समाचार

पूर्णपुष्टि, असार १९ । कांग्रेस र एमालेबीच नयाँ राजनीतिक समझदारी बनेसँगै संविधान संशोधनको बहस तीव्र बनेको छ। दुई प्रमुख दलले निर्वाचन प्रणालीमा परिवर्तन गर्ने लक्ष्य राखेका छन्, जसमा समानुपातिक प्रणाली हटाउने प्रस्ताव समावेश छ। संशोधनका लागि प्रतिनिधिसभामा १८४ र राष्ट्रिय सभामा ४० सांसदको समर्थन आवश्यक छ । कांग्रेस-एमाले गठबन्धनलाई यो संख्या पुर्याउन चुनौती छ।कानुनमन्त्री पदम गिरीले राजनीतिक स्थिरताको तर्क दिएका छन् । तर माओवादी र अन्य दलहरूले यसलाई प्रतिगमनको आरोप लगाएका छन्। संविधानविद्हरूले अस्थिरताको चेतावनी दिएका छन्। यो प्रस्तावले राजनीतिक विभाजन ल्याएको छ। समावेशिता, लोकतान्त्रिक मूल्य र दीर्घकालीन प्रभावबारे चिन्ता व्यक्त भएको छ। संशोधनको सफलता अनिश्चित छ, तर यसले नेपालको राजनीतिक भविष्यमा महत्त्वपूर्ण प्रभाव पार्न सक्ने देखिन्छ।...

पूर्णपुष्टि, असार १९ । नेपाली कांग्रेस र नेकपा एमालेबीच सोमबार मध्यरातमा सत्ता सहकार्यको सहमति भएपछि मंगलबार मन्त्रीहरू अन्योलमा रहे। प्रधानमन्त्री पुष्पकमल दाहालले तत्काल राजीनामा नदिने बताए। राष्ट्रिय स्वतन्त्र पार्टीका श्रम मन्त्री डोलप्रसाद अर्याल र जसपाका स्वास्थ्य मन्त्री प्रदीप यादवले पनि कुनै दीर्घकालीन निर्णय नगरेको बताए । एमालेका उपप्रधान तथा भौतिक पूर्वाधार मन्त्री रघुवीर महासेठ र उपप्रधान तथा परराष्ट्र मन्त्री नारायणकाजी श्रेष्ठले सामान्य प्रशासनिक काम मात्र गरे। शिक्षा, विज्ञान तथा प्रविधि मन्त्री सुमना श्रेष्ठले करिअर काउन्सिलिङ वेबसाइट सार्वजनिक गरिन्। अर्थमन्त्री वर्षमान पुनले दीर्घरोगीहरूका लागि ३५ करोड २६ लाख १९ हजार रुपैयाँ निकासा गरे। सांसदहरू सरकारको भविष्यको प्रतीक्षामा रहेका बेला प्रधानमन्त्री दाहालले सत्ता समीकरणमा कुनै बदलाव नहुने बताउँदै मन्त्रीहरूलाई ढुक...

पूर्णपुष्टि, असार १९ । नेपाली कांग्रेस र नेकपा एमालेबीच सत्ता सहकार्य गर्ने सहमति बनेपछि लुम्बिनी प्रदेश सरकार संकटमा परेको छ । माओवादी केन्द्रको नेतृत्वमा रहेको लुम्बिनी प्रदेश सरकारको भविष्य अन्योलमा परेको हो । मुख्यमन्त्री जोखबहादुर महराले विकल्पबारे तत्काल निर्णय नभएको बताउँदै संघमा प्रधानमन्त्री प्रचण्डले अपनाउने प्रक्रियानुसार अघि बढ्ने संकेत गरेका छन्।माओवादी मुख्य सचेतक ईन्द्रजीत थारुले सरकार छाड्नुपर्ने अवस्था भए पनि राजीनामा दिने वा विश्वासको मत लिने विषयमा छलफल बाँकी रहेको बताए। एमालेका मन्त्रीहरू केन्द्रको निर्देशन पर्खिरहेका छन्। एमालेका ५ जना मन्त्री लुम्बिनी सरकारमा छन्। लुम्बिनी प्रदेशसभामा एमालेको २९ र कांग्रेसको २७ गरी ५६ सांसद छन्, जसमा बहुमतका लागि ४४ सांसदको समर्थन आवश्यक हुन्छ । केन्द्रको सहमति अनुसार लुम्बिनी प्रदेशमा एमालेले नेतृत्व गर्ने छ।  ...

पूर्णपुष्टि, असार १९ । हाल देशभर मनसुनी वायुको प्रभावले विभिन्न प्रदेशमा मौसम खराब भएको छ । गण्डकी, लुम्बिनी, कर्णाली र सुदूरपश्चिम प्रदेशका थोरै स्थानहरूमा, बागमती र मधेस प्रदेशमा चट्याङ्गसहित हल्का देखि मध्यम वर्षा भइरहेको छ । आज दिउँसो र राति देशभर साधारणदेखि पूर्ण बदली रहने र धेरै स्थानहरूमा चट्याङ्गसहित हल्का देखि मध्यम वर्षाको सम्भावना रहेको मौसम विभागले जनाएको छ। कोशी, बागमती, गण्डकी, लुम्बिनी, र सुदूरपश्चिम प्रदेशका थोरै स्थानहरूमा तथा कर्णाली प्रदेशका एक–दुई स्थानमा भारी वर्षाको सम्भावना छ। बागमती, गण्डकी, लुम्बिनी, र सुदूरपश्चिम प्रदेशका एक–दुई स्थानमा धेरै भारी वर्षा हुने सम्भावना पनि छ। मौसम विभागले बागमती, गण्डकी, लुम्बिनी, र सुदूरपश्चिम प्रदेशका केही स्थानमा भारी वर्षा र गेग्रान बहाव, बाढी, पहिरो जस्ता प्रकोपको जोखिमबाट बच्न सतर्कता अपनाउन अनुरोध गरेको छ ।...

पूर्णपुष्टि, असार १८ । दोस्रो उप–मेयर गोल्डकप महिला फुटबल प्रतियोगिता २०८०–०८१ को उपाधि बागमती युवा क्लब सर्लाहीले जितेको छ। मंगलबार त्रियुगा नगरपालिका–१३ स्थित थारुहट रंगशालामा भएको फाइनलमा सर्लाहीले धरान महिला फुटबल क्लब सुनसरीलाई १–० गोलले पराजित गर्‍यो। खेलको १८ औं मिनेटमा सर्लाहीकी विष्णु बलले गरेको एकमात्र गोल जितको लागि निर्णायक बन्यो। उनले यस प्रदर्शनका लागि प्लेयर अफ द म्याच पुरस्कार पनि प्राप्त गरिन्। विजेता सर्लाहीले नगद रु. १ लाख १० हजार सहित ट्रफी, मेडल र प्रमाणपत्र प्राप्त गर्‍यो भने उपविजेता धरानले नगद रु. ५५ हजार सहित पुरस्कार प्राप्त गर्यो । अन्य पुरस्कारहरु : सर्वोकृष्ट खेलाडी:समिक्षा मगर (धरान) इमर्जिङ प्लेयर:सुम्निमा राई (गाईघाट) बेस्ट गोल किपर:उषा थापा (सर्लाही) बेस्ट मिडफिल्डर:प्रतिक्षा राई (धरान) टप स्कोरर:पूर्णिमा राई (गाईघाट) यस प्रतियोगिताले महिला फु...

पूर्णपुष्टि, असार १८ । शिक्षा, विज्ञान तथा प्रविधि मन्त्रालयले मंगलबार विद्यार्थीहरूका लागि ‘करिअर काउन्सिलिङ’ वेबसाइट सार्वजनिक गरेको छ। यो वेबसाइटले विद्यार्थीहरूलाई उनीहरूको रुचि र क्षमता अनुसार पेशा तथा व्यवसाय छनोटमा मार्गदर्शन गर्ने लक्ष्य राखेको छ। वेबसाइटमा निम्न सुविधाहरू उपलब्ध छन् : १. पेशागत जानकारी २. छात्रवृत्ति सम्बन्धी सूचना ३. करियर असेसमेन्ट टुल ४. सफल व्यक्तित्वहरूका कथाहरू ५. पेशागत विशेषज्ञहरूसँगको पोडकास्ट शिक्षामन्त्री सुमना श्रेष्ठले यो पहलले विद्यार्थीहरूलाई उनीहरूको भविष्यको करियर निर्माणमा सहयोग पुर्‍याउने विश्वास व्यक्त गरिन्।...

पूर्णपुष्टि, असार १८ । राष्ट्रिय स्वतन्त्र पार्टी ९रास्वपा० ले नयाँ गठबन्धनको सरकार बन्ने प्रक्रिया सुरु हुनासाथ सरकारबाट बाहिरिने निर्णय गरेको छ। मंगलबार बसेको पार्टीको आकस्मिक बैठकले यो निर्णय गरेको प्रमुख सचेतक सन्तोष परियारले जानकारी दिए। परियारका अनुसार, वर्तमान राजनीतिक घटनाक्रमले देशलाई स्थायित्व नदिने पार्टीको धारणा छ। उनले भने ‘अब बन्ने गठबन्धनमा हामी रहँदैनौँ। हामी सरकारमा जाँदैनौँ, त्यो एकदम स्पष्ट नै छ। रास्वपाले नयाँ सरकार बन्ने प्रक्रिया सुरु हुनासाथ आफ्ना मन्त्रीहरूलाई फिर्ता बोलाउने र सरकारबाट बाहिरिने बताएको छ। पार्टीले परम्परागत दलहरूको रातारात सरकार बदल्ने प्रवृत्तिप्रति असहमति जनाएको छ। परियारले गृह प्रशासनबाट देशको कुसंस्कार विरुद्ध काम गरेपछि बाध्यात्मक अवस्थामा गठबन्धन फेरिएको बताए। भोलि पार्टीको केन्द्रीय कमिटी बैठक बस्ने र सरकारमा रहँदाका कामहरूको समीक्षा गर...

पूर्णपुष्टि, असार १८ । प्रधानमन्त्री पुष्पकमल दाहाल प्रचण्डले मुलुकलाई पछाडि धकेल्ने षड्यन्त्र भइरहेको गम्भीर आरोप लगाएका छन्। मंगलबार माओवादी केन्द्रको पदाधिकारी बैठकमा बोल्दै प्रचण्डले कांग्रेस र एमालेले संविधान उल्ट्याउने र देशलाई २०४७ सालको अवस्थामा फर्काउने प्रयास गरिरहेको बताए। प्रधानमन्त्री प्रचण्डका अनुसार भ्रष्टाचारको फाइल खोलेपछि कांग्रेस र एमालेमा त्रास देखिएको छ। उनले माओवादी जनयुद्धका उपलब्धिहरू, सङ्घीयता र समावेशी सहभागिता खतरामा परेको चेतावनी दिए। प्रधानमन्त्रीले एमाले अध्यक्ष केपी ओलीले दोहोरो भूमिका खेलेको आरोप पनि लगाए। यद्यपि, उनले राजीनामा नदिने र संसदमा विश्वासको मत लिने निर्णय गरेको जानकारी दिए। यो बैठक सोमबार राति कांग्रेस र एमालेले नयाँ सत्ता समीकरण बनाएपछि आकस्मिक रूपमा बोलाइएको थियो। प्रचण्डले यी प्रयासहरूको सशक्त प्रतिवाद गर्ने बताएका छन्।...

पूर्णपुष्टि, असार १८ । नेपाली कांग्रेस र नेकपा एमालेबीच केन्द्रमा सत्ता सहकार्य गर्ने सहमति बनेसँगै कोशी प्रदेश सरकारमा रहेको माओवादी केन्द्रको भविष्यबारे चासोको विषय बनेको छ। हाल कोशी प्रदेशमा नेकपा एमाले संसदीय दलका नेता हिक्मतकुमार कार्की नेतृत्वको सरकारमा माओवादी केन्द्रका तीन जना मन्त्री छन् : गणेशप्रसाद उप्रेती (भौतिक पूर्वाधार विकास), नारायण बुर्जा मगर (पर्यटन, वन तथा वातावरण), र राजेन्द्र कार्की (स्वास्थ्य) । एमाले संसदीय दलका प्रमुख सचेतक रेवतीरमण भण्डारीले कांग्रेस र एमालेबीचको प्रारम्भिक सहमति अनुसार कोशी प्रदेशमा मुख्यमन्त्री एमालेकै रहने बताए। माओवादी सरकारबाट बाहिरिने वा नरहने विषयमा केन्द्रको निर्देशन अनुसार निर्णय गरिने जानकारी दिए । नेपाली कांग्रेस संसदीय दलका प्रमुख सचेतक गोपाल तामाङले केन्द्रमा परिवर्तन भएसँगै प्रदेशमा पनि सोही अनुसार अगाडि बढ्ने बताए। माओवादी क...

पूर्णपुष्टि, असार १८ । मोरङको उर्लाबारी नगरपालिका–६ स्थित उर्लाबारी–मधुमल्ला सडक खण्डमा सवारी दुर्घटनामा २७ वर्षीया सीता बोहोराको मृत्यु भएको छ। हिजो साँझ प्रदेश ०३–००१क १०९० नम्बरको टिफरले प्रदेश १–०१–०१४ प ६८३३ नम्बरको स्कुटरलाई ठक्कर दिँदा स्कुटर चालक सीता बोहोरा र उनका ९ वर्षीय छोरा प्रशान्त बोहोरा घाइते भएका थिए। घाइते दुबैलाई उपचारका लागि मंगलबारे अस्पताल लगिएकोमा सीता बोहोराको अस्पताल पुर्‍याउनासाथ मृत्यु भएको हो भने छोरा प्रशान्तलाई थप उपचारका लागि न्युरो अस्पताल, विराटनगर पठाइएको छ। ठक्कर दिने टिफर र चालक मोरङ मिक्लाजुङका लाल बहादुर लिम्बुलाई इलाका प्रहरी कार्यालय उर्लाबारीले नियन्त्रणमा लिई घटनासम्बन्धी थप अनुसन्धान गरिरहेको छ।...