Breaking News 1

पूर्णपुष्टि, फागुन ११ भारतीय नागरिकको हत्या गरेको आरोपमा उदयपुर कटारी नगरपालिका २ वेलस्रोतका कमल वि.क लाई पक्राउ गरी जिल्ला अदालतमा बुझाईएको छ । वि.क लाई अदालतमा ५ दिनको म्याद थपी थप अनुसन्धान गरिरहेको प्रहरीले जनाएको छ । वि.क ले केहि दिन अघि मोरङ जिल्लाको पथरीमा पानी खन्ने बोरीङको काम गर्ने भारत राजस्थान अलवर, गाँउ दानपुर बस्ने बर्ष ५० को राम किसन मीनाको हत्या गरेको खुलेको छ । उदयपुरको कटारी नगरपालीका वडा न. ८ टोड्के मा अ. ३० मिटर तल भिरमा नाम थर वतन नखुलेको उक्त पुरुषको शव प्रहरीले केहि दिन अघि फेला पारी अनुसन्धान सुरु गरेका थिए । अनुसन्धानको क्रममा प्रहरीले फागुन ९ गते सोमवार मोरङ जिल्लाको पथरीबाट मोरङ प्रहरीको सहयोगमा विकलाई पक्राउ गरेका थियो । विकलाई पक्राउ गरी थप अनुसन्धान भईरहेको जनाईएको छ । साथै मृतक राम किसन मीनाको मिति कटारी अस्पताल कटारीमा पोष्टमाटम समेतको कार्य ...

काठमाडौँ, फागुन ११ देशको अधिकांश भू–भागमा आंशिकदेखि सामान्य बदली रही केही स्थानमा मेघगर्जन, चट्याङसहित हल्कादेखि मध्यम वर्षाको सम्भावना छ । पश्चिमी न्यूनचापीय प्रणालीको प्रभावले आज देशभर आंशिकदेखि सामान्य बदली रही सुदूरपश्चिम, कर्णाली, लुम्बिनी तथा गण्डकी प्रदेशका पहाडी भू–भागका केही स्थानमा मेघगर्जन, चट्याङसहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ । बाँकी प्रदेशका पहाडी भू–भागका केही स्थानमा हल्का वर्षाको सम्भावना छ । सुदूरपश्चिम, कर्णाली तथा गण्डकी प्रदेशका उच्च पहाडी तथा हिमाली भूभागका केही स्थानमा हल्कादेखि मध्यम हिमपातको सम्भावना छ । पहाडी भू–भागमा आंशिकदेखि सामान्य बदली भई सुदूरपश्चिम प्रदेशको पहाडी भेगका केही स्थानमा हल्का वर्षा भएको छ । बाँकी भू–भागमा आंशिक बदली रहेको महाखाशाले जनाएको छ । मौसम पूर्वानुमान महाशाखाको पछिल्लो विवरणअनुसार आज...

पूर्णपुष्टि, फागुन ११ नेपालका लोक प्रिय कलकार जयनन्द लामाको निधन भएको छ । हरेक विद्यामा उत्कृष्ट अभिनय र लोक गायक समेत रहेका उनीको अल्पायुमै निधन भएको हो । लामा पछिल्ला समय हास्य टेलीशृखला हल्का रमाईलोमा समेत अभिनय गर्दै आएका थिए । उनी अभिनित टेलिसिरियल हल्का रमाइलोका निर्देशक मरिचमान श्रेष्ठ (बल्छी धुर्बे)ले लामाको निधन भएको जानकारी छ । सिन्धुपाल्चोकको बाह्रबिसेमा जन्मिएका लामाले थुप्रै मौलिक लोकगीत गाउनुका साथै चलचित्र र टेलिश्रृंखलामा अभिनयसमेत गरेका छन् । उनले चलचित्र मनको बाँध, छक्कापञ्जा लगायत चलचित्रहरुमा पनि अभिनय गरेका थिए । उनका कलकत्ते काइँयो, चुइँ चुइँ चुइँकने जुत्ता, मुलाको चाना, सलल पानीलगायत थुप्रै लोकगीतहरु चर्चित छन् । उनले नेपाली लोक दोहोरीको रियालिटी शो ‘नेपाल लोकस्टार’मा निर्णायकको भूमिका पनि निर्वाह गरेका थिए ।...

पूर्णपुष्टि, फागुन १० उदयपुरमा जंगलमा फेला परेको एक पुरुषको बेवारीशे सवको हत्या भएको पुष्टि भएको छ । कटारी नगरपालिका( ८ श्रृष्टीको जंगलमा फागुन ७ गते मृत फेला परेका १ ब्यक्तिको हत्या भएको पुष्टी भए संगै हत्यामा संग्गल्न १ जनालाई प्रहरीले पक्राउ गरेको छ । पक्राउ पर्नेमा उदयपुर बेल श्रोतका २८ बर्षीय कमल थापा भनिने कमल बि.क रहेका छन् । जंलगमा मृत फेला परेका ब्यक्ति भारतको राजस्थानका ५० बर्षीय राम किसन मिणा भएको खुल्न आए संगै बि।क. लाई पक्राउ गरिएको हो । बि.क.ले मिणालाई माघ २५ गते घाँटीमा डोरीले कसेर हत्या गरेको खुल्न आएको छ । मोरङको कानेपोखरी गाउँपालिका र पथरी शनिश्चरे नगरपालिका बिचको डास खोलामा निर्माणाधिन रहेको पुलमा पायलिङ मेशिनको काम गर्दै आएका भारतिय नागरीक मिणा माघ २६ गते देखी सम्पर्कमा नरहेको भनी पिडितका परिवारले ईलाका प्रहरी कार्यालय पथरीमा हुलिया निवेदन दिएका थिए । त्यस...

पूर्णपुष्टि, फागुन ९ उदयपुरमा पहिलो पटक ठुलो राशी पुरस्कार सहित जिल्ला स्तरीय शारिरीक सुगठन च्याम्पियनसिप हुने भएको छ । यहि फागुन १४ गते गाईघाट स्थित टाउन होटलमा च्याम्पियन कार्यक्रम गर्न लागिएको आयोजकले जनाएको छ । ईनर्जी फिटनेस क्लवको आयोजनामा २० जना भन्दा बढी पुरुष खेलाडीहरुको सहभागी रहने जनाएको छ । आयोजक कमिटीले जनाए अनुसार खेलमा करिब ६ लाख बराबर खर्च लाग्ने जनाएको छ । कार्यक्रमको मुख्य प्रायोजक फिनिक्स डिष्टीलरी र रिलायबल फुड एण्ड बेभरेजले गरेको छ । शनिवार हुने उक्त प्रतियोगितामा खेलका लागि बाहिर बाट जर्ज ल्याउने जनाईको छ । खेलमा उदयपुर जिल्लाका खेलाडीहरुले मात्र भाग लिन पाउने आयोजकले जनाएको छ । खेलमा सहभागी हुन उदयपुरकै हुनु पर्ने र त्यस ठाउँ भित्रको पहिचान खुलाउने प्रमाण हुनु पर्ने छ । उक्त च्याम्पियनमा ७ ओटा इन्टरनेशनल पोजिसनहरु प्रदर्शन गर्नु पर्ने आयोजकले प्रष्टाएको छ । ...

पूर्णपुष्टि, फागुन ९ । उदयपुरमा तीन दिनको अवधिमा लगातार तीन बालिका बलात्कृत भएको घटना सार्वजनिक भएका छन् । फागुन ५ देखिको लगातार तीनदिन यता बलात्कारको घटना सार्बजनिक भएका हुन् । तीन घटनामध्ये दुई बालिका गर्भवती भइसकेको अवस्था रहेको जिल्ला प्रहरी कार्यालय उदयपुरका सुचना अधिकारी प्रहरी नायव उपरिक्षक बेदप्रसाद गौतमले बताउनुभयो । प्रनाउ गौतमका अनुसार तीनै घटना नजिकको साइनो पर्ने आफन्तबाट बलात्कार भएका हुन् । झड्केली छोरी सौतेलो बाउबाट, भतिजिनी आप्mनै काकाबाट र साली आप्mनै भेनाबाट बलात्कारमा परेको घटना बाहिर आएको हो । जिल्लाको बेलका नगरपालिकामा सौतेलो बाउबाट १४ वर्षीया झड्केली छोरी, उदयपुरगढी गाउँपालिकामा भेनाबाट १६ वर्षीया साली र त्रियुगा नगरपालिकामा काकाबाट ११ वर्षीया भतिजिनी बलात्कारमा परेका हुन् । यी तीन घटनामध्ये पटक–पटक बलात्कारको सिकार बनेका झड्केली छोरी र साली गर्भवतीको अवस्थामा छन् ...

पूर्णपुष्टि, फागुन ९  धनकुटा, ९ फागुन । धनकुटाको महालक्ष्मी नगरपालिकाको शहरी पूर्वाधार विकासका लागि शहरी विकास मन्त्रालयले ५० करोड बजेट उपलब्ध गराउँने भएको छ । महालक्ष्मी नगरपालिकाका मेयर पर्शुराम नेपालको पहलमा मन्त्रालयले सघन शहरी विकास कार्यक्रम अन्तर्गत बजेट उपलब्ध गराउँने भएको हो । लामो समयको पहलपछि महालक्ष्मीको शहरी पूर्वाधार विकासका लागि शहरी विकास मन्त्रालयबाट ५० करोड बजेट प्राप्त भएको मेयर नेपालले बताए । ‘हामीले नगर सभाबाट पारित गरेर बजेट माग गरेका थियौं, बजेट माग्न म पटक–पटक मन्त्रालय धाएको थिए । अन्ततः ठूलो बजेट प्राप्त हुँने भएको छ,’ खुशी हुँदै मेयर नेपालले भने, ‘यसले महालक्ष्मीको शहरी पूर्वाधार विकासमा निकै ठूलो काम हुन्छ ।’ बजेट उपलब्ध गराएर सहयोग गरेको भन्दै मेयर नेपालले शहरी विकास मन्त्री रामकुमारी झाक्रीलाई धन्यवाद ज्ञापन गरेका छन् । गुल्मी माइतीघर भएकी मन्त्री...

पूर्णपुष्टि, फागुन ८ एमसीसी टेवुलीङ नजिकिए सँगै विरोध कार्यक्रमहरु बढेको छ । उदयपुरमा आईतवार विप्लव सहितका ५ दलले जिल्ला प्रशासन कार्यालय उदयपुर घेराउ गरेको छ । ५ दललको संयुक्त कार्यक्रममा राष्ट्र्घाती सम्झौता विरुद्ध जिल्ला प्रशासन कार्यालय घेराउ गरिएको जनाईएको छ । उनिहरुले प्रशासन घेराउ लेखिएको व्यानर सहित बिरोध प्रदर्शन र्याली निकाल्दै घराउ कार्यक्रममा सहभागी जनाएका थिए । कार्यक्रमको नेतृत्व नेकपा (विप्लव) समुहको केन्द्रिय सदस्य तथा उदयपुर जिल्ला सेक्रेटरी लक्ष्मण पौडेल, नेकपा (माले) केन्द्रीय सदस्य राम प्रसाद चौलागाईं ,नेकपा (क्रान्तिकारी माओवादी) केन्द्रीय सदस्य मोहनसिंह तामाङ, देशभक्त गणतान्त्रिक मोर्चा नेपाल जिल्ला संयोजक लिल बहादुर बि क. लगायतका संयुक्त नेतृत्वममा ५ दल १ मोर्चाका नेता तथा कार्यकर्ताहरुको उपस्थिति भएको थियो । घेराउ कार्यक्रममा करिब ८० जनाको उपस्थिति रहेको...

अभिमन्यु लामीछाने पूर्णपुष्टि, फागुन ८ उदयपुरमा लोपोन्मुख सालकको संरक्षणमा प्राकृतिक स्रोत व्यवस्थापन कलेजका विद्यार्थीहरु जुटेका छन् । बन्यजन्तु संरक्षण समाज कटारी उदयपुरमा आवद्ध विद्यार्थीहरुले शनिबार अन्र्तराष्ट्रिय सालक दिवश १९ फेब्रुअरीको अवसर पारेर कटारीमा जनचेतनामूलक कार्यक्रम समेत सम्पन्न गरेका छन् । विश्वमा ८ प्रजातिको सालकहरु पाईने र त्यसमा नेपालमा दुई प्रकार तामे र कालो जातको सालक पाईन्छ । बन्यजन्तु संरक्षण समाज कटारीका संयोजक विशाल भण्डारीका अनुसार जनचेतनामूलक र्याली सहित , पर्चा पम्ल्पेट टाँस्ने तथा जनचेतनामूलक भिडियो प्रदशर्नी गरिएको हो । समाजले यसको अध्ययन अनुसन्धान गरिरहेको भण्डारीले बताए । डिभिजन वन कार्यालय त्रिवेणी कटारी उदयपुरको सहयोगमा समाजले सालकसम्बन्धि जनचेतनामूलक कार्यक्रम गरेको हो । सालक नेपालको संरक्षित जनावर हो । वासस्थान विनाश र अवैध चोरी शिका...