Breaking News 2

पूर्णपुष्टि, भदौ १ गते । स्कुल बसले किचेर बारामा एक जना विद्यार्थीको अकालमै मृत्यु भएको छ । जिल्लाको निजगढ नगरपालिका–६ पानीट्यांकीमा आज बसले किचेर स्थानीय राकेश राय यादवका २ वर्षीय छोरा आयुषको मृत्यु भएको हो । उनको घटनास्थलमानै मृत्यु भएको प्रहरीले जनाएको छ । आज बिहान सवा ९ बजे विद्यासागर इङलिस बोर्डिङ स्कुलको प्रदेश २–०३–००१ क १०३७ नम्बरको बसले चढ्दै गरेका रायलाई पछाडीको चक्काले किचेको थियो । बससहित चालकलाई नियन्त्रणमा लिई आवश्यक अनुसन्धान भैरहेको इलाका प्रहरी कार्यालय निजगढले जानकारी दिएको छ ।...

पूर्णपुष्टि, साउन ३१ उदयपुरमा लागुऔषध गाजाँसहित एक युवक पक्राउ परेको छ । पक्राउ पर्नेमा चौदण्डीगढी नगरपालीका–६ पुल चोकबेल्टार बस्ने ५४ बर्षीय मंगल बहादुर बिश्वकर्मा रहेका छन् ।सोमबार बेलुका ५ बजेको समयमा बिश्वकर्माको घरमा लागुऔषध गाँजा राखेको छ भन्ने बिशेष सुचनाको आधारमा ईलाका प्रहरी कार्यालय बेल्टारबाट खटिएको प्रहरी निरीक्षकको टोलीले चेकजाँच गर्दा अं २.५ (अढाई के.जी ) गाँजा बरामद भएको छ । पक्राउ परेका बिश्कर्माको जिल्ला अदालतबाट लागुऔषध मुद्दामा म्याद लिई थप अनुसन्धान भईरहेको जिल्ला प्रहरी कार्यालय उदयपुरको प्रहरी निरिक्षक (डिएसपी) मोहन थापाले बताए ।...

पूर्णपुष्टि, साउन ३१ गते । मादक पदार्थ सेवन गरि तीन जना नातेदारमाथि एसिड प्रहार गरेको अभियोगमा सल्यानका एक जना पक्राउ परेको छ । जिल्लाको चुम्फुटाकुरा बस्ने ५० वर्षीय बेचे रावतलाई सोमबार प्रहरीले पक्राउ गरेको छ । रावतले मादक पदार्थ सेवन (मापसे) गरी लेनदेनको विषयलाई लिएर एसिड प्रहार गरेको प्रहरीले जनाएको छ । उनले एसिड प्रहार गर्दा सोही ठाउँस्थित आफ्नै पसलमा बसिरहेका उनकै भाइ समेत ३ जना घाइते भएका छन् । इलाका प्रहरी कार्यालय दार्माबाट खटिएको प्रहरीले उनलाई करिव २२ लिटर एसिड सहित पक्राउ गरेको हो । तीनै जना घाइतेहरुलाई उपचारको लागि नेपालगन्जतर्फ पठाइएको छ । घटना सम्बन्धमा प्रहरीले थप अनुसन्धान अगाडी बढाएको प्रहरीले जनाएको छ ।...

पूर्णपुष्टि, साउन ३१ गते । चार वर्षीया बालिका जबरजस्ती करणी गरेको आरोपमा पाँचथरका एक ५६ वर्षीय पुरुष पक्राउ परेको छ । जिल्लाको फिदिम नगरपालिका– ११ फेवदिनका वस्ते देवी बुढाथोकीलाई चार वर्षीय बालिकालाई गरणी गरेको आरोपमा पक्राउ गरिएको हो । शनिबार राती बालिकालाई ललाईफकाई गरेर करणी गरेको खुलेपछि आफन्तले सोमबार दिएको उजुरीका आधारमा बुढाथोकी पक्राउ परेका हुन् । प्रहरीले सो घटनाको बिषयमा लिएर थप अनुसन्धान भईरहेको जनाएको छ ।...

पूर्णपुष्टि, साउन ३१ गते । ढोकाले लाग्दा भक्तपुरमा एक जना बालिकाको ज्यान गएको छ । जिल्लाको थिमि–१ लोलकिल्थलीस्थित रमाइलो चोकको एउटा घरको कम्पाउन्डको ढोका पल्टेर लाग्दा बालिकाको ज्यान गएको हो । स्थानीय तिलकप्रसाद गौतमको घरको कम्पाउन्डमा रहेको फलामे ढोका अचानक पल्टिँदा सोही घरमा पाहुना आएकी नुवाकोटको विदुर नगरपालिका–८ घर भई हाल भक्तपुर बोडेकी पाँच वर्षीया श्रीसिजा अर्यालको मृत्यु भएको हो । ढोका ढलेपछि गम्भीर घाइते भएकी उनको उपचारका क्रममा मध्यपुर अस्पतालमा मृत्यु भएको जिल्ला प्रहरी कार्यालय भक्तपुरले जनाएको छ ।...

पूर्णपुष्टि, साउन ३० गते । स्थानी र प्रहरीबीच झडप हुँदा २ इन्सपेक्टरसहित ८ जना घाइते भएका छन् । उत्तरी रसुवाको थाम्बुचेतमा प्रहरी तथा गतलाङबासीबीच भएको झडपमा प्रहरी निरीक्षकसमेतका केही सुरक्षाकर्मी घाइते भएका छन् । घाइते हुनेमा नेपाल प्रहरी र सशस्त्र प्रहरीका १÷१ जना प्रहरी निरीक्षकसहित ३ सशस्त्र प्रहरी र ३ नेपाल प्रहरी रहेका छन् । गोल्जुङ र चिलिमेका बासिन्दासरह अतिप्रभावित किसिमको जल विद्युत् शेयर पाउनुपर्छ भन्ने माग राख्दै आन्दोलनमा उत्रेका गतलाङवासी र प्रहरीबीच आइतबार झडप भएको बताइएको छ । सो झडपमा दुई प्रहरी निरीक्षकसमेत आठ प्रहरी घाइते भएका छन् । आन्दोलनरत पक्षले विद्युत् आयोजनाका सवारी साधन तथा कार्यालयको भौतिक संरचना तोडफोड गर्न थालेपछि दुई पक्षका बीचमा झडप भएको थियो । आन्दोलनरत गतलाङवासीको मागलाई साञ्जेन जलविद्युत्का आयोजना प्रमुख र सञ्जेन जलविद्युत् कम्पनीका प्रबन्ध निर्देशकसमे...

पूर्णपुष्टि, साउन ३० गते । सुनचाँदीको मूल्यमा आज गिरावट भएको छ । सुन तोलामा ४ सय रुपैयाँले र चाँदीको मूल्यमा तोलाको १५ रुपैयाले गिरावट आएको नेपाल सुनचाँदी व्यवसायी महासंघले जनाएको छ । सोमबार छापावाल सुनको मूल्य तोलामा ९७ हजार ४ सय र तेजावी सुनको मूल्य ९६ हजार ९ सय रुपैयाँ तोकिएको छ । आइतबर छापावाल सुनको प्रतितोला मूल्य ९७ हजार ८ सय र तेजावी सुन ९७ हजार ३ सय रुपैयाँमा कारोबार भएको थियो । इता, चाँदीको मूल्य तोलामा १ हजार २ सय ३५ रुपैयाँ कायम भएको छ । आइतबर चाँदीको मूल्य एक हजार २ सय ५० रुपैयाँमा चाँदीको खरिद बिक्री भएको थियो ।...

पूर्णपुष्टि, साउन २९ गते । प्रदेश नं. १ का मन्त्रीलाई कालो झण्डा देखाएको आरोपमा पााँच जना पक्राउ परेका छन् । मोरङको उर्लाबारी नगरपालिका–३ मंगलबारेस्थित मदन भण्डारी अस्पताल तथा ट्रमा सेन्टरमा नवनिर्मित ओपीडी भवन उद्धाटनका लागि पुगेको स्वास्थ्यमन्त्री जयराम यादवलाई कालो झण्डा प्रदर्शन गर्ने युवाहरु प्क्राउ परेका छन् । आइतवार मंगलबारे युवा क्लवका अध्यक्षसहितका युवहरुले कालो झण्डा देखाएका छन् । अस्पताल भवन निर्माणमा अनियमितता भएको भन्दै उनीहरूले त्यसको छानबिन गर्नुपर्ने माग राख्दै आएका छन् । कालो झण्डा देखाउने क्लबका अध्यक्ष पिपलराज गिरी, सचिव रेशु कटवाल, शेखर खड्का, प्रतिक पाण्डे र प्रदिप दाहाललाई प्रहरीले पक्राउ गरेको हो । उनीहरूले उक्त ओपीडी भवन निर्माणमा अनियमितता भएकाले आयव्यय सार्वजनिक गर्न माग गर्दै आएका थिए । यसअघि क्लवले भवन निर्माणको सम्पूर्ण खर्च विवरण माग राख्दै अस्पताल प्रशासनल...

पूर्णपुष्टि, साउन २९ गते । काठमाडौै महानगरपालिकाका मेयर बालेन शाहले त्रिवि शिक्षण अस्पतालका रहेक् िनिहारिका राजपुतलाई भेटेका छन् । उनी बलात्कारबाट जन्मिएको आफ्नो डिएनए परीक्षण गर्न माग गर्दै काठमाडौंको माइतीघरमा लामो समयदेखि आन्दोलनरत छिन् । केही समयअघि गृह मन्त्रालयले उनको मागमाथि छानबिन गर्ने आश्वासन दिएपछि आन्दोलन रोकेकी थिइन । तर मन्त्रालयले प्रतिबद्धता जनाएअनुसार काम सुरु नगरेपछि उनी पुनः काठमाडौं आएकी छिन् । यही क्रममा उनले शुक्रबार राष्ट्रपति कार्यालयअघि आत्मदाहको प्रयास गरेकी थिइन । उनको प्रयासलाई प्रहरीले विफल पारेको थियो । उनको मानसिक स्वास्थ्य जाँचका लागि भन्दै प्रहरी प्रशासनले उनलाई अहिले शिक्षण अस्पतालमा राखेको छ । अस्पतालमा रहेकी निहारिकालाई भेटेपछि सामाजिक सञ्जालमार्फत फोटो सार्वजनिक गर्दै मेयर शाहले उनको माग जायज भएको बताएका छन् । उनले फेसबुकमा लेखेका छन् ‘आफ्नो बच्चाको...

अरिंगालले टोक्दा एक युवकको मृत्यु पूर्णपुष्टि, साउन २९ गते । अरिंगालले टोक्दा तनहुँमा एक युवकको ज्यान गएको छ । जिल्लाको म्याग्दे गाउँपालिका–५ छाङपाटनका ३१ वर्षीइ टोप बहादुर कुमालको ज्यान गएको हो । बिहीवार छाङपाटनस्थित सेती नदी किनारमा सिसौको रुखमा रहेको अरिङगालको गोलो पोल्ने क्रममा उनालाई अरिङगालले टोकेको थियो । उनको तत्काल भिमादस्थित शुभलक्ष्मी पोलिक्लिनिकमा प्राथमिक उपचार गरी थप उपचारको लागि पोखराको गण्डकी अस्पताल पठाइएको थियो । तर उपचारका क्रममा शनिबार विहान ९ बजे उनको मृत्यु भएको जिल्ला प्रहरी कार्यालय तनहुँले जनाएको छ ।...