समाचार

पूर्णपुष्टि सम्बाददाता / भदाै ३, उदयपुर । उदयपुरमा तीन महिनाको अवधिमा ५३ वटा लैङ्गिक हिंसाका घटना अभिलेखीकरण भएका छन्। महिला पुनस्र्थापना केन्द्र (ओरेक), उदयपुरले अप्रिलदेखि जुन २०२६ सम्म संकलन गरेका घटनाको त्रैमासिक विश्लेषणमा कुल घटनामध्ये ८३ दशमलव ०२ प्रतिशत घरेलु हिंसाका घटना रहेको पाइएको हो। ओरेकको उदयपुर कार्यालयमा प्रत्यक्ष रूपमा आएका, सुरक्षा आवासबाट सेवा लिएका महिला तथा किशोरी र समुदाय तथा फिल्डस्तरबाट प्राप्त घटनालाई आधार बनाएर गरिएको विश्लेषणअनुसार ५३ घटनामध्ये ४४ वटा घरेलु हिंसा, ६ वटा यौन हिंसा र ३ वटा सामाजिक हिंसाका घटना रहेका छन्। कुल घटनामध्ये घरेलु हिंसा ८३ दशमलव ०२ प्रतिशत, यौन हिंसा ११ दशमलव ३२ प्रतिशत र सामाजिक हिंसा ५ दशमलव ६६ प्रतिशत रहेको ओरेक उदयपुरका संयोजक बाला कार्कीले बताउनु भयो । उहाका अनुसार घरेलु हिंसाअन्तर्गत शारीरिक हिंसा, गालीगलौज, चरित्रमाथि आरोप, धम्...

पूर्णपुष्टि संवाददाता दक्षिण कोरिया / २ भदौ २०८३ । नेपाली ब्याडमिन्टन कम्युनिटी दक्षिण कोरियाको आयोजनामा सम्पन्न ‘ग्रेटर नेपाल ब्याडमिन्टन प्रतियोगिता २०२६ मा ए लेभल तर्फ किरण भण्डारी/ईश्वर क्षेत्री प्रथम, धुर्व गुरुङ/खिम केसी द्वितीय तथा नवीन कार्की/बचन सेन तृतीय भए । बी लेभल तर्फ प्रशान्त पुन/दिलराज क्षेत्री प्रथम, विकास तामाङ/विवेक भट्टराई द्वितीय तथा तेज आले/तेजु गुरुङ तृतीय भए । त्यस्तै, सी लेभलमा लुकेन्द्र फौजा मगर/माधव अर्याल प्रथम, प्रिन्स भारती/लक्ष्मण श्रेष्ठ द्वितीय तथा दीपेन्द्र/मोहन लिम्बु तृतीय भए। महिला विधातर्फ रेणु लामा/जुनु मगर प्रथम, शर्मिला थापा मगर/कल्पना पुन द्वितीय तथा एनविन थापा/सजना महर्जन तृतीय भए । आयोजकले प्रतियोगिता सफल बनाउन सहयोग गर्ने  अतिथि, संघ–संस्था, क्लब, खेलाडी तथा शुभेच्छुकप्रति आभार प्रकट गरेको छ । प्रतियोगिताका प्रमुख अतिथि एनसीसीका अध्यक्ष हर्...

पूर्णपुष्टि संवाददाता धरान, साउन ३० । नौलो पथ ब्याडमिन्टन क्लव, धरान -१५ को आयोजनामा शनिबार पुरुष तथा महिला डबल्स ब्याडमिन्टन प्रतियोगिता सम्पन्न भएको छ । खेलाडीहरूलाई प्रोत्साहन गर्ने उद्देश्यले आयोजना गरिएको प्रतियोगितामा पुरुष तथा महिला डबल्सतर्फ खेलाडीहरूले प्रतिस्पर्धा गरेका थिए। पुरुष डबल्सतर्फ नागेन्द्र राई र मनजित राईको जोडी विजेता बनेको छ। राजन राई र तुफान राईको जोडी उपविजेता बने। त्यसैगरी महिलातर्फ सोनी मगर र मिना मगरको जोडी विजेता तथा बिमला राई र आशिका राईको जोडी उपविजेता बनेका छन् । प्रतियोगिताका विजेता तथा उपविजेताहरूलाई समापन समारोहका बीच पुरस्कार तथा सम्मान प्रदान गरिएको छ । आयोजक कमिटीका मनिष मगरका अनुसार खेलाडीहरूको क्षमता विकास तथा प्रोत्साहनका लागि प्रतियोगिता आयोजना गरिएको हो । प्रतियोगितामा सहभागी सम्पूर्ण खेलाडी, विजेता तथा उपविजेताहरूलाई बधाई दिँदै आगामी दि...

पूर्णपुष्टि सम्वाददाता दक्षिण कोरिया, साउन  २९  । नेपाली ब्याडमिन्टन कमिटी दक्षिण कोरियाको आयोजनामा हुने Greater Nepal Badminton Tournament 2026 को विभिन्न विधा तथा लेभलका टाई–शीट र प्रतियोगिताका नियमहरू सार्वजनिक गरिएको छ। आयोजकका अनुसार सार्वजनिक गरिएको टाई–शीटमा खेलाडीहरूको नाम, जोडी, समूह तथा खेल समयलगायतका विवरण समावेश छन्। प्रतियोगितामा सहभागी सबै खेलाडीलाई आफ्नो नाम, जोडी, समूह र खेल समय ध्यानपूर्वक जाँच गरी आवश्यक तयारी गर्न अनुरोध गरिएको छ। त्यसैगरी, प्रतियोगितालाई व्यवस्थित, मर्यादित र निष्पक्ष रूपमा सञ्चालन गर्न तयार पारिएका नीति तथा नियमहरू पनि सार्वजनिक गरिएको आयोजकले जनाएको छ। खेलाडीहरूले प्रतियोगितामा सहभागी हुनुअघि ती नियमहरू ध्यानपूर्वक अध्ययन गर्न आग्रह गरिएको छ। टाई–शीट तयार गर्ने क्रममा नाम, समय, जोडी, समूह वा अन्य विवरणमा अनजाने रूपमा कुनै त्रुटि वा प्राविधिक ...

पूर्णपुष्टि सम्बाददाता उदयपुर, साउन २८ । २७औँ अन्तर्राष्ट्रिय युवा दिवसको अवसरमा उदयपुरमा ‘डिजिटल सुरक्षा र युवा’ विषयक अन्तरक्रिया तथा सचेतनामूलक कार्यक्रम सम्पन्न भएको छ । ‘फरक परिवेश, साझा आकाङ्क्षा’ भन्ने अन्तर्राष्ट्रिय नाराका साथ बुधबार ओरेक आधार, राजाबासमा कार्यक्रम आयोजना गरिएको हो । महिला सशक्तीकरण स्रोत केन्द्र उदयपुर, हुरेन्डेक–नेपाल उदयपुर, जाल्पा एकीकृत विकास समाज उदयपुर र वल्र्ड भिजन इन्टरनेशनल नेपालको संयुक्त आयोजनामा भएको कार्यक्रममा युवाको बढ्दो डिजिटल पहुँचसँगै देखिएका साइबर जोखिम, सामाजिक सञ्जालको सुरक्षित प्रयोग, अनलाइन हिंसा तथा दुव्र्यवहारबाट बच्ने उपाय र डिजिटल प्रविधिको जिम्मेवार प्रयोगबारे छलफल गरिएको थियो । कार्यक्रममा वल्र्ड भिजन इन्टरनेशनल नेपालका आनन्द खड्काले अन्तर्राष्ट्रिय युवा दिवसको अवधारणा, महत्व तथा समाज परिवर्तनमा युवाको भूमिकाबारे प्रस्तुतीकरण गर्...

पूर्णपुष्टी, उदयपुर । । त्रियुगा डान्स च्याम्पियनको वर्कशप राउण्ड सम्पन्न भएको छ । १५६ जना सहभागीबाट छनोट भएर ६५ जना प्रतिभाले कार्यशालामा सहभागिता जनाएका थिए । कार्यशालामा नृत्यको आधारभूत ज्ञान, लोक तथा आधुनिक नृत्य, भाव अभिव्यक्ति र नवरसबारे प्रशिक्षण दिइएको थियो । साथै इन्टरनेश्नल व्युटिसियन एकेडेमीको सहकार्यमा सेल्फ मेकअपसम्बन्धी प्रशिक्षणसमेत प्रदान गरिएको नृत्य निर्देशक एमजे मिथुुनले बताए । समापन कार्यक्रममा त्रियुगा नगरप्रमुख बसन्त कुमार बस्नेतले सहभागीलाई प्रमाणपत्र वितरण गर्नुभएको थियो । आयोजक विङ्स इन्टरटेन्मेन्टका अध्यक्ष तथा नृत्य निर्देशक एमजे मिथुनले नृत्य कला, संस्कृति संरक्षणसँगै युवालाई लागूऔषधबाट टाढा राख्न प्रभावकारी माध्यम बन्न सक्ने बताए । प्रतियोगिताको आगामी चरण भदौ ६ र ७ गते सञ्चालन हुने आयोजकले जनाएको छ ।...

पूर्णपुष्टि सम्बाददाता उदयपुर । त्रियुगा माध्यमिक विद्यालय, गाईघाटका स्वर्गीय शिक्षक श्याम मल्ल ठकुरीकी धर्मपत्नी बिन्दा थापा ( (मल्ल) को उपचारका लागि आर्थिक सहयोग अभियान जारी रहेको छ । लामो समयदेखि क्यान्सर, थाइराइड, मधुमेह, उच्च रक्तचाप, मुटु तथा खुट्टासम्बन्धी समस्याबाट पीडित थापा हाल निरन्तर उपचाररत रहनुभएको छ । उहाँको स्वास्थ्य अवस्थालाई मध्यनजर गर्दै सञ्चाकर्मी कुमार अविरलको पहलमा आर्थिक तथा स्वास्थ्य सामग्री सहयोग संकलन भइरहेको छ । हालसम्म अमेरिकामा रहेका सुमित कुमार चौहानले करिब १० हजार रुपैयाँ बराबरको एक थान ह्विलचेयर उपलब्ध गराउनुभएको छ । त्यसैगरी ब्रह्मकुमार अविरलकुमार पोखरेल, विश्वराज राई, हेमन्त कोइराला, अञ्जना शिवाकोटी, बिमल श्रेष्ठ, प्रकाश खड्का, किशन गुप्ता, बिमला राई, पावर बिस्ट फिटनेस गाईघाटका सञ्चालक दिलिप चौधरीलगायत विभिन्न सहयोगीहरूले नगद सहयोग प्रदान गरेको अभियानका ...

पूर्णपुष्टि सम्बाददाता उदयपुर, साउन १९ । उदयपुरको चौदण्डीगढी नगरपालिका – ५ र ६ वडाका कुखुरापालक कृषकहरु प्रलोभनमा परेर लाखौं रुपैयाँ ठगीमा परेका छन् । पीडित कृषकहरूका अनुसार सुर्खेतको वीरेन्द्रनगर–१२ ठेगाना बताउने मनकामना एग्रीकल्चर डेभलपमेन्ट नामक संस्थाले प्रलोभनमा पारेर ठगी गरेको हो । गत असारमा गाउँमा पुगेर सुधारिएको कुखुराको खोर र २० वटा कुखुराका चल्ला उपलब्ध गराउने भन्दै कृषकहरुबाट रकम लिएर ठगी गरेको हो । यसरी ठगिनेमा दुईवटा वडाका एकसय भन्दा बढि कृषकहरु रहेका छन् । पिडित कृषक कलावती चौधरीका अनुसार सुरुमा प्रत्येक कृषकबाट पाँचसय रुपैया लिएर रसिद काटेको र करिब एक सातापछि २० वटा कुखुराका चल्ला वितरण गरेको थियो । त्यसपछि दुई हप्ताभित्र सुधारिएको कुखुराको खोर किन्न भन्दै छ हजारका दरले रकम लिएर बेपत्ता भएको हो । दिलासा पाण्डे नामको क्युआर कोडबाटसमेत उनीहरुले पैसा दिएको पिडित रञ्जिता चौधर...

पूर्णपुष्टि, गाईघाट/असार १७ गते । त्रियुगा नगरपालिका वडा नं ५ सिरपुर स्थित राईटोल जल उपभोक्ता सिमितिले भुमिगत सिँचाई बोरिङ योजना संञ्चालनमा ल्याएको छ । २०८१÷१२÷३० गते देखि सुरु गरेको उक्त सिचाइ योना २०८३÷४÷१६ सम्पन्न भई शनिवारदेखी संञ्चालनमा आएको हो । उक्त सिँचाईको लागि प्रदेश सांसद हिमाल कार्कीको पहलमा बजेट विनियोजन गरी काम सुरु भएको थियो । सिरपुरको उच्च वस्तीमा यस बोरिङ सिँचाईले लाभ दिएको छ । समितिको अध्यक्ष चिन बहादुर राईले योजना संञ्चालन भएपछि ६० बिगाहा जमिनमा खेती सहज भएको जनाउनुभयो । करिब ६० भन्दा बढी घरपरिवार यस सिँचाईयोजनाकामा आबद्ध भएको राईको भनाई छ ।...

पूर्णपुष्टि/उदयपुर, साउन १६ उदयपुरको त्रियुगा नगरपालिका–३ स्थित मोतिगडा चाप क्याम्पस गेट नजिक रहेको पोखरीमा पौडी खेल्ने क्रममा एक १२ वर्षीया बालिका बेपत्ता भएकी छन् । सुरक्षा स्रोतका अनुसार चौदण्डीगढी नगरपालिका–९ हडिया निवासी जानुका कार्कीकी १२ वर्षीया छोरी गृष्मा कार्की अाज पोखरीमा पौडी खेल्ने क्रममा हराएकी हुन् । घटनाबारे जानकारी प्राप्त हुनासाथ नेपाल प्रहरी, सशस्त्र प्रहरी सहित सुरक्षाकर्मी घटनास्थलमा पुगेका छन् । हाल बेपत्ता बालिकाको खोजी कार्य तीव्र रूपमा जारी रहेको सुरक्षा स्रोतले जनाएको छ । घटनाबारे थप विवरण आउन बाँकी रहेको प्रहरीले जनाएको छ ।...