समाचार

मिलन परियार बैशाख २४ गते । रौतामाई गाउँपालिका–४ को साढे दुई हजार रोपनीमा लगाएको मकै बालिमा फौजी किराको प्रकोप फैलिएपछि कृषक चिन्तित बनेका छन् । अमेरिकन फौजि किराले वडाको पोखरी, सल्ले, भदौरे, मालबासे, गोठडाँडा, नचने, सर्के र रसुवा गाउँ बस्तिको दुई हजार तीन सय ७५ रोपनी क्षेत्रफलमा लगाएको मकै बालि नष्ट गरेको हो । भर्खर छरेको मकै किराले खाएर नष्ट गर्न थालेपछि कृषकहरु चिन्तित बनेको रौतामाई गाउँपालिका–४ का वडाध्यक्ष चन्द्रकुमार मगरले बताए । मुख्य बालिको रुपमा रहेको मकैको विरुवा नै किराले खाएर नष्ट गर्न थालेपछि किराको प्रकोप नियन्त्रण गर्नका लागी गाउँपालिका, गाउँपालिकाको कृषशी शाखा र कृषी ज्ञान केन्द्रलाई जानकारी गराई सकेको वडाध्यक्ष मगरले बताए । पालिकाको २, ३, ४, ५, ६, ७ र ८ वटा वडाहरुमा लगाएको मकै बालिमा किराको प्रकोप फैलिन थालेपछि उक्त क्षेत्रको तथ्याङ्क सकलन गरी आवश्यक विषादी गरी...

पूर्णपुष्टि, वैशाख २४ । देशकै सबैभन्दा बढि कोरोना संक्रमित २८ जना भेटिएको उदयपुरको भुल्केमा आज पुनः परिक्षणका लागि नमुना संकलन कार्य भइरहेको छ । आज विहानदेखि नै थालिएको परिक्षण कार्य १० बजेसम्ममा १ सय ६० जनाको स्वाव नमुना संकलन भएको जिल्ला जनस्वास्थ्य कार्यालय उदयपुरका प्रमुख मोहन सुवेदीले जानकारी दिनुभयो । प्रभावित क्षेत्रकालाई आवश्यकता अनुसार पुनः परिक्षण गर्ने र अन्य केही थप स्थानीयको पनि नमुना स्वाव संकलन गरिएको प्रमुख सुवेदीले बताउनुभयो । पुनः परिक्षण र नयाँ थप केहीका गरी करिब ३ सय ५० जनाको नमुना स्वाव संकलन गरी परिक्षण गरिने बताइएको छ । नेपाल प्रहरी, सशस्त्र प्रहरी र नेपाली सेना समेतको सहयोगमा सुरक्षा घेरामा रहेको उक्त स्थान भुल्के गत वैशाख ५ गतेदेखि नै शिल रहेको छ ।...

पूर्णपुष्टि, वैशाख २३ ।  देशकै सबैभन्दा बढि कोरोना संक्रमित स्थान उदयपुरको भुल्केमा भोली (बुधबार) पुनः स्वाव नमुना संकलन हुदैछ । केहीको पुनः परिक्षणका लागि स्वाव संकलन र केही थप स्थानीयहरुको पनि स्वाव नमुना संकलन गरि परिक्षणलाई पठाइने जिल्ला जनस्वास्थ्य कार्यालय उदयपुरका प्रमुख मोहन सुवेदीले बताउनुभयो । यसअघि वैशाख ६ देखि ८ गतेसम्म तीनदिनमा ३ सय ३७ जनाको स्वाव परिक्षण गरिएकाहरु मध्येबाट २८ जना संक्रमित फेला परेका थिए । त्यसपछि पनि संक्रमितको सम्पर्कको आधारमा र संकास्पदहरु दुईसय बढिको स्वाव नमुना संकलन गरी परिक्षण गरिदा रिपोर्ट नेगेटिभ आएको छ । पहिलो पटक परिक्षण गरिएकाको आज दुईहप्ता पुरा भएकाले पुनः परिक्षणका लागि स्वाव संकलन गरिने भएको हो । पहिलो परिक्षणमा कमि कमजोरी भएको हुनसक्ने कुरालाई मध्ये नगर गर्दै वा त्यसबेला संक्रमणको असर नदेखिएको हुनसक्ने कुरालाई मध्ये नजर गर्दै फेरी स्वाव प...

खोटाङ, बैशाख २३ गते । खोटाङको साप्सु खोलाले बगाएर एक बालिकाको मृत्यु भएको छ । दिक्तेल रुपाकोट मझुवागढी नगरपालिका–९ निर्मलीडाँडा निबासी शुक्र रोक्काको छोरी १४ बर्षीया अम्बिका रोक्काको खालाले बगाएर मृत्यु भएको हो । सोमवार दिउँसो बाख्रा चराउन गएका अम्बिका घर फर्किदा बाटोमा पर्ने साप्सु खोला तर्ने क्रममा अचानक बाढीले बगाई बेपत्ता  भएको थियो । बालिका बेपत्ता भएको जनाकारी पाउना साथ तत्काल प्रहरी चौकी चिउरीडाँडाबाट खटिएको प्रहरी टोली र स्थानीयवासीको सहयोगमा खोजतलास गर्ने क्रममा बगाएको स्थान भन्दा करिव १ किलोलमिटर तल मृत अवस्थामा बालिकाको शव फेला परेको जिल्ला प्रहरी कार्यालय खोटाङले जनाएको छ ।...

संखुवासभा, बैशाख २३ गते । संखुवासभाको सभापोखरीमा जंगली च्याउ खाँदा वुवा छोरा विरामी परेका छन् । सभापोखरी गाउँपालिका–६ बाह्रबिसेका ४५ बर्षीय सुर्यबहादुर लिम्बु र उनको ६ बर्षीय छोरा आमोस लिम्बु जंगली च्याउ खाँदा बिरामी भएका हुन् । घर नजिकै जंगलबाट टिपेर ल्याएको च्याउ सोमवार बेलुका पकाएर खाएपछि बुबा छोरा बिरामी भएको प्रहरीले जनाएको छ । उनीहरुको जिल्ला अस्पताल खाँदवारीमा उपचार भईरहेको जिल्ला प्रहरी कार्यालय संखुवासभाले जनाएको छ ।...

पूर्णपुष्टि, बैशाख २३ गते ।  कोरोना भाइरस (कोभिड–१९)को संक्रमणबाट अफ्रिकी देश नाइजरका श्रम तथा रोजगार मन्त्री मोहमद बेन ओमारको मेृत्यु भएको संचारमाध्यमहरुले जनाएको छ । राजधानी नियामेमा उपचारकै क्रममा ५५ वर्षीय बेन ओमारको आइतबार मृत्यु भएको सत्तारुढ सोसल डेमोक्राटिक पार्टी (पीएसडी)ले जनाएको छ । यस अघि मन्त्री ओमारले कोरोना भाइरस निकै खतरनाक र घातक रहेको तथा यो प्रकाशको गतिमा तीव्र रुपमा फैलिने स्वभावको रहेको सन्देश दिएको थियो ।  मन्त्रि बेन ओमारको मृत्यु प्रति अत्यन्त दुखित भएको नाइजरका राष्ट्रपति मोहमदु इसोफुले बताएका छन् । नाइजरमा अहिलेसम्म सात ५५ जनामा कोरोना संक्रमण देखा परेको छ भने ३७ जनाको मृत्यु भएको जनाईएको छ । अहिले नाइजरमा आपतकालीन स्थितिको घोषणा गर्नुका साथै यसका सीमा, धार्मिक स्थल तथा विद्यालयहरु सबै बन्द गरिएका छन् ।...

बेलका/बैशाख, २३ प्रदेश सांम्सदहरु सहितको टोलीमा जिल्ला समन्वय समिति उदयपुरले बेलका नगरपालिकाको क्वारेन्टाइन र स्वास्थ्य सहायता कक्षहरुको मंगलबार अनुगमन गरेको छ । समन्वयले बेलकामा कोरोनाको अवस्था, रोकथाम र नियन्त्रणका लागि आवश्यक समन्वय गर्दै  नगरमा तयार पारिएका भौतिक निर्माणको अवस्थालाई स्थलगत अनुगमन गरि बुझेको छ । जिल्ला समन्वय समितिको संयोजकत्वमा प्रदेश सरकारको निर्देशन अनुसार प्रदेश सांम्सदहरुले आफ्नो जिल्ला र क्षेत्रहरुमा बिषेश भुमिका खेल्नु पर्ने भन्दै प्रदेश सांम्सद र जिल्ला समन्वय समिति सँगको सहकार्य र सहमन्वयमा १ नं प्रदेशका प्रदेश सांम्सदहरु विमल कार्की, अम्बिका थापा, सुनिता चौधरी, जिल्ला समन्वय परिषद उदयपुरका संयोजक खड्ग परियार, र जिल्ला समन्वय परिषद उदयुरका सह संयोजक गंगा राई सहितको टोलीले बेलका नगरपालिका स्थित कोरोन अवस्थाबारे अनुगमन गरेको हो । बेलका नगर प्रमुख दुर्गा ...

गाईघाट/बैशाख, २३  त्रियुगा नगरपालिका वडा नं ९ उत्रायीटोल लगाएत सदा वस्तीहरुमा राहत वितरण गरिएको छ । लकडाउनका कारण अन्य समुदायहरु भन्दा पनि अझै कम्जोर अवस्थामा चुलै बल्न नसकिरहेको सदा वस्तीहरु उत्रायीटोल, डाँडाटोल, गैरुन, रातमाटे, सयपत्रीटोलका सदाहरुलाई ग्लोवल फोरम अमेरिका र समता फाउण्डेसनको आर्थिक सहयोग र ग्लोवल फोरम काठमाण्डौँको समन्वयमा खाद्यन्न राहत उपलब्ध गराइएको हो । सदा परिवार लगाएत आसपासमा रहेका अन्य विपन्न तथा कम्जोर मिश्रित परिवारमा पनि खाद्यन्न वितरण गरिएको छ । खाद्यन्नको लागि दलित अधिकार संञ्जाल उदयपुरका अध्यक्ष दिलिप रसाइलीले ग्लोवल फोरम अमेरिकाका र समता फाउण्डेसन काठमाण्डौँ सँग प्रत्यक्ष सहजिकरण तथा समन्वय गर्नुभएको थियो । राहत प्याकेजमा प्रत्येक घर १० केजी चामल १ पोका नुन, १ पोका तेल, र १ केजी दाल गरी खाद्यन्न वितरण गरिएको छ । वडाले छनोट गरेको अति विपन्न ११० परिवारहर...

पूर्णपुष्टि, वैशाख २३ । उदयपुरकाे राैतामाई गाउपालिका-७ मुर्कुचीका स्थानीय शंकर भट्टराइले अस्थायि प्रहरी बीटकाे लागि जग्गादान गर्नु भएकाे छ । मदन भण्डारी राजमार्गसंग जाेडिएकाे १० फिट लम्वाई र ५ फिट चाैडाई रहेकाे दुईलाख १० हजार रुपैया मुल्यकाे जग्गा भट्टराइले दान गर्नु भएकाे हाे । राैतामाई, उदयपुरगढि गाउपालिका र त्रियुगा नगरपालिकाकाे संगमस्थलकाे रुपमा रहेकाे उक्त स्थानमा सुरक्षा चेकपाेष्टकाे अावश्यकता देखिएपछि राैतामाई गाउपालिकाकाे पहलमा प्रहरी बिट ब्यवस्थित गरिरहेकाे छ । स्मरणीय कुरा, उक्त स्थान तीन पालिकाकै ७ वडा नम्बर पर्छ । जग्गादाता भट्टराइलाई अाज राैतामाई गाउपालिकाले विशेष सम्मान गरेकाे छ । उहालाई गाउपालिकाका अध्यक्ष गजेन्द्रबहादुर खड्काले उहाँकाे याेगदानकाे उच्च कदर गर्दै दाेसल्ला अाेढाई अभिनन्दन गर्नुभयाे । कदरपत्र पनि प्रदान गर्नुभयाे । पालिकाका प्रमुख प्रशासकीय अधिकृत खम्ब...

 पूर्णपुष्ट/ बैशाख, २३ नेपाल भारत विच हरेक क्षेत्रबाट जोडिएको सिमा नाकाले नेपाल कोरोना संक्रमणको जोखिममा रहेका छ । पछिल्लो समय भारतमा दिनहु जसो कोरोना संक्रमितको संख्या बढ्दो छ भने मर्नेको संख्या पनि उस्तै रहेको छ । हाल सम्म भारतमा संक्रमणको  संख्या ४६ हजार ४ सय ३७ पुगेको छ भने १ हजार ५ सय ६६ जनाको मृत्यु भइसकेको अवस्था छ । यतिवेला नेपालको सिमा नाकाहरुलाई निकै व्यवस्थित गर्नु पर्ने जरुरी देखिएको छ । नेपाल छिर्ने प्रदेश तथा क्षेत्रहरुमा कोरोनो संक्रमनको संख्या बढ्दो रहेको छ ।  सिमा छेउछाउ तथा क्षेत्रहरुमा यस्तो अवस्था आइरहेपनि स्वास्थ्य परिक्षण र रोकथामको उपायहरुको अवस्था कम्जोर देखिएको छ । नेपालको भारतसँगको सीमामा अधिकांश भाग उत्तरप्रदेश र बिहार राज्यअन्तर्गत पर्छ । र, दुवै प्रदेश उच्च जनघनत्व भएका राज्यमा पर्छन् । उत्तर प्रदेशको मात्रै करिब २३ करोड जनसंख्या छ भने बिहारको जनसंख्या...