खेलकुद

पूर्णपुष्टि, असार १२ इंग्लिस प्रिमियर लिगको  उपाधि लिभरपुलले हात पारेको छ । गतराति दोस्रो स्थानको म्यानचेस्टर सिटी चेल्सीसँग २ –१ ले पराजित भएपछि लिभरपुल च्याम्पियन बनेको हो । घरेलु मैदानमा चेल्सीको जितमा क्रिस्टियन पुलिसिच र विलियनले १÷१  गोल गरे । सिटीका केभिन डी ब्रुयनले १ गोल फर्काए । लिभरपुललाई यस सिजन उपाधिका लागि १ जित आवश्यकता रहेको थियो । तर, सिटीले अंक गुमाएपछि योर्गेन क्लोपको टिम ३१ खेलमै च्याम्पियन बनेको हो । चेल्सीसँग पराजित भएपछि सिटी लिभरपुल भन्दा २३ अंकले पछि रहेको छ ।...

पूर्णपुष्टि, असार ११ इंग्लिस प्रिमियर लिगमा लिभरपुल क्रिस्टल प्यालेसमाथि ४ –० को गोलले पछि पार्दै जित हात पारेको छ । गतराति घरेलु मैदान एनफिल्डमा भएको खेलको सुरुवातदेखि लिभरपुलले प्यालेसमाथि दबाब बनाएको थियो । खेलको २३ औं मिनेटमा ट्रेन्ट एलेक्जेन्डर आर्नोल्डले फ्रिकिकमा उत्कृष्ट गोल गर्दै लिभरपुललाई अग्रता दिलाएको थियो । पहिलो हाफको १५ औँ मिनटा मोहमद सलाहले गोल गरे । दोस्रो हाफको ५५ औं मिनेटमा फाबिन्होले गोल गरे । ६९ औं मिनेटमा मानेले वन भर्सेस वनले गोल गर्दै टिमलाई जित दिलाएको थियो । जितपछि लिभरपुल उपाधिको निकै नजिक पुगेको छ । लिभरपुलले अर्को खेल म्यानचेस्टर सिटीसँग खेल्नेछ । त्यसअघि सिटीले चेल्सीको सामना गर्नेछ । सिटीले त्यो खेल हारेमा लिभरपुल च्याम्पियन बन्नेछ । अंक तालिकामा लिभरपुलले ३१ खेलमा ८६ अंक जोडेको छ ।...

पूर्णपुष्टि, असार १०  इंग्लिस प्रिमियर लिगमा टोटनहमले वेष्ट ह्यामलाई २–०  गोलले पछि पार्दै जित हात पारेको छ । खेलको ६४ औं मिनेटमा वेष्ट ह्यामका सेल्सोले प्रहार गरेको कर्नर बल गोल भएपछि घरेलु टिम टोटनहमले अग्रता बनाएको थियो । त्यसपछि ८२ औं मिनेटमा टोटनहमका ह्यारी केनले दोस्रो गोल गर्दै टिमलाई जित दिलाएको थिाये । खेलको पहिलो हाफ गोलरहित बराबरीमा सकिएको थियो । यो जितपछि टोटनहमको ३१ खेलमा ४५ अंक छ । वेष्टह्यामको २७ अंक रहेको छ । त्यस्तै गएराति भएको खेलमा लेष्टर सिटी र ब्राइटन बराबरी खेलेका छन् । बराबरीसँगै तेस्रो स्थानको लेष्टरले ३१ खेलमा ५५ अंक जोडेको छ । ३३ अंक जोडेको ब्राइटन १५ औं स्थानमा रहेको छ ।...

पूर्णपुष्टि, असार ९ इंग्लिस प्रिमियर लिगमा म्यानचेस्टर सिटीले ब्रुन्लीलाई हराउदै जित हात पारेको छ । बिहान सकिएको खेलमा म्यानचेस्टर सिटीले ब्रुन्लीलाई ५–० गोलले पछि पार्दै जित हात पारेको हो । सिटीको मैदानमा भएको खेलमा पहिलो हाफमा सिटीले ३ र दोस्रो हाफमा २ गोल ग¥यो । सिटीको जितमा डिएगो फोडिन र रियाद महरेजले दुई–दुई गोल गरे । डेभिड सिल्भाले एक गोल गरे । जितसँगै सिटीको ६३ अंक र ब्रुन्लीको ३९ अंक छ । सिटी तालिकाको दोस्रो स्थानमा छ । शिर्ष स्थानको लिभरपुलको भने ८३ अंक छ ।...

पूर्णपुष्टि, असार ४ गते ।  इंग्लिस प्रिमियर लिगको पहिलो दिनको खेलमा म्यानचेस्टर सिटीले आर्सनलाई हराएको छ । कोरोना महामारीकै बीच सिटीको घरेलु मैदानमा सुरु भएको खेलमा म्यानचेस्टर सिटीले आर्सनलाई ३–० गोलले हराएको हो । खेलमा रहिम स्ट्रलिङ, केभिन डी बु्रइन र फोडेनले एक एक गोल गरे । केभिन डी ले खेलको ५१ औं मिनेटमा पेनाल्टीमा गोल गरे । पहिलो हाफमा एक गोलले पछि परेको आर्सनल दोस्रो हाफको सुरुवातमै १० खेलाडीमा सीमित भयो । आर्सनलका डिफेन्डर डेविड लुइज विपक्षीलाई फल गरेपछि रातोकार्ड पाउँदै मैदानबाट बाहिरिए । जितसँगै सिटीले २९ खेलमा ६० अंक बनाएको छ । नवौं स्थानमा रहेको आर्सनलको ४० अंक छ । त्यस्तै गएराति भएको खेलमा एस्टन भिल्ला र सेफिल्डले बराबरी खेल्दै अंक बाँडेका छन् । बराबरीसँगै २६ अंक जोडेको एस्टन रेलिगेसन क्षेत्रमा रहेको छ । एस्टन पुछारबाट दोस्रो स्थानमा रहेको छ । ४४ अंक जोडेको सेफिल्ड ...

पूर्णपुष्टि, असार ३ गते ।  लगातार आठौं पटक बुन्डेस्लिगा फुटबलको उपाधि बायर्न म्युनिखले जितेको छ । दुई खेल बाँकी छँदै बायर्नले लिगको उपाधि जितेको हो । गतराति भएको खेलमा वेर्डर ब्रेमेनलाई १–० ले हराउँदै बायर्नले दुई खेल अगावै लिगको उपाधि जितेको थियो । खेलको ४३ औं मिनेटमा रोबर्ट लेवान्डोस्कीले गोल गर्दै बायर्नलाई महत्वपूर्ण तीन अंक दिलाएका हुन् । योसँगै लेवान्डोस्कीको लिगमा गोल संख्या ३१ पुगेको छ । लिगमा ७ अंकको अग्रता रहेको बायर्नलाई उपाधि जित्न एक खेलमा जित आवश्यक थियो । ७६ अंकसहित शीर्ष स्थानमा रहेको बायर्नले तीन खेल खेल्न बाँकी रहेको बोरुसिया डर्टमण्डसँग १० अंकको अग्रता कायम गरेको छ । दोस्रो स्थानको डर्टमण्डको ६६ अंक छ । ब्रेमेन २८ अंक सहित रेलिगेशन जोनमा रहेको छ ।...

पूर्णपुष्टि, जेठ २९ गते । आईसीसी विश्वकप क्रिकेट लिग २ अन्तर्गत त्रिकोणात्मक सिरिज स्थगित भएको छ । कोरोना भाइरसको कारण स्कटल्याण्डमा हुने भनिएका त्रिकोणात्मक सिरिज क्रिकेट बोर्डले स्थगित गरेको जनाएको छ । बोर्डले विज्ञप्ति निकाल्दै नवौँ चरणका खेलहरु स्थगित भएको जनाएको हो । स्कटल्याण्ड क्रिकेटको आग्रहपछि आईसीसीले सिरिज स्थगित गरेको जनाएको छ । प्रतियोगितामा नेपाल, नामिबिया र स्कटल्याण्डले जुलाई ४ देखि ११ सम्म खेल्ने तालिका थियो । सन् २०२३ को एकदिवसीय विश्वकपको छनोट प्रक्रियाको रुपमा रहेको यो प्रतियोगिता अब कहिले हुन्छ भन्नेमा आईसीसीसँग समन्वय गरेर मिति तोक्ने जनाइएको छ । आईसीसी प्रतियोगिता प्रमुख क्रिस टेट्ले विभिन्न देशले कोरोनाको कारण विदेशी नागरिकलाई प्रवेशमा रोक लगाएकोले त्यसको असर प्रतियोगितामा परेको जनाएका छन् । यसअघि कोरोनाकै कारण नेपालले नामिबियामा खेल्ने त्रिकोणात्मक सिरि...

पूर्णपुष्टि, जेठ २१ गते ।  इङ्ग्ल्याण्डले वेस्ट इण्डिजसँग खेल्ने ३ खेलको टेस्ट सिरिजको मिति टुङ्गो लागेको छ । आगामी जुलाई ८ देखि बन्द रङ्गशालामा खेल्ने गरी इङ्ग्ल्याण्डले वेस्ट इण्डिजसँगको तालिका टुङ्गो लगाएको हो । यो सिरिजसँगै कोरोना भाइरसको कारण गएको मार्च १३ तारिखदेखि बन्द भएका अन्तर्राष्ट्रिय क्रिकेट सुरु हुनेछन् । पहिलो टेस्ट ८ देखि १२ जुलाईसम्म ह्याम्पसायरमा हुनेछ, दोस्रो टेस्ट १६ देखि २० जुलाईसम्म ओल्ड ट्राफोड र तेस्रो २४ देखि २८ जुलाईसम्म ओल्ड ट्राफोडमा नै हुनेछ ।...

पूणर्पुष्टि, जेष्ठ, १८ श्रीलंकामा एक क्रिेकेट खेलाडी निलम्बित भएका छन् ।  श्रीलंकन फास्ट बलर शेन मदुसनका निलम्बत भएको छ । हिरोइन सहित फक्राउ परेपछि उनलाइ श्रीलंका क्रिकेटरले निलम्वित गरेको हो । उनलाई सबै खाले क्रिकेटमा निलम्वित गरिएको श्रीलंका क्रिकेटले जनाएको छ । सन् २०१८ मा श्रीलंकाका लागि डेब्यु गरेका मदुसनकाले ओडीआई डेब्यु खेलमै बंगलादेशविरुद्ध ह्याट्रिक विकेट लिएका थिए । त्यही टुरमा उनले दुई टी२० अन्तर्रा्ष्ट्रिय पनि खेलेका थिए । प्रहरीका अनुसार २५ वर्षीय मदुसनकालाई शनिवार २.७ ग्राम हेरोइनसहित प्रकाउ गरिएको थियो । उनी प्रहरी हिरासतमा छन् ।...

पूर्णपुष्टि, जेठ ५ गते ।  १३ औँ दक्षिण एसियाली खेलकुद प्रतियोगिता (साग) का पदकधारी प्रशिक्षकलाई पुस्कार प्रदान गरिएको छ । सागका विभिन्न प्रतिस्पर्धामा पदक जिताउने मुख्य प्रशिक्षक तथा सहायक प्रशिक्षकलाई युवा तथा खेलकुद मन्त्रालयले नगद पुरस्कार प्रदान गरेको हो । स्वर्ण पदक विजेता मुख्य प्रशिक्षकले पाँच लाख, रजतले तीन लाख र कास्यले दुई लाख रुपैयाँ प्राप्त गरेका छन् । स्वर्ण जित्ने सहायक प्रशिक्षकले तीन लाख, रजतले दुई लाख र कास्यले एक लाख रुपैयाँ प्राप्त गरेका छन् । पदक विजेता ६८ जना प्रशिक्षक तथा सहायक प्रशिक्षकलाई एक करोड ८६ लाख रुपैयाँ सम्बन्धितको खातामा राखिएको मन्त्रालयले जनाएको छ ।...