रास्वपाले आज समानुपातिकको सूची आयोगमा बुझाउने
पूर्णपुष्टि, चैत्र १ । राष्ट्रिय स्वतन्त्र पार्टी (रास्वपा) ले आज समानुपातिक तर्फको सांसदहरुको सूची निर्वाचन आयोगमा बुझाउने भएको छ । केन्द्रिय कार्यालयमा आज पत्रकारहरुसँग कुरागर्दै रास्वपाका प्रवक्ता मनिष झाले समानुपातिक तर्फको सांसदहरुको सुची आयोगमा बुझाउने तयारी गरिरहेको जनाएका छन् ।
प्रवक्ता झाका अनुसार पार्टीको पहिलो प्राथमिकता समानुपातिक उम्मेदवारहरुको नामावली बुझाउने भएकोले आज टुङ्गयाउने जनाए । समानुपातिक सांसदहरुको सूची टुंगो लगाउन र अन्य विविध विषयमा छलफल गर्न रास्वपाको बैठक बस्दै छ । सरकार गठनको विषयमा सोधिएको जिज्ञासामा उनले केही व्यवहारिक र संवैधानिक प्रक्रियाहरु बाँकी नै रहेकाले नयाँ सरकार बन्न १० दिन जति लाग्न सक्ने जनाए ।
उनले भने, ‘यसमा सबै कुरा हामीले चाहे अनुसार हुँदैन । संसद सचिवालयले आफ्नो आवश्यक तयारी गर्नुपर्ने हुन्छ, निर्वाचन आयोगले निर्वाचन प्रक्रियाको अन्तिम व...
