ढुसी परेको पाउरोटी उद्योगलाई १० हजार जरिवाना, ७ दिन भित्र सुधार नगरे शिल्ड गर्ने कडा चेतावनी
पूर्णपुष्टि, २२ जेष्ठ ।
त्रियुगा नगरपालिका वडा नं ५ देउरीमा संञ्चालित उदयपुर पाउरोटी बेकरीमा अनुगमन गरिएको छ । बिहिबार जिल्ला प्रशासन कार्यालय उदयपुरको अगुवाईमा खाद्य तथा गुण नियन्त्रण प्राविधिक कार्यालय उदयपुर, घरेलु तथा साना उद्योग कार्यालय उदयपुर, जिल्ला प्रहरी कार्यालय उदयपुर, कर कार्यालय उदयपुर र पत्रकारहरु सहितको टोलीले उक्त उद्योगमा अनुगमन गरेको हो ।
अनुगमनका क्रममा फ्याक्ट्रीमा उत्पादन भएका सामाग्रीहरु गुणस्तरहिन र सरसफाई नभएको पाईएको छ । फ्याक्ट्री संञ्चालन गर्दा आवश्यक पर्ने सामान्य मापदण्ड समेत पुरा नगरी फ्याक्ट्री संञ्चालन गरेको भन्दै जिल्ला प्रशासन कार्यालय उदयपुरले १० हजार जरिवाना समेत गराएको छ । कार्यालयले अबको ७ दिन भित्र आवश्यक सुधार गर्न कडा दिर्नेशन समेत दिए । यदि ७ दिन भित्र सुधार नगरे शिल्ड गर्ने चेतावनी समेत दिएको छ । कार्यालयले सरसफाई, सामानको अबधि, उत्पादित वस्त...
