पूर्णपुष्टि, पुष १५
चन्द्रगिरिमा एक ३० वर्षीय युवाको शव फेला परेको छ । काठमाडौंका चन्द्रागिरि नगरपालिका–४ स्थित चित्लाङ जाने सडकमा सुजन लामाको शव भेटिएको हो ।
प्रहरीकोे टोली र अपराध महाशाखाको टोली घटनास्थलमा पुगेको छ । शवको फोरेन्सिक जाँचका कारण चिकित्सकको टोली पनि घटनास्थल पुगेको प्रहरीले जनाएको छ ।...
पूर्णपुष्टि, पुष १५
१७ दिनदेखि बेपत्ता भएको एक जना १२ वर्षीय बालकको शव फेला परेको छ । पर्वतको मोदी गाउँपालिका–६ तिलाहारका सन्देश लामिछानेको मङ्गलबार साँझ फेला परेको हो ।
प्रहरीकाअनुसार मङ्सिर २४ गते दिउँसो घरबाट गोरु फुकाएर चराउन निस्किएका बालक सोही दिन बेलुका गोरु फर्किएको र उनी नफर्किएपछि गाउँलेहरूले खोजी सुरु गरेका थिए ।
फेला नपरेपछि डिमुवा प्रहरी कार्यालयमा २७ मङ्सिरमा खबर गरेका थिए । प्रहरीकाअनुसार सुस्त मनस्थिति र बोलीमा समस्या भएका कारण उनको उद्धार समयमा हुन नसकेको हो ।
जङ्गली जनावरले शरीरका विभिन्न अङ्ग खाएको अवस्थामा शव फेला पारेको प्रहरीले जनाएको छ । बालक रात्माटा र दराकको बीचमा पर्ने खोपी भन्ने स्थानमा मृत अवस्थामा फेला परेको हो । उनको मृत्युको यथार्थ विवरण भने खुल्न बाँकी रहेको प्रहरीले जनाएको छ ।...
पूर्णपुष्टि, पुष १४
सहकारी संस्था तथा पसलहरुमा चोरी गर्दै हिँड्ने एक गिरोहलाई प्रहरीले पक्राउ गरेको छ । रातको समयमा चोरी गर्दै हिँड्ने पाँच जना र चोरी गरिएका सामान खरिद गर्ने अर्का एक जनालाई अपराध महाशाखाको टोलीले पक्राउ गरेको हो ।
महाशाखाका अनुसार रातको समयमा सहकारी संस्था तथा पसलहरूमा चोरी गर्दै हिँड्ने गिरोहका रोशन उप्रेती, राम पुनित महतो, राम बाघदास, राजु गुप्ता भन्ने राम विश्वास महतो, अशोक कुमार महतो र कवाडी पसल सञ्चालक शत्रुधन प्रसाद जयसवाल पक्राउ परेका छन् । उनीहरुलाई चोरीको सामान सहित पक्राउ गरिएको महाशाखाले जनाएको छ ।
गत मंसिर ११ गते थानकोटस्थित विशाल प्लाष्टोक्याव ई. प्रालिबाट राती साढे १२ देखि २ बजेको समयमा पाइप बनाउन प्रयोग हुने तामा र पित्तलबाट बनेको साइजर तथा तामाको तार समेत गरी १८ लाख ७६ हजार ४ सय बराबरको धनमाल चोरी गरेको घटनाको अनुसन्धानका क्रममा उनीहरु पक्राउ परेका हुन्...
पूर्णपुष्टि, पुष १४
पाँचथरमा एकै परिवारको तीन घर जलेर नष्ट हुँदा ५० लाख बराबरको क्षति भएको छ । जिल्लाको फालेलुङ गाउँपालिका–३ ताङ्लेपामा आगलागी हुँदा तीनवटा घर जलेर नष्ट भएको हो ।
ताङ्लेपाका पूर्णबहादुर केरुङको भान्साघरबाट मंगलबार मध्यरातदेखि सुरु भएको आगलागी केरुङकै अन्य दुई घर फैलिएको थियो । काठ र टिनले बनेको भान्साघरमा लागेको आगो नियन्त्रण गर्न नपाउँदै अन्य घरमा सल्किँदा घरमा भएका सम्पूर्ण मालसामान, लत्ताकपडा, नगद तथा गरगहना जलेको जिल्ला प्रहरी कार्यालय पाँचथर जनाएको छ ।
आगलागी बिहान १० बजे मात्रै पूर्ण नियन्त्रणमा आएको थियो । आगलागीमा करिब ५० लाख बराबरको क्षति भएको प्रारम्भिक अनुमान गरिएको प्रहरीले जनाएको छ । आगलागीको कारण भने खुल्न नसकेको जनाईएको छ ।...
पूर्णपुष्टि, पुष १४
झापा र मोरङका दुई छुट्टाछुट्टै स्थानबाट मंगलबार राती लागुऔषध ब्राउनसुगर र ट्याब्लेट सहित चार जनालाई प्रहरीले पक्राउ गरेको छ ।
ईलाका प्रहरी कार्यालय झिलझीलेबाट खटिएको प्रहरी टोलीले मंगलवार राती साँढे ६ बजेको समयमा शिवसताक्षी नगरपालिका–११ बाट ३ जनालाई लागुऔषध ब्राउनसुगरसहित पक्राउ गरेको हो । पक्राउ पर्नेहरुमा स्थानीय २१ वर्षीय सौरभ कडरिया, २२ वर्षीय निशान न्यौपाने र याशोक गाउँपालिका–२ पाँचथर घर भई सोही स्थानमा बस्दै आएका २८ वर्षीय प्रकाश खड्का रहेका छन् ।
उनीहरुको साथबाट प्रहरीले ३ ग्राम ५०० मिलिग्राम लागुऔषध ब्राउनसुगर र नगद सात हजार बरामद गरेको छ । यसैगरी मोरङको बिराटनगर महानगरपालिका–६ बाट लागुऔषध ट्याब्लेटसहित एक जना पक्राउ परेको छ । मंगलबार राती ९ बजेको समयमा सिआर भि पोस्त केशलिया मार्गबाट खटिएको प्रहरी टोलीले धरान उप–महानगरपालिका–८ का ३८ वर्षीय अम्बर बहादुर गदाल...
पूर्णपुष्टि, पुष १४ रोटरी क्लब विराटनगरको अध्यक्षमा कविन श्रेष्ठ चयन भएका छन् । धनकुटाको हिलेमा सम्पन्न रोटरी क्लव विराटनगको भेलाले प्रथम उपाध्यक्षमा मनोजविक्रम शाह, सचिवमा शिवप्रसाद अधिकारी, सहसचिवमा प्रभु तोदी, कोषाध्यक्षमा नरेश राठी र सहकोषाध्यक्षमा पूजा सिंह चयन गरेको हो ।
यस्तै सदस्यता विस्तारमा कोपिला अग्रवाल, क्लब प्रशासकमा सरिता अग्रवाल सेवा परियोजनामा नन्दीप अग्रवाल, सार्वजनिक सम्पर्क अधिकारीमा विनिता धाडेवा, रोटरी कोषमा राजकुमार शर्मा, युवा सेवामा विनोद अग्रवाल प्रमुख (संयोजक) छन् । सचेतकमा प्रविण अग्रवाल, क्लब सम्पादकमा दिनेश गडतौला, सल्लाहकारमा बेनीगोपाल मुन्दडा, प्रशिक्षकमा बद्री कटुवाल, सूचना प्रविधि व्यवस्थापनमा इन्द्रकुमार पौडेल, वेव डिजाइनरमा हितेष झुनझुनवाला छन् ।
निर्वाचन समितिका प्रमुख आयुक्त बेनीगोपाल मुन्दडा र आयुक्तद्वय डा बिजु थपलिया र विनोद अग्रवालको टोलीले उ...
पूर्णपुष्टि, पुष १३
एक अपरिचित समूहद्धारा एकैसाथ पाँच पसलमा आगजनी गर्दा लाखौँको क्षति भएको छ । जिल्लाको एकडारा गाउँपालिका–३ भटौलिया बजारमा गएराति आगजनी हुँदा स्थानीय रामएकवाल, योगेन्द्र साह र मङ्गल साहको चिया पसल साथै राजकुमारी साह र शम्भु साहको खाजा पसल पूर्णरुपले जलेर नष्ट भएको हो ।
नचिनेको समूहले गएराति करिब ९ बजेको समयमा आगजनी गरेको थियो । आगो नियन्त्रणमा लिन नसक्दा सबैथोक जलेर नष्ट भइ लाखौँको क्षति भएको प्रहरीले जनाएको छ ।
आगजनीबाट पाँचवटै पसलभित्र रहेका विभिन्न खाद्यान्न, कुर्सी, बेञ्च, टेबुल, फ्रिज, भाँडाकुँडा, ग्याँस सिलिण्डर, चुल्हो र घरसमेत जलेर पाँच लाख रुपैयाँभन्दा बढीको क्षति भएको पसलेहरूले बताएका छन् । पसलमा रातिको बेला कोही नभएको अवस्थामा आगजनी गरिएको थियो ।...
पूर्णपुष्टि, पुष १२
प्रकृतिकरुपले सुन्दर रहेको उदयपुरमा प्याराग्लाईडिङ्गले एकपछि अर्को सफलता हात परेको छ । जिल्लाको बेलका नगरपालिकामा भएको प्याराग्लाईडिङ्गको सफलता पछि कटारीमा पनि प्याराग्लाईडिङ्ग सञ्चालन गर्न लागिएको हो ।
माथिल्लो सगरमाथा क्षेत्र भनेर चिनिने सोलुखुम्बु, ओखलढुङ्गा, खोटाङको मुख्य प्रवेशद्वारको रुपमा रहेको उदयपुरको कटारी नगरपालिकाले पर्यटन प्रवद्र्धनका लागि प्याराग्लाईडिङ सञ्चालन गर्ने भएको छ ।
प्रशस्त पर्यटकीय सम्भावना बोकेको कटारी नगरमा प्याराग्लाईडिङको माध्यमबाट पनि पर्यटन प्रवद्र्धन गर्न लागिएको पालिकाका मेयर ज्ञानेन्द्र श्रेष्ठले बताउनुभयो । त्यहाँ चारदिनअघि मात्र प्याराग्लाईडिङ्गको सफल परीक्षण उडान गरिएको उहाँले बताउनुभयो ।
नगरपालिकाको वडा नम्बर ७ स्थित मर्जेतको ७५० मीटरको उचाईबाट २५० मीटर तल वडा नं. ५ को सिमसार क्षेत्र आसपासमा झर्नेगरी प्याराग्लाईडिङ्गको परीक्षण...
पूर्णपुष्टि, पुष १२
सोलुखुम्बुमा दुई जना इन्जिनियरको मृत्यु भएको छ । जिल्लामा निर्माणाधीन सोलु दुधकोसी हाईड्रोपावरमा कार्यरत दुईजना इन्जिनियरको मृत्यु भएको हो । मृत्यु हुनेमा थुलुङ दुधकोशी गाउँपालिका–३ मा निर्माणधिन हाइड्रोपावरमा कार्यरत ईन्जिनियर अर्जुन थापा र सुवासराज रेग्मी जिल्ला प्रहरी कार्यालय सोलुखुम्बुले जनाएको छ ।
पावर परीक्षण गर्न पाइपमा हालेको पानीको फोहोराले उछिट्याउँदा उनीहरुको मृत्यु भएको हो । अछाम घर भएका सुवासराज रेग्मी माच्छापुच्छ्रे मेटल एण्ड मेकानिकल कम्पनीबाट त्यहाँ खटिएका थिए । काभ्रेको धुलिखेल घर भएका अर्जुन थापा सो कम्पनीको कन्सल्ट्यान्ट इन्जिनियर हुन् ।
सोलु दुधकोसी हाईड्रोपावर ८६ मेगावाट क्षमताको बनिरहेको छ । पानिको फोहोरासँगै उछिट्टिएर मोहम्मद जावी अख्तर रहिम समेत घाइते भएका छन् । उनलाई उपचारका लागी काठमाडौंको ग्रान्डी अस्पतालमा लगिएको प्रहरीले जनाएको छ । मृतकक...
पूर्णपुष्टि, पुष १२
मसला पिस्ने लोहोरो प्रहारबाट श्रीमतीको हत्या गरेको अभियोगमा प्रहरीले एक जनालाई पाँचथरबाट पक्राउ गरेको छ । जिल्लाको फाल्गुनन्द गाउँपालिका–२ ईम्बुङका ईन्द्र कुमार नेम्बाङलाई श्रीमतीको हत्या गरेको अभियोगमा प्रहरीले पक्राउ गरेको हो ।
पुष ९ गते दिउँसो ४ बजे सामान्य घरायशी बिषयमा वादविवाद हुँदा रिशको आवेगमा श्रीमानले आफ्नै ४५ वर्षीया श्रीमती जिवन कुमारी नेम्वाङलाई लोहोरोले टाउकोमा प्रहार गर्दा उनी घाईते भएको थिइन् । घाईते भएकी नेम्बाङको बिर्तामोडको बिर्तासिटी अस्पतालमा उपचारको क्रममा आईतबार बिहान साँढे ८ बजे मृत्यु भएको हो ।
घटनाको जानकारी पाए लगत्तै जिल्ला प्रहरी कार्यालय पाँचथरबाट खटिएको प्रहरी टोलीले घटनामा संग्लग्न नेम्बाङलाई नियन्त्रणमा लिएको हो । घटना सम्बन्धमा जिल्ला प्रहरी कार्यालय पाँचथरले थप अनुसन्धान गरिरहेको छ ।...
