समाचार

तेह्रथुम, बैशाख ८ गते । तेह्रथुममा पासाङ शेर्पा मृत अवस्थामा फेला परेको छ । लालीगुराँस नगरपालिका–२ दारे गौडा नजिकै संखुवासभा घर बताउने अन्दाजी ४२ वर्षीय शेर्पा सोमबार मृत अवस्थामा फेला परेको हो । विगत २० वर्षदेखि चिल्ड्रन पार्कको टहरामा बसी लेबर काम गर्दै आएका शेर्पा दिउँसो पौने ३ बेज मृत अवस्थामा फेला पारेको जिल्ला प्रहरी कार्यालय तेह्रथुमले जनाएको छ ।...

पूर्णपुष्टि, बैशाख ८ गते । भुल्केमा नेपाली सेनाको स्वास्थ्यकर्मी टोलीले आज थप एक सय जना स्थानीयको स्वाप नमुना संकलन गरेको छ । सेनाको स्वास्थ्यकर्मी टोलीले हिजो र आज गरी दुई सय ५२ जनाको स्वाप संकलन गरेको हो । १३ जना कोरोना संक्रमित फेला परेपछि भुल्केलाई संघ र प्रदेश सरकारले स्वास्थ्यकर्मीको टोली खटाएर स्थानीयबासीको स्वाव नुमना संकलन गरेको हो । सेनाको स्वास्थ्यकर्मी टोलीले हिजो एक सय ५२ जनाको स्वाव नमुना संकलन गरेको थियो भने आज थप एक सय गरी दुई सय ५२ जनाको स्वाव नमुना संकलन गरेर काठमाण्डौँ लगेको सहायक जिल्ला अधिकारी भिम भट्टराईले जनाकारी दिए । प्रदेशले गत शनिबार ६० जना स्थानीय, ५ सुरक्षाकर्मी र ४ जना स्वास्थ्यकर्मी गरी ६९ जनाको स्वाव नमुना संकलन गरेको थियो । मस्जिदमा बसेका १२ भारतीय मुस्लिम समुदायका मानिस र चार नेपाली मुस्लिम समुदायका मानिस गरी १६ जनाको स्वाप परिक्षण गरिएकोमा ...

पूर्णपुष्टि, बैशाख ८ गते ।  लामो समयमसम्म कोरोनाको संक्रमण झेलेका चिन विस्तारै पुरानो अवस्थामा फर्किदै छ । दुई महिनासम्म लकडाउन झेलेका जनजीवन बिस्तारै समान्य अवस्थामा फर्किदै गईरहेको हो । चिन सरकारले कोरोना भाइरस (कोभिड–१९) को संक्रमण रोकथाम तथा नियन्त्रणका लागि दुई महिनाभन्दा बढी लकडाउन गरेको थियो । बेइजिङमा रहेको ग्रेटवालसहति ७३ प्रमुख पर्यटकीय स्थललाई खुला गरिएको चिनिया संचारमाध्यमहरुले जनाएको छ । यी सबै पर्यटकीय स्थल खुला इलाकामा छ भने ३० प्रतिशत पर्यटकलाई मात्र जान दिइने बेइजिङ टुरिज्म ब्यूरोले जनाएको छ । कोरोना संक्रमणका कारण चीनमा अहिलेसम्म चार हजार ६ सय ४२ जनाको मृत्यु भएको छ भने ७७ हजार भन्दा बढी उपचारपछि निको भएका छन् । अहिले ८२ हजार सात सयभन्दा बढीमा संक्रमण पुष्टि भईसकेको छ ।...

पूर्णपुष्टि, बैशाख ८ गते । भुल्केमा केहि समय अगाडीदेखि स्वाव नमुना संकलन कार्य सुरु भएको छ । हिजो स्वाव नमुना संकलन गर्न बाँकी रहेका स्थानीयबासीहरुको संकलन गर्न सुरु गरेको हो । हिजोकै स्वास्थ्यकर्मी टोलीले आज स्वाव नमुना संकलन सुरु गरेको हो । स्वाव लिन बाँकी रहेका स्थानीयबासीहरु सामाजिक दुरी कायम गर्दै चौर व्यावस्थीत रुपमा पालै पालो गरेर स्वाव नमुना संकलन गर्न कार्य भईरहेको सुरक्षा अधिकारीले जनाएको छ ।...

पूर्णपुष्टि, बैशाख ८ गते । कोरोना भाइरस महामारी नियन्त्रणका लागि त्रियुगा नगरपालिकाले तयारी गरेको क्वारेन्टाइनको आवस व्यवस्थापनमा वल्र्डभिजनले सहयोग गरेको छ । नगरपालिकाले आवासिय सामग्री सहयोगका लागि वल्र्डभिजनलाई पत्राचार गरेपछि सोमबार पार्टनर संस्था जाल्पा एकिकृत विकास, हुरेण्डेक र नेस्पेक संस्थामार्फत २ लाख ८ हजार ५ सय ६२ रुपैँयाको आवसिय सामग्री सहयोग गरिएको हो । वल्र्डभिजनले क्वारेन्टाइनमा रहेकाहरुलाई ओढ्ने कम्मल ७० थान, त्रिपाल ७० थान, झुल ३५, नाइलन रोप ७० वटा, पलाष्टिक गुन्द्रि २६, वकेट बीस लिटरको ३७ र जर्किन ७४ वटा उपलब्ध गराएको जाल्पा एकिकृत विकास संस्थाका सदस्य सुमन परियारले जानकारी दिए । संस्थाले नगरपालिकाका मेयर बलदेव चौधरीलाई सबै सामग्री हस्तान्तरण गरेको हो । वल्र्डभिजनले कारागारका कैदीबन्दीको अवश्थालाई ध्यान दिँदै कम्मल, झुल, त्रिपाल, नाइलन रोप, गुन्द्रि, वकेट र जर्...

पूर्णपुष्टि, बैशाख ८ गते ।  वैदेशिक रोजगारीको क्रममा परदेशमा रहेका नेपालीलाई बसेको ठाउँमा सुरक्षित बस्न श्रम, रोजगार तथा सामाजिक सुरक्षा मन्त्रालयले आग्रह गरेको छ । विपतको बेला वैदेशिक रोजगारीमा रहेका नेपाली श्रमिकप्रति मन्त्रालय  गम्भीर भएको भन्दै मन्त्रालयले आवश्यक सहयोगको लागि कुटनीतिक नियोग निरन्तर परिचालन हुने जनाएको छ । विभिन्न कारणले बेखर्ची भइ खान बस्नको समस्या, भिसा वा काम गर्ने सम्झौता म्याद सकिएको तथा तलब लगायतका समस्या आएमा सम्बन्धित देशको दूतावासमा राख्न मन्त्रालयले आग्रह गरेको छ । विहान ७ बजे देखि बेलुकी ९ बजेसम्म मन्त्रालयले सञ्चालन गरेको कल सेन्टरको फोन नम्बर ं९७७१५९७०००८ मा सम्पर्क गरेर आफ्ना समस्या राख्न सकिने मन्त्रालयले जनाएको छ ।...

पूर्णपुष्टि, बैशाख ८ गते । वैदेशिक रोजगारीबाट स्वदेश फर्किएका युवालाई उद्यममा लगाई देशमै रोजगारी सिर्जना गर्न कार्यदल गठन भएको छ । उद्योग, वाणिज्य तथा आपूर्ति मन्त्रालयको समन्वयमा आइतबार विभिन्न मन्त्रालय र निजी क्षेत्रका छाता सङ्गठनका प्रतिनिधिबीच भएको छलफलबाट कार्यदल गठन गरेको हो । विदेशबाट आएका युवालाई देशमै उद्यम गर्न प्रेरित गर्न बनेको कार्यदलको नेतृत्व उद्योग मन्त्रालयको औद्योगिक लगानी तथा प्रवर्द्धन महाशाखा प्रमुखले गर्नेछन् भने कृषि तथा पशुपंक्षी विकास मन्त्रालय, श्रम रोजगार तथा सामाजिक सुरक्षा मन्त्रालय र अर्थ मन्त्रालयका प्रतिनिधिहरु सदस्य रहने छन् । साथै सङ्घीय मामिला तथा सामान्य प्रशासन मन्त्रालयका प्रतिनिधि तथा निजी क्षेत्रका छाता सङ्ठनहरु, नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर्स अफ् कमर्स र नेपाल घरेलु तथा साना उद्योग महासंघका प्रतिनिधि पन...

पूर्णपुष्टि, बैशाख ८ गते । जाल्पा एकिकृत विकास समाजले क्वारेन्टाईनको सहयोग सामाग्री त्रियुगा नगरपालिकालाई हस्तान्तरण गरेको छ । नगर भित्र रहेको क्वारेन्टाईनका लागी आवश्यक चार सय ५३ थान सहयोग सामाग्री जाल्पाले सोमबार नगरलाई हस्तान्तरण गरेको हो । जाल्पा एकिकृत विपद् व्यावस्थापन परियोजना अन्र्तगत सहयोग सामाग्री हस्तान्तरण गरेको जनाएको छ । ब्लाङ्केट ७०, झुल ३५, त्रिपाल ७०, डोरी ७०, ऊनी कम्बल ७०, प्लाष्टिक म्याप २६, बाल्टिन ३७ र जर्किन ७४ थान क्वारेन्टाईनका लागी आवश्यक सामाग्री हस्तान्तरण गरेको जाल्पाले जनाएको छ । जिल्लाका सवै पालिकाहरुमा रहेको क्वारेन्टाईनमा आवश्यक सामाग्री वितरण गर्ने लक्ष्य रहेको जाल्पाले जनाएको छ । स्थापना भएको क्वारेन्टाईनलाई थप ब्यावस्थित बनाउने उद्देश्यले सामाग्री सहयोग गरेको जनाईएको छ ।...

पूर्णपुष्टि, बैशाख ८ गते । भुल्केमा विहानदेखि गर्ने भनिएको स्वाव संकलन प्राविधिक समस्याका कारण ढिलो भएको छ । हिजो नमुना संकलन गरेको स्वास्थ्य टोलीले आज विहानदेखि थप संकलन गर्ने भनिएकोमा ढिलो भएको हो । पिपिए सेट लगाएका स्वास्थ्य सामाग्रीको अभावमा ढिलाई भएको बुझिएको छ । हिजो स्वाव नमुना संकलन गर्न बाँकी रहेका  स्थानीयबासीहरु विहानैदेखि चौरमा भोक भोकै बस्न बाध्य भएको स्थानीयबासीहरुले बताएका छन् । प्रदेशबाट पिपिए सेट झिकाएर स्वाव नमुना संकलन गर्ने समाचार स्रोतले जनाईएको छ ।  ...

पूर्णपुष्टि, बैशाख ८ गते ।  आज दिउँसोपछि बदली भएर बेलुकीतिर चट्याङ, हुरीबताससहित असिना पानी सम्भावना रहेको मौसन पूर्वानुमान महाशाखाले जनाएको छ । देशभरिकै मौसम आंशिकदेखि सामान्य बदली भइ दिउँसोपछि काठमाण्डौ उपत्यकासहित पहाडी क्षेत्रका धेरै ठाउँमा चट्याङ, हुरीबतास र असिनासहित पानी पर्ने सम्भावना रहेको महाशाखाले जनाएको छ । प्रिमनसुनी गतिविधि सक्रिय भएको छ । प्रिमनसुनमा स्थानीयसँगै पश्चिमी वायु सक्रिय हुन्छ । केही दिनयता प्रिमनसुनी गतिविधि बढेकाले बिहान खुलेको मौसम दिउँसोपछि बदली भएर बेलुकीतिर चट्याङ, हुरीबताससहित असिना पानी पर्न थालेको महाशाखाले जनाएको छ । महाशाखाका अनुसार अझै तीन दिन प्रिमनसुनी गतिविधि सक्रिय नै रहने देखिएको छ । यसकै प्रभावले अबको तीन दिन देशका केही ठाउँमा मेघगर्जन हुरीबतास र असिनासहित पानी पर्ने जनाईएको छ । यस्तै प्रिमनसुनमा नजिकै कतै पानी पर्दा नजिकै अर्को ठाउँम...