उदयपुरको एकठाउँमा मतपत्र च्यातियो, ३ ठाउँमा मतपरिणाम सार्वजनिक : कांग्रेस प्रदेशसभा अधिवेशन निर्वाचन
पूर्णपुष्टि, मंसिर ४ ।
नेपाली कांग्रेस प्रदेशसभा अधिवेशनको निर्वाचनमा उदयपुरमा एक ठाउँमा मतपत्र च्याताच्यात भएको छ भने तीन ठाउँको मतपरिणाम सार्वजनिक भएको छ ।
नेपाली कांग्रेस उदयपुरको चारकेन्द्रमा प्रदेशसभा अधिवेशनको निर्वाचन मध्ये एक ठाउँमा मतपत्र च्याताच्यात भएको छ । मतगणनाको क्रममा गणनास्थलभित्रै विवाद उत्पन्न भएपछि निर्वाचन क्षेत्र नं. २ अन्तर्गत (क) केन्द्रमा मतपत्र च्याताच्यात भएको हो ।
प्रदेशसभा अधिवेशनका लागि सो क्षेत्रमा मोहनसेर राई नेतृत्वको प्यानल र खेसबहादुर मगर नेतृत्वको प्यानलबीच निर्वाचन भएको थियो । उदयपुरगढीको नेपालटार बजारमा दिउसो मतदान सकिएपछि साँझबाट मतगणना सुरु भएको थियो ।
मतपत्र च्यातिएपछि सो ठाउँको मतगणना स्थगित भएको छ । सो केन्द्रका सभापति उम्मेदवार मोहनसेर राई र खेसबहादुर मगरकै उपस्थितिमा विवाद उत्पन्न भएको बुझिएको छ । विवाद मतपत्र च्यात्नेसम्मको अवस्थामा पुग...
