खेलकुद

पूर्णपुष्टि, साउन १० । दोस्रो 7A साईड फुटबल प्रतियोगितामा दमौटी फुटबल क्लब र डेडी फुटसल क्लब मोतिगडाले विजयी सुरुवात गरेको छ । बिहिबार बोक्सेस्थित गंगा खेल मैदानमा भएको उद्घाटन खेलमा दमौटी फुटबल क्लबले 11 star फुटबल क्लब बाबरीलाई २–० गोलले पराजित गर्‍यो। खेलको ४५ औं मिनेटमा जर्सि नं. ११ का (कप्तान) पविन राईले गोल गर्दै दमौटीलाई आग्रता दिलाए भने खेलको अन्तिम औं मिनेटमा जर्सि नं. ८ का असिम राईले गोल गर्दै जित सुनिश्चित गरे। यस प्रतियोगिताको म्यान अफ द म्याच असिम राई बने । उनले नगद रु १ हजार सहित मेडल र ट्रफी प्राप्त गरे ।त्यस्तै दोस्रो खेलमा डेडी फुटसल क्लब मोतिगडाले स्वर्णिम युवा क्लब जलजलेलाई टाईब्रेकरमा ५–४ गोलले हरायो। निर्धारित समयमा गोलरहित बराबरी खेलपछि टाईब्रेकरमा डेडी फुटसलका जर्सि नं. १६ का सुजन घिमिरे, जर्सि नं. ९ का प्रज्वल हमा, जर्सि नं. ५ का निखिल ठकुरी, जर्सि नं. १३ का प्रक...

पूर्णपुष्टि, साउन ९ । त्रियुगा नगरपालिकाको बोक्सेमा भोलीदेखी दोस्रो 7A साइड फुटबल प्रतियोगिता शुरु हुँदैछ। दाजुभाई समुह फुटबल क्लब र दाजुभाई समुह (दोहा कतार) को आयोजनामा हुन लागेको यो प्रतियोगिता गंगा खेल मैदानमा असार १० गतेदेखि १९ गतेसम्म चल्नेछ। “सम्बन्ध हाम्रो सबैभन्दा राम्रो, समाजिक कार्यलाई अगाडी बढाउने जिम्मेवारी हाम्रो’’ भन्ने मूल नाराका साथ आयोजना गरिएको यस प्रतियोगितामा १२ टिमले भाग लिनेछन्। उद्घाटन खेल भोलि दिउँसो २ बजे ईलाभेन स्टार फुटबल क्लब बाबरी र दमौटि फुटबल क्लबबीच हुनेछ। प्रतियोगिताको विजेता टिमले शिल्ड, मेडल र ४० हजार नगद पुरस्कार प्राप्त गर्नेछ। त्यसैगरी उपविजेता टिमले शिल्ड, मेडल र २० हजार नगद पुरस्कार हात पार्नेछ। यस प्रतियोगिताले स्थानीय खेलाडीहरूलाई आफ्नो प्रतिभा प्रदर्शन गर्ने अवसर प्रदान गर्नुका साथै समुदायमा खेलकूदको विकासमा योगदान पुर्‍याउने आशा गरिएको छ। ...

पूर्णपुष्टि, साउन ८ । एसीसी वुमन्स एसिया कप २०२४ अन्तर्गत आज नेपाल र भारत बीच निर्णायक भिडन्त हुँदैछ। नेपालको समूह चरणको यो अन्तिम खेल सेमिफाइनल प्रवेशका लागि महत्त्वपूर्ण छ। खेल नेपाली समयानुसार साँझ ७:१५ बजे सुरु हुनेछ। नेपालले पहिलो खेलमा यूएईलाई हराएको थियो, तर पाकिस्तानसँग पराजित भयो । सेमिफाइनल पुग्न नेपालले आजको खेल जित्नुपर्ने अवस्था छ। समानान्तर खेलमा पाकिस्तान र यूएई भिड्दैछन्। यी दुई खेलको नतिजाले सेमिफाइनलिस्ट टोलीहरू निर्धारण गर्नेछ।...

पूर्णपुष्टि, असार ३१ । अर्जेन्टिनाले कोपा अमेरिका फुटबल प्रतियोगिताको ४८औं संस्करणमा कीर्तिमानी १६औं उपाधि जितेको छ। सोमबार बिहान अमेरिकाको फ्लोरिडास्थित हार्ड रक स्टेडियममा भएको फाइनल खेलमा अर्जेन्टिनाले कोलम्बियालाई १–० गोल अन्तरले हराउँदै उपाधि हात पारेको हो । खेलको निर्णायक गोल अतिरिक्त समयमा आयो। अर्जेन्टिनाका लागि लाउटारो मार्टिनेजले ११२औं मिनेटमा जिओभानी लो सेल्सोको पासमा गोल गरे। यो लाउटारोको प्रतियोगितामा पाँचौं गोल थियो, जसले उनलाई टूर्नामेन्टको सर्वाधिक गोलकर्ता बनायो। अर्जेन्टिनाका कप्तान लिओनल मेसी चोटका कारण ६६औं मिनेटमा मैदान छोड्न बाध्य भए। तर टोलीले उनको अनुपस्थितिमा पनि जित हासिल गर्न सफल भयो। यो जितसँगै अर्जेन्टिनाले कोपा अमेरिकाको इतिहासमा सबैभन्दा बढी १६ पटक उपाधि जित्ने टोलीको रेकर्ड कायम गरेको छ। यसअघि अर्जेन्टिना र उरुग्वे दुवैले १५–१५ पटक उपाधि जितेका थिए।...

पूर्णपुष्टि, असार ३१ । स्पेनले आफ्नो युरोकप इतिहासमा नयाँ कीर्तिमान स्थापित गरेको छ। जर्मनीको बर्लिनमा आइतबार भएको रोमाञ्चक फाइनलमा इंग्ल्याण्डलाई 2-1 ले पराजित गर्दै स्पेनले चौथो पटक युरोपियन च्याम्पियनसिपको उपाधि हात पारेको छ। यो जितसँगै स्पेन युरोकपको सर्वाधिक सफल राष्ट्र बनेको छ। खेलमा स्पेनका निको विलियम्स र मिकेल ओयाजाबालले गोल गरे भने इंग्ल्याण्डका कोल पाल्मरले एक गोल फर्काए। पहिलो हाफ गोलरहित बराबरीमा सकिए पनि दोस्रो हाफमा तीनवटै गोल भए। स्पेनले युरो 2024 मा खेलेका सबै सात खेल जितेको छ, जसमा समूह चरणदेखि फाइनलसम्म प्रभावशाली प्रदर्शन गर्‍यो। यो जितले स्पेनको युरोकपमा लामो र सफल इतिहासलाई थप उचाइमा पुर्‍याएको छ। उनीहरूले पहिले 1964, 2008 र 2012 मा उपाधि जितेका थिए। अर्कोतर्फ, इंग्ल्याण्ड लगातार दोस्रो पटक उपविजेतामा सीमित हुन पुग्यो ।...

पूर्णपुष्टि, असार २६ । साविक विजेता अर्जेन्टिना कोपा अमेरिका २०२४ को फाईनलमा प्रवेश गरेको छ । मेटलाइफ स्टेडियममा बुधबार बिहान भएको खेलमा अर्जेन्टिनाले क्यानडालाई २–० गोलले हराउँदै फाईनलमा स्थान बनाएको हो । अर्जेन्टिनाका लागी अल्भारेजले २१औं मिनेटमा रोड्रिगो डे पउलको पासमा गोल गर्दै अर्जेन्टिनालाई अग्रता दिलाएका थिए । त्यसपछि मेसीले ५१औं मिनेटमा एन्जो फर्नान्डेजको पासमा यस संस्करणको आफ्नो पहिलो गोल गरे। अर्जेन्टिना लगातार तेस्रो ठूलो प्रतियोगिता जित्ने लक्ष्यमा छ। २०२१ मा कोपा र २०२२ मा विश्वकप जितेको अर्जेन्टिनाले अब फाइनलमा कोलम्बिया र उरुग्वेबीचको खेलको विजेतासँग उपाधिका लागि खेल्नेछ। आफ्नो सातौं कोपा खेलिरहेका मेसीले यस प्रतियोगितामा अहिलेसम्म १३ गोल गरिसकेका छन्। उनी कोपा अमेरिकाको इतिहासमा सर्वाधिक गोलकर्ताको सूचीमा संयुक्त सातौं स्थानमा रहेका छन्।...

पूर्णपुष्टि, असार २६ । स्पेनले युरो २०२४ को फाइनलमा स्थान बनाएको छ। मंगलबार राति म्युनिखमा भएको सेमिफाइनल खेलमा स्पेनले फ्रान्सलाई २–१ गोल अन्तरले पराजित गर्‍यो। फ्रान्सले रान्डल कोलो माउनीको गोलमार्फत शुरुवाती अग्रता लिए पनि स्पेनले लामिन यामल र डानी ओल्मोको गोलको मद्दतले पुनरागमन गर्‍यो। फ्रान्सका लागी रान्डलले ९औं मिनेटमा गोल गर्दै टोलीलाई अग्रता दिलाएका थिए भने खेलको २१ औं मिनेटमा यामलले र २५ औं मिनेटमा डानीले गोल गर्दै स्पेनलाई फाईनलको यात्रा गराएको हो । १६ वर्ष ३६२ दिनको उमेरमा गोल गरेर यामलले युरोमा सबैभन्दा कम उमेरमा गोल गर्ने कीर्तिमान कायम गरे। अब स्पेनले फाइनलमा नेदरल्याण्ड्स र इंग्ल्याण्डबीचको विजेतासँग खेल्नेछ, जहाँ उनीहरूले चौथो पटक युरो च्याम्पियन बन्ने लक्ष्य राखेका छन्।...

पूर्णपुष्टि, असार २३ । जर्मनीमा जारी युरो २०२४ फुटबल प्रतियोगिताको सेमिफाइनल समीकरण तय भएको छ। शनिबार राति सम्पन्न अन्तिम दुई क्वाटरफाइनल खेलपछि तीन पूर्वविजेता स्पेन, फ्रान्स र नेदरल्याण्ड्ससँगै साविक उपविजेता इंग्ल्याण्ड अन्तिम चारमा प्रवेश गरेका छन्। पहिलो सेमिफाइनलमा स्पेन र फ्रान्स भिड्नेछन् भने दोस्रो सेमिफाइनलमा नेदरल्याण्ड्स र इंग्ल्याण्ड आमने–सामने हुनेछन्। क्वाटरफाइनलमा: नेदरल्याण्ड्सले टर्कीलाई २–१ ले हरायो इंग्ल्याण्डले स्विट्जरल्याण्डलाई पेनाल्टी सुटआउटमा पराजित गर्‍यो स्पेनले आयोजक जर्मनीलाई हरायो फ्रान्सले पोर्चुगललाई पेनाल्टी सुटआउटमा हरायो तीन पटकको विजेता स्पेन (१९६४, २००८, २०१२) चौथो उपाधि जित्ने लक्ष्यमा छ । दुई पटकको च्याम्पियन फ्रान्स (१९८४, २०००) र एक पटकको विजेता नेदरल्याण्ड्स (१९८८) पनि उपाधि दाबेदार छन्। इंग्ल्याण्ड पहिलो युरो उपाधि जित्ने प्रयासमा छ।...

पूर्णपुष्टि, असार २३ । कोपा अमेरिकाको क्वार्टरफाइनलमा उरुग्वेले ब्राजिललाई पेनाल्टी सुटआउटमा हराउँदै सेमिफाइनलमा प्रवेश गरेको छ। निर्धारित समयमा दुवै टोलीले गोल गर्न नसकेपछि खेल पेनाल्टी सुटआउटमा गएको थियो। पेनाल्टी सुटआउटमा उरुग्वेले ४-२ को जित हात पार्‍यो। उरुग्वेका लागि फेडरिक भलभर्डे, रोड्रिगो बेन्टाकुर, जर्जियन डे अराकास्टा र मानुएल उगार्टेले गोल गरे। ब्राजिलका तर्फबाट भने आन्द्रेज परेइरा र गाब्रीएल मार्टिनेलीले मात्र गोल गर्न सफल भए। उरुग्वेका गोलकिपर सर्जियो रोचेटले एडर मिलिटाओको प्रहार बचाए भने डोगलास लुइसको प्रहार पोस्टमा लागेर फर्कियो। यता ब्राजिलका गोलकिपर एलिसनले उरुग्वेका जोस मारिया जिमिनेसको प्रहार बचाएका थिए। यो जितसँगै उरुग्वेले फाइनल प्रवेशका लागि कोलम्बियासँग प्रतिस्पर्धा गर्नेछ। अर्कोतर्फ, ब्राजिल उपाधि होडबाट बाहिरिएको छ।...

पूर्णपुष्टि, असार २१ । युरो २०२४ को क्वाटरफाइनल आजदेखि सुरु हुँदैछ, जसमा उपाधि दाबेदार चार शक्तिशाली राष्ट्रहरू आमने–सामने हुनेछन्। पहिलो खेलमा आयोजक जर्मनी र स्पेन भिड्नेछन्, जुन दुवै तीन–तीन पटकका युरो च्याम्पियन हुन्। यो खेल राति ९:४५ बजे सुरु हुनेछ। दोस्रो खेलमा पोर्चुगल र फ्रान्स मध्यरातमा १२:४५ बजे खेल्नेछन्। यी दुवै टोली पनि पूर्व च्याम्पियन हुन्। फ्रान्सले दुई पटक र पोर्चुगलले एक पटक युरो जितेका छन्। सबै टोलीहरू सेमिफाइनल पुग्ने लक्ष्यका साथ मैदानमा उत्रनेछन्। जर्मनी र स्पेन दुवै राम्रो लयमा देखिएका छन्, जबकि फ्रान्स र पोर्चुगलले अपेक्षाकृत कमजोर प्रदर्शन गरेका छन्। यी खेलहरूमा युवा प्रतिभाहरूमा विशेष ध्यान केन्द्रित हुनेछ। स्पेनका लामिन यामल र निको विलियम्स तथा जर्मनीका जमाल मुसिएलाले उत्कृष्ट खेल देखाइरहेका छन्। पोर्चुगलका अनुभवी स्टार क्रिस्टियानो रोनाल्डो र फ्रान्सका केलि...