Breaking News 2

पूर्णपुष्टि, पौष २० । उदयपुरको बेलका नगरपालिका–३ स्थित किरात चोकमा श्रीमतीको हत्या गरेर श्रीमानले आत्महत्याको प्रयास गरेको छ । जिल्ला प्रहरी कार्यालय उदयपुरका अनुसार आईतबार बिहान ८ बजेको समयमा श्रीमान–श्रीमती बिच झगडाहुँदा स्थानिय ३० बर्षीय खगेन्द्र राईले २७ बर्षीय भावना भन्ने गंगा राईलाई छुरा प्रहार गरेका थिए । छुरा प्रहारबाट गम्भिर घाईते भएकी गंगाको ९ बजेर ५० मिनेटको समयमा वि.पि. कोइराला स्वास्थ्य विज्ञान प्रतिष्ठान (घोपा) धरानमा उपचारको क्रममा मृत्यु भएको प्रहरीले जनाएको छ । श्रीमतीलाई छुरा प्रहार गरेका राईले आफ्नै शरीरमा समेत छुरा प्रहार गरी आत्महत्याको प्रयास गरेकोमा स्थानीयले देखी तत्काल उपचारको लागि सोही अस्पताल लगिएकोमा हाल उनको उपचार भईरहेको प्रहरीले जनाएको छ । उक्त घटना सम्बन्धमा इलाका प्रहरी कार्यालय रामपुरठोक्सिलाबाट प्रहरी टोली खटिई गई थप अनुसन्धान भइरहेको छ ।...

पूर्णपुष्टि, उदयपुर, पोष १७ गते । त्रियुगा नगरपालिका वडा नं १६ ले वडामा रहेका बिपन्न दलित, जेष्ठ नागरिक तथा अपाङ्ग भएको परिवारलाई न्यानो कपडा फाईवर सिरक वितरण गरेको छ । आर्थिक वर्ष २०८२/२०८३ को दलित लक्षित अपाङ्ग तथा जेष्ठ नागरिक लक्षित कार्यक्रमको वडागत स्वीकृत बजेटबाट सिरक वितरण गरेको हो । वडा अध्यक्ष मान वहादुर राईका अनुसार वडाभित्रका ३६ जना विपन्न अपाङ्ग तथा आर्थिक अवस्था कमजोर दलित परिवार र ३६ जना जेष्ठ नागरिक गरी जम्मा ७२ परिवारलाई सिरक वितरण गरिएको हो । वडाले प्रत्येक वर्ष लक्षित समुदायलाई यस किसिमको सहयोगबाट सम्मान गर्दै आएको अध्यक्ष राईको भनाई छ। पछिल्लो समय अत्याधिक जाडो बढे सँगै वडाले प्रतिकूल मौसमकै बिच एक कार्यक्रमको आयोजना गरी न्यानो सिरक वितरण गरेको हो । चिसोबाट जोगिन समस्या परिरहेको परिवारहरु सिरक पाएपछि खुसी भएका छन् । सिरक पाएका जेष्ठ नागरिक र दलित विपन्न परिवारल...

पूर्णपुष्टि, गाईघाट, पुष १६ गते । त्रियुगा नगरपालिका शिक्षा शाखाको जानकारी अनुसार केही दिन देखी बढेको भारी चिसोका कारण तिन दिन बिद्यालय बिदा दिने निर्णय गरेको छ । १६, १७ र १८ गते सम्म विद्यालय बन्द गरिने शाखाले पत्र सार्वजानिक गर्दै जानकारी गराएको छ । सोही अनुसार नगर भित्र रहेका निजी विद्यालयका छाता संगठन प्याप्वसन एन प्यावसनहरुले पनि विदा दिने र मौसमको अवस्था हेरेर विद्यालय संञ्चालनमा ध्यान दिने निर्णय गरेको छ । पछिल्लो समय देशका बिभिन्न स्थानहरुमा अत्यादिक चिसो बढेको छ । बिषेशगरी तराईका भुभागहरुमा हुस्सु लागिरहेको छ । लगतारको हुस्सुले घाम नखुल्दा चिसो बढेको छ । चिसो जनजिवन प्रभावित बनाईरहेको छ ।...

गाईघाट÷पूर्णपुष्टि, पौष १५ । उदयपुरमा महिला सशक्तिकरणका लागी प्रथम महिला मोटरसाईकल यात्रा सुरु भएको छ । मंगलबार महिला बाइक राईडर उदयपुरको आयोजना तथा महिला सशक्तिकरण स्रोत केन्द्र उदयपुरको सहकार्यमा गाईघाटदेखी बेलका कोशी पुल सम्मको मोटरसाईकल यात्रा सुरु भएको हो । कोशी प्रदेश सभाका उप–सभामुख सिर्जना दनुवारले मोटरसाईकल यात्राको सुभारम्भ गर्दै महिलाले स्कुटर र पुरुषले मोटरसाईक नै चालाउने हो भन्ने सोच अझै हाम्रो समाजमा रहेको बताउनुभयो । समाजमा महिला र पुरुषमा रहेको विभेदलाई अन्त्य गरेर समानता ल्याउनका लागी यस मोटरसाईकल यात्राले केही महत्वपूर्ण भुमिका खेल्ने विश्वास व्यक्त गर्नुभयो । महिला बाइक राईडर उदयपुरका संयोजक रमा मगरले महिला सशक्तिकरणका लागी महिला मोटरसाईकल यात्रा सुरु गरिएको बताएकी छिन् । महिलाहरुले मोटरसाईकल चलाउँदा महिलाहरुको लागी स्कुटर बनाईएको भन्ने समाजको सोचाइलाइ महिलाहरुले प...

पूर्णपुष्टि, उदयपुर, पुष १३ गते । उदयपुर आईडल सिजन २ को अन्तिम प्रतिस्पर्धा यहि पुष २६ गते गाईघाटमा सम्पन्न हुँदैछ । उक्त प्रतिस्पर्धामा ६ जना फाईनलिस्ष्टहरु सहभागी छन् । यस मध्यकी एक जना प्रतिस्पर्धि रविना राई हुन् । राई गायीकी क्षेत्रमा निकै मेहनती र लगनशिल प्रतिस्पर्धि हुन् । अब्बल स्वरकै कारण सयौँ प्रतिस्पर्धिहरुलाई पछि पार्दै टप ६ मा पुग्न सफल राईको अबको एउटै उदेश्य उदयपुर आईडल सिजन २ को बिजेता बन्नु हो । यसका लागि राईले साथीभाई, आफन्तजन र आम दर्शकहरुलाई भोटको अपिल गरेकी छिन् । त्रियुगा नगरपालिका वडा नं १२ की रविनाले आफ्नो गायनलाई देश विदेशमा फैलाउन अवसर प्रदान गर्न सबै सामु भोटको अपिल गरेकी हु्न । सुरिलो स्वरकी धनी राई बिभिन्न सांगितिक कार्यक्रमहरुमा समेत भाग लिने गरेकी छिन् ।...

सुनिल राई, गाईघाट÷पूर्णपुष्टि, पुष ११ । उदयपुरको सदरमुकाम गाईघाटमा चौथो त्रियुगा अन्तर मा.वि. मेयर रनिङ शिल्ड प्रतियोगिता २०८२ आजदेखी सुरु भएको छ । राष्ट्रको लागि खेलकुद स्वास्थ्यको लागि खेलकुद भन्ने मूलनारा सहित युवा तथा खेलकुद विकास समिति त्रियुगाको आयोजनामा थरुहट रङ्गशालामा चौथो मेयर रनिङ शिल्ड तथा राष्ट्रपती रनिङ्ग शिल्ड छनोट प्रतियोगिता सुरु भएको हो ।४० वटा विद्यालयको सहभागिता रहेको यस प्रतियोगितामा भलिबल, कराते, तेक्वान्दो, कब्बडी र एथलेटिक्स लगायतका ५ विधाका खेलहरू खेलाईएको छ । यस प्रतियोगिताको उद्घाटन त्रियुगा नगरपालिकाका प्रमुख बसन्त कुमार बस्नेतले गरेका हुन् । प्रतियोगिता सुरु गर्नुभन्दा अघि सहभागी सबै विद्यालयका विद्यार्थिहरुले मार्च पास गरेका थिए । आजदेखी सुरु भएको प्रतियोगिता पुष १४ गतेसम्म संचालन हुनेछ । यस अघि श्री त्रियुगा माध्यामिक विद्यालय गाईघाटले तिन बर्ष नै प्रथम हु...

पूर्णपुष्टि/उदयपुर, पुस ८ । गत पुस २ गते पाँचथरको फिदिम नगरपालिका –११ नांगिनमा रुखमा झुण्डिएर मृत अवस्थामा फेला परेको २४ वर्षिय पारस सुजी (दर्जी)को मृत्युलाई परिवार, आफन्त र छिमेकीहरुले संकास्पद रुपमा लिएका छन् । घटना प्रकृतिको आधारमा उनको मृत्युलाई शंकास्पदरुपमा लिएको मृतकका दाजु चन्द्रबहादुर दर्जीले बताउनुभयो । उनका अनुसार झुण्डिएको अवस्थामा फेला परेका पारसको आत्महत्या नभइ हत्याको आशंका गरिएको छ । घटनाअघि उनको प्रेमिकासंग विवाद, हातपात भएको थियो भने झुण्डिन प्रयोग भएको रुख, सल, भेष्ट च्यातिएको अवस्था र घटनास्थल वरपर लडिबढी गरेको अवस्था देखिएकाले उनको हत्या भइ झुण्ड्याएको हुनसक्ने आशंका भएको हो । १ गते राती नै उनको हत्या भई झण्ड्याएको हुनसक्ने आशंका उनीहरुको छ । उनी स्थानीय एक महिला एलिसा आङ्बोसंग प्रेम सम्बन्धमा रहेको बताइएको छ । उनीसंग बेलुका विवाद र झगडा परेको गाउँलेहरुले देखेका थिए...

पूर्णपुष्टि/सप्तरी, पुष ८ गते । सप्तरी स्थित शिसुवारीका युवाहरुले विद्यार्थीहरुलाई न्यायो कपडा सहयोग गरेको छ । शनिवार सप्तरी जिल्लाको शुरुङगा नगरपालिका २ राष्ट्रिय आधारभूत विद्यालयका विद्यार्थीहरुलाई न्यानो कपडा वितरण गरिएको हो । शेखर कार्कीको नेतृत्वमा करिब २८ जना स्थानीय युवाहरुले विद्यार्थीलाई न्यानो कपडाको लागि आर्थिक सहयोग गरेका थिए । देश विदेशमा रहेका स्थानीय युवाहरुले जाडोमा विद्यार्थीहरुलाई चिसोबाट जोगाउन कपडा वितरण गरिएको थियो । न्यानो कपडाले विद्यार्थीहरुलाई चिसोबाट बचाउनुका साथै विद्यालय जान हौसाला समेत प्रदान गरेको शेखर कार्कीको भनाई छ । कपडाको लागि युवाहरुबाट १ लाख ३३ हजार ७ सय ७२ रुपयाँ जम्मा भएको थियो । उक्त रकमले ६७ जना विद्यार्थीहरुलाई न्यानो कपडा प्रदान गरिएको कार्कीको भनाई छ । कपडा वितरण सुरुङा नगपालिकाकी प्रमुख गिता कुमारी चौधरीको प्रमुख उपस्थितिमा भएको थियो । कपडा ...

उदयपुर, पुस ७ उदयपुरको त्रियुगा नगरपालिकाको १६ औं नगरसभा आज सम्पन्न भयो । सभाले आर्थिक वर्ष २०८२/०८३ को नीति तथा कार्यक्रमको समिक्षा तथा संसोधन गरेको छ । मेयर बसन्त बस्नेतले कार्यकालको साढे तीनवर्षमा कार्य सम्पादन र सुशासनको क्षेत्रमा दुरगामी कामहरु गरेको र नयाँ कामहरुको थालनी गरिएको बताउनुभयो । चालु आ.ब. मा १ अर्ब, ९७ करोड, १९ लाख ६५ हजार विनियोजन भएकोमा हालसम्म ४३ कोड ९२ लाख १ हजार आम्दानी भएको र जसमा आन्तरिक स्रोततर्फ ३ करोड ४० लाख ६५ हजार रहेको जनाउनुभयो । खर्चतर्फ ३५ करोड १० लाख ६४ हजार भएको जनाउनुभयो । नयाँ पालिका भवनबाट कार्यसम्पादन थालिएको, विश्व बैंकको सहयोगमा सञ्चालित शहरी शासकीय तथा पूर्वाधार विकास कार्यक्रम अन्तर्गतको निर्माणाधिक सडक अन्तिम चरणमा पुगेको, नगरदेखि वडासम्मको कार्य सम्पादन सन्तोषजनक रहेको बताउनुभयो । उपमेयर महेश्वरी राईले नगरपालिकाले मेलमिलापलाई प्राथमिकता दि...