समाचार

पूर्णपुष्टि, १३ साउन । ओखलढुँगा निवासी हाल मकाउमा रहेका टाईगर बोसले बोक्सेमा जारी दोस्रो सेभेन ए साईड फुटवल प्रतियोगितालाई दोस्रो पुरस्कार राशी सहयोग गरेको छ । फुटवल प्रेमी समेत रहेका टाईगर बोसले दोस्रो पुरस्कार रकम सयोग गर्ने घोषणा गरेको हो । उनले प्रतियोगिताका लागि रु २० हजार सहयोग गर्ने भएको आयोजक समितिले जाकारी दिएको छ । आयोजक टिमले उनलाई धन्यवाद प्रकट गरेको छ । खेल यहि साउन १० देखी बोक्से खसी बजारमा जारी छ । उक्त प्रतियोगिताका बिजेताले नगद राशी रु ४० हजार ट्रफि र उपबिजेताले रु २० हजार नगद र ट्रफि पाउने छ ।...

पूर्णपुष्टि, साउन १३ । सर्वोच्च अदालतले पूर्वमन्त्री गोविन्दराज जोशीलाई भ्रष्टाचार मुद्दामा दोषी ठहर गरेको छ। आइतबार न्यायाधीश विनोद शर्मा र बालकृष्ण ढकालको इजलासले जोशीलाई ९ महिना कैद र ६९ लाख १५ हजार रुपैयाँ जरिवानाको सजाय सुनाएको हो। यसअघि विशेष अदालतले जोशीलाई डेढ वर्ष कैद र २ करोड १६ लाख १४ हजार ३७६ रुपैयाँ जरिवानाको सजाय सुनाएको थियो। सर्वोच्च अदालतले भने यस फैसलालाई संशोधन गर्दै कैद र जरिवाना दुवै घटाएको छ। सर्वोच्च अदालतका सूचना अधिकारी गोविन्दप्रसाद घिमिरेका अनुसार ताराराज पाण्डे र बासुदेव पन्तले भने सफाइ पाएका छन्।...

पूर्णपुष्टि, साउन १३ । चितवनको सिमलतालमा भएको बस दुर्घटनाको खोजी कार्यमा सहयोग गर्न आएको भारतीय प्राविधिक टोली आज स्वदेश फर्कने भएको छ। एक हप्ता लामो खोजी अभियानमा संलग्न भारतको राष्ट्रिय आपदा मोचन बल (एनडीआरएफ) का १२ सदस्यीय टोलीलाई आज बिदाइ गरिने चितवनका प्रमुख जिल्ला अधिकारी इन्द्रदेव यादवले जानकारी दिए। गत असार २८ गते सिमलतालमा लेदो पहिरोले बगाएर त्रिशूली नदीमा खसेका दुई बस र त्यसमा सवार ६५ यात्रुको खोजी कार्य अझै निष्कर्षमा पुग्न सकेको छैन। भारतीय टोलीले अत्याधुनिक सोनार उपकरण र गोताखोरहरू प्रयोग गरेर खोजी गरे पनि बस र बेपत्ता यात्रुहरूको पत्तो लाग्न सकेको छैन। प्रमुख जिल्ला अधिकारी यादवका अनुसार नेपाली सुरक्षा निकायले दोस्रो चरणको खोजी कार्य जारी राख्नेछन्, तर यो पहिलेको जस्तो सघन नहुने बताए। उनले भने, ‘भारतीय र हाम्रो संयुक्त टोलीले हालसम्म गरेको कामको समीक्षा गरेर धन्यवाद ज्ञ...

पूर्णपुष्टि, साउन १३ । राष्ट्रिय परीक्षा बोर्डले एसईईको नतिजामा गम्भीर लापरबाही गरेको पाइएको छ। पुनर्योगका लागि आवेदन दिएका ५ प्रतिशतभन्दा बढी विद्यार्थीको नतिजा फरक परेको छ। केही विद्यार्थीको हकमा त ९१ अंक प्राप्त गरेकोमा १९ मात्र दिइएको जस्ता चरम त्रुटिहरू फेला परेका छन्। परीक्षा नियन्त्रण कार्यालय कक्षा १० का अनुसार गत असारमा प्रकाशित नतिजामा चित्त नबुझेर १८,६०० विद्यार्थीले पुनर्योगका लागि आवेदन दिएका थिए। तीमध्ये साढे ११ हजार विद्यार्थीको पुनर्योग गर्दा ६२१ जनाको नतिजा परिवर्तन भएको छ। परीक्षा बोर्डका अध्यक्ष महाश्रम शर्माले भने, ‘प्राप्तांक कम्प्युटरमा चढाउँदा ७१ ल्याएका विद्यार्थीलाई १७, ६९ ल्याएकालाई ०९ दिएको जस्ता त्रुटि देखिएका छन्।’ उनका अनुसार यस्ता त्रुटिहरू उत्तरपुस्तिका परीक्षणपछि नम्बर जोड्दा उत्तरपुस्तिकाभित्रबाट बाहिर कभरमा नम्बर लेख्दा, मार्कस्लिप र कम्प्युटरमा चढा...

पूर्णपुष्टि, साउन १३ । उत्तरी गोरखाको धार्चे गाउँपालिका–५ रेसेफाँटमा आइतबार बिहान गएको पहिरोले एकै परिवारका तीन जनासहित पाँच जनालाई बगाएको छ। जिल्ला प्रहरी कार्यालय गोरखाका प्रहरी नायव उपरीक्षक रमेशकुमार श्रेष्ठका अनुसार बिहान करिब तीन बजे स्थानीय जीतबहादुर गुरुङको कृषि फर्म र एक घर पहिरोमा परेका हुन्। पहिरोमा परेर बेपत्ता हुनेमा जीतबहादुर गुरुङ, उनकी ३५ वर्षीया श्रीमती कान्छी माया, ६० वर्षीय बुबा सुलाल कान्छा, सिङ्लाका ३३ वर्षीय रमेश गुरुङ र ठेगाना नखुलेका ३४ वर्षीय रमेश परियार रहेका छन्। एकै घरपरिवारका तीन जना र बाँकी दुई जना फर्ममा काम गर्ने कामदार रहेको श्रेष्ठले बताए । पहिरोमा पुरिएर घाईते भएका २ जनाको उद्धार गरिएको प्रहरीले जनाएको छ । सिङ्लाका ३५ वर्षीय दिलिप गुरुङ र २७ वर्षीय थमबहादुर गुरुङलाई घाइते अवस्थामा उद्धार गरिएको छ। दिलीपको अवस्था गम्भीर रहेको र थप उपचारका लागि नेपाली...

पूर्णपुष्टि, साउन १३ । नारायणगढ–मुग्लिन सडकखण्डमा दुई बस त्रिशूली नदीमा खसेको १६ दिन बितिसक्दा पनि बस र बेपत्ता यात्रुहरूको खोजी कार्य अनिश्चित बनेको छ। प्रमुख जिल्ला अधिकारी इन्द्रदेव यादवका अनुसार बस भेटिने सम्भावना निकै कम रहेको र खोजी कार्यमा समस्या आएको रिपोर्ट माथिल्लो निकायमा पठाइएको छ। ‘भोलिबाट थप खोज्ने वा रोक्ने भन्ने निर्णय आउँछ भन्ने विश्वास छ,’ प्रजिअ यादवले भने। घटनामा ६५ यात्रुमध्ये २० जनाको शव भेटिएको छ भने बाँकी अझै बेपत्ता छन्। खोजी कार्यमा संलग्न एक सुरक्षा अधिकृतले भने, ‘हामीलाई यी बस भेटिदैन भन्ने थाहा छ। परिवारले पनि आश मारे। तर हामी निरन्तर यसमा लागिरहेका छौं।’ भारतबाट आएको राष्ट्रिय विपद् रेस्पोन्स फोर्सको टोली आइतबार फर्किने तयारीमा छ। प्रजिअ यादवका अनुसार भारतीय टोलीले सम्भव भएका सबै प्रविधि र उपाय लगाएर खोजी गरे पनि बस नभेटिएको प्रतिवेदन दिएर फिर्ता हुनेछ। ...

पूर्णपुष्टि, साउन १३ । दार्चुलाकी एक किशोरी महाकाली नदीमा हाम फालेर बेपत्ता भएकी छन्। शनिबार साझँ दुहु गाउँपालिका–४ थारा निवासी १७ वर्षीया धनिसा कुँवर महाकाली नगरपालिका–४ स्थित रिङ्नेताल भन्ने ठाउँबाट नदिमा हाम्फेलको जिल्ला प्रहरी कार्यालय दार्चुलाका इन्सपेक्टर एवम् प्रवक्ता ज्ञानेन्द्र सिंहले जानकारी दिए । प्रवक्त्ता सिंहका अनुसार स्थानीयले किशोरी नदीको डिलमा पुगेको देखेपछि प्रहरीलाई खबर गरेका थिए। सूचना पाउनासाथ जिल्ला प्रहरी कार्यालयबाट टोली खटिएको थियो। घटनास्थलमा पुगेका प्रहरी र स्थानीयले किशोरीलाई सम्झाइबुझाइ गरेका थिए। तर, उनले नमानेपछि एक प्रहरी उनलाई समात्न नजिक गएका थिए। त्यही बेला कुँवरले अचानक नदीमा हाम फालेकी थिइन्। प्रहरीले तत्काल खोजी कार्य सुरु गरे पनि अहिलेसम्म उनी फेला परेकी छैनन्। किशोरीको परिवारसँग बुझ्दा पनि उनले आत्महत्या प्रयास गर्नुको कारण खुल्न सकेको छैन। प्र...

पूर्णपुष्टि, साउन १२ । कोशी प्रदेश सरकारमा नेपाली कांग्रेस र नेकपा एमाले बिच मन्त्रालय बाँडफाडमा सहमती भएको छ । शनिबार काठमाडौंमा भएको बैठकमा दुई दलबीच ८ वटा मन्त्रालयमध्ये ४–४ वटा मन्त्रालय लिने निर्णय भएको हो। नेकपा एमाले प्रमुख सचेतक रेवतीरमण भण्डारीले एमालेका मुख्यमन्त्रीसहित पाँच र कांग्रेसका चार जना मन्त्री रहने गरी सोमबार सरकार विस्तार गरिने जानकारी दिए। कांग्रेसले सरकारको नेतृत्व आलोपालो गर्ने प्रस्ताव गरे पनि त्यसमा सहमति हुन नसकेको सचेतक भण्डारीले बताए। ‘आलोपालोको विषयमा केन्द्रीय नेतृत्वको निर्णय अनुसार अघि बढ्ने सहमति छ’, भण्डारीले भने, ‘बाँकी विषय विराटनगरमा छलफलपछि टुङ्गो लाग्छ ।’ कोशी प्रदेश सरकारमा माओवादी केन्द्रले सरकार छाडेपछि मुख्यमन्त्री कार्कीले भौतिक पूर्वाधार, स्वास्थ्य, पर्यटन वन तथा वातावरण मन्त्रालय कांग्रेसलाई दिने तयारी गरेका छन् । त्यस्तै उद्योग, कृषि तथ...

पूर्णपुष्टि, साउन १२ । दमौटी फुटबल क्लब दोस्रो सेभेन ‘ए’ साईड फुटबल प्रतियोगिताको सेमिफाईनलमा प्रवेश गरेको छ । शनिबार बोक्से स्थित गंगा खेल मैदानमा भएको पहिलो क्वाटरफाईनल खेलमा बगाहा फुटबल क्लबलाई ३ गोलको बिरुद्ध ६ गोल गर्दै दमौटी फुटबल क्लबले सेमिफाईनलमा स्थान पक्का गरेको हो । दमौटी फुटबल क्लबका लागी रबि शंकर चौधरीले ह्याट्रिक गरे भने अशिम राईले २ र बिशाल भण्डारीले १ गोल गरे । त्यस्तै बगाहाको लागी रबिन सिंहले २ गोल गरे भने दिपलभ कटुवालले १ गोल गरे । यस खेलको म्यान अफ द म्याच दमौटी फुटबल क्लबका रवि शंकर चौधरी बने । उनले नगद रु. १ हजार सहित मेडल प्राप्त गरे ।दोस्रो क्वाटरफाईनल खेल आयोजक ब्रोदर्श फुटबल क्लब र डेडी फुटसल बिच भोली दिउँसो ४ बजे हुनेछ । यस प्रतियोगिताको विजेता टिमले ४० हजार नगद सहित ट्रफी, मेडल र प्रमाण पत्र प्राप्त गर्ने छ भने उपविजेताले २० हजार नगद सहित ट्रफी, मेडल र प्रमाण...

पूर्णपुष्टि, साउन १२ । देशभर हैजाको सङ्क्रमण फैलिँदै गएको छ। स्वास्थ्य सेवा विभागको ईपिडिमियोलोजी तथा रोग नियन्त्रण महाशाखाले देशभर हालसम्म १० जनामा हैजा सङ्क्रमण पुष्टि भएको जानकारी दिएको छ। ललितपुरमा सात र कैलालीमा तीन जनामा हैजा पुष्टि महाशाखाका निर्देशक डा यदुचन्द्र घिमिरेले जानकारी दिए। हैजा ‘भिब्रियो कोलेरी’ प्रजातिको जीवाणुबाट मानिसमा लाग्ने अति सङ्क्रामक झाडापखालासम्बन्धी रोग हो। यो मुख्यतया दूषित पानी र खानाबाट सर्छ। विशेषज्ञहरूका अनुसार हैजाका मुख्य लक्षणहरूमा पातलो दिसा, वाकवाकी, बान्ता र कडा जलवियोजन पर्दछन्। उपचार नपाएमा केही घण्टामै सङ्क्रमितको मृत्यु हुन सक्ने चेतावनी दिइएको छ। सङ्क्रामक रोग विशेषज्ञ डा शेरबहादुर पुनले रोग नियन्त्रणका लागि सुरक्षित पानीको प्रयोग व्यक्तिगत सरसफाइमा ध्यान र खानेकुरा राम्रोसँग पकाएर खाने जस्ता उपायहरू सुझाएका छन्। विशेष गरी शौचालय प्रयोगप...