समाचार

पूर्णपुष्टि, फागुन ११ । गाईघाट नेकपा एकीकृत समाजवादी निकट अनेरास्ववियू बरुवा क्याम्पस प्रारम्भिक कमिटी हिजाे गठन भएकाे छ । सन्दिप साेनि ईन्चार्थ तथा प्रदिप बुढाथाेकीकाे अध्यक्षतामा ५१ सदस्यीय कमिटि बनेकाे हाे । उपाध्यक्षमा सशिता चाैधरी र साेहेल अखतर, सचिव  रितु श्रेष्ठ, सहसचिव कविरा खनतुन र ज्याेती साह रहेका छन् भने काेषाध्यक्ष आरति साह रहेका छन् । नव गठित कमिटिलाई अनेरास्ववियू केन्द्रिय स्थायी कमिटी सदस्य सुरेश गुप्ता लगायत जिल्लाको विद्यार्थी नेताहरुले बधाई तथा शुभकामना दिए ।...

पूर्णपुष्टि, फागुन ११ । उदयपुर महाशिवरात्रि तथा २६२ औ सेना दिवसकाे अवसरमा उदयपुरकाे बाेक्सेस्थित नेपाली सेनाकाे श्री पशुपति प्रसाद गण, बाेक्सेले वक्तृत्वकला प्रतियोगिता र फाेटाे तथा बृहत प्रदर्शनी आगामी १३ गते गर्ने भएकाे छ । सेनाले `बिश्व शान्ति स्थापनामा नेपाली सेनाको भूमिका´ विषयक अन्तरविद्यालय वक्तृत्वकला प्रतियोगिता गर्ने र विभिन्न सेनाकाे गतिविधिसंग सम्बन्धित फाेटाे तथा बृहत प्रदर्शनी गर्ने भएकाे जनाएकाे छ । प्रदर्शनी सेना ब्यारेकभित्र नै हुने र प्रवेश निःशुल्क गरिएकाे जनाईएकाे छ ।...

पूर्णपुष्टि, फागुन ९ । उदयपुरको त्रियुगा नगरपालिकामा वैदेशिक रोजगारीको अवस्था चिन्ताजनक रहेको एक अध्ययनले देखाएको छ । बिहिबार नगरपालिकाको सभाहलमा आयोजित पत्रकारसँगको अन्तरक्रिया कार्यक्रममा सार्वजनिक गरिएको तथ्यांक अनुसार नगरपालिकाको कुल २५,६२३ घरधुरीमध्ये करिब एक चौथाई अर्थात् ६,२८५ घरधुरीका युवाहरू वैदेशिक रोजगारमा गएका छन् । त्रियुगा नगरपालिकाद्वारा संचालित सुरक्षित आप्रवासन (सामी) को तथ्यांक अनुसार वैदेशिक रोजगारमा गएका युवाहरूमध्ये १,४८६ जना स्वदेश फर्किसकेका छन् भने ४,७९९ जना अझै विदेशमै कार्यरत छन् । विदेश गएका युवाहरूको मुख्य गन्तव्य मलेसिया र खाडी मुलुकहरू रहेका छन् । विशेषगरी साउदी अरब, संयुक्त अरब इमिरेट्स र कतारमा उल्लेख्य संख्यामा त्रियुगाका युवाहरू रोजगारीमा छन् । चिन्ताजनक पक्ष के छ भने विदेशमा कार्यरत ४,७९९ युवामध्ये मात्र ८९९ जनाले सीप सिकेर गएका छन् । सीपको अभावमा अधिका...

पूर्णपुष्टि, फागुन ९ । उदयपुरको त्रियुगा नगरपालिका–७ जोगीटोल स्थित मदन भण्डारी राजमार्गमा जन्ति बोकेको बस र मिनि ट्रक एक आपसमा ठोक्किएर दुर्घटना हुँदा एक वृद्धको मृत्यु भएको छ । जिल्ला प्रहरी कार्यालय उदयपुरका प्रहरी प्रमुख (एसपी) हरिहरनाथ योगीका अनुसार बिहिबार राती ८:४० बजेको समयमा जन्ती बोकेर कटारी देखि गाईघाट तर्फ आउदै गरेको बा ०६ –००१ ख ०१९५ नम्बरको बस र बिपरित दिशा देखि तेजपत्ता बोकेर जादै गरेको ना ८ ख २४०४ नम्बरको मिनि ट्रक एक आपसमा ठोक्किएर दुर्घटना भएको हो । दुर्घटनामा परी गम्भिर घाईते भएका बाराको गढी गाउपालिका ४ का ७० बर्षिय सिताराम धामीको बिराटनगरस्थित न्यरो अस्पतालमा उपचारको क्रममा मृत्यु भएको एसपी योगिले जनाए । मृतक धामी जन्ती रहेको खुल्न आएको छ । दुर्घटनामा परी सामान्य घाइते भएका २० जना उपचार पछी घर फर्किएका छन भने ४ जनाको न्युरो अस्पतालमा उपचार भैरहेको प्रहरीले जनाएको छ...

पूर्णपुष्टि, ८ फागुन । त्रियुगा नगरपालिका नगर स्तरीय बिज्ञान तथा कला प्रदर्शनीमा पुष्पाञ्जली शिशुबाटिका आवासिय बोर्डिङ गाईघाट प्रथम भएको छ । बिहिबार त्रियुगा मावि गाईघाटमा आयोजित प्रदर्शनीमा कला तर्फ पुष्पाञ्जली बाटिकाकी इसिका साह र आशा पण्डित प्रथम भएकी हुन् यस्तै बालमन्दिर मावि दोस्रो, त्रियुगा मावि तेस्रो र सगरमाथा सान्त्वना भएको छ । यता बिज्ञान तर्फ त्रियुगा मावि प्रथम, जनज्योति मावि चुहाडे दोस्रो, प्याराडाईज सेकेन्डरी गाईघाट तेस्रो र जनता आधारभूत आवासिय सान्त्वना भएको छ । उक्त प्रदर्शनीमा ३० ओटा विद्यालयहरु सहभागी थिए । प्रजातान्त्र दिवसको अवसरमा बिज्ञान तथा कला प्रदर्शनी प्रतियोगिता गरिएको थियो ।...

पूर्णपुष्टि, फागुन ८ । राष्ट्रिय परीक्षा बोर्डले कक्षा ११ र १२ का पुराना आंशिक तथा ग्रेडवृद्धि परीक्षाको तालिका सार्वजनिक गरेको छ । परीक्षा नियन्त्रण कार्यालयका अनुसार परीक्षा २०८२ वैशाख २६ गतेदेखि बिहान ७ बजेदेखि १० बजेसम्म सञ्चालन हुनेछ । साधारणतर्फ रजिष्ट्रेशन नम्बरको सुरुमा ५६ देखि ७७ सम्मका र प्राविधिकतर्फ ७३ देखि ७८ सम्मका अंक भएका विद्यार्थीहरूले यो परीक्षामा सहभागी हुन पाउनेछन् । यस परीक्षामा साधारणतर्फका पुराना आंशिक र ग्रेडवृद्धि गर्न चाहने विद्यार्थीहरू तथा प्राविधिकतर्फका आंशिक विषयका परीक्षार्थीहरू सहभागी हुन सक्नेछन् । यो परीक्षाले विगत वर्षहरूमा आंशिक विषय बाँकी रहेका वा ग्रेडवृद्धि गर्न चाहने विद्यार्थीहरूलाई आफ्नो शैक्षिक यात्रा पूरा गर्ने अवसर प्रदान गर्नेछ । हेर्नुहोस परिक्षाको समय तालिका :...

पूर्णपुष्टि, फागुन ८ । उदयपुरको त्रियुगा नगरपालिका–१५ खाबुमा घाँस काट्न गएको एक वृद्ध मृत अवस्थामा फेला परेका छन् । सोमबार दिउँसो घर बाट घाँस काट्न हिँडेका ६१ वर्षीय शेरबहादुर मगरको शव मंगलबार साँझ जंगल नजिकैको भीरमुनी फेला परेको हो । वडाध्यक्ष गणेश तिमिल्सिनाका अनुसार मगर घाँस काट्ने क्रममा भीरबाट लडेर मृत्यु भएको हुन सक्ने अनुमान गरिएको छ । सोमबार दिउँसो घरबाट हिँडेका मगर राति अबेरसम्म घर नफर्केपछि परिवारजनले आफन्त र छिमेकीकहाँ खोजी गरेका थिए । कतैबाट जानकारी नपाएपछि स्थानीयले जंगलमा खोजी गर्दा भीरमुनी शव फेला परेको थियो । प्रहरीलाई खबर गरिएपछि शवलाई पोस्टमार्टमका लागि जिल्ला अस्पताल उदयपुर लगिएको छ । प्रहरीले घटनाबारे थप अनुसन्धान सुरु गरेको जनाएको छ ।...