संसार

पूर्णपुष्टि, असार २८ स्पेनिस ला लिगा फुटबलमा बार्सिलोनाले जित हात पारेको छ । गतराति भएको खेलमा बार्सिलोनाले रियल भालाडोलिडलाई १ – ० गोललेपछि पार्दै जित हात पारेको हो । खेलको १५ औं मिनेटमा भिडालले गरेको गोल बार्सिलोनाको जितमा निर्णायक गोल बन्यो । भिडालको गोलमा अस्सिट गरेसँगै मेस्सीले एकै सिजन २० गोल र गोलका लागि २० अस्सिट गर्ने पहिलो खेलाडीको कीर्तिमान बनाएको छ । जितसँगै बार्सिलोनाले लिग लिडर रियल मड्रिडसँगको अंक दुरी १ मा झारेको छ । बार्सिलोनाले ३६ खेलमा ७९ अंक जोडेको छ । एक खेल कम खेलेको रियलको ८० अंक छ । ३९ अंक जोडेको भालाडोलिड १४ औं स्थानमा छ ।...

पूर्णपुष्टि, असार २७ भारतमा कोरोना भाइरस (कोभिड–१९) को संक्रमित ८ लाख २० हजार नाघेको छ । आज बिहानसम्म भारतमा ८ लाख २० हजार ९ सय १६ जना भन्दाबढी सङ्क्रमित भएको जनाईएको छ । उक्त संक्रमित मध्ये पछिल्लो २४ घण्टामा २७ हजार १ सय १४ जना नयाँ सङ्क्रमित थपिएको भारतको केन्द्रीय स्वास्थ्य तथा परिवार कल्याण मन्त्रालयले जनाएको छ । त्यस्तै पछिल्लो २४ घण्टामा भारतमा कोरोनाको कारण ५ सय १९ जनाको मृत्यु भएको पनि मन्त्रालयले जनाएको छ । उक्त संक्रमित मध्ये अहिलेसम्म ५ लाख १५ हजार ३ सय ८६ जना उपचारपछि निको भएका छन् भने २२ हजार १ सय २३ जनाको मृत्यु भएको मन्त्रालयले जनाएको छ ।...

पूर्णपुष्टि, असार २७ सर्प घिस्रेर हिड्ने जिव हो । तर हावामा उड्छ भन्दा कतिपयलाई विश्वास नलाग्न पनि सक्छ । खासगरी दक्षिण एसिया र दक्षिणपूर्वी एसियाली क्षेत्रमा यस्ता सर्प भेटिन्छन् । भर्जिनिया टेकका वैज्ञानिकहरुले यसबारे अनुसन्धान सार्वजनिक गर्नु अघि मानिसलाई सर्प कसरी उड्न सक्छन् भन्ने थाहा थिएन । अनुसन्धान टोलीका प्रमुख आइज्याक यटोनका अनुसार सर्पहरुले हावामा एक आवृत्ति बनाएर तिव्र गतिमा उड्छन् । र उनीहरु यही कुरा पत्ता लगाउन उत्सुक थिए । उनीहरुलाई यसबारे आधारभुत जानकारी थियो । तर २० वर्षदेखि सर्पबारे अध्ययनरत जेक सोकाको सहायताबाट यो कसरी उड्छ भन्ने ज्ञान भएको यटोनले बताएका छन् । वैज्ञानिकहरुले अध्ययनबाट सर्प तल र माथि गर्दै हावामा तैरिएर उड्ने तथ्य भेटाएका थिए । एक किसिमको आकार बनाएर सर्पले हावामा गति निकाल्ने उनीहरुको निष्कर्ष छ । वैज्ञानिकहरुको एक पूर्वानुमान के थियो भने,...

पूर्णपुष्टि, असार २६ इंग्लिस प्रिमियर लिगमा म्यानचेस्टर युनाइटेड (म्यानयु)ले जित हात पारेको छ । गतराति भएको खेलमा युनाइटेडले एस्टोन भिल्लालाई ३–० गोलले पछि पार्दै जित हात पारेको हो । स्टोनभिल्लाको घरेलु मैदानमा पाहुना टोली म्यानयुले २७ औं मिनेटमा अग्रता लिएको थियो । ब्रूनो फर्नान्डोले पेनाल्टी मार्फत गोल गर्दै टिमलाई अग्रता दिलाएका थिए । ५८ औं मिनेटमा पौल पोग्बाले गोल गरेपछि म्यानयु ३–० ले अघि बढ्यो । त्यसपछि दुवै तर्फबाट कुनैपनि गोल नभएपछि एस्टोन भिल्ला ३–० ले पराजित भयो । जितसँगै म्यानयु ५८ अंकसहित तालिकाको पाँचौं स्थानमा छ भने पराजित भएको भिल्ला २७ अंकसहित पुछारबाट दोस्रो स्थानमा छ ।...

पूर्णपुष्टि, असार २५ चीनको स्वायत्त क्षेत्र भित्री मङ्गोलियामा एक व्यक्तिमा प्लेग सङ्क्रमण पुष्टि भएको छ । प्लेग संक्रमण पुष्टि भएपछि सरकारी निकायहरूले सावधानीका उपायहरू अवलम्बन गरेको छ । बायान्नुरमा प्लेग देखिएका ती व्यक्तिलाई क्वारन्टीनमा राखिएको छ र उनको स्थिति स्थिर छ । उनी गोठाला भएको जनाईएको छ । चारमध्ये तेस्रो तहको चेतावनी जारी गरेको अधिकारीहरूले जनाएका छन् । ब्याक्टेरियाको सङ्क्रमणबाट हुने ब्यूबनिक प्लेग घातक बन्न सक्छ । तर उपलब्ध एन्टीबायोटिकको प्रयोगबाट उपचार सम्भव छ । बायान्नुर स्थित एउटा अस्पतालमा गएका ती व्यक्तिमा शनिवार प्लेग भएको आशङ्का गरिएको थियो । तर उनलाई कसरी सङ्क्रमण भयो भन्ने स्पष्ट छैन । तेस्रो तहको चेतावनी जारी भएपछि प्लेग सार्न सक्ने जीवजन्तुको सिकार गर्न र तिनको मासु खान रोक लागेको छ । सङ्क्रमण भएको शङ्का लागेमा अधिकारीहरूलाई सूचित गर्न सर्वसाधारणलाई आ...

पूर्णपुष्टि, असार २५ आइभरीकोस्टका प्रधानमन्त्री एमाडोउ गन कोलाबालीको असामयिक निधन भएको छ । मन्त्रिपरिषद बैठकको क्रममा बिरामी परेका ६१ वर्षीय प्रधानमन्त्रि कोलाबालीको लगत्तै निधन भएको अन्तर्राष्ट्रिय संचारमाध्यमहरुले जनाएका छन् । सत्तारुढ पार्टीले आउँदो अक्टोबरमा हुने राष्ट्रपति चुनावका लागि आफ्नो उम्मेदवार बनाउने घोषणा गरेको थियो । राष्ट्रपति एलासानी ओटाराले देश शोकमा रहेको बताउनुभएको छ ।  मन्त्रिपरिषदको साप्ताहिक बैठकको क्रममा बिरामी परेपछि प्रधानमन्त्रि कोलाबालीलाई अस्पताल लगिएको थियो । उहाँको अस्पतालमै निधन भएको हो । कोलाबालीको निधनले आउँदो अक्टोबरमा हुने भनिएको चुनाव अनिश्चित भएको छ । सन् २०१२ मा कोलाबालीको मुटु प्रत्यारोपण भएको थियो । गतको मे २ मा उपचारका लागि फ्रान्स गएर २ महिनापछि स्वदेश फर्किएको जनाईएको छ ।...

पूर्णपुष्टि, असार २४ अमेरिका विश्व स्वास्थ्य सङ्गठन (डब्लुएचओ)बाट औपचारिक रुपमा बाहिरिएको छ । अमेरिकी राष्ट्रपति डोनाल्ड ट्रम्प प्रशासनले अमेरिकालाई औपचारिक रुपमै डब्लुएचओबाट अलग गरेको संचारमाध्येमहरुले जनाएका छन् । संयुक्त राष्ट्रसङ्घको एउटा अङ्ग मानिने डब्लुएचओका बारेमा राष्ट्रपति ट्रम्पले यसअघि नै पटक पटक आलोचना गर्दै आफ्नो देश अलग हुने घोषणा गर्नुभएको थियो । विश्वभरी कोरोना भाइरसको नियन्त्रण तथा न्यूनीकरणका लागि प्रभावकारी र सन्तोषजनक भूमिका खेल्न नसकेको भन्दै डब्लुएचओको आलोचना गर्नुभएको थियो । राष्ट्रपति ट्रम्पले डब्लुएचओलाई चीनको पक्षमा काम गरेको र अमेरिकालाई बेवास्ता गरेको आरोप पनि लगाउनुभएको थियो । आरोप र असन्तुष्टिप्रति अन्य धेरै देशले असहमति जनाएका थिए भने डब्लुएचओबाट अलग हुने घोषणाप्रति चिन्ता व्यक्त गरेका थिए । डब्लुएचओबाट अमेरिका बाहिरिने र डब्लुएचओलाई दिँदैआएको सह...

पूर्णपुष्टि, असार २४ चीनको गुइझाउ प्रान्तमा जलाशयमा बस डुब्दा २१ जनाको मृत्यु भएको छ भने १५ जना घाइते भएका छन् । हिजो गुइझाउ प्रान्तको अंसुन भन्ने ठाउँमा पुल तर्दै गर्दा सडक अवरोधका कारण बस पुलबाट जलाशयमा खसेको थियो । गाओकाओ विश्वविद्यालयमा प्रवेश परीक्षा दिन गइरहेका विद्यार्थीहरु दुर्घटनामा परेको संचारमाध्यमहरुले जनाएको छ । बसमा जम्मा कति जना थिए र तीमध्ये कति विद्यार्थी थिए भन्ने बारे अझै स्पष्ट भएको छैन । दुर्घटना कसरी भयो भन्नेबारे अहिले अनुसन्धान भइरहेको जनाईएको छ । गुइझाउ आगो नियन्त्रण विभागले १९ जना गोताखोरसहित १ सय ४१ जना अग्नि नियन्त्रकहरु डुबेकाहरुको खोजी र उद्धार कार्यमा निरन्तर लागिरहेको जनाएको छ । यस्तै प्रहरी र अरु उद्धार टोलीले पनि उद्धार कार्यमा सघाइरहेको विभागले जनाएको छ ।...

पूर्णपुष्टि, असार २४ ब्राजिलका राष्ट्रपति जायर बोलसोनारोलाई कोरोना सङ्क्रमण पुष्टि भएको छ । ६५ वर्षीय राष्ट्रपति बोलसोनारोले टेलिभिजनमार्फत सम्बोधन गर्दै आफूमा कोरोना सङ्क्रमण पुष्टि भएको जानकारी दिनुभएको हो । उच्च ज्वरो आएपछि कोरोना परीक्षण गराएको थियो । हिजो आएको रिपोर्टमा कोरोना सङ्क्रमण देखिएको भएपनि डराउनु पर्ने कुनै कारण नरहेको बताउनुभयो । मास्क र भौतिक दूरीको पक्षमा नभएको भन्दै राष्ट्रपति बोलसोनारोको आलोचनासमेत हुने गरेको थियो । पटक–पटक भाइरसलाई हल्का रुपमा लिँदै कोरोना भाइरस भनेको केवल साधारण रुघाखोकी भएको र आफूलाई यसले थला पार्न नसक्ने बताउँदै आउनुभएको थियो । अर्थतन्त्र प्रभावित भएको भन्दै क्षेत्रीय गभर्नरहरुलाई लकडाउन हटाउन पनि आब्हान गर्नुभएको थियो । ब्राजिल, कोरोना भाइरसको सङ्क्रमणका हिसाबले अमेरिकापछि संसारको सबैभन्दा बढी प्रभावित देश हो ।  ब्राजिलमा कोरोना भाइरस स...

पूर्णपुष्टि, असार २३ ईन्डोनेसियाको सेमाराङमा ६.३ म्याग्नीच्यूडको भुकम्प गएको छ । भूकम्पीय उच्च जोखिममा रहेको इन्डोनेसियाको सेमाराङमा  भूकम्प गएको हो । इन्डोनेसियाली सुरक्षा अधिकारीहरुले सोही स्थानमा कुनै क्षति भए नभएको बारेमा विवरणहरु संकलन गर्ने कार्य शुरु गरेको जनाएको छ ।