममा मोटरसाइकल चालक बेलका नगरपालिका-९ का २४ वर्षीय प्रबिन राई र मोटरसाइकलमा पछाडी सवार बेलका-७ का २१ वर्षीय रोशन राईलाई बेलका-१ बाट पक्राउ गरिएको छ । लागुऔषध सहित पक्राउ परेक...

पूर्णपुष्टि, साउन ३० ।  सुनसरीको धरान उप-महानगरपालिका-१५ सेउती पुल स्थितमा प्रहरीले हवाई फायर गरी १०० किलोग्राम गाँजा नियन्त्रणमा लिएको छ। हिजो अपरान्ह ५ बजे अस्थाई प्रहरी पोष्ट तिनकुनेबाट चेकजाँचमा खटिएको प्रहरी टोलीलाई देख्नासाथ WB74S2531 नम्बरको भारतीय कार त्यही स्थानमा छोडेर चालक जंगलतर्फ भागेको थियो। प्रहरीले लखेट्दा समेत चालक नरोकिएपछि प्रहरी टोलीले चाइनिज पेस्तोलबाट १ राउन्ड हवाई फायर गरेको थियो। हवाई फायर गर्दा समेत चालक फरार रहेका थिए। कार चेकजाँच गर्दा भित्र ५ वटा बोरामा लुकाई छिपाई ल्याउँदै गरेको अवस्थामा १०० किलोग्राम लागुऔषध गाँजा बरामद गरिएको हो। जिल्ला प्रहरी कार्यालय सुनसरीका अनुसार फरार भएका कार चालकको खोजी कार्य भइरहेको छ।...