Breaking News 1

पूर्णपुष्टि, ४ माघ । उदयपुरको कटारी नगरपालिका ३ स्थित राजावासमा फोहोरको डम्पिङ साईटमा नवजात शिशुको शव फेला परेको छ । कटारी नगरपालिका– ३, राजावासमा रहेको फोहोर विसर्जनस्थल (डम्पिङ साइट) मा फालिएको फोहोरमा नवजात शिशुको शव फेला परेको हो । वडा सदस्य पुष्प खाँले फोहोर सङ्कलन गरी फोहोर छुट्याउने क्रममा कामदारले फोहोरसँगै फालिएको कपडाभित्र शिशुको शव देखेको बताए । शव देखेपछि स्थानीयले प्रहरीलाई खबर गरेको स्थानीय देव ढुङ्गेलले बताए । वडा सदस्य खाँका अनुसार आजै बिहान कटारी बजार क्षेत्रबाट नगरपालिकाको ट्र्याक्टरले सङ्कलन गरी लगेर फालेको फोहोरमा शव भेटिएको हो । इलाका प्रहरी कार्यालय कटारीले शव भेटिएको पुष्टि गर्दै अनुसन्धान जारी रहेको जनाएको छ । महिना पुगिसकेको जस्तो देखिने कपाललगायतका अङ्ग बनिसकेको मृत नवजात शिशुको शव भेटिएको प्रहरीले जनाएको छ । शवलाई प्रहरीले कटारी अस्पतालमा लगेर राखे...

पूर्णपुष्टि, माघ ३ ।  उदयपुरको सदरमुकाम गाईघाट बजारमा आधुनिक सडक बन्ने भएको छ । विश्व बैंकले गर्ने ‘सहरी शासकीय सुधार तथा पूर्वाधार आयोजना’ अन्तर्गत त्रियुगा नगरपालिका वडा नं १०, ११ , १२ र १३ मा १४ दशमलव ५० किलोमिटर आधुनिक सडक बन्ने भएको हो । स्थानिय तहमा ‘सहरी शासकीय सुधार तथा पूर्वाधार आयोजना’ सञ्चालन गर्ने नेपाल सरकारले निर्णय गरिसकेको छ भने विश्व बैंकसँग एक अर्ब ५० करोड अमेरिकी डलर (करिब रु दुई खर्ब) सहुलियत ऋण उपलब्ध गराउने सम्झौता गरेको छ । गाईघाट बजारको विकासमा सहयोग पुग्ने उक्त सडक निर्माणमा विश्व बैंकको एक अर्ब बढी रुपैयाँमा सडक निर्माण हुने लागेको र ४ वटै वडाका ९ वटा योजनाको सम्पूर्ण प्रक्रिया पुरा गरि ठेक्का प्रक्रिया शुरु भएको त्रियुगा नगर पालिकाका मेयर बसन्त बस्नेतले जानकारी दिए । मेयर बस्नेतका अनुसार उक्त परियोजना अन्तर्गत त्रियुगा नगरपालिका छनोटमा परि गाईघाट बजारका सडक...

पूर्णपुष्टि, माघ २ । ताप्ली गाउँपालिका, उदयपुरकाे सहयाेग तथा नेपाल मगर संघ ताप्लीकाे आयाेजनामा माघे सकराती, मगर माैलिक सांस्कृतीक कार्यक्रम ताप्ली-३ निगालबासमा भब्यरुपले सम्पन्न भयाे । मगर संस्कृती र कलाकाे जगेर्ना गर्ने, भाषा, भेषभुषाकाे संरक्षण, सम्बर्धन गर्ने उद्देश्यले कार्यक्रम आयाेजना गरिएकाे हाे । कार्यक्रममा राष्ट्रिय कलाकार शिव थापामगरले हुर्रा गीतमा नचाएका थिए साथै हुर्रा नाच तथा सांस्कृतिक गीत तथा नृत्य प्रस्तुत गरेका थिए । कार्यक्रमका प्रमुख अतिथि पालिका उपाध्यक्ष धना मगरले कार्यक्रमलाई सम्बाेधन गर्दै मगर समुदाय सांस्कृतिक क्षेत्रसंगै शिक्षा क्षेत्रमा पनि अगाडि बढ्नु पर्ने बताउनुभयाे । यसका लागि पालिकाकाे सहयाेग रहेकाे बताउनुभयाे । पालिकाले मगर जाती मात्र नभई सबै जातजातिकाे भाषा, संस्कार, संस्कृती जगेर्ना र शिक्षा, स्वास्थ्य पहुचमा जाेड दिदै आएकाे बताउनुभयाे । विशेष अतिथि ...

पूर्णपुष्टि, २ माघ । उदयपुर एक्स्पो महोत्सव २०८० का लागि जिल्ला उद्योग बाणिज्य संघ उदयपुर तयारीमा जुटेको छ । यहि माघ ११ गतेदेखी २१ गते सम्म हुने भनिएको एक्स्पो सांस्कृतिक कार्यक्रम र स्टलहरुले मनोरञ्जन गराउने आयोजकले जनाएको छ । महोत्सवले स्थानीय कृषि, लघु उद्योग, पशुपंक्षी पालन, खुद्रा व्यवसायी, परम्परागत संस्कार संस्कृति, रहन सहन र पर्यटनमा बिषेश फाईदा पुग्ने संघका अध्यक्ष चुडामणी कार्कीले जनाए । मंगलबार महोत्सवबारे पत्रकार सम्मेलन गर्दै जिल्ला समन्वय समिति लगायत ८ ओटै पालिकाहरु र अन्य संघ संस्था, प्रशासन र सुरक्षा निकायहरुको सहकार्यमा गर्न लागिएको जनाए । महोत्सव त्रियुगा बषपार्क नजिक हुने महोत्सवको उद्घाटन नेपाल सरकारका अर्थ मन्त्री प्रकाश शरण महतले गर्ने आयोजकको भनाई छ । साधारण टिक रु १०० र विद्यार्थीहरुका लागि रु ७०, सामुहिक डे«समा रु ५० जेष्ठ नागरिक र अपाङ्गताका लागि भने परिचय...

पूर्णपुष्टि, १ माघ । उदयपुरका राई समुदायहरुले बिभिन्न कार्यक्रमको आयोजना गरी नयाँ बर्ष (येलेदङ ५०८४) मनाएको छ । आईतबार चौदण्डीगढी नगरपालिकाको वडा नं १ मा रहेको ऐतिहासिक स्थल चौदण्डीगढी दरबारमा किरात सांस्कृतिक कलकार संघ उदयपुरले आयोजना गरेको शुभकामना आदान प्रदान सहितका कार्यक्रम गरिएको हो । शुभकामना आदान प्रदानका प्रमुख अतिथि समेत रहेका आदिवासी जनजाति आयोगका सदस्य शरण राईले येलेदङ किरातीहरुको महत्वपूर्ण समय रहेको जनाए । यस दिन किरातीहरुको नयाँ बर्षको रुपमा समय फेरीने जनाए । यस सँग सम्बन्धित किरात समुदायहरुले येलेद संम्वतलाई थप प्रचार प्रसार गर्नु पर्ने सदस्य राईको बुझाई छ । उदयपुरमा चौदण्डीगढी दरबार, गाईघाट, बेल्टार, बेलका लगायत स्थानहरुमा येलेदङ धुमधाम मनाईएको छ । यो सँगै किरात समुदायहरु बसोवास गर्ने पूर्वी जिल्लाहरुमा राई, लिम्वु, याख्खा र सुनुवारहरुले बिभिन्न सांस्कृतिक कार्यक्र...

पूर्णपुष्टि, पुस २७ । पृथ्वी जयन्तीको अवसरमा आज नेपाली सेनाले नेपालको ऐतिहासिक स्थल मध्येको एक उदयपुरगढीमा ३८ फिट अग्लो राष्ट्रिय झण्डात्तोलन गरेको छ । https://youtu.be/8OxPI2_C8DM उदयपुरगढी गाउँपालिकाको सहयोगमा नेपाली सेनाले झण्डा राखेको हो । सेना सलामीसहित गरिएको झण्डोत्तोलन कार्यक्रममा सेनाको १८ नं. वाहिनीपति मनोजकुमार वैदवार, श्रीपशुपती प्रसाद गणका गणपती शिवप्रसाद वाग्लेको उपस्थिति थियो भने गाउँपालिकाका अध्यक्ष मानबहादुर केप्छाकी मगर, उपाध्यक्ष जसबहादुर खड्का, माओवादी नेता देव गिरी, पालिका प्रवक्ता सहेक वि.क लगायतको उपस्थिती थियो । झण्डाले सो ठाउँको महत्व अझ बढाएको छ । टाढैबाट देख्न सकिने हुँदा पर्यटकीय हिसावले आकर्षण थपिएको छ । सेनाले सो स्थानमा गत दशैंमा कालिकादेवीको मुर्ती प्रतिष्थापन गरेको थियो । नेपाली सेनाले पृथ्वी नारायण शाहले नेपाल एकिकरण गर्ने क्रममा निर्मित गढी तथा लडाईस...

पूर्णपुष्टि, २६ पौष । त्रियुगा उद्योग बाणिज्य संघ गाईघाटले यहि माघ १ देखी १० गते सम्म आयोजना गर्न लागेको दोस्रो प्रादेशिक महोत्सवलाई सबै क्षेत्रले सघाउने जनाएको छ । बुधबार संघको भवनमा बसेको संघ संस्था र आयोजक कमिटीबीचको छलफलमा महोत्सवलाई साझा महोत्सवको रुपमा सफल पार्ने प्रतिवद्धता दिएको हो । उदयपुरमा रहेका सरकारी तथा गैरसरकारी संघ संस्था, प्रशासन, सुरक्षा निकाय लगायतका निकायहरुले महोत्सवलाई भव्य रुपमा सफल बनाउन भुमिका खेल्ने प्रतिवद्धता गरेको अध्यक्ष रमेश रसाईलीले जनाए । रसाईलीका अनुसार त्रियुगा नगरपालिका र जिल्ला समन्वय समितिबाट फाल्गुण १ गते देखि फाल्गुण १० गते सम्म महोत्सव लगाउने अनुमती र सहयोग पाएको त्रियुगाले जिल्लाका विभिन्न संघ संस्था, व्यापार व्यवसायी तथा सरोकारवालासँग छलफल तथा अन्तरक्रिया गरेको जनाए । व्यापार व्यवसायको संवर्द्धन र प्रवर्द्धन गर्दै व्यापारीहरुको हकहितमा महो...

पूर्णपुष्टि, पुस २६ । उदयपुरमा अत्याधिक चिसोका कारण जनजीवन प्रभावित बनेको छ । बाक्लो हुस्सु र सित परेको छ । चिसोका कारण बालबालिका र बृद्धबृद्धा बढि प्रभावित छन् । अधिकांश मानिसहरु बाहिर निस्केका छैनन् । सवारी साधनहरु दिउसै लाइट बालेर चलेका छन् । चिसो मौसम लागेपछिको अवस्थामा आज सर्बसाधारणले अत्याधिक चिसो महशुस गरेका हुन् । चिसो र हुस्सुले सडकमा दुर्घटनाको जोखिम बढेपछि ट्राफिकले चालकलाई विस्तारै कुदाउन र सावधानी अपनाउन सचेत गराएको छ । फाेटाे फिचर...

पूर्णपुष्टि, पुष २५ । उदयपुरको लिम्चुङबुङ गाउँपालिकाले पक्कि सडकको पहल थालेको छ । नेपाल सरकारसँग पक्कि सडकको लागी बजेट विनियोजन गर्न माग गरिएको पालिका अध्यक्ष मेजर कुमार राईले बताउनुभयो । पूर्णपुष्टिसँगको सम्वादमा अध्यक्ष राईले एकै पुूस्तामा समृद्ध पालिका बनाउने महाअभियान सफल हुन पक्कि सडक महत्वपुर्ण रहेको बताए । अध्यक्ष राईले सरकारले पक्कि सडकमा बजेट दिए सरकारलाई समेत फाईदा हुने बताए । पालिकामा पक्कि सडक बन्यो भने नेपालका ८ हजार माथिका ६ ओटा अग्ला हिमालहरु र सुर्योदय हेर्न पर्यटकहरु अत्याधिक मात्रामा आउने उनले बताए । https://www.youtube.com/watch?v=ubrRS6JcqRI पालिकामा पर्यटन भित्रियो भने लिम्चुङबुङका जनताको आर्थिक स्थिति बलियो हुने र जनताको आर्थिक स्थिती बलियो भए पश्चात जनताले तिरेको कर सरकारको ढुकुटीसम्म पुग्ने अध्यक्ष राईले बताए । सरकारले लगानी गर्दा कहाँबाट फिर्ता आउँछ भन्ने ...