समाचार

उदयपुर/भदौ ८ गते । आर्थीक वर्ष २०७५/०७६ मा जिल्ला ट्राफिक प्रहरी कार्यालय उदयपुरले ९४ लाख ३१ हजार पाँच सय राजस्व संकलन गरेको छ । ट्राफिक नियम उल्लघन गर्ने साना ठूला यातायातबाट अघिल्लो आर्थिक वर्ष भन्दा १२ लाख ४१ हजार ५ सय बढी राजस्व संकलन भएको हो । जिल्लाका विभिन्न ठाउँहरुबाट १४ हजार २ सय ९५ सवारी साधन तथा चालक कारबाहीमा परेको जिल्ला ट्राफिक प्रहरी कार्यालयको तथ्याङकले देखाएको छ । सवै भन्दा बढी ट्राफिक नियम उल्घंन गर्ने यातायात तथा चालक मध्ये टिफर,ट्रक चालक भएको कार्यालयको तथ्याङकमा उल्लेख छ । उक्त सवारी साधन चालकपछि मोटर साइकल चालकले ट्रफिक नियम उल्घंन गरेको कार्यालयको तथ्याङले देखाएको छ । सवैभन्दा बढी आर्थिक वर्षको मसान्त अर्थात असाढ महिनामा १ हजार ३ सय ९५ सवारी कारबाहीमा परेकाबाट ८ लाख ८९ हजार पाँच सय राजश्व उठेको तथ्याङ्कले देखाएको छ । आर्थिक वर्षको सुरुवात भदौमा ८ सय ५...

भदौ ८ गते । बढ्दै गएको जलवायु परिवर्तनले नपालमा वर्षेनी करिब ९० अर्वको नोक्सान बेर्होनु परेको छ । वन तथा वातावरण मन्त्रालयले गरेको एक अध्ययनले जलवायु परिवर्तनकै कारण राष्ट्रले कुल गार्हस्थ्य उत्पादनको करिब २ देखि ३ प्रतिशत अर्थात् ६० देखि ९० अर्ब रुपैयाँको नोक्सान हुने गरेको तथ्यङ्कले देखाएको हो । कृषि र खाद्यान्न, जलस्रोत, वन र जैविक विविधता, मानव स्वास्थ्य, पर्यटन, ऊर्जा, जल, सिँचाइ, बसोबास तथा पूर्वाधार लगायतका क्षेत्रमा प्रतिकूल प्रभाव पर्न थालेको अध्ययनले देखाएको छ । अहिले नेपालमा वार्षीक ०.०५६ डिग्री सेल्सियसको दरले तापक्रम बढिरहेको अध्ययनले देखाएको छ । यसअघि भएको अन्तर्रा्िष्ट्रय सम्मेलनमा नेपालको तापक्रम वार्षिक ०.०६ डिग्री सेल्सियसका दरले बढिरहेको आँकडा प्रस्तुत गरेको प्रतिवेदनमा उल्लेख छ । ठूला र विकसित राष्ट्रिहरुले उत्सर्जन गर्ने कार्बनडाइअक्साइड, नाइट्रस अक्साइड, ...

भदौ ८ गते । छिमेकी भारतसँग तत्काल कुरा गरेर अतिक्रमण गरेका जमिनको अवस्था यकिन गर्न र सिमास्तम्भ पुनःस्थापित गर्न प्रतिनिधिसभाको अन्तर्रा्ष्ट्रिय सम्बन्ध समितिले सरकारलाई निर्देशन दिएको छ । सीमा क्षेत्रमा भारतले बनाउन लागेको सडक र बनाएको तटबन्धले वर्षेनी बाढी र डुवान हुदै आएकाले झनै खतरा बढ्ने बिवरण पेश गर्दै सांसदहरुले तत्काल वार्ता थाल्न आग्रह गरेको थियो । यसपछि समितिले ५ बुँदे निर्देशन दिएको हो । यो समाचार आजको कान्तिपुर दैनिकमा छापिएको छ ।...

भदौ ८ गते । दुर्गम स्थानीय तहका कर्मचारीले कार्यालय नै नपुगी तलब भत्ता लिइरहेका छन् । सदरमुकाम बाहिरका विकट पहाडी पालिकाहरुको कर्मचारीले कार्यालयमा हाजिर नै नभइ तलब लिईरहेको पाइएको हो । सदरमुकाम सिमकोमा बसेर स्थानीय तहका कर्मचारीले तलब खाईरहेका छन् । अधिकांश कर्मचारी स्थानीय तहका छैन् । विभिन्न बहानामा बाहिर बसेर कार्यालयमा हाजिर नभई नियमित रुपमा तलब भत्ता भने खाईरहेका छन् । स्थानिय तहमा राज्यले तोके र खटाएका कर्मचारीले हिजोआज सदरमुकाममै बसेर हाजिरी गर्दै आएका छन् । यो समाचार आजको अन्नपूर्ण दैनिकमा छापिएको छ ।...

भदौ ७ गते । काभ्रेको तेमाल गाउँपालिकाको एक समुदायले विद्युतीय चुल्हो प्रयोग अभियान सुरु गरेको छ । तेमाल सामुदायीक विद्युत सहकारी संस्थाले ग्यास र दाउँरा प्रयोगलाई विस्थापित गर्ने उद्देश्यले अभियान चलाएको हो । उक्त अभियानलाई विद्युत प्राधिकरणले साथ दिएको छ । चुल्हो वितरणको कार्यक्रममा पुगेका नेपाल विद्युत प्राधिकरणका कार्यकारी निर्देशक कुलमान घिसिङले प्राविधिक समस्या आउन नदिने प्रतिबद्धता जनाएको छ । सस्थाले पहिलो चरणमा आफ्ना ग्रहकलाई मात्रै वितरण गरेको छ । करिब ५ सय घरपरिवारलाई ६७ सय रुपैयामा ईन्डक्सन चुल्हो र त्यसमा प्रयोग हुने कुकर, कराई, पानी तताउने ताप्के वितरण गरेको छ । ग्यास भन्दा ईन्डक्सन चुल्हो प्रयोग गर्दा धेरै सुलभ हुने सस्थाले जनाएको छ ।...

उदयपुर, भदौ ७ गते । कटारीको भोर्ले खोलामा डुबेर एक बालकको मृत्यु भएको छ । कटारी नगरपालिका–५ भोर्लेमा दिउँसो खोलामा डुबेर कालकको मृत्यु भएको हो । दिउँसो करिब २ बजे जगदिश श्रेष्ठको छोरा ८ बर्षिय सिद्धान्त श्रेष्ठ खोलामा नुहाउने क्रममा डुबरेर मृत्यु भएको प्रहरीले जनाएको छ । घरमा कसैलाई नभनि हिडेका बालक छिमेकी साथीसँग नुहाउन गएको र खोलमा डुबेको अर्को बालककले जनाकारी गराएपछि तत्काल उद्दार गरी कटारी अस्पताल पु¥याएपनि डाक्टरले मृत घोषणा गरेको ईलाका प्रहरी कार्यालय कटारीले जनाएको छ ।...

भदौ ७ गते । भारतको पूर्व अर्थमन्त्री अरुण जेटलीको निधन भएको छ । दिल्लीको एम्स अस्पतालमा उपचारको क्रममा शनिबार दिउँसो निधन भएको हो । ६६ वर्षीय जेटली लोकसभाका सांसाद पनि हुन् । उनी १५ दिन पहिला अस्पतालमा भर्ना भएको थियो । जेटलीलाई श्वास–प्रश्वास पिडित रहेको सञ्चार माध्यमहरुले जनाएको छ । भारतीय प्रधानमन्त्री नरेन्द्र मोदीले दोस्रो कार्यकालमा पनि जेटलीलाई सरकारको जिम्मेवारी दिने तयारी गरेको थियो । तर स्वास्थ्य अवस्था कमजोर भएको भन्दै आफैले कुनै पनि जिम्मेवारी नलिने जनाएको थियो ।...

भदौ ७ गते । स्टारर चलचित्र ‘जाइरा’ शुक्रबारदेखि रिलिज भएको छ । नम्रता श्रेष्ठ नायिका रहेको जाइरा कुनै चलचित्र रिलिज नभएको मौकामा रिलिज भएको हो । विभिन्न चलचित्रमा लभर गर्लको भूमिका निर्वाह गर्दै आएका मन्रताले यस चलचित्रमा एक्सन अवतार लिएकि छिन् । नायिका नम्रता बक्सर खेलाडीको भूमिकामा चलचित्रमा देख्न सकिन्छ । आशुतोष श्रेष्ठको निर्देशनमा बनेको चलचित्रमा नम्रतासँगै अनुपबिक्रम शाहि, प्रमोद अग्रहरी, रेमनदाश श्रेष्ठ, सृजना रेग्मी, सुजाता श्रेष्ठ लगायतका नायक नायिकाहरुको मुख्य भूमिका रहेको छ ।...

भदौ ७ गते । सोलुखुम्बुको पासाङ ल्हामू गाउँपालिकाले पर्वतारोहण र संरक्षण क्षेत्रको रोयल्टी बढी स्थानिय तहमा परेको छ । अर्थ मन्त्रालयमा शुक्रबार भएको अन्तर सरकारी वित्त परिषद्को बैठकमा पेश भएको विवरणका आधारमा पालिका परेको हो । कुनै पनि रोयल्टि नपाउने प्रदेश न. २ रहेको छ । विद्युत् तर्फको रोयल्टी बढी पाउनेमा प्रदेश नम्बर ३ परेको छ भने स्थानिय तहमा तामाकोशी गाउँपालिका परेको हो । आर्थिक वर्ष २०७५÷७६ मा विद्युतबाट कूल २ अर्ब ९९ करोड ४८ लाख ४३ हजार २ सय ६३ रुपैयाँ बराबरको रोयल्टी प्राप्त भएको थियो । त्यसमध्ये प्रदेश र स्थानीय तहमा समान ७४ करोड ८७ लाख १० हजार ८ सय १५ रुपैयाँ बाँडफाँड गरिएको छ । संविधानले व्यावस्था गरेको नियम अनुसार विद्युतका संरचना रहेका स्थानीय तहलाई ५० प्रतिशत र प्रभावित क्षेत्रको स्थानिय तहलाई २० प्रतिशत रोयल्टी दिने छ । प्रदेश न.३ संरक्षित क्षेत्रतर्फ बढी रोयल...

भदौ ७ गते । प्राकृतिक सुन्दरताले भरिपूर्ण मनै लोभ्याउने दुधकुण्ड ताल खासै विकास भएको पाईदैन । प्राकृति सौदर्यतासँगै किराँत, हिन्दु, बौद्ध धर्मलम्बीहरको एक आस्थाको धरोहर पनि हो । समुन्द्रि सतहदेखि करिब ४७ सय मिटर उच्चाईमा असंख्य हिमालहरुको काखमा रहेको तालमा पुजा आरधना गर्न र तालको सौदर्यतासँग खेल्न अनि रमाउन विभिन्न जिल्लाबाट समेत आउने गरको छ । सोलुखुम्बुको टाक्सिन्दु नुम्बुर तथा कार्यालुङ हिमालको काखमा दूधकुण्ड ताल अवस्थित छ । दुवै हिमालबाट आएको पानी जमेर ताल निर्माण भएको हो । धार्मीक महत्व बोकेको तालमा प्रत्यक वर्षको जनैपूर्णिमा मेला लाग्ने गर्दछ । मेलामा छिमेकी जिल्ला रामेछाप, ओखलढुंगा, खोटाङ, उदयपुर तथा काठमाण्डौबाट मानिसहरु र विदेशी पर्यटकहरु पनि तालको सुन्दरता हेर्न आउने गर्दछन् । सुन्दर ताल, नजिकैबाट देख्न सकिने २ वटा हिमाल रहेको प्राकृतिक सौदर्यताले भरिपूर्ण ठाउँ ...