समाचार

पूर्णपुष्टि, साउन २४ । मोरङको विराटनगर-१८ लावाघाट र दमादिगीका आधा दर्जनभन्दा बढी व्यक्तिको जग्गा मिटरब्याजी सुनिल साहको कब्जामा परेको अवस्थामा उक्त जग्गाहरू आइतबार उनीहरूलाई फिर्ता गरिएको छ। ५८ वर्षीय महेशलाल मण्डलले सुनिलसँग धितो राखेर लिएको कर्जा असाध्यै ठूलो बोझ बनेको र उक्त कारण नै उनको १५ दिन पहिले मृत्यु भएको उनकी श्रीमती सुमित्रा देवी बताउँछिन्। तर, महेशलालको मृत्युअघि नै उनको जग्गा सुनिलले फिर्ता गराएका छन्। लक्ष्मी साहसहित ६ जना पीडितहरूले गत आइतबार आफ्नो जग्गा फिर्ता पाए। जग्गा फिर्ता पाएर लक्ष्मी अत्यन्त खुसी छिन्। उनले भनिन्, "८ वर्षपछि मिटरब्याजीले हडपेको घरसहितको १७ धुर जग्गा मेरो नाममा आएको छ।" जिल्ला प्रशासन कार्यालय मोरङका सहायक प्रमुख जिल्ला अधिकारी प्रदिप साहका अनुसार अहिलेसम्म १ सय १० जना पीडितलाई जग्गा र पाउने पैसा फिर्ता गरिएको छ। ९० वटा अन्य निवेदन अदालत पठाउने तया...

पूर्णपुष्टि, साउन २४ ।  प्रतिनिधि सभाको कानुन, न्याय तथा मानवअधिकार समितिले संक्रमणकालीन न्यायसम्बन्धी विधेयक सर्वसम्मत पास गरेको छ। बुधबार बसेको समितिको बैठकले बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐनलाई संशोधन गर्न बनेको विधेयक सर्वसम्मत पास गर्ने निर्णय गरेको हो। यस विषयमा तीन दलीय कार्यदलले जुटाएको सहमतिका आधारमा कानुन समितिले प्रस्ताव पेश गरेको थियो। छलफलपछि समितिले विधेयक सर्वसम्मत पारित गरेको घोषणा गर्दै प्रतिनिधि सभाको अब बस्ने बैठकमा प्रतिवेदन पेश गर्ने वातावरण बनाउन सभामुखलाई पत्र लेखेर आग्रह गरेको छ। संसदको बैठक २९ साउनलाई तोकिएको छ।...

पूर्णपुष्टि, साउन २४ । संघीय संसद्, प्रतिनिधि सभा, अन्तर्राष्ट्रिय सम्बन्ध र पर्यटन समितिले नेपालको हवाई सुरक्षा र सुरक्षा मापदण्ड अन्तर्राष्ट्रिय अभ्यास अनुरूप भएरनभएको बारे छानबिन गर्न सरकारलाई निर्देशन दिएको छ। बुधबार समितिको बैठकमा सरोकारवालासँग छलफल पछि समिति सभापति राजकिशोर यादवले मन्त्रालयलाई १५ दिनभित्र छानबिन गरी आवश्यक नीतिगत सुधार गर्न र कोही दोषी देखिएमा कारबाहीको सिफारिस गर्न विज्ञहरूको संलग्नतामा एक स्वतन्त्र छानबिन समिति गठन गर्न निर्देशन दिएको जानकारी दिए। समितिले नेपाल सरकार र संस्कृति, पर्यटन तथा नागरिक उड्डयन मन्त्रालयलाई अहिलेसम्मका हवाई दुर्घटना, सुरक्षा र नियमनसँग सम्बन्धित प्रतिवेदनहरू उपलब्ध गराउन निर्देशन दिएको छ। यस्तै समितिले हवाई सुरक्षासम्बन्धी पूर्वका निर्देशनहरूको कार्यान्वयन अवस्था, नेपाल हवाई नीति २०६३ को कार्यान्वयन स्थिति र नेपाल नागरिक उड्डयन प्राधिकर...

पूर्णपुष्टि, साउन २४ । अबुधाबीस्थित नेपाली राजदूतावासले संयुक्त अरब इमिरेट्स (यूएई) मा रहेका नेपालीहरुले मादक पदार्थ सेवन गरेर झगडा गर्ने प्रवृत्ति बढ्न थालेको भन्दै चिन्ता व्यक्त गरेको छ। साउन २२ गते जारी गरिएको सूचनामा दूतावासले त्यहाँ रहेका नेपालीलाई आफू बसेको र काम गर्ने ठाउँमा सभ्य व्यवहार गर्न आग्रह गरेको छ। यूएईका सम्बन्धित निकायले नेपालीहरुले मादक पदार्थ सेवन गरेर होहल्ला गरेको जानकारी दूतावासलाई दिएको उल्लेख छ। यसअघि पनि दूतावास परिसरबाहिर मादक पदार्थ सेवन गरेर हुलहुज्जत गर्ने, अराजक व्यवहार गर्ने र दूतावासको सुरक्षामा खटिएका सुरक्षाकर्मीमाथि समेत अपशब्द प्रयोग गर्ने घटनाहरू भएको दूतावासले जनाएको छ। सूचनामा उल्लेख भए अनुसार यूएई सरकारका तर्फबाट ड्युटीमा खटिएका सुरक्षाकर्मीहरूले दिएको जानकारीका आधारमा यूएई प्रहरीले केही नेपालीहरूलाई कारबाही समेत गरेको छ। दूतावासले यूएईमा बस्ने सम...

पूर्णपुष्टि, साउन २४ ।  धनकुटाको साँगुरीगढी गाउँपालिका-६ मा प्रहरीले १३५ किलोग्राम गाँजासहित एक ट्रक नियन्त्रणमा लिएको छ। कोशी प्रदेश प्रहरी कार्यालय विराटनगरका अनुसार बुधबार दिउँसो इलाका प्रहरी कार्यालय भेडेटारबाट खटिएको टोलीले चेकजाँचका क्रममा धनकुटाबाट धरानतर्फ जाँदै गरेको को.१ ख ३८०८ नम्बरको मिनि ट्रकबाट उक्त गाँजा बरामद गरेको हो। प्रहरीले ट्रक चालक शहिदभूमि गाउँपालिका-५ का २८ वर्षीय भूमिराज राईलाई पनि नियन्त्रणमा लिएको छ। गाँजासहित पक्राउ परेका चालकमाथि जिल्ला प्रहरी कार्यालय धनकुटामा थप अनुसन्धान भइरहेको प्रहरीले जनाएको छ।...

पूर्णपुष्टि, साउन २४ । रौतहटमा सादा पोसाकको प्रहरी हुँ भन्दै रकम असुली गर्ने एक युवकलाई प्रहरीले पक्राउ गरेको छ। माधवनारायण नगरपालिका १ का २४ वर्षीय रमेश साहलाई इलाका प्रहरी कार्यालय चन्द्रनिगाहपुरको टोलीले नियन्त्रणमा लिएको हो। साहले सर्वसाधारणसँग रकम असुल गर्न खोज्नुका साथै विभिन्न व्यक्तिहरूको जिउ खानतलासी समेत गरेको सूचना प्राप्त भएपछि प्रहरीले उनलाई पक्राउ गरेको जनाएको छ। चेकजाँचको क्रममा साहको झोलाबाट सशस्त्र प्रहरी बलको तयारी हालतमा रहेको पोसाक समेत बरामद भएको छ। प्रहरीले उनीमाथि अभद्र व्यवहार मुद्दा शीर्षकमा थप अनुसन्धान भइरहेको जानकारी दिएको छ।...

पूर्णपुष्टि, साउन २४ । कोशी प्रदेशमा कांग्रेसले मन्त्री छनोट गर्न नसकेको एक महिना बितिसकेको छ। केन्द्रमा गठबन्धन सरकार बनेको र अन्य प्रदेशमा मन्त्री पठाइसकेको अवस्थामा कोशी प्रदेशमा भने कांग्रेसको आन्तरिक किचलोका कारण मन्त्री छनोट प्रक्रिया अलमलमा परेको छ। गत असार १७ गतेको सहमति अनुसार केन्द्रमा कांग्रेस–एमालेको गठबन्धन सरकार गठन भएको छ। प्रधानमन्त्री केपी शर्मा ओलीले असार ३१ गते २१ जना मन्त्री नियुक्त गरे, जसमा कांग्रेसका तर्फबाट १० जना मन्त्रीले एकैपटक शपथग्रहण गरेका थिए। तर केन्द्रमा मन्त्री पठाउन फटाफट निर्णय गरेको कांग्रेस कोशी प्रदेशमा भने मन्त्री पठाउनै सकेको छैन। कांग्रेसले मन्त्री पठाउन नसक्नुको प्रमुख कारण पार्टीको आन्तरिक शक्ति सङ्घर्ष रहेको जनाइएको छ। कांग्रेसका केही नेताहरूले पार्टी सभापति र केन्द्रीय नेताहरूले प्रदेशमा कम चासो दिएका कारण सरकारमा पठाउने नाम दिन ढिला भएको दाब...

पूर्णपुष्टि, साउन २४ । स्वास्थ्य तथा जनसङ्ख्या मन्त्रालयले सबै सरकारी कार्यालयलाई 'लामखुट्टे खोज र नष्ट गर' अभियान सञ्चालन गर्न आग्रह गरेको छ। डेङ्गीको सङ्क्रमण बढेपछि यो कदम चालिएको हो। मन्त्रालयका प्रवक्ता प्रकाश बुढाथोकीका अनुसार हरेक शुक्रबार सरकारी तथा गैरसरकारी कार्यालय र अस्पताल परिसरमा सरसफाइका साथै यो अभियान सञ्चालन गर्न आग्रह गरिएको छ। गत वर्ष पनि डेङ्गी सङ्क्रमण बढेपछि यस्तै अभियान सञ्चालन गर्न निर्देशन दिइएको थियो। मन्त्रालयले कार्यालयहरूलाई डेङ्गी सङ्क्रमणबारे सतर्कता र सचेतना कार्यक्रम सञ्चालन गर्न पनि निर्देशन दिएको छ। प्रवक्ता बुढाथोकीले सरकारी अस्पतालमा डेङ्गीका बिरामीको उपचार खर्च सरकारले व्यहोर्ने जानकारी दिए। अस्पतालहरूलाई परिसरमा 'डेङ्गी डेस्क' स्थापना गरी सम्पर्क व्यक्ति तोक्न पनि निर्देशन दिइएको छ। उनले स्वास्थ्य क्षेत्रको एकल प्रयासले मात्र डेङ्गी सङ्क्रमण नियन्त्...

पूर्णपुष्टि, साउन २४ । कक्षा १२ को नतिजामा 'एनजी' (नन ग्रेडेड) प्राप्त गरेका विद्यार्थीहरू चिकित्सा शिक्षा आयोगको एकीकृत प्रवेश परीक्षाबाट वञ्चित हुने संकट उत्पन्न भएको छ। आयोगले भदौं १ गतेदेखि प्रवेश परीक्षा सञ्चालन गर्ने तयारी गरिरहेको छ, तर 'एनजी' आएका विद्यार्थीहरूले यो परीक्षा दिन नपाउने स्थिति सिर्जना भएको छ। चिकित्सा शिक्षा आयोगले गत जेठ २८ गते प्रवेश परीक्षाका लागि आवेदन आह्वान गरेको थियो, जसमा ५१ हजारभन्दा बढी विद्यार्थीले फाराम भरेका छन्। तर राष्ट्रिय परीक्षा बोर्डले साउन १८ गते मात्र कक्षा १२ को नतिजा सार्वजनिक गरेपछि समस्या उत्पन्न भएको हो। दुई विषयमा 'एनजी' आएका एक लाख २७ हजार विद्यार्थीमध्ये १७ हजारले पुनर्योगका लागि आवेदन दिएका छन्। विद्यार्थीहरू पुनर्योगको नतिजा नआउँदै प्रवेश परीक्षा हुने भएकोले चिन्तित छन्। उनीहरूले तिरेको परीक्षा शुल्क खेर जाने र भविष्यमा गम्भीर असर पर्...

पूर्णपुष्टि, साउन २४ ।  मौसम पूर्वानुमान महाशाखाले हाल देशभर मनसुनी वायुको प्रभाव रहेको जनाएको छ। मनसुनको न्यून चापीय रेखा सरदर स्थानको उत्तरतर्फ अवस्थित रहेकोले देशका विभिन्न भागमा वर्षाको सम्भावना रहेको छ। आज दिउँसो देशभर आंशिकदेखि साधारणतया बदली रहने अनुमान गरिएको छ। कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका धेरै स्थानहरूमा तथा मधेस प्रदेशका केही स्थानहरूमा चट्याङ्गसहित हल्कादेखि मध्यम वर्षाको सम्भावना रहेको छ। विशेषगरी बागमती, गण्डकी, लुम्बिनी र सुदूरपश्चिम प्रदेशका एक-दुई स्थानमा भारी वर्षाको सम्भावना रहेको महाशाखाले जनाएको छ। राति पनि देशभर आंशिकदेखि साधारणतया बदली रहने र कोशी, बागमती, गण्डकी, लुम्बिनी र सुदूरपश्चिम प्रदेशका धेरै स्थानहरूमा तथा बाँकी प्रदेशका केही स्थानहरूमा चट्याङ्गसहित हल्कादेखि मध्यम वर्षाको सम्भावना रहेको छ। कोशी, गण्डकी, लुम्बिनी र सुदूरपश...